مطعم Bredz

للأسف ان يتم استغلال الموظفين بهذه الطريقه
ومن باب أولى ان يكون لنقابة المؤسسه وقفه في مثل هذه المواضيع

 

والله كلامك عين العقل أسعارهم خيالية

مانبيهم متى ما إنتهى عقدهم خل يطلعون بره

 

فوق ان اسعاره خياليه اكله يلوع الجبد الله يعز النعمه

 

اسعاره مو صج يعني الوحده باليوم قاطه 6 دنانير عالبراد
6*5= 30 دينار بالاسبوع
30*خل نقول 4 اسابيع = 120 دينار ياسلام قسط سياره
وغير اذا بتعزمين فلانه وعلانه
بس اكلهم احححححححححححححححححححححححححححبه

 

لو كانت القصة وقفت على بريدز كانت هانت
وين مكتب السفريات من الاسعار الخارجية
وين مكتب التليفون من الاسعار
كله ضاربة
وعلى شنهو ما ادري
تليفون تشوفه برة بـ 60 د.ك عند محل التليفونات بالمجمع تلاقيه بـ 80 ؟؟؟؟؟؟؟؟ انزين ليييييييييييييييييييييش ما تدري السبب
سعر التذكرة برة مكتب الصالحية بـ 80 د.ك داخل المؤسسة بـ 95 د.ك ؟؟؟؟؟؟؟

 

والله يا اخوي كلامك حلو الاكل تعبان انا وياك بس اذا تبي النقابه توقف بوجه المؤسسه علشان تغير المطعم هذه من سابع المستحيلات لانه محد يعض الايد اللى توكله ...... وللعلم فقط انه اجار مطعم بريتز فى المجمع النفطي المؤسسه معطته هبه حق النقابه يعني انت تعتقد راح توقف النقابه بوجه المؤسسه؟

 

صراحه موضوع واااااااااااايد حلو وانا أأيدك لان نص المعاش طاير عالاكل وانا كلش مو بطينيه وكلش ما احب الاكل فميزانيتي وايد انعفست من اسعاره واريد حلا بس لا تقولون سكري حلجج

 

اختي سارونه طلبي من مطعم بره وايد مطاعم توصل لى المجمع يعني مو شرط الا بريدز انا واحد من الناس اللى كنت انزل تحت الكافتريا وادخل ويا ربعي والله ما بقي احد بالمؤسسه ما اشتكى علينا كل يوم وياي مدير مكلمنا واخر شى تم تحذيرنا اذا شافونا ندخن كل واحد منا انذار وطبعا العذر انا انا وربعي نضايق غيرنا بالسجائر اوكي الكلام وايد حلو لحد الان بس ليش من احنا وقفنا تدخين بالحكافتريا محد قام يقعد شنو اهي مساله عناد ولا شنو بالضبط ؟

 

الظاهر والله مسألة عناد دام جذي ردوا قعدوا ودخنوا بالمطعم جود ترجع الزباين

 

عجبنييييييييييييييييييي موضوع محل التلفونات انا مو باط جبدي الا الهندي الموجود بالمحل هالعور هذه 24 ساعه بالحمام شنو زهيوي ؟ وحاطه جم تلفون انتهي ععدهم واسعارهم خاليه والمشكله مطوف جم اجار الحبيب واذا احد يعرفه تكفون خل يشيل البروشور مال سامسونج اللى حاطه يم البنك

 

هذه مره بسافر لندن قلته ابي اسافر تاريخ 20-1 وبرد 23-1 قالو اوكي قصيت التذكره والبرنت الابيض الحجز اوكي يوم سافرت بالغلط مار عند مكتب الكويتيه قلت خل اكد حجزي قعدت وابتسامتي عرييييييييييييضه وقلت حق الريال اكدلى الحجز لو سمحت طق طق على الجهاز قالى اوكي العوده 23-2 هههههههه يخرب بيته المكتب زايد شهر من عنده واشوه انه البرنت الابيض عندي عاد والله شقردي الريال قام سجل فيه شكوه لانه الطياره كانت متروسه مافيها مكان و اول ما نزلت الكويت ولا هالشباب فى الطيران المدني ناطريني خلوني اوقع على الشكوه ومدير شركه الصالحيه يترجي يبيني اسحبها طبعا طااااااااااف

 

لوووووووووووووول لو انا منك قعدت الشهر هناك ودبست المشكله براسهم والورقه البيضه عندك
راحت عليك كككككككككككككككك

 

عطيني كرت البنك مالج وانا اقعد شهرين مو شهر بعد

 

انت ماتعرف تدربكها افا عليك حط كل شي على افا المؤسسه ولا ماتعرف
طلعت مغمض مثل حالتي سابقااااااا
بس لاتقولي شلون لاني ماعرف بس اعرف وحده حتى التب ( الاكراميه ) اللي تعطيها للغرسونات بالمطعم تحطها بفاتوره للمؤسسه
والله العظيم اعرف ثنتيييييييييييييييييييييييييين وكلهم مرقينهم قريب شراااااااااااايك ّّ

 

والله اعرف اسويها واقدر بس ذمتي ما تسمحلى والله ولا اقدر الحين وانا قاعد اقدر احول اى مبلغ بحسابي وامشي من الماليه ولمن يطيحون على ارده باقساط وبدون فوايد بس حرام والله وهذى كلمه حراااااام اللى ماسكتني

 

نتمنى أن يتم عمل مزايدة جديدة للكافتيريا ومحل التلفونات ومكتب السفريات
لأن الصراحة كلهم أي كلام وحتى الموظفين الصراحة ما عندهم أي فكرة عن التسويق
يعني ما يهمه إنه يكسبك كزبون دائم .
بس لا تقربون يم المطحنة الدولية ترى شغل عدل

 

الصراحه موضوع هالمطعم ومحل التلفونات والسفريات شي غريب جدا لان الهدف اولا واخرا مصلحة الموظف فليش الاحتكار افتح بدال المطعم مطعمين وبدال المحل محلين وبدال ماهو بنك واحد الوطني افتح بيت التمويل التشكيل فيه مصلحه للموظف مو الهدف الربحيه والحمدالله المجمع سردابه متروس اماكن تصلح محلات