الى قيادات الشركه والى نقابة الشركه..حلكم عندي

الكاتب : السراب | المشاهدات : 691 | الردود : 6 | ‏20 يوليو 2008
  1. السراب

    السراب بـترولـي نشيط

    105
    0
    0
    تبون الاصلاح بالعمل...تبون الابداع ......تبون الانجاز....تبون التميـز
    لاتنظرون للعامل البسيط نظره عابره ......ركزوا على حالته العمليه
    انا ادري الكل راح يقول......من صجك تكتب هالكلام يبه احنا يكفينا...عامل المقاول........ بس ياجماعه ترى العامل المقاول مايملك الحس الوطني..... العامل المقاول ينجز شغلك بكثرة دفعك له.........
    وينه يوم الغزو منو قعد وعرض حياته للخطر وحياة عائلته....منو اللي قال الا الكويت .......ياناس انا متعجب من شي قامت فيه لجنه من شئون الموظفين والموارد البشريه قبل سنتين وحطوا بوسترات في كل مكان بالمصافي بالادارت وقالوا راح نقول بحمله لمعرفة مدى رضا العاملين عن اداء ادارة الشركه .............انا بنفسي كنت فرحان بهالخطوه وقلت حلو بينزلون للمصافي ويقابلون الطبقه الكادحه من موظفي الشركه وبياخذون برايهم....
    صدقوني كل اللي سووه ذهب مع الريح لانه ما قالوا لنا نتيجة الاستبيان ونتيجة هالحمله ولا اعلنوا عنها ابد ...يا ناس.....والله شركات الصناعات الكبرى ينزل قياديها للعمال الكادحين ويقعدون وياهم ويبتسمون لهم ...لكن عندنا لايوجد هالشي الا من رحم الله ..............
    انا لو من فاروق الزنكي ..اسوي هالطريقه
    اولا : اشكل لجنه من 2 تيم ليدر وياهم 1 من النقابه يعني بس كويتيين
    ثانيا : اعطيهم امر انهم يمرون على عينات من الشباب الكويتي خاصه اللي لهم كم سنه ماتمت ترقيتهم واقول لهم اخذوا رايهم بدون ذكر اسمائهم او حتى جهات عملهم والاجتماع معهم لوحدهم بدون مسئوليهم ..وعطوهم
    كامل الحريه في ابداء رأيهم ...
    ثالثا : اجمع كل هالمعلومات واتأكد من ملفاتهم الشخصيه وسيرة عملهم
    واتحقق من هالحالات واواجه مسئوليهم واحاسب المسئـــــول عن
    تقصيره معاهم .....

    هذي هي العمليه الاصلاحيه.....اذا تبون الاصلاح
    وانا واثق باذن الله بتشوفون شي ماشفتوه ولا سمعتوا عنه تدرون ليش
    لانه الكويتيين طيبين مو متعودين على الشكاوي .....ولانه فيه مسئولين
    متبجحين مايعرفون الحق........

    والله يكتب اللي فيه الخير لهالبلد
     
  2. عندي راي

    عندي راي بـترولـي نشيط

    149
    0
    0
    بترولي
    Q8
    كلام جميل

    والله يكون بالعون
     
  3. كنبس

    كنبس بـترولـي مميز

    814
    0
    0
    اخوى السراب كلامك طيب والله ... ولكن ...
    انت تعرف انه الشركه مايمشى عندها هالكلام
    اولا المصالح الشخصيه يجب ان لاتوصل لها وهناك خطوط حمراء حتى النقابه ماتوصل لها
    وثانيا المحسوبيه والشلليه والقبليه والمحاباه والواسطه و و و وحط كل الى تعرفه
    وثالثا الشركه ماتلتفت الى الافعال فقط الاقوال لو تبحث وتتفتش راح تشوف العجب العجاب فقط على الورق
    اقسام وادارات قامت كثيره ومنها على سبيل الحصر الى قلت عنها اداره التغيير وينها شنو صار لها !!!
    طبعا ولا شي مجرد وعود وكلام عالورق وفتح اماكن (بوزشن ) لهم وميزانيه و و ووكله كلام فاضى
    قد تستغرب وتتعجب كيف صار حال الشركه من سيئ الى أسوأ (اذا عرفت السبب بطل العجب )
    وحتى النقابه للأسف انحرفت عن مسارها النقابي وفقدت الكثير (ادرى كلامى راح القى منه معارضه )والسبب الكرسي والمصالح
    لو اقعد واعدد لك وغيري هنا لوقف شعر راسك وماخفى كان أعظم
    واقتراحك اخوى يسير عكس تيار الشركه والنقابه من مصالح مشتركه بينهما مهما كان الوضع
    اسمحلى على كلامى وهذا الواقع الاليم والمرير
    وتقبل مرورى
     
  4. السراب

    السراب بـترولـي نشيط

    105
    0
    0


    الله يعطيك العافيه ياخوي كنبس

    مو شنو اللي ذابحنا غير العنصريه والخطوط الحمراء اللي مالها عدد ......
    بس الله سبحانه وتعالى يقول: -

    (( اليس فيكم رجل رشيد ))

    يعني هالقيادات صحيح وصلت عن طريق المحسوبيه والعنصريه ؟
    زين مايحق لنا نتكلم ونقول بس يا ناس خافوا ربكم ...
    اهم ما يدرون ان المقبره مافيها واسطه شمعنى اهي اللي بس بالدور.....
    هنيه العبره حتى يعلم ابن ادم الى وين راح يكون مصيره الى وين راح يتوقف
    استغفر الله صج ابن ادم ما يشبع الا من التراب





    يمكن ايه ويمكن لا بس
     
  5. feed gas

    feed gas بـترولـي خـاص

    عزيزى سراب..اغلب ا لشركات المحترمه يكون عندها سياسه قياس ( الرضا والولاء الوضيفى) الى من خلال برامجهم يقيسون هاللامور عند موضفيهم...وفى الغالب تكون المعالجه تبعا للنتائج المرصوده...ودايما يحاولون يكسبون الموضف الى صفهم..لان انتاجيه الموضف عندهم تعمل شى كثير...اما عندنا فى الكى ان بى سى ..اصبحنا مثل قطاع الحكومه..كلنا متساوييييييين!! الى يشتغل ولا ما يشتغل واحد..المهم حضورك عشان يسكر الاوفر تايم..!!عقليه جامده من المسؤلين..ولا اقرب مثال شوف شركه قوقل واعتقد شفت الايميل الى انتشر عن معاملتهم حق موضفينهم...ما نبى ميه ميه مثلهم...بس نحاول نصير شوى مثلهم عشان تحس انك تشتغل فى مكان يحترم وجودك فيه...طبعا بتطلع من الشركه وللحين ما حققنا نص الامانى ...ودمتم سالميييين.
     
  6. s c r op

    s c r op بـترولـي جـديـد

    9
    0
    0
    مايصح الا الصحيح ,اشباه الرجال والامـــــــــــــــــــــــــعة, والمتردية والنطيحة, من المسؤلين , لم يصلو الي هذا الحد الي انهم لم يجدو من يوقفهم عند حدهم , والتمادي في الظلم ولا حاجة لان اطيل عليكم , يوجد الكثير الكثير من الرجال والنساء الغيورين علي وطنهم ومصلحة العمل , لكن لانسمع عنهم اي شي , وشرذمة ممن ابتلينا بهم تجدهم علي كل لسان , لكن الخوف النفسي الذي اكتسبناه من البيئة المحيطة ,يقف عائق امام اي تغير , فنجد ونسمع الله كريم,الله يحاسبه , ونكتفي بالعصبية والصراخ , وسوالف الحريم , يا اشباه الرجال , الرازق هو الله الذي لا الله الا هو , والبلد محكومة وفيها قوانين , لا اخلي الحثالة من الظلمة المسؤلين عبرة لكل من يعتبر ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
     
  7. الرويشد

    الرويشد بـترولـي نشيط

    145
    0
    0
    اخوي راجعنا مبنى الاستخبارات باجر الساعه 12 الطهر وهناك راح تعرف كل شي تبيه وراح يجابونك الشباب لووووووووول يبا الشركه نفس المثل هذا سيفوه وهي خلاجينه
     
جاري تحميل الصفحة...

مشاركة هذه الصفحة