نبي وقفة رجل واحد

الكاتب : كويت العز | المشاهدات : 1,297 | الردود : 18 | ‏2 أكتوبر 2007
  1. كويت العز

    كويت العز بـترولـي نشيط

    56
    0
    0
    السلام عليكم

    يقول المثل حدث العاقل بما يعقل.

    سؤال ويبي اجابه؟

    في السنوات ما قبل سنه 2000 كان الموظف المتقاعد او المستقيل من الشركه وله فلوس في

    صندوق الزماله للنقابه كا ن على اكثر تقدير ياخذ فلوسه بمرور 4 سنوات تقريبا اذا مو اقل

    لكن من بعد سنة 2000 صار الواحد ينتظر من 6 الى 7 سنوات فهل يعقل هذا الشي!!؟؟

    على حسب علمي انه الصندوق مشترك فيه تقريبا 2200 اذا مو اكثر والاستقطاع الشهري خل نقول


    20 دينار هذا طبعا للناس الجدد اما القدامى فهو 25 دينار

    ولو بحسبه افتراضيه واخذنا متوسط ال 25+20 راح يطلع 22.5

    22.5 في 2200 مشترك=49.500 تسعه واربعين الف وخمسمائه دينار

    يعني في السنه 594.000 دينار كويتي

    اعضاء مجلس الاداره الحالي برئاسة محمد مساعد صارلهم 5 سنوات

    يعني 5 سنين في 594.000 يطلع الاجمالي 2.970.000

    مليونين وتسعمائه وسبعين الف دينار كويتي

    يا ناس يا ايها العقلاء بلله عليكم هل معقول انه من ذاك الوقت الى يومنا الحالي صندوق الزماله يعاني

    من عجز؟؟؟

    وين تروح هل الملايين ؟؟

    شاي وقهوه ولا نثريات ولا اعلانات بالجرايد ولااااااااااااااااااااااااا وين؟؟
     
  2. عمالي

    عمالي بـترولـي جـديـد

    48
    0
    0
    ممكن مناقشة هذا الموضوع في الجمعية العمومية وطلب توضيح له ، أو قراءة التقرير المالي ومطابقته مع تلك الأرقام ومن ثم التحقق من الأمر
     
  3. كويت العز

    كويت العز بـترولـي نشيط

    56
    0
    0
    السلام عليكم

    شاكر مرورك الكريم عالموضوع واتمنى وقفه جاده في هالامر لانه المسأله هامه لكل عضو بالصندوق ويجب محاسبة كل واحد مقصر اما اذا خلينا كل من هب ودب يمسك نقابتنا فعلى الصندوق السلام .

    وفيه معلومه حاب اذكرها للاخوان ترا هالايام فيه قطيه بين نقابتنا و3 نقابات من صندوق العمال طبعا مو من جيوبهم

    للاعلانات اللي تصير في الجرايد ضد رئيس الاتحاد الشرعي اللي خذا الرئاسه بحكم القضاء الكويتي النزيه

    هذا من غير اجور المحامي اللي يراكض لهم على قضايا خسرانه وهم من فلوس العمال.

    الله المستعان
     
  4. لكل سؤال جواب

    لكل سؤال جواب بـترولـي نشيط جدا

    228
    0
    0
    كويت العز معلومه صغيره ابي اوضحها لك ان الاعلانات تندفع عن طريق نقابتنا ونقابتين فقط لان نقابة البتروكيماويات قالت لهم لن ادفع شي لان ما عندها فلوس وهذا الكلام على لسان رئيس نقابتهم وهم وافقوا على تحمل حصته من الاعلانات واتحدى اذا احد يقدر ينفي هالخبر
     
  5. كويت العز

    كويت العز بـترولـي نشيط

    56
    0
    0
    السلام عليكم

    جزاك الله خير اخوي

    الجماعه كريمين زياده عاللزوم
     
  6. Operator

    Operator بـترولـي نشيط

    55
    0
    0
    كريم من حلال غيره اما انا شخصين

    خسرت لي كم سنه وياهم ومابي اخسر المزيد

    وراح اطلع منهم

    بس بصراحه خوش حسبه عز الله خووووووش موضوع
     
  7. غلوم

    غلوم بـترولـي نشيط

    75
    0
    0
    الجماعة مومقصرين واللة يعطيهم العافية وجميع القضايا انتهة واللة


    الموفق .
     
  8. كويت العز

    كويت العز بـترولـي نشيط

    56
    0
    0
    السلام عليكم

    اخوي غلوم شاكر لك مرورك الكريم

    لكن اذا تقاعدت وخذيت فلوسك خلال 3 او 4 سنين قول الله يعطيهم العافيه .

    هذا اذا انت مشترك بالصندوق
     
  9. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    الله المستعان بالفعل
    واحد من الشباب له ثلاث سنين للحين ماستلم ولا فلس
    لكن بالفعل وين تروح هذي المبالغ؟؟؟
     
  10. كويت العز

    كويت العز بـترولـي نشيط

    56
    0
    0
    السلام عليكم

    والله اعرف واحد صاره 5 سنوات والله ولا استلم ولا فلس ويقولون له باقي لك تقريبا سنه ونص على ما يجي دورك.
     
  11. لكل سؤال جواب

    لكل سؤال جواب بـترولـي نشيط جدا

    228
    0
    0
    ياجماعة الخير اذا النقابه تعترف انهم لحد الحين بسنة 2001 واحنا داخلين على سنة 2008 والله المستعان . راح اذكركم فقط بمصاريف الاعلانات بالجرايد لسنة 2007 فقط وعليكم الباقي نص صفحه بجريدتين شكر للوزير ورئيس مجلس الوزراء لترقية شفت كنترول + ربع صفحه بجريدتين اذا مو ثلاث لبدل الاثاث واخر شي اعترف رئيس النقابه بالجمعيه العموميه ان الاتحاد جاب بدل الاثاث اجل ليش منزل الاعلانات (ارجو اعادة الفلوس من حسابك الخاص ) + ربع صفحه بجريدتين شكر للمحامي عن دفاعه للرئيس بقضية الاتحاد والعمال شكو + ثلاث صفحات كامله لزيادة الرواتب تتحمل نقابة البترول صفحه كامله وعليكم الحسبه . اذا ما فيه اعضاء نقابه يحاسبون الرئيس صم بكم لا يعلمون خلو الرئيس يلعب على كيفه
     
  12. AL.BEARAQ

    AL.BEARAQ بـترولـي جـديـد

    12
    0
    0
    ما من بركه؟؟!!

    المثل يقول & يا رايح كثر فضايح & وللاسف الشديد هالمثل عنوان لل ( Manual ) اللى يطبقه المجلس الحالى , وهالمجلس مافيه بركه والله مهوب موفقهم بس مو الكل ؟؟ لانه فيهم ناس فاهمين السالفه منهم بالعكس تماما وناس طيبين حبتين ..
    والامل بعد الله في أعضاء العموميه اللى مشالله عارفين كل كبيره وصغيره بالمجلس وسوالفه الدايخه!!!!!!!!
     
  13. fireeccc

    fireeccc بـترولـي نشيط جدا

    191
    0
    16
    السلام عليكم اذا تسمحون يا اخوان انا عندي تعليق بسيط اول شي مثل ما قال الاخ عمالي ممكن ناقش الموضوع هذا في الجمعية العمومية ومطابقه التقرير المالي لكن الموضوع الثاني الاراضي اللي خذتها النقابه من الشركه من اكثر من 3 سنوات ( ارض الشويخ وميناء عبدالله والشعيبه والاحمدي ) لو تم استثمارها من 3 سنوات كان تسكر عجز الصندوق الزمالة
     
  14. HUMMER

    HUMMER بـترولـي خـاص

    يعني 5 سنين في 594.000 يطلع الاجمالي 2.970.000

    مليونين وتسعمائه وسبعين الف دينار كويتي
    :eek:
     
  15. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    السلام عليكم



    بصراحة الموضوع جميل جدا



    لكن بصراحة فيه بعض الملحوظات عليه


    أولا : اخواني ان موضوع الفلوس وين تروح فأعتقد هذا رجم بالغيب لا دفاع عن النقابة ولكن من باب قول الحق ولو على نفسي


    فيه شيء اخواني اسمه تقرير مالي في كل سنة

    هل أحد مننا تكلف وراجع هذا التقرير

    أعتقد اخواني محد قرأه ولا فتحه الدليل ان كثير مننا رمى الناس بقوله وين تروح


    أرجوكم اخواني لازم نتثبت قبل لا نرمي الناس بشيء هذا تعليقى


    وأبشركم الاخوان في النقابة من ناحية صندوق الزمالة أعتقد والله أعلم انه في الحفظ والصون والناس اللي ماسكته أبشركم مانزكيهم على الله نحسب فيهم الأمانة


    فالرجاء اخواني انتبهوا من هذه الكلمات والانسان ما يكون مجازف بكلامه .
     
  16. alqreen

    alqreen بـترولـي مميز

    509
    0
    0

    بيض الله وجهك على الكلام اللى يشرح الصدر
    الشباب يحاولون التشوية انا واحد من الناس انحبت من الصندون وعقب تفكير رجعت والحمد لله ان شاء الله بنشوف الخير والصبر زين
     
  17. كويت العز

    كويت العز بـترولـي نشيط

    56
    0
    0
    السلام عليكم

    المثل يقول: النار ما تكوي غير رجل واطيها.

    والمثل الثاني يقول: ما يمدح السوق الا من ربح فيه.
     
  18. أطفائي مشاغب

    أطفائي مشاغب بـترولـي نشيط

    67
    0
    0
    أطفائي
    ميناء عبدالله
    والله مصيبه

    لازم نكلم ضابط الأطفاء عشان يحل الموضوع هههههههه
     
  19. منطقي

    منطقي بـترولـي نشيط

    97
    0
    0
    عليه العوض و منه العوض و طلب ربك الخلف...........هذا السلف من ذاك الخلف........ وسمووحه وبشر بالعوض
     
جاري تحميل الصفحة...

مشاركة هذه الصفحة