مذكرات جفرسون - الشعيبة

الكاتب : في جيه | المشاهدات : 588 | الردود : 6 | ‏27 يوليو 2008
  1. في جيه

    في جيه بـترولـي جـديـد

    3
    0
    0
    مذكرات جفرسون

    كنت رايح كورس الى جزيرة موريشيوس (الله يخلي الـ كي أن بي سي).
    حضرت اول يوم والباقي لبست الشورت وطايحله تمشي بالجزيرة.
    بينما كنت اتمشى وعيوني تتبحلق اهني واهناك شفت لي خوووش قهوه
    سحبت كرسي وطلبت عصير تاقي تاقي. حطيت راسي على الكرسي
    والجو شغل عدل .... ولا شوي ولا هذا إلي قاعد يمي!!!!!
    بسم الله الرحمن الرحيم ،،، خير شتبي؟ رطن علي مافهمت شي!!!
    أشار حق قطعة خام فيها لمعه (شنه حجاب وحدة من سكرتيرات الشعيبة).
    اشتبي يبا دوختنا ؟ يؤشر للخام ويقول ماقو ماقو..... بعدين فهمت انه يقول
    حطها على راسك. قلت خل أشوف شيبي هذا قمت ولبستها ولا شوي ولا أختفي
    ومحد يشوفني... عجيب .. فصختها قلت له تبيع؟ قال واخا... قمت و شريتها.
    رديت الديره وقررت ألبسها وأروح المنفى (مصفاة الشعيبة).
    قلت كله يقولون شعيبة تعبانة و الداخل فيها مفقود والطالع منها مولود.
    خل أشوف بعيني.
    أول ما دخلت لفيت على اليمين ودخلت مبنى فيه عياده. رحت يم الصيدلية
    واتصوخ ولا هذا الصيدلي يقول حق المريض جدامك سكة سفر
    طلع الأخ متنبئ ... وطايحله مقصه .. واذا يوله حريم .. قالهم البخت على الباب.
    في نفس المبنى رحت فوق .... تمشيت بالممر شميت ريحت مرق شبزي ...
    حسيت شني داش بنيد القار ... ليش ما أدري.
    طلعت من المبنى ورحت مبنى ثاني. أول شيء شفت واحد اسمه في جيه.
    وقمت أمشي بالممرات ولا واحد يقول ذبحنا ... و واحد يقول شقنا
    وواحد عقدنا هلرخيص و دخلت قسم ولا كلهم ميانين.....
    وكلهم يقولون في صوت واحد تاقي تاقي تاقي تاقي...
    سوو حلقه دار مداري وهم يقولون تاقي تاقي..
    ياه اشصاير لا يكون اكشفوني هلميانين ... تاقي تاقي ...
    اخترعت وقمت من الكرسي ولا أثاري كنت نايم و حلمان و هلحلوه يابتلي عصير تاقي تاقي
    أشوه قعدتني ولا شان لي الحين مفقود.

    جفرسون
     
    آخر تعديل بواسطة المشرف: ‏27 يوليو 2008
  2. brilliant

    brilliant المـراقب الـعـام

    8,477
    0
    0
    Engineer
    Kuwait
    حياك الله يالغالي بالمنتدى وخوش موضوع وبدايه حلوه منك

    ننتظر احلامك الجايه ;)
     
  3. في جيه

    في جيه بـترولـي جـديـد

    3
    0
    0
    مقبوله
    brilliant: حياك الله اخوي ومسحت الاسامي من موضوعك ومسحت كلمه ... لانها ما تليق بموضوع حلو مثل موضوعك
     
  4. Export_Doc's

    Export_Doc's بـترولـي خـاص أعضاء الشرف

    2,561
    0
    0
    عجايب هههههههههه مشكووور و ماقصرت
     
  5. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    :)


    مذكرات جميلة جدا


    لكن ماذا تعني تاقي تاقي لو سمحت
     
  6. sosha

    sosha بـترولـي نشيط

    في جيه اسم دكتوري.. اول مرة ادري ان البترول يدزون موريشيوس..
     
  7. شعيباوي

    شعيباوي بـترولـي نشيط جدا

    362
    12
    18
    الشعيبة

    صراحة موضوعك حلو و أنا متأكد إنك من الشعيبة. صحيح إن بعض الناس في الشعيبة يمكن يكونون غير عن باقي الناس بالمصافي الأخرى بس هذا طبيعي بسبب ظروف الوحدات و العمالة التي توفر للشعيبة في أوقات الصيانة. من بد المصافي الشعيبة تحصل ال لفت أوفرز. و يبون يصلحون كل شيء بأقل تكلفة. أما بالنسبة للتصرفات الشخصية فهي طبيعية في ظل غياب نظام موحد للعمل ما بين المصافي الثلاث و غياب التدريب المستمر. و على قول سوبر مان الشعيبة: كل شي موجود باللإنترنت ليش تدريب و ليش صرف فلوس !!!
    تاقي تاقي تاقي آش آش آش ;)
     
جاري تحميل الصفحة...

مشاركة هذه الصفحة