السلام عليكم يا جماعه اول شي تحياتي وتقديري لكم ثاني شي الكل داش يبي يعرف شنو سالفة الموضوع " ديوانيه المنتدى" صح؟؟ مو مو مو ؟؟؟ مو اعرفكم انا اايييي انا اقولكم السالفه بما ان انا احب اسولف و وايد من الاعضاء نفسي وبما ان مانبي جات بالمنتدى عشان موكل من هب ودب يدش وتصير مشاكل وانتوا عارفيين قصدي عدل المهم ... قررت ان هذا الموضوع او بالاحرى هذي المساحه للسوالف يعني اللي يبي يسولف يدش هني ونخلي المواضيع بس للردود مو للسوالف ... اذا ماعندكم مانع طبعا" طبعا" الموضوع للجميع ... بس اللي مايعجبه لا يدش احسن له عشان لا يسمع كلام مايعجبه مع احترامي للجميع " الكلام لج ياجارة" المهم ادري طولت عليكم بس هذي بداية الموضوع وحياكم الله واتمنى تستانسوون هني وتسولفون كثر ماتبون وهم اتمنى محد يزعل من الثاني وحطوا في بالكم ان هالمنتدى جمعنا عشان يرفه عنا ويونسنا مو عشان يخلينا نتهاوش تقبلوا تحياتي وموضوعي البسيط اختكم / شـــومـــي
موضوع جميل بس ياريت توضح اكثر يعني اي شخص يدش يقدر على طول يتكلم بأي موضوع يخطر على باله او يطرح موضوع ونشوف مشاركات بقية الأعضاء عليه ؟؟؟ يرجى التوضيح
شومي أكيييييييييييييييييييييد تقصديني انا الجاره لوووووووووووووووووووووووول حبوبه اتغشمر ، المهم شي حلو بس ودنا من المراقبين يضيفون بالصفحه الرئيسيه اذا ممكن سوالف عامه بالمنتدى عشان تكون الصوره واضحه أكثر واشكر حسن تصرفج بالموضوع اللي بالي بالج ، الكلام لج يا جاره
حبيبتي فرفوشه... لا الجارة عارفه نفسها عدل ... اي اضبطج افا عليج يا مراقبينا شوفوا طلب فرفوشه ماعليكم امر اذا تسمحون فيه يعني بعد اذنكم
شومي اشفيج - يبا كل واحد يحط مسنجره اهني وايميل وطيحووله سوالف بالمسنجر- ترا سهله المنتدى صعبه انه انتابع شالسالفه - انتي شومي صايره نططاطيه من موضوع لي موضوع مو قادر ألحق
بما ان الموضوع يديد ... وانا صاحبته .. احم احم قلت انا ابلش بالسوالف بسس واللي يسلمكم لحد اييب طاري الزياده كللللش اي شي ثاني ماعندنا مشكله شرايكم اللي يدش يعرف عن نفسه ومن هني تبدا السوالف؟؟ ولا شرايكم؟؟ ان شيماء نكي شومي عمري 21 سنه موظفه في شركة نفط الكويت وتوني فريش يديده بقراطيسي وعداد اصفار ... حلوة هذي اللي بعدواااا ...
والله فكرتك حلوة بس في ناس ماترضى يوصل ايميلها حق كل من هب ودب وخاصة جارتنا انا وفرفوشه انا بتحصلني مني انشالله هذا صار بيتي الحين
انا عندي اقتراح - تحددين يوم في المنتدى هذا حق لريوق - يعني تحددين لنا يوم كللنا نروح انتريق في سينما الاحمدي بدون محد يعرف الثاني - حق الطماشه -لوووووووووووووووووووووول راح تلقين كل شباب الكي او سي يواعه وكلهم في السينما
كااااااااااااااااااااااااااااااااااااااااااااااااااااك والله انا طلعتلي فكرة بس ماعتقد بيرضون فيها الفكره تقول اي شخص عنده سؤال تعجيزي وحيييل صعب يساله هني يعني يعرض السؤال هني واللي يحل السؤال له الحق بانه يطلب اللي يبيه من اللي سال عاد اهما الاثنين ينيازوون مع بعض بس هاا اللي يسال له الحق بانه يختار اللي يجاوب واللي المفروض انه يجاوب ماعرف الجواب يقول حق اللي سأل عشان يشوف غيره وجذي :d كابيش؟؟
شكرا" اخوي نفطي كويتي ولك انشالله ... انا مابي كل عمري ... مستغنيه عنه :d حياك الله وانا بعد اتمنالك كل التوفيق
المهندس اتصدق انك توني ادري ما تثبت تدري ليش احنا زين هذا المنتدى ويتبطل معانا ولنا ساعتين باليوم كلله وكل شي عليه بلوك وتقولي مسنجر اشناوي تكلف القطاع النفطي فلوس واحنا يالله يالله انسكر حلج هالشعب ( مو جنه المتوقع أنه يوصل البرميل لي 100 دولار ) بس كل مالهم تزيد جعوصتهم وفقرهم بس فالحيلنا بالبوق وشكرا ، ترى اشوي انفعلت
كااااااااااااااااااااااااااااااااااااااااااااااااااااااااااااااااااااااااااااااااااااااااااااااااك فرفوشه
حلو بس ما سنجر ما اقدر عاملين عليه بلوك عندنا تقولون راح نكلم القيادة العليا بس الموضوع بصراحة يستاهل شومي وكاني انا راح افتح موضوع يديد راح اتكلم اليوم عن العلاقات الشخصية داخل اجواء العمل انا شخصيا لا اؤمن بوجود العلاقات الشخصية داخل العمل واعتقد هذا كله كلام فاضي لانه لما يوقع الفاس بالراس ما حد يعرف امه يلي خلفته وخصوصا داخل القطاع النفطي فها يا اعضاء شنهو رايكم ؟؟؟؟؟؟؟
انا مافهمت شنو قصدج بالعلاقات الشخصيه؟؟ يعني اللي تتعدا الصداقه؟؟ اذا جذي اكييد لا بس اذا كانت صداقه وبس فعلى راسي ماعندي مشكله وكل شي بحدود والشي اذا زاد عن حده ..... عفيه عليكم
خبر ..........جديد شكلكم شفقانين وتموتون علي الاخبار ابي اسأل اذا كلنا في المنتدي منو قاعد يشتغل بالشركه ههههههههههه شكلي قاعد ازلغ انا اسف علي التعليقه بس حبيت اسأل سؤال أحد عنده خبر شنو صار علي الوزير؟ قريت بالجرايد يوم الحسم!!!!!!! ما جا خبر عنه؟؟؟؟؟؟ ومشكورييييييييين علي المرور
كاااااااااااااااااااااااااااااك صرقعتني الله يهداك عبالي صاير شي لا والله انا اللي عرفته انه كان بيقدم استقالته وانه قدمها شفوي بس ماكتبها وبس هذا كل اللي اعرفه والله يستر انشالله اذا كلنا بالمنتدى ... هالهنود اهم اللي شايليين الشغل
