نغير موضوع الكادر... بموضوع الحدود

الكاتب : حاطب ليل | المشاهدات : 514 | الردود : 5 | ‏22 يوليو 2008
  1. حاطب ليل

    حاطب ليل بـترولـي نشيط جدا

    213
    0
    0
    بعد ما قربنا نغسل إيدنا من الكادر
    والحنة والرنة على النقابة اللي ....
    ما ني قايل... أحسن

    شالسالفة مع الحدود؟
    ملينا من عدم وجود إجراءات ثابتة
    مرة
    يعطونا ورقة مختومة
    مرة فيها اسم
    ومرة بدون اسم
    ومرة يقولك طوف بدون أي ورقة
    ومرات
    اتجهز البطاقة
    يقولك موظف الجمارك وهو متظايق
    يا أخي لاشفت زحمة
    دق هرن وطوف
    تسويها من باكر
    يردك اللي على البوابة
    وهو معصب
    يا أخي شلون تطلع بدون ما تمر على الجوازات
    واحترنا فعلا فيهم

    لو نعرف إجراء ثابت نرتاح
    على ما اتحرك النقابة
    ويسون سالفتهم المكررة
    إهمال النقابة السابقة واحنا بنعدل الوضع
    وشكر النائب فلان
    ونقابة البترول
    ووزير الداخلية
    وعلى ما تمر إذا أحسنا الظن
    ستة أشهر
    إذا كانوا نشيطين
    شرايكم
    شالحل؟
     
  2. kolena fe el hawa sawa

    kolena fe el hawa sawa بـترولـي نشيط

    148
    0
    0
    الحل اضراب بالحدود لووووول ما اضربنه حق الكادر نضرب حق الاحدود علي اقل انونس الاحدود اشوي و تطلع بالجرايد يمكن يصير دعوه للصحافه.....
     
  3. جابر

    جابر قــلــم بــتــرولــي أعضاء الشرف

    هلا بحاطب ليل ..
    الأجراء الثابت إنك توقف بالدور على الجوازات وتتفتش من الجمرك ..:eek:

    احيانا نكسر خاطرهم ويمشونا و أحيانا كسل منهم ..لكن هذى لو درى فيها ضابط الزام (شلخهم) ..:(

    اللى أعرفه أن الوقوف عند الجوازات لازم :)
    سواء عطوك ورقه أو لا حتى يسوون (حركه مرور) ..:)
    وان كان فيه مرات حتى مايدخلونك بالكمبيوتر ...:eek:
    والتفتيش لازم لأننا مو هيئه دبلوماسيه ...

    بالعربى الفصيح ..هاللخبطه نافعتنا ..لأننا فى أسوأ الأحوال يطبق علينا القانون ..
    وفى أحسنها لاوقفه ولاتفتيش.:D.


    النقابه ماتقدر تسوى شى ..
    النقابه القديمه وصلتها لوزير الداخليه (سمو ولى العهد الحالى) ..وماتغير شى ..
    اذا فيه تغيير ..اعتقد راح تتعقد أكثر ..:eek:

    الحل : اقعد على مجنونك ..:D وصف بالدور :D ولاتزعلوووون الأشاوس:D:D
     
  4. حاطب ليل

    حاطب ليل بـترولـي نشيط جدا

    213
    0
    0
    كلامك عدل أخوي جابر
    اللخبطة نافعتنا
    بس المشكلة
    في الوقت اللي تكون فيه زحمة سفر
    عقب الغثا اللي تصادفة
    بشكل شبه يومي في الدوام
    من أشخاص مضطر اتقزر معاهم
    وتحايلت مع نفسك لين قدرت تعتاد على طعم الغثا
    وتعودت تساير فلان وتجاري فلان
    بس تصدف بالشهر مرة ...مرتين
    تكون مغتث للآخر
    ويكملها موظف الجمارك
    وتكمل الدرب تحلطم و....
    واتعوذ من ابليس
    وتحاول تهدا
    ونصبر على مجانين
    وأنت الصادق
    هالمثل مخفف عنا
    في الدوام
    في الجوازات
    النقابة
    عضو مجلس الأمة
    الوزير
    بس ... لاتكبر السالفة
     
  5. جابر

    جابر قــلــم بــتــرولــي أعضاء الشرف

    الله يعين ...تصبّر :D
    واحد من الشباب الطيبين
    بلغنى إن النقابه الحاليه (شغاله) على أعتبار العمل بالخفجى (أعمال شاقه) ..
    قلتله يمكن قصدك الوفره مو الخفجى ;)
    رد وقال الا الخفجى ..
    يمكن وعسى يطلع كلامه صحيح ..
    وان كان هالنقابه ماعندى فيها ثقه موليّه ..
    لكن ربك يجيب الخير ، قادر على كل شى سبحانه ;)
     
  6. حاطب ليل

    حاطب ليل بـترولـي نشيط جدا

    213
    0
    0
    الله يكتب اللي فيه الخير
    الله كريم
    والمثل يقول
    البندق العوجا فيها رمية
    والعوجة ما هي جديدة
    أما الرمية
    الله يستر ما تجي فينا
     
جاري تحميل الصفحة...

مشاركة هذه الصفحة