رساله الى الدكتور عاصم (عيادة مصفاة الشعيبة)

الكاتب : راشد1981 | المشاهدات : 1,968 | الردود : 18 | ‏26 يوليو 2008
  1. راشد1981

    راشد1981 بـترولـي جـديـد

    35
    0
    0
    الدكتور عاصم انسان محترم جدا ومؤدب وذو اخلاق عاليه ومتفهم وعندما حدث مع احد الزملاء موقف قلت في نفسي لابد للدكتور ان يعرف المستور في عيادة مصفاة الشعيبه............ ذهب زميل لي الى العيادة وكانت حرارته وصلت الى 38,5 وكان يعاني من التهاب حاد في القصبات وعندما كشف عليه الدكتور قال له خذ بندول ومضاد من نوع اي كلام مع العلم انه يوجد مضادات ممتازه فطلب زميلي حقنه لتخفيف الحراره لانه كان يعاني فرفض اعطاءه الدكتور بحجة انه لايوجد حقن مخفضة للحراره فغضب زميلي وذهب الى المستوصف البريطاني وعندما كشف عليه وجد حرارته ارتفعت الى 39 فاعطاه مباشرة حقنه للحراره ووصف له مضاد ممتاز وحبوب مخفضه للحرارة في حالة اللزوم ............ الحاصل من الموضوع انه في هذه العيادة يوجد دكتور متخصص في معاملة الكويتيين كانهم خدم عنده وهو فلسطيني ولكن جنسيته اخرى وهناك ادويه تعطى لناس دون عن ناس اخرى لانهم طبعا معرفه واذا كان هناك دواء ممتاز يخفونه للاصدقاء (الجماعه) دكتور عاصم لابد من معالجة هذا الخلل في العيادة اللتي سئم العاملون من التردد عليها لان الادويه اي كلام وغير متوفره وكذلك الحقن ........ افرض انه اتى للعيادة مريض حرارته 40 ومحتاج لحقنه بسرعه هل تتركونه يموت ؟؟؟؟؟؟؟ السؤال للدكتور عاصم وانا كلي ثقه فيه لما عرفته عنه من تفهم تام لمثل هذه المواضيع وهو لايتردد في مساعدة الجميع وارجو معالجة الخلل في العيادة وجلب احسن الادوية وتوفير جميع انواع الحقن المسكنه والمضادات وشكرا
     
  2. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    لا حياة لمن تنادي

    الواحد الله يكفينا الشر بيموت وبيقعد من الموت وبيرجع يموت ومحد فزعله لا بأبرة ولا بغيره
     
  3. اطفائي محترق

    اطفائي محترق بـترولـي خـاص

    1,187
    0
    0
    اشب الضيان
    الشعيبه
    صار لي نفس الموقف مع نفس الدكتوور ... كأنه يدفع قيمة العلاج من جيبه الخاااص

    كل هذا حقد ..والله العظيم اني لما دخلت عنده وشفت اسلوبه معاااي كرهت نفسي. لابد ان يكون هناك موقف واحد ضد هذا الدكتور كي يقف عند حده .. او يشوف له ديره ثانيه ياكل منها عيش ويدوس على اهلها ..

    نبي موقف ياأبناااء الشعيبه .ز
     
  4. كنبس

    كنبس بـترولـي مميز

    814
    0
    0
    اضم صوتى معاكم اخوانا بالشعيبه
    واقول الله يعينكم من وين تلاقونها ولا من وين ؟
    اكتبو اسم الدكتور الفلسطيني خل نعرفه والناس تعرفه اكثر
    وثانيا لو تقدرون تتصلون على الدكتور محمد عاصم وهو اكيد ماراح يقصر بس كثر عليه الاتصالات
    او اذا ماتقدرون فى صندوق بكل عياده للاقتراحات والشكاوى اى واحد يكتب ورقه وكثرو منها وهى توصل لعاصم
    واخيرا الله يوفقكم ويديم الصحه عليكم يارب
     
  5. عمليات الشعيبة

    عمليات الشعيبة بـترولـي نشيط جدا

    242
    0
    16
    ذكر
    ccr operator
    مصفاة الشعيبة
    هذا الدكتور نحيس وجنه يعطيك الدوا من بيتهم اللي بفلسطين وكذا مره اروحله واسلوبه كلش مو شي جنك اطر منه عشان يعالجك
     
  6. MAB12

    MAB12 بـترولـي مميز

    انا اضم صوتي لاخوي كنبس واتمنى الموضوع يوصل للمسؤولين ( شدعوى بيصير شي ) ولازم يتخذون اجراء
     
  7. شعيبي

    شعيبي بـترولـي جـديـد

    16
    1
    3
    مشغل غرفة تحكم أول
    الكويت
    كلام صحيح

    اي والله هالدكتور تعبان وشايف نفسه ومغرور وعلى فكره عنده جنسية كندية علشان جذيه شايف
    نفسه بس لازم شكوه جماعية علشان يعرف ان الله حق وانا اول واحد شكاي
    والدواء كأنه يايبه من بيتهم الله يعز شركة البترول
     
  8. السراب

    السراب بـترولـي نشيط

    105
    0
    0
    افا يا اهل الشعيبه ماندلون العلاقات الصناعيه تراها اقرب من النقابه بس مايبيله ماكنكم من اهل البلد شخسرانين ليش حاطين علاقات صناعيه وتيم ليدر مو بس لاهل الغياب والمرضيات عيبنا اننا نخاف لا يبه مايبيلها الا ورقه وقلم ودوروا على ربعكم قسم قسم اجمعوا 30 اسم بس وتقدموا بكتاب للعلاقات الصناعيه ونسخه للنقابه علشان تخفظون حقكم اذا خايفين
     
  9. اطفائي محترق

    اطفائي محترق بـترولـي خـاص

    1,187
    0
    0
    اشب الضيان
    الشعيبه
    طيب نبي ورقة شكوى فيها توقيع جميع من تضررروا من هذا الدكتور ....

    يالله شدوا الهمه ..
     
  10. hashemknpc

    hashemknpc بـترولـي نشيط جدا

    194
    0
    0
    operation
    Shuaiba-City
    كلام جميل

    والفعل ان شاء الله بالطريق

    والله يعين الجميع على هذا الدكتور التعبان

    والكل يشتكي من هذا الشخص المريض نفسيا
     
  11. القائد

    القائد بـترولـي خـاص

    2,089
    0
    0
    اولا شكرا لك اخوي راشد على الكلام اللي قلته في حق الدكتور ثانيا انت عارف ان الطبيب اهو صاحب القرار واهو يحدد اذا كنت تحتاج ابره او لا !!!!!! وعارف كمان ان العيادات الخاصه هدفها ربحي بحت !!!!!!! بس الادويه حق ناس وناس هذي ماعتقد ........... عموما انتوا اكتبوا شكوى اذا كنتوا مظلومين وانشالله خير
     
  12. SAD_SHU

    SAD_SHU بـترولـي خـاص

    2,276
    0
    0
    يا جماعة أنا أقول تأكدوا من الموضوع بالأول لا يكون مجرد موقف شخصي
    أو تلفيق
    لأن في شعيبة اي موقف شخصي صار منبع للإشاعات
    وأتمنى من صاحب الموضوع تزويدي بتفاصيل أكثر حتى نتبين و إذا شفت إن في دلائل تأكد إني راح أكتب الشكوى بخط إيدي لكن التأكد واجب
    وشكراً
     
  13. القائد

    القائد بـترولـي خـاص

    2,089
    0
    0
    بنتظار رد صاحب الموضوع يالاسد ومشكور :)
     
  14. اطفائي محترق

    اطفائي محترق بـترولـي خـاص

    1,187
    0
    0
    اشب الضيان
    الشعيبه
    ارجو منكم زيارة العياده في وقت دوام هذا الدكتوورر ..

    حتى تتأكدوا من صحة الشكاوي ..

    من غير الرجووع الى صاحب الموضووع ..
     
  15. Planning

    Planning بـترولـي نشيط

    115
    0
    0
    أموت بالتخطيط والخطط
    الكويت
    صحة وعافية

    في البداية أتمنا من صاحب الشكو أن يكون بصحة وعافية
    ولدي سؤال للجميع لو سألتكم من قام بتعين هذا الدكتور هل هو الدكتور عاصم
    ومن يكتب تقاريره السنوية
    ومن يقيم الخدمات الصحية بالشركة
    ومن يسعى لتقديم خدمات متطورة وأجهزة جديدة داخل العيادات بالمصافي الثلاث
    ومن يأمر بعدم منح الطبيات إلي بأضيق الضروف (يعني لما يكون الواحد بيموت) الله يبعد عنا وعنكم الشر
    عندما تعرفون أجابة هذي الأسألة أرجو من صاحب الشكو أن يقدمها للمسؤلين وليس لمن ليس لدية القدرة على شيئ لأن هناك من هو أعلا منه ويتحكم بكل شيئ وهو مطيع لأوامره فهو مجرد كبير أطباء
     
  16. oo00oo

    oo00oo بـترولـي جـديـد

    1
    0
    0
    السلام عليكم

    بداية .... أحب أشكر الأخ صاحب الموضوع وصاحب الشكوى ...

    ثانيا... آنه أحد المتضررين من هذا الدكتور المريض نفسيا ... وما احب أدش العيادة في حالة وجود هذا الشخص في العيادة ...

    وما احب اقابله أو أدخل عليه إذا كنت محتاج لعلاج ...


    صارت لي سالفه معاه قبل تقريبا اربعة أشهر ... وقدمت شكوى خطية فيه في نفس يوم دخولي عليه ... وسلمتها شخصيا للشفت كنترول .... وهو بدوره قدمها للتيم ليدر .... وبالفعل .. أخذت الشكوى مجراها ... إلا أنه تم تدخل عدة أشخاص للتوسط وسحب شكوتي ... وأنا رفضت

    بعد عدة أيام ... إتصل فيني التيم ليدر ... وأخبرني بأنه سوف يرفع شكوتي إلى العلاقات الصناعية حالا في حالة عدم رفضي لسحب شكوتي ...

    وأخبرني بأن هذا الشخص (( ما احب اتلفظ بكلمة دكتور )) تم نقله إلى عيادة المبنى الرئيسي قبل يومين ... أي قبل ما يتصل فيني التيم ليدر ...

    وقال لي .. ها .... شرايك الحين ... آنه سمعت بأنك راح تسحب شكوتك ... مع إني ما سحبتها ولا بلغت أحد بأني راح أسحبها ...

    فقلت له منو قال لك بأني راح اسحب شكوتي ... قال لي فلان الفلاني ... وهذا الفلان الفلاني الله يحفظه .. عزيز على قلبي .. وصديق ... وما حبيت اكسر كلمته جدام التيم ليدر ...

    فقلت له ..أوكي .. طالما تم نقله إلى مكان ثاني غير شعيبه .. أوكي ... أسحب شكوتي ...

    قال لي خلاص .. يعني مافي علاقات صناعية ...؟؟؟ ... قلت له أوكي .. مافي .. إذا راح يتم الوضع على هالحال ... يعني يتم خارج مصفاة الشعيبه ..

    وعلى هالأساس وافقت على سحب شكوتي ...


    بعد شهر .... أدش العيادة ... أشوف أخينا بالله موجود ... ! ! ! ! ! ! ! ! ! ! ! ! !

    هااااااااااا .. هذا شيابه هني ..؟؟؟؟

    مو نقلوه للمبنى الرئيسي ؟؟؟؟؟

    شيابه مره ثانيه هني ...؟؟؟

    وقتها .... تحسفت على سحب شكوتي.. وتضايقت حيل ...


    الحين خلونه نسمع سالفة شكوتي بالضبط .... وإنتوا حكموا على هالشخص .. هل ينفع بالفعل أن يكون دكتور ...؟؟؟

    أو .. هل ينفع بأن نطلق عليه لفظ إنسان ؟؟؟؟؟


    سلمكم الله السالفه بدت في الساعه العشرة والربع من مساء أحد الأيام ... وكان دوامي ليل .. يعني الساعه 11 ...

    فقلت أروح مبجر عشان ادش على العياده وآخذ علاج ... لان فيني صداع مزمن بعيد عنكم ... وكان وقتها راسي بينفجر... وتوه بداية الشفت ...

    دشيت العياده .. إتجهت ناحية الإستقبال ... عطيته رقمي .... وإنتظرته ياخذ ملفي ويدخله على الدكتور ويناديني ....

    صارت الساعه 10:20 ...
    صارت 10:30
    صارت 10:35

    هاااا .. وينه هذا ؟؟؟

    رحت للممرض الهندي .. وقلت له وينه الدكتور .؟؟؟

    قال لي موجود .... قلت له وين موجود ... ماكو أحد بالغرفه ؟؟؟

    قال قاعد يتكلم تليفون ...


    كنت أسمع صوت شخص يتكلم بالتليفون .. بس مو بالغرفه ... بالممر ... وكان واقف مقابل باب الإسعاف .. لكن ما اعرفه منو هذا

    لأني أول مره أشوف هالشخص هني ...

    الممرض راح كلمه .. وقال له في مريض ينتظر ..

    آنه وقفت عند باب الغرفه .. وتميت وطالعه (( الدكتور )) من بعيد ... اشفه ماسك الموبايل .. وطايح له هذره ... ويشوفني واقف عند الباب .. ولا بالبال ....


    اطالع الساعه .... صارت 10:45 ... يعني باجي ربع ساعه ... وما رارح يمدي أدش الوحده .. راح أتأخر ...

    ناديت عليه من بعيد .... قلت له دكتور شسالفه .... لمته انتظر واقف ؟؟؟؟

    ما رد علي ... بس بدأ يمشي بخطوات بطيئه وكأنه يمشي على بيض .. وماسك التليفون ويتكلم ...

    وصل للغرفه وبعده يتكلم ...

    دش الغرفه وبعده يتكلم ...

    قعد على الكرسي .. وبعده ماسك التليفون ويتكلم ....

    ييت قعدت على الكرسي جدامه ... والأخ بعده يتكلم ...

    صارت 10:50 .. وهذا بعده يتكلم .. ومو معطيني ويه ...

    جان أطق على الطاوله بكل قوتي .. واقول له وبعدين معاك .. مو شايف أحد جدامك ؟؟؟؟ .. لمته أنتظر حظرة جنابك تتكلم ومطنشني .؟؟؟؟

    نزل التليفون من على إذنه .. وقال لي .. نعم ..... خير ..... عاوز إيه ؟؟؟؟

    قلت له .. لا والله .... من الساعه 10:15 وآنه انتظر حظرت جنابك إلى الحين .... وياي تقول لي عاوز إيه ؟؟؟؟؟

    ولا يهمك المريض الموجود ؟؟؟؟

    وجنك ما تدري بأن في شخص ناطرني بالوحده عشان أمشيه وأحل مكانه ...؟؟؟؟!!!!!!!!!!!!!!!

    جان يقول لي .. يعني مين المستنيك .... سمو الأمير ؟؟؟؟

    قلت ... أوه أوه أوه.... بعد .. فيها سمو الأمير ...

    يكلمني وهو يتهاوش .. ويحرك إيده .. وكأنه مو عاجبه الوضع ...

    قمت من على الكرسي .. مسكت التليفون .. إتصلت على الشفت ليدر .. وقلت له عندي شكوى على الدكتور الموجود حاليا ...

    قال لي أي دكتور شسمه ..؟؟؟

    ما اعرف إسمه .. لاني اول مره أشوفه ...

    سألته .. شسمك ؟؟؟

    ما رد علي ..

    إنت هي ... شسمك ؟؟؟

    ما رد ...

    قلت للشفت ليدر مو راضي يرد . .ولا راضي يقول إسمه ...

    قال لي الشفت ليدر .. . خل يعالجك وبعدين تعال إكتب شكوتك وقدمها لي اليوووووووووووووووووووووومممممممممممممم

    سكرت التليفون .. وقعدت جدامه .. وآنه متنرفز وراصي مصدع ويبي ينفجر ...

    قلت له .. إنت هذا إسلوبك على طول ...؟؟

    قال لي .. وإنت مالك ومال إسلوبي .. نعم عاوز إيه ... آنه ما أشتغل عندك

    قلت له غصبا عليك تشتغل عندي ....

    إنت بكبرك هني حطوك عشان تعالجني و تعالج كل مريض هني ... يعني يابوك من ديرتك عشاني وعشان أمثالي ...

    قال لي آنه ما أشتغل عندك وقوم إطلع بره ...

    قلت له لا والله .. تطردني بعد

    آنه أعلمك وأراويك ...

    جان يوقف ويقول لي تعال إضربني كف ...

    قلت له .. لا .. ما اضربك .. آنه صاحب حق الحين .. وما احب أطلع من هني وأكون آنه الغلطان .. بس آنه اراويك شغلك

    قام يصارخ وينادي الممرض صالح بصوت عالي .. يا صاااالح .. يا صاااااااااااالح .. تعال خذ ده وطلعه بره ...

    صالح دخل الغرفه ومسكني ... قلت له إن حطيت إيدك علي... راح أحطك معاه في التقرير ...


    الأخ سمع فيها تقرير وشكوى .... قال لي نعم .. شفيك ... سويت لي مشكله من بداية الشفت على شنو ..؟؟؟

    قلت له بتعالج ولا لا ؟؟؟

    قال شفيك .. .طبعا وهو يصارخ .. قلت له لا تعلي صوتك .. وإحترم نفسك ...

    وتعال قيس ضغطي ... لأن ضغطي مرتقع وفيني صداع مزمن ...

    قال نعـــــــــــــــــــــــــــــــــــــــم ..... عملت لي مشكله .... عشان ضغطك والصداع ؟؟؟؟؟

    آنه ما اقيس ضغطك .. وقوم إطلع بره

    قلت له يعني ما تعالج .. قال لا ...

    قلت له زين .... يصير خير .... اراويك شغلك...


    هديته .. وعلى طول للشفت ليدر ... شرحت له الوضع واللي صار من طق طق لسلام عليكو

    قال لي إكتب كل كلمه ذكرتها ...


    كتبت الشكوى ... وقدمتها له .... ورحت للوحده... وراسي مصدع .. وضغطي مرتفع

    قوم يا شفت ليدر وإتصل على الممرص صالح ... عشان يستفهم منه الوضع ...

    صالح نكر كل شي ...

    قال آنه ما شفت شي ولا أدري عن شي .. والدكتور ما غلط عليه...

    قوم يا شفت ليدر وإتصل فيني ...

    وقال لي إنت متأكد من اللي صار ...؟؟؟

    قلت له عن شنو بالضبط ..؟؟

    قال صالح الممرض نكر كل شي .. وقال الدكتور ما غلط عليه ...

    قلت أولا .. صالح جذاب ... وإنت تعرف صالح وتعرف أخلاقه ...


    ثاني شي ... صالح ما شاف أي شي من اللي دار في الغرفه .... لأنه توه داش الدوام ... واللي كان موجود هو الممرض الهندي.. مال الشفت اللي قبلنه... فصالح شدرااااااااااااااااااااااااه ؟؟؟؟؟



    قوم يا صالح وإتصل فيني بعد ربع ساعه من كلامي مع الشفت ليدر ...

    وقال لي بأنه ما يدري عن شي ... لأنه ما شاف شي ...

    قلت له طيب .. لو إنت ما شفت شي .. وما تدري عن شي غير إنك دخلت الغرفه وهو يصارخ ويناديك .... عيل شلون تقول للشف ليدر بأنه الدكتور ما غلط علي ؟؟؟؟؟؟


    المهم .... طالت السالفه.... وصار اللي صار ... والشكوى صار مصيرها سلة المهملات من بعد ما سحبتها ...


    وهذي غلطتي .....

    مو بس جذي .... كل اللي يجرى من وره هالشخص هذا اللي مسمي نفسه دكتور بسبب سحبي للشكوى ...

    وصدقوني متضايق حيل من هالشي... والعن اليوم اللي سحبت فيه الشكوى ...


    وطبعا صار لي موقف ثاني معاه ... قبل ثلاثة أسابيع تقريبا ... وما كنت أدري بأنه موجود في العياده.. ودخلت الغرفه وأتفاجأ بأنه موجود



    والكل يتذمر من هالشخص .... كل الموظفين بدون إستثناء .... المصري .. الهندي .. الباكستاني .. الكويتي .. يتذمرون منه


    طيب .... والحل ...؟؟؟

    ليش هادينه ...؟؟؟

    ليش مخلينه جذي ..؟؟؟

    ليمته نسكت ..؟؟؟

    مع العلم .... إشتكيت عليه في المره الثانيه عند الدكتور عاصم ..

    قال لي .. هو كده .. نعمل إيه

    وكأن الدكتور عاصم ما بيده شي ...


    طيب يا دكتور عاصم .... مثل ما نقلته المره السابقه ودزيته المبنى الرئيسي ... شيله هالمره .. شتنطر ...؟؟؟


    ينطر شكو ثانيه من عدة موظفين ...

    يالله يبا ...

    حيلكم


    سألوا كل الربع اللي في المصفاة عن هالشخص وطريقة معاملته ...

    إنت روح دش عليه .. وكأنك تبي علاج .. وشوف طريقة معاملته ..... وبعدين إحكم ....


    سامحونه على الإطاله ...

    وإحط إيدي على إيدكم ...

    وآنه أول شخص أوقع على كتاب نقله أو الشكوى المقدمه ضده ...



    تحياتي



    .
     
  17. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    السلام عليكم ورحمة الله وبركاته

    بعد السؤال عن هذا الدكتور تبين انه شخص غير مرغوب فيه عند اغلب الموظفين لكثرة مشاكلة
    وهناك اكثر من شكوى عليه ... وقد تم نقله من مصفاة الأحمدي بسبب شكوى سابقه .

    لذلك ارجوا من المسؤلين اتخاذ الإجراء اللازم بحق هذا الطبيب.
     
  18. بوغدير

    بوغدير بـترولـي مميز

    814
    0
    0
    ***الله يعينكم على هالدكتور هذا ويعينا على هالمستشفى .........الله يكون بالعون.....الفلسطيني اكتبوا شكوى وكثروا منها لين ينفضح بالاداره..
     
  19. وحش المقوع

    وحش المقوع بـترولـي جـديـد

    41
    0
    0
    بسم الله والصلاه والسلام على رسول الله

    يا جماعه الموضوع ما ينسكت عنه مو كل شخص يروح مريض ويشوف هالانسان ما ابي اقول دكتور لان الكلمه اكبر منه ويشوف شي ما يعجبه يسكت وياخذ الدواء ويطلع لا يا جماعه بسكم خوف والله ان سكتو فانتو اللي راضين على نفسكم الظلم والمهانه ولا شنو دكتور ابيه يعالجني جني اطر منه لحد يسكت وكبرو الموضوع واشتكو ولا يهمك احد عالشخص هذا ما ينفع فيه لا حشمه ولا غيره ولازم يتربى وينداس على راسه 0000واعيد واكرر لا ترضون الظلم على انفسكم وفي اكثر من حل له المشكله عندكم علاقات عامه وعندكم ايميلات دزوها للموظفين وعندكم اى واحد من هالفحوله وزعو ورقها للشفتات ووقعو عليه واذكر اعفنته وياخذها واحد منكم وينسخه ستين نسخه ويوزعها على كل مسؤل من اعلاقات الصناعيه على التيم ليدر على رئيس المستشفى على العالاقات العامه افضحوه هالواطي ويمكن اهو الحين يقرا رسالتي بس عساك اتطيح فيني 00000
     
جاري تحميل الصفحة...

مشاركة هذه الصفحة