لماذا لانربي الآباء والأمهات ؟؟

الكاتب : دحوم | المشاهدات : 401 | الردود : 8 | ‏8 يوليو 2008
  1. دحوم

    دحوم بـترولـي نشيط

    61
    0
    0
    بسم الله الرحمن الرحيم


    اخواني واخواتي الأعضاء .دائما نسمع أو نقرأ مواضيع عن تربية الأبناء أو كيف تربي ابنائك أو ماشابه ذلك.

    ولكن ما سمعنا احد تكلم عن تربية الآباء نفسهم ...! نعم الآباء والأمهات يحتاجون تربية .انا اقولكم شلون..

    طبعا كلنا متفقين أن الطفل ما يشوف قدامه قدوه الا ابوه وامه فأي تصرف يشوفه أو يسمعه منهم يحطه

    بعين الاعتبار..والحين راح نشوف بعض التصرفات اللي يخطئ فيها بعض الآباء والامهات

    مثلا: وهذي يمكن مايخلو منها بيت:
    يجي واحد من ( الديَانه ) أو اي شخص عندباب البيت ويقول للولد ناد أبوك يروح الولد لبوه ويقوله فيه واحد يبيك عند

    الباب ويقوله الاب وهو يبي الفكه قوله مو موجود او نايم....طبعا الولد راح تتلخبط عنده المفاهيم ابوي يقولي

    لاتكذب وهو يكذب ؟

    مثال ثاني : يدخن الابو قدام عياله .وفي غفله منه ياخذ الولد الزقاره ويبي يحطها بحلجه ينتبه الابو وياخذ الزقاره

    بسرعه ويصرخ على الولد او يمكن يضربه ويقوله هذي مو زينه وتجيب الامراض ...الخ

    طبعا الولد ايضا تتلخبط عنده المفاهيم ابوي يقول الزقاره مضره وهو يدخن .؟

    مثال آخر : الام تنبه ولدها لاتتكلم في الناس ولا تتغتابهم ترا الغيبه حرام .ولم يدق تلفونها وتكلم صديقاتها

    يتكلمون في فلانه وهذي فيها وهذي فيها وهذي ماتستحي ....الخ

    طبعا الولد ايضا تتلخبط عنده المفاهيم امي تقول لا تتغتاب وهي تتغتاب.؟



    والامثله كثيره ولكن ما أبي اطول عليكم واتمنى أن الفكره وصلت

    اخواني واخواتي يمكن تكون هذي الشغلات عندنا حنا الكبار عاديه بس ترا عند الصغار هذي الشغلات

    هي اللي تأسسهم...

    فيا أيها الآباء والامهات ربَوا أنفسكم قبل أن ترَبوا أبناءكم



    وتقبلوا تحياتي
     
  2. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    صدقت يا دحوم ، يجب أن يكون الآباء و الأمهات قدوات قولا و فعلا
     
  3. Workers

    Workers إدارة المنتدى

    7,767
    30
    48
    ذكر
    الكويت
    السلام عليكم ورحمة الله وبركاتة

    نعم التناقض يعمل لخبطة كبيرة للطفل ولن يثق في كلامهم

    شكراً دحوم نصائح جميلة جداً
     
  4. Export_Doc's

    Export_Doc's بـترولـي خـاص أعضاء الشرف

    2,561
    0
    0
    على التربيه للاسف والله من نقص الوازع الديني و الله يتر من الزمن هذا و الي ياي يسلمووووو
     
  5. دحوم

    دحوم بـترولـي نشيط

    61
    0
    0

    حياكم الله جميعا وشاكر لكم المرور
     
  6. زهرة التوليب

    زهرة التوليب بـترولـي خـاص

    موضوع رائه وطرح مميز

    بالفعل اخي الكريم
    يجب ان يكون الأباء والأمهات قدوه لأبنائهم
    وصوره حسنه لهم

    فشخصيه الابناء تتحدد بجو الاسره
    وطريقه تعاملهم مع ابائهم
    وايضا صفاتهم وبعض اطباعهم تنعكس عليهم تلقائيا من اسرتهم

    فيجب ان يكون الأباء صادقين مع انفسهم
    ويتحلون بصفات واخلاق عاليه
    لكي يكونوا قدوه حسنه لأبنائهم


    الف شكر على الموضوع المميز
     
  7. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    الله يعطيك العافية علي التنويه

    ودائما الأنسان يتعلم طول ماهو عايش سواء كان كبير أم صغير
     
  8. دحوم

    دحوم بـترولـي نشيط

    61
    0
    0
    حياك الله اخت زهره وشاكرلك المرور


    وكما قال الشاعر :

    وينشأ ناشئ الفتيان منا على ماكان عوده ابوه
     
  9. دحوم

    دحوم بـترولـي نشيط

    61
    0
    0





    يامرحبابك اخي جونم


    ومشكور على المرور
     
جاري تحميل الصفحة...

مشاركة هذه الصفحة