عضو جديد جدا و عندي موضوع يقلقس بصدري ودي أقولكم عنه ...

الكاتب : Q80Y | المشاهدات : 1,604 | الردود : 20 | ‏8 يوليو 2008
  1. Q80Y

    Q80Y بـترولـي جـديـد

    8
    0
    0
    أعذروني يا أخواني ويا أخواتي ,,, أدري العضو الجديد لازم يعرف الناس على نفسه ويشارك بالردود وبعدين يبدأ يطرح المواضيع و لكن هالأمر مو طبيعي ولازم نستعجل بذكره عله يلقى صدى عند أحد المسئولين قبل أن تتفشى هذه الظاهره .

    شرايكم بأخ عربي (من غير ذكر الجنسية) يعمل بأحد المصافي كمهندس لديه من النفوذ والمحبة ومن المقربين جدا لمسؤوليه لدرجة أنه تمكن من توظيف 3 من أبناء عمومته في نفس قسمه اللذي يعمل فيه (في المكاتب المجاورة لمكتبه) و هذا المهندس مكافئته السنويه لا تقل عن 200 % و هذه السنه قد كسر الحاجز و صك 300 % . كورساته السنويه الداخلية من 4 إلى 6 كورسات , كلامه مسموع جدا ولا يوجد منافس له والكويتيين في القسم مالهم إلا الله و الرسالة الموجهه لهم من رئيسهم (( السكوت أحسن لكم واللي مو عاجبه يتوكل على الله مو لازم هالقسم ).

    رئيس هالقسم متمرس إختصاصي بالتخلص من الكويتيين الموجودين عنده بالقسم فعلى إيده أقل شيء عشرة مشو من القسم والضغط على الموجودين مستمر لحين التخلص من آخر كويتي عنده . زياراته كثيره للعلاقات الصناعية من كثرة شكاويه على مرؤوسيه , فهو لا يتفاهم مع مرؤوسيه إلا عن طريق العلاقات الصناعية وأول العلاج عنده الكي .

    لعلكم تتسائلون ليش هذا كله ؟ ببساطة العربي (تحت أمرك يا أفندم ) و الهندي ( Yes Sir ) وهؤلاء بنظره أحسن من الكويتيين وهم اللذين يستحقون المكافئات العالية لحد التخمه .

    يبه إحنا إللي ورانا بيوت وأراضي قيمتها بمئات الآلاف والديرة ديرتنا وولائنا لهالبلد و نعمل ولا نمل من أجل كويتنا الحبيبه ولكن كيف توصل هالمعلومة لشخص جل إهتمامه هو إظهار أن الكويتيين يصعب التعامل معهم وأنه لا يجب أن يتعودوا على الخير كي لا يأذوك كل سنه بطلب الإستمرارية . والله المستعان
     
  2. brilliant

    brilliant المـراقب الـعـام

    8,477
    0
    0
    Engineer
    Kuwait
    حياك الله اخوي

    اخذ راحتك قول اي قسم ترا عادي
     
  3. نفطية أصيلة

    نفطية أصيلة بـترولـي نشيط

    93
    0
    0
    طباعه
    مصر
    حياك الله بالمنتدى هذا أول شي .... والظاهر قلبك وايد ((متروسه )) علشان جذي ما نطرت اتعرف بنفسك و
    سيدة دااااااااااااش دوغري بالموضوع .... مشكوووور على الموضوع والمعلومات الخطيرة !!!!!
     
  4. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    الله يعينك علي بلواك

    وماهو شي جديد حاصل بكل مكان دائما الأولية للأجانب
     
  5. كي او سي

    كي او سي بـترولـي خـاص أعضاء الشرف

    هذا على الاقل عربي ويمكن يطلع مسلم بعد

    تعال شوف اللي عندنا هندي من عبدة النار ما ادري البقر اعزكم الله

    يعين ويفنش بعد

    الله يستر ما يجيني الدور

    للاسف الاعتماد الكلي الحاصل في معظم القطاعات النفطية على الاجانب وليس للكويتي دور فيها

    وارجع واقول كما قلت في السابق

    العيب من المانيجرز وليس من التيم ليدرية او الدي ام دي

    لان المانيجيرز هم اللي يمررون
     
  6. الوليد

    الوليد بـترولـي نشيط جدا

    424
    0
    0
    حياك الله
    والله يا افندم ان شاء الله تعيش وتشوف
     
  7. زهرة التوليب

    زهرة التوليب بـترولـي خـاص

    عندنا وعندك خيييييييييييير

    قسمنا وبالتحديد دائرتنا ترسها هنود
    موظفين شركه وفوق هذا بونص وموظف مثالي
    وغيره وغيره

    واحنا لنا الله

    ربعنا يحبون اللي يمجدهم ويرفع لهم ويجاملهم
    ما يحبون الحقاني
     
  8. بن زريق

    بن زريق بـترولـي مميز

    804
    0
    0
    الله يعينك ......ليشششششششششششششششش مارحت للنقابه او اذاماسو شى روح للنيابه العامه واشتك عليه .قلبنا معاك. يليت تذكر اسمه علشان تفوح ريحته النتنه
     
  9. Q80Y

    Q80Y بـترولـي جـديـد

    8
    0
    0
    مشكورين يا أخوان على الردود ...

    أحب أذكر فقط ,,, الله يخليكم أبيكم تخيلون الموقف معاي :rolleyes: 4 من نفس العائلة يشتغلون مع بعض في نفس القسم ... شلون بالله راح يكون المنظر ؟ العمدة اللي جايبهم يتمشى نافش ريشه على الكل و لسان حاله يقول من يقدر يوصل لمواصيلي أنا في ديره مو ديرتي وقدرت أكوك هالطمبور طين (التيم ليدر) وأخليه يشغل عيال عمي اللي مو لاقين شغل بديرتهم ,,, الكل يدري و المنظر عجيب و فيه تحدي للموجودين كلهم , المعلم يقول إذا أنا مطيب خاطر هالطمبور طين و جايبله لبن العصفور ما حدش يئدر عليا . يا أخي على الأقل عينهم بمكان ثاني مو عندك بالقسم نفسه ,,,

    بالله عليكم سمعتوا عن كويتي قدر يسوي جذيه و حتى لو سوى حلال عليه ,,, ديرته


    والله العظيم يا أخوان أنهم جميعا إنجليزيتهم ميح يعني مو مستوفين أبسط أمور التعيين بالشركة و مؤهلهم العلمي لا يؤهلهم حتى الدخول من باب المصفاة , واحد منهم " مهندس " لاحظ أنه عليها علامات , طبعا تم تعيينه عن طريق المقاول وهنا إستطاع ان ينفذ من اهم شرط وهو إعتماد شهادته من جمعية المهندسين الكويتيه , فمهندسين المقاول مو مطلوب منهم أن يعتمدون شهاداتهم من جمعية المهندسين ,,, بالعربي الفصيح العمدة ولد عمه اللي توسط له لعبها صح و زرقه عن طريق المقاول ,,, أما بخصوص الأثنين الثانيين فواحد منهم معاه شهادة آداب و قاعد يشتغل شغله فنيه (( مصفاة بطيخ )) والثاني والله ماني متأكد لكن نفس الجمبزة ,,, شهادات مصر كلنا نعرفها ...


    أما سالفة أن الطمبور طين مطير 10 كويتيين من القسم ,,, مالها ذكر عند أحد !!! شنو هالأمر عادي ؟

    المراد ,,, هالأيام فيه إشاعة قوية بأن بتاع الفول في حارة المعلم مو لاقي شغل وإحتمال المعلم يتوسط له بشغله داخل المصفاة ,,, أولا لأنه يقدر وثانيا الإدارة مالها شغل بهالسوالف كيفه ... دام الطمبور طين يحبه ... كيفه ,,, مالنا شغل إحنا إدارة ما تهمنا هالسوالف :cool:

     
  10. عندي راي

    عندي راي بـترولـي نشيط

    149
    0
    0
    بترولي
    Q8
    السلام عليكم

    الحل الوحيد برأيي لهذه المشكلة يكون بوقفة جماعية لكل صاحب ضمير يعمل في هذا القسم وذلك بتقديم شكوى جماعية ضد هذا المسؤول الى ( مدير المصفاة ) والمطالبة بفتح تحقيق شامل لكل بنود الشكوى للوقوف على الحقيقة وبهذه الطريقة لا تكون الشكوى كيدية وأنما تكون لمصلحة العمل .
    وأذا كان هذا (تيم ليدر) لا يستطيع أن يدير قسم يعمل به أبناء جلدته ( الكويتيين ) ويجبرهم على ترك القسم لحساب هذا المهندس( العربي ) فالأولى بأدارة المصفاة تنحية هذا المسؤول ( التيم ليدر ) أو نقله هو وهذا المهندس العربي الى كافتيريا المصفاة حيث أن جميع العاملين هناك من غير الكويتيين ويمكن لهذا المهندس أن يمارس جبروته ويعين كافة أبناء عمومته والقرى المجاورة أيضا في هذا المكان .

    لأن المصفاة ليست بحاجة هذه النوعية من البشر أو القيادة فهي مكان حيوي وخطر ويعتمد عليه أقتصاد البلد .

    الى متى السكوت على الحق؟؟؟؟
     
  11. HUMMER

    HUMMER بـترولـي خـاص

    الله يكون بالعون ولا زم تروحون النقابه وتشتكون عليه

    لان مايستاهل النعمه اللي اهوا فيها وفي غيره من عيالنا الكويتيين

    احسن منه بالف مره
     
  12. frfosha

    frfosha بـترولـي مميز

    753
    0
    0
    اخوي q80y أهنيك على صراحتك وشجاعتك بطرحك هالموضوع بس اذا تسمحلي في شي ناقص ما قلته وما تعودنا انا احنا انقول الموضوع ناقص أتمنى أنك تقول شنو هالقسم أو باي دائرة عشان نقدر نتكلم وبكل ثقه لا نخلي الموضوع ناقص يا اخوان خل نفضح بعض هالمرتزقه اللي وهاللي وياهم ليش خايفين يا جماعه قولوا بأي قسم وحتى لي لزم الأمر قول منو أهوا التيم ليدر مالهم عشان يعرف حدوده وأنه الناس طايحه على سوالفه بس ها خل اقولك تقول هالشي اذا كان معاك الدليل بالموضوع اللي قلته والى الأمام ياخوي ولا تسكتون عن حقوقكم واذا شفتو شي غلط تكلمو وقولو بصوت عالي وبفخر عشان هالكويت هالديره الطيبه اللي تلفوها بعض هالناس اللي فيها
     
  13. النوخذه

    النوخذه بـترولـي مميز

    517
    0
    0
    مراقب
    الكويت
    انا مؤيد الاخت فرفوش لازم هالاشكال ينفضحون واذا بتسكت انت الخسران واعضاء المنتدى يشكون ان كلامك مو صحيح قول تكلم ولاتخاف انت كويتي وبديرتك
    والله يوفقك ويوفق كل شريف
     
  14. Q80Y

    Q80Y بـترولـي جـديـد

    8
    0
    0
    هالأيام فيه إشاعة قوية بأن بتاع الفول في حارة المعلم مو لاقي شغل وإحتمال المعلم يتوسط له بشغله داخل المصفاة

    المعلم بديرته هاليومين بإجازة قاعد يعرض الفرص المتوفرة بالمصفاة للعاطلين عن العمل هناك والله أعلم يقبض منهم نسبة من الراتب بعد التعيين . يا جماعة الخير يا عالم ... يا الطيبين 4 من عائلة وحدة بنفس القسم وين صارت هاذي ؟

    والله مثل رئيس هالقسم ما شفت نعنبو غيرك ما تحس ما عندك كرامة شلون تسمح حق واحد من موظفينك يشغل عيال عمه و أعيال أخوه لهالدرجة محتاجله لهالدرجة ذالك ؟ كل هذا يا الربع نتيجة التكويك وخليك مرتاح يا بيه وإحنا نئوم بكل حاجه .
     
  15. تايتنك

    تايتنك بـترولـي خـاص

    1,239
    0
    0
    منوهذا شمشون الجبار
     
  16. كنبس

    كنبس بـترولـي مميز

    814
    0
    0
    اخوى كويتي
    ارجوك ان تقول لنا القسم واسم التيم ليدر واى مصفاة
    حتى نعرفه ومن يكون واسم المهندس الفذ
    ارجو ان ترد علينا بالمعلومات هذى ومهم جدا
    احسن من ان تعيد وتزيد بالكلام
    حتى اخبرك ماذا تفعل بالضبط
     
  17. السراب

    السراب بـترولـي نشيط

    105
    0
    0
    اخوي شسالفتكم انتم انتو مثلنا تاكلون وتشربون ؟ اوادم بشر ولا من الفضاء؟ يبه خلوا كلمتكم وحده واشتكوا ترا قبل كم سنه موظفين بالشعيبه طيروا تيم ليدر صارو رجال وطلبوا النقابه والعلاقات الصناعيه واجتمعوا معاهم وحاكموه و عضو النقابه قام بدور جيد وكان السبب في نقفته .....قولنا منو صاحبكم علشان نطيب خاطركم ماتبون فزعه اما اذا تبونها مناحه وعزاء لا اطفشوا من قسمكم احسن لكم
     
  18. الرويشد

    الرويشد بـترولـي نشيط

    145
    0
    0
    ابتسم انت موظف في البترول الوطنيه
     
  19. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    السلام عليكم ورحمة الله وبركاته

    اخي القدير كاتب الموضوع أتمنى ان تتواصل معنا لكي يأخذ هذا الموضوع حقه واكثر
    وحنا على استعداد لعمل بنر فلاشي للموضوع بعد ان تمدنا بالمعلومات والدلائل على هذا الموضوع وسنقوم بدورنا بعمل اللازم لايصال صوتكم ان شاءالله.

    ارجوا مراسلتي على الرسائل الخاصه او عن طريق الايميل q8ow@q8ow.com
     
  20. mtm

    mtm بـترولـي نشيط جدا

    419
    0
    0
    احنا بدائرتنا اهم شي الاجانب..

    ومايقدرون يسوون شي الا بوجودهم ولا راح يوقف الشغل

    اما الكويتيين فهم كلهم بنظر المسؤولين مايفهمون ولا يمكن الاعتماد عليهم

    حرام عليكم في ناس فاهمه وخبره

    انا بالعمليات ودايما يميزون الاجانب على الكويتيين حتى بالاوفرتايم والبونص والتقارير


    وشكرا
     
جاري تحميل الصفحة...

مشاركة هذه الصفحة