نبي وقفة رجل واحد

ممكن مناقشة هذا الموضوع في الجمعية العمومية وطلب توضيح له ، أو قراءة التقرير المالي ومطابقته مع تلك الأرقام ومن ثم التحقق من الأمر

 

كويت العز معلومه صغيره ابي اوضحها لك ان الاعلانات تندفع عن طريق نقابتنا ونقابتين فقط لان نقابة البتروكيماويات قالت لهم لن ادفع شي لان ما عندها فلوس وهذا الكلام على لسان رئيس نقابتهم وهم وافقوا على تحمل حصته من الاعلانات واتحدى اذا احد يقدر ينفي هالخبر

 

كريم من حلال غيره اما انا شخصين

خسرت لي كم سنه وياهم ومابي اخسر المزيد

وراح اطلع منهم

بس بصراحه خوش حسبه عز الله خووووووش موضوع

 

الجماعة مومقصرين واللة يعطيهم العافية وجميع القضايا انتهة واللة


الموفق .

 

الله المستعان بالفعل
واحد من الشباب له ثلاث سنين للحين ماستلم ولا فلس
لكن بالفعل وين تروح هذي المبالغ؟؟؟

 

ياجماعة الخير اذا النقابه تعترف انهم لحد الحين بسنة 2001 واحنا داخلين على سنة 2008 والله المستعان . راح اذكركم فقط بمصاريف الاعلانات بالجرايد لسنة 2007 فقط وعليكم الباقي نص صفحه بجريدتين شكر للوزير ورئيس مجلس الوزراء لترقية شفت كنترول + ربع صفحه بجريدتين اذا مو ثلاث لبدل الاثاث واخر شي اعترف رئيس النقابه بالجمعيه العموميه ان الاتحاد جاب بدل الاثاث اجل ليش منزل الاعلانات (ارجو اعادة الفلوس من حسابك الخاص ) + ربع صفحه بجريدتين شكر للمحامي عن دفاعه للرئيس بقضية الاتحاد والعمال شكو + ثلاث صفحات كامله لزيادة الرواتب تتحمل نقابة البترول صفحه كامله وعليكم الحسبه . اذا ما فيه اعضاء نقابه يحاسبون الرئيس صم بكم لا يعلمون خلو الرئيس يلعب على كيفه

 

ما من بركه؟؟!!

المثل يقول & يا رايح كثر فضايح & وللاسف الشديد هالمثل عنوان لل ( Manual ) اللى يطبقه المجلس الحالى , وهالمجلس مافيه بركه والله مهوب موفقهم بس مو الكل ؟؟ لانه فيهم ناس فاهمين السالفه منهم بالعكس تماما وناس طيبين حبتين ..
والامل بعد الله في أعضاء العموميه اللى مشالله عارفين كل كبيره وصغيره بالمجلس وسوالفه الدايخه!!!!!!!!

 

السلام عليكم اذا تسمحون يا اخوان انا عندي تعليق بسيط اول شي مثل ما قال الاخ عمالي ممكن ناقش الموضوع هذا في الجمعية العمومية ومطابقه التقرير المالي لكن الموضوع الثاني الاراضي اللي خذتها النقابه من الشركه من اكثر من 3 سنوات ( ارض الشويخ وميناء عبدالله والشعيبه والاحمدي ) لو تم استثمارها من 3 سنوات كان تسكر عجز الصندوق الزمالة

 

يعني 5 سنين في 594.000 يطلع الاجمالي 2.970.000

مليونين وتسعمائه وسبعين الف دينار كويتي

 

السلام عليكم



بصراحة الموضوع جميل جدا



لكن بصراحة فيه بعض الملحوظات عليه


أولا : اخواني ان موضوع الفلوس وين تروح فأعتقد هذا رجم بالغيب لا دفاع عن النقابة ولكن من باب قول الحق ولو على نفسي


فيه شيء اخواني اسمه تقرير مالي في كل سنة

هل أحد مننا تكلف وراجع هذا التقرير

أعتقد اخواني محد قرأه ولا فتحه الدليل ان كثير مننا رمى الناس بقوله وين تروح


أرجوكم اخواني لازم نتثبت قبل لا نرمي الناس بشيء هذا تعليقى


وأبشركم الاخوان في النقابة من ناحية صندوق الزمالة أعتقد والله أعلم انه في الحفظ والصون والناس اللي ماسكته أبشركم مانزكيهم على الله نحسب فيهم الأمانة


فالرجاء اخواني انتبهوا من هذه الكلمات والانسان ما يكون مجازف بكلامه .

 

بيض الله وجهك على الكلام اللى يشرح الصدر
الشباب يحاولون التشوية انا واحد من الناس انحبت من الصندون وعقب تفكير رجعت والحمد لله ان شاء الله بنشوف الخير والصبر زين

 

والله مصيبه

لازم نكلم ضابط الأطفاء عشان يحل الموضوع هههههههه

 

عليه العوض و منه العوض و طلب ربك الخلف...........هذا السلف من ذاك الخلف........ وسمووحه وبشر بالعوض