البانزين صار بربع

الكاتب : ابوجمانه | المشاهدات : 1,049 | الردود : 10 | ‏23 يوليو 2008
  1. ابوجمانه

    ابوجمانه بـترولـي نشيط جدا

    237
    0
    0
    بالأمس القريب رفعت شركة البترول الوطنية سعر البانزين واستحدثت بانزين من نوع خاص (خالي من الرصاص) بحجة انه يحافظ على البيئة (قلنا ماشي أمرنا لله نحافظ على البيئة) وشفنا انه البانزين صار خفيف ويتبخر بسرعة (يعني زادت التكلفة على المستهلك صار يعبي مرتين بالاسبوع بدل مرة واحدة)

    هم رضينا بالواقع وقلنا عشان صحة عيالنا وبلدنا (من حبنا لها نضحي لها)

    الحين طالعتنا الشركة مرة أخرى ببانزين من نوع آخر بحجة انه يحافظ على البيئة ، شنو يعني البانزين السابق طلع خرطي والا هو سياسة تنفيع وضحك على الذقون؟؟؟؟؟؟؟؟؟؟؟؟؟

    تدرون شنو المصيبة انه البانزين هذا سعره اكثر من ربع دينار بمعنى انه خمس أصعاف السعر الحالي
    هذي كارثة اشلون الناس تقدر تتحمل هذه التكلفة يمكن يقول البعض انه هذا سعر غير وانه البانزين القديم موجود انا أجزم لكم بأنه راح يتغير ليتواكب مع الساعر الجديد ابور ربع

    الظاهر هناك توجه لأنه يكون البانزين على البطاقة التموينية (مع انه ادارة التموين خفضت كمية المواد التموينية المصروفة للمواطن)

    تدرون شنو ميزة هذا الوضع راح تخف الزحمة وتنزل أسعار السيارات وتقل نسبة سائقي السيارات يعني ماكو زحمة

    بس المصيبة انه راح ترتفع أسعار الدرجات الهوائية والقواري لأنه الجميع راح يركب الدراجة الهوائية عشان يروح دوامه

    اهني سؤال الفقير المسكين المريض اشلون باجر يقدر يروح يتعالج اذا مرض تالي الليل وماعنده حق البانزين؟؟؟؟؟؟؟؟؟

    اشلون البانزين يرتفع في بلد منتج ومصدر للنفط ويعتبر من أغنى بلدان العالم ، انا ما ألوم سوريا لما ارفعت سعر البانزين والديزل وحولته على البطاقة التموينية (لأنها بلد فقيرة نسبيا) لكن الخليج هل هو من الدول الفقيرة؟؟!!!!​
     
  2. ابوجمانه

    ابوجمانه بـترولـي نشيط جدا

    237
    0
    0
    انا اسف اني طولت عليكم وضيقت خلقكم لكن فكروا بهذا الموضوع بجدية راح تلاقون ابعاده خطيرة مثل مشروع الرؤيةوالخصخصة وتقنين مادة اليوريا في البتروكيماويات
     
  3. brilliant

    brilliant المـراقب الـعـام

    8,477
    0
    0
    Engineer
    Kuwait
    لا تعبي من هالنزين الوردي

    عب نفس القديم
     
  4. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    نتمنى من المسؤولين الذين أقسموا على كتاب الله أن يحافظوا على كرامة المواطن و يراعوا أصحاب الدخول المحدودة أن يبروا بقسمهم و ان لا تزيد الاسعار أكثر مما هي الآن
    و الله يستر
     
  5. بوغدير

    بوغدير بـترولـي مميز

    814
    0
    0
    الله يعين اهل الكويت من البطانة الجشعة من التجار...
     
  6. صرخة ضمير

    صرخة ضمير بـترولـي نشيط

    66
    0
    0
    الله يعين اهل الكويت من البطانة الجشعة والقذره من التجار...





    ويا كثرهم
     
  7. المنصور

    المنصور بـترولـي خـاص أعضاء الشرف

    اتوقع ان سعره مرتفع لأن تكلفة انتاجه عالية

    ويمكن حاله من حال بانزين (ألترا)

    ننتظر معلومات اكثر عن هالبانزين الجديد
     
  8. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    الله يستر من الغلاء القادم ، و توقعوا إرتفاع اللتر للبنزين الممتاز أو الخصوصي ل 100 فلس للتر
    و يجب على المؤسسة التشريعية وضع ضوابط لضمان عدم إرتفاع أسعار البنزين العادي و تبعا
    لإرتفاعه سيرتفع سعر كل البضائع متعللين في غلاء أسعار الوقود
     
  9. brilliant

    brilliant المـراقب الـعـام

    8,477
    0
    0
    Engineer
    Kuwait
    يا جماعه شفيكم متشائمين الاسعار ما تغيرت ولا راح تغير

    هالنوعيه محطوطه حق سيارات معينه اصلا ما تجي الكويت الا طلبيات خاصه ومحد راح يعبي منه غيرهم

    اما البانزين القديم الخصوصي والممتاز بيظل نفسه ونفس سعره
     
  10. المنصور

    المنصور بـترولـي خـاص أعضاء الشرف

    طبعا لا تنسون ان احنا دولة منتجة ومصدرة يعني اسعارنا ثابته ان شاء الله على ماهي

    السعر راح يزيد عند الدول اللي ماعندها انتاج او انتاجها قليل وتكون مستوردة

    لأنهم يشترون البرميل بأكثر من 100 دولار فأكيد اسعارهم راح يصاحبها ارتفاع

    وهاذي علاقة طردية بين الاثنين (سعر الاستيراد + سعر بيع المنتج) بحيث اذا ارتفع الاول راح يرتفع الثاني

    وان شاء الله مافي خوف علينا
     
  11. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    يا إخوان ، و من واقع تجربة ، سؤال كم مرة زاد سعر البنزين (الممتاز و الخصوصي و الديزل ) في الكويت من بعد التحرير إلى الآن ؟

    ماذا ترتب على آخر زيادة في سعر البنزين من غلاء أسعار بعض البضائع ؟

    و كنا و مازلنا دولة مصدرة و منتجة
     
جاري تحميل الصفحة...

مشاركة هذه الصفحة