مطعم Bredz

الكاتب : Future man | المشاهدات : 1,454 | الردود : 18 | ‏4 نوفمبر 2007
  1. Future man

    Future man بـترولـي نشيط جدا

    180
    0
    0
    مطعم BREDZ اللي في المجمع النفطي التابع لسلسلة مطاعم شركة الخرافي أسعاره خيالية ومبالغ فيها

    أنا أقول على إدارة المؤسسة التدخل والضغط على شركة الخرافي لتخفيض الأسعار وإلا إذا إنتهت مدة عقد هذا المطعم يغيرونه ويحطون بداله كذا مطعم من المطاعم الصغيرة مثل اللي نشوفها بالأسواق والمساحه اللي فيها مطعم BREDZ تكفي من اربع الى خمس مطاعم وتصير القعدة مشتركة للمطاعم كلها

    انا اقول يعطون شركة الخرافي العين الحمره :mad: ياتنزلون أسعاركم يا مانبيكم

     
  2. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    للأسف ان يتم استغلال الموظفين بهذه الطريقه
    ومن باب أولى ان يكون لنقابة المؤسسه وقفه في مثل هذه المواضيع
     
  3. الكبير

    الكبير بـترولـي نشيط جدا

    187
    0
    0
    والله كلامك عين العقل أسعارهم خيالية

    مانبيهم متى ما إنتهى عقدهم خل يطلعون بره
     
  4. brilliant

    brilliant المـراقب الـعـام

    8,477
    0
    0
    Engineer
    Kuwait
    فوق ان اسعاره خياليه اكله يلوع الجبد الله يعز النعمه
     
  5. KPC BaBy

    KPC BaBy بـترولـي جـديـد

    15
    0
    0
    اسعاره مو صج يعني الوحده باليوم قاطه 6 دنانير عالبراد
    6*5= 30 دينار بالاسبوع
    30*خل نقول 4 اسابيع = 120 دينار ياسلام قسط سياره
    وغير اذا بتعزمين فلانه وعلانه
    بس اكلهم احححححححححححححححححححححححححححبه
     
  6. إعلامية KPC

    إعلامية KPC بـترولـي نشيط

    139
    0
    0

    لو كانت القصة وقفت على بريدز كانت هانت
    وين مكتب السفريات من الاسعار الخارجية
    وين مكتب التليفون من الاسعار
    كله ضاربة
    وعلى شنهو ما ادري
    تليفون تشوفه برة بـ 60 د.ك عند محل التليفونات بالمجمع تلاقيه بـ 80 ؟؟؟؟؟؟؟؟ انزين ليييييييييييييييييييييش ما تدري السبب
    سعر التذكرة برة مكتب الصالحية بـ 80 د.ك داخل المؤسسة بـ 95 د.ك ؟؟؟؟؟؟؟
     
  7. Element_X

    Element_X بـترولـي نشيط جدا

    والله يا اخوي كلامك حلو الاكل تعبان انا وياك بس اذا تبي النقابه توقف بوجه المؤسسه علشان تغير المطعم هذه من سابع المستحيلات لانه محد يعض الايد اللى توكله ...... وللعلم فقط انه اجار مطعم بريتز فى المجمع النفطي المؤسسه معطته هبه حق النقابه يعني انت تعتقد راح توقف النقابه بوجه المؤسسه؟
     
  8. SaRoOoNa

    SaRoOoNa بـترولـي جـديـد

    صراحه موضوع واااااااااااايد حلو وانا أأيدك لان نص المعاش طاير عالاكل وانا كلش مو بطينيه وكلش ما احب الاكل فميزانيتي وايد انعفست من اسعاره واريد حلا بس لا تقولون سكري حلجج:D


    [​IMG]
     
  9. Element_X

    Element_X بـترولـي نشيط جدا

    اختي سارونه طلبي من مطعم بره وايد مطاعم توصل لى المجمع يعني مو شرط الا بريدز انا واحد من الناس اللى كنت انزل تحت الكافتريا وادخل ويا ربعي والله ما بقي احد بالمؤسسه ما اشتكى علينا كل يوم وياي مدير مكلمنا واخر شى تم تحذيرنا اذا شافونا ندخن كل واحد منا انذار وطبعا العذر انا انا وربعي نضايق غيرنا بالسجائر اوكي الكلام وايد حلو لحد الان بس ليش من احنا وقفنا تدخين بالحكافتريا محد قام يقعد شنو اهي مساله عناد ولا شنو بالضبط ؟ :)
     
  10. SaRoOoNa

    SaRoOoNa بـترولـي جـديـد

    الظاهر والله مسألة عناد دام جذي ردوا قعدوا ودخنوا بالمطعم جود ترجع الزباين

    [​IMG]
     
  11. Element_X

    Element_X بـترولـي نشيط جدا

    عجبنييييييييييييييييييي موضوع محل التلفونات انا مو باط جبدي الا الهندي الموجود بالمحل هالعور هذه 24 ساعه بالحمام شنو زهيوي ؟ وحاطه جم تلفون انتهي ععدهم واسعارهم خاليه والمشكله مطوف جم اجار الحبيب واذا احد يعرفه تكفون خل يشيل البروشور مال سامسونج اللى حاطه يم البنك
     
  12. Element_X

    Element_X بـترولـي نشيط جدا

    هذه مره بسافر لندن قلته ابي اسافر تاريخ 20-1 وبرد 23-1 قالو اوكي قصيت التذكره والبرنت الابيض الحجز اوكي يوم سافرت بالغلط مار عند مكتب الكويتيه قلت خل اكد حجزي قعدت وابتسامتي عرييييييييييييضه وقلت حق الريال اكدلى الحجز لو سمحت طق طق على الجهاز قالى اوكي العوده 23-2 هههههههه يخرب بيته المكتب زايد شهر من عنده واشوه انه البرنت الابيض عندي عاد والله شقردي الريال قام سجل فيه شكوه لانه الطياره كانت متروسه مافيها مكان و اول ما نزلت الكويت ولا هالشباب فى الطيران المدني ناطريني خلوني اوقع على الشكوه ومدير شركه الصالحيه يترجي يبيني اسحبها طبعا طااااااااااف
     
  13. Future man

    Future man بـترولـي نشيط جدا

    180
    0
    0
    كل الشكر للإخوان والأخوات على التفاعل مع الموضوووووووووووع
     
  14. KPC BaBy

    KPC BaBy بـترولـي جـديـد

    15
    0
    0


    لوووووووووووووول لو انا منك قعدت الشهر هناك ودبست المشكله براسهم والورقه البيضه عندك
    راحت عليك كككككككككككككككك
     
  15. Element_X

    Element_X بـترولـي نشيط جدا



    عطيني كرت البنك مالج وانا اقعد شهرين مو شهر بعد
     
  16. KPC BaBy

    KPC BaBy بـترولـي جـديـد

    15
    0
    0
    انت ماتعرف تدربكها افا عليك حط كل شي على افا المؤسسه ولا ماتعرف :p
    طلعت مغمض مثل حالتي سابقااااااا
    بس لاتقولي شلون لاني ماعرف بس اعرف وحده حتى التب ( الاكراميه ) اللي تعطيها للغرسونات بالمطعم تحطها بفاتوره للمؤسسه
    والله العظيم اعرف ثنتيييييييييييييييييييييييييين وكلهم مرقينهم قريب شراااااااااااايك ّّ
     
  17. Element_X

    Element_X بـترولـي نشيط جدا

    والله اعرف اسويها واقدر بس ذمتي ما تسمحلى والله ولا اقدر الحين وانا قاعد اقدر احول اى مبلغ بحسابي وامشي من الماليه ولمن يطيحون على ارده باقساط وبدون فوايد بس حرام والله وهذى كلمه حراااااام اللى ماسكتني
     
  18. mofraka

    mofraka بـترولـي جـديـد

    33
    0
    0
    نتمنى أن يتم عمل مزايدة جديدة للكافتيريا ومحل التلفونات ومكتب السفريات
    لأن الصراحة كلهم أي كلام وحتى الموظفين الصراحة ما عندهم أي فكرة عن التسويق
    يعني ما يهمه إنه يكسبك كزبون دائم .
    بس لا تقربون يم المطحنة الدولية ترى شغل عدل
     
  19. brilliant

    brilliant المـراقب الـعـام

    8,477
    0
    0
    Engineer
    Kuwait
    الصراحه موضوع هالمطعم ومحل التلفونات والسفريات شي غريب جدا لان الهدف اولا واخرا مصلحة الموظف فليش الاحتكار افتح بدال المطعم مطعمين وبدال المحل محلين وبدال ماهو بنك واحد الوطني افتح بيت التمويل التشكيل فيه مصلحه للموظف مو الهدف الربحيه والحمدالله المجمع سردابه متروس اماكن تصلح محلات
     
جاري تحميل الصفحة...

مشاركة هذه الصفحة