موضوع خطير وين النقابه عنه

الكاتب : فهد1 | المشاهدات : 3,136 | الردود : 44 | ‏6 يوليو 2008
  1. فهد1

    فهد1 بـترولـي جـديـد

    41
    0
    0
    0









    الموضوع يتعلق بالسناتر اليديده أو ما يعرف ب E P F


    وحده شغلوها قبل فتره بالشمال 50 ألف إنتاجها من النفط
    و فى وحده نفسها راح يبلشون فيها بعد فتره إنتاجها 120ألف

    وفى وحده حق الرتقه والعبدلى إنتاجها 120ألف

    كلهم بالشمال

    وفى وحده بالغرب على ماأعتقد إنتاجها 100ألف.

    المشكله:
    1) لى متى سياسة الترقيع وتنفيع المقاول (لأن سالفة ال E P F مجربه بعد الغزو بسنتر 17 وشفنا كم المشاريع الكبير على هالسنتر من سنة 99 إلى يمكن 2020).

    2) جعل المقاول هو اللى يشغل لمدة 5 سنوات قابله للتمديد و ين الأوبريتر ليش ما يسلمونهم هالسناتر.

    الرجاء من النقابه التحرك لإيقاف هذى المشاريع الترقيعيه إذا ما يقدرون على الأقل جعل الأوبريتر يشاركون بتشغيله.



    .
     
  2. العيال كبرت

    العيال كبرت بـترولـي نشيط

    92
    0
    0
    موضوووووووووووووووعك حلو ويعطيك العافيه
    بس للاسف تنادي على طرشان
    راحوا الناس اللي تخاف على الكويت ومستقبل الكويت
    راح عهد الرجال اللي مايهمها غير مصلحه الكويت والحفاااظ على ثروتها
    ويانا عصر اللي يبون الصلطه ويدورون مصلحتهم
    مانقول الا الله يعينااااا
    ولابد من وجود ناس تخاف على الكويت بس وينهاااااااا
    واصحاااااااااااااااااااااااااااااا يا نااااااااااااااااااااااااااااااايم.
     
  3. المشاكس

    المشاكس بـترولـي خـاص أعضاء الشرف

    998
    1
    0
    ال Epf حالياً موجوده بس بالشمال وهي حالياً تحت التجربه ....

    السؤال .... شنو راح تكون مهمة المشغل أو المراقب إذا كان مابيده شي يسويه يعني ماعنده أي صلاحيات ... من تشغيل وتسكير وغيره ..... ؟؟؟؟

    هل راح يكون .... سمان ديجه ؟؟؟؟؟

    أعتقد هالمركز راح يكون بالنهاية للأنتاج وراح يحطون فيه موظفيين بس خل يخلص مدة التجربة أول

    على العموم المشروع لين ألحين فيه نواقص ولما يكتمل إن شاء الله راح يحطون فيه موظفين حاله حال مراكز معالجة المياه ألي في البرقان والمقوع لازال مافيها مشغلين ولا مراقبين رغم أفتتاحها منذ زمن من زمن النقابة السابقة.... بس ماسمعنا أحد طالب فيها
     
  4. LaRambla

    LaRambla بـترولـي خـاص أعضاء الشرف

    2,041
    3
    38
    ياجماعه من صجكم تترجون شي من هالنقابه


    اغسلوا ايدكم
     
  5. العيال كبرت

    العيال كبرت بـترولـي نشيط

    92
    0
    0
    المشااااكس الظاهر وااايد النقااابه عاجبته اداءهاااااا
    والظاهر بعد ان خادمته وايد ومستفيد منهااااا او ومجموعه معينه علشان جذي كل ما تكلمنا قال النقابه السابقه والنقابه السابقه يبا خلنا من اللي راح وعلينا من اللي يااي
    ( قاال طلقهااا واخذ اختهااا قال الله يلعن الثنتين )
    وحسبي الله ونعم الوكيل في كل واحد مايحافظ على النعمه اللي عطانا اياه ربنا
    هذا عصب الدوله يا شباب حاااااااااااااااافظووا عليه لكم ولابناااءكم واحفادكم
    والسلام ختام.
     
  6. المشاكس

    المشاكس بـترولـي خـاص أعضاء الشرف

    998
    1
    0
    أخوي انا لاني مستفيد من النقابة الحالية ولا السابقة بس الشي المشترك بينهم أنهم كلهم ربعنا .... وزيدك بعد حتى رحلت العمره ماستفت منها لأن أسمي ماطلع بالقرعه.

    بس ألي بقوله إن النقابة في أمور ماتقدر تتدخل فيها ... وخاصة مثل الشغلات الجديده وانا سألتك سؤال ماجاوبت

    شنو راح يسوي المراقب او المشغل1 في الEPF إذا ماعنده أي صلاحية فيها ؟؟؟؟؟؟؟؟؟؟؟؟؟
     
  7. فهد1

    فهد1 بـترولـي جـديـد

    41
    0
    0

    أخوى سنتر 17 كان EPF ومن قال أنه اللى بالشمال تحت التجربه و ال 120 الى شغالين على عقدها بعد راح تصير تحت التجربه و سنتر 16 اليديد بعد راح يكون تحت التجربه الرجاء التأكد من معلوماتك أخوى.



    0
     
  8. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ


    يا رجال صل ع النبي

    وين أنت غادي :confused:

    الموضوع ذا يتعلق بالدولة وسياستها :rolleyes:

    مال لنقابتك أي حق أنها تطالب بشي ;)

    وغير ال epf الي تفضلت وذكرتها عندك مركز تجميع الخطوط الرئيسيةالخارجية من مراكز تجميع لشمال
    transit line point A
    :D
    كلها مستلمها المقاول :D
     
  9. judgement

    judgement بـترولـي نشيط جدا

    342
    0
    0
    معاين ابار
    وين النقابة عن انقطاع الكهرباء في الكويت وين النقابة عن الزحمة وقلاء الاسعار والاقساد لووووووووووووووول
    ياجماعة بسكم عاد كله النقابة النقابة يبى تبون تفيدون الشركة وقلبكم عليها روحو النقابة وتكلمو سوو شي عملي على الاقل
    والمشكلة مواضيع منتدى koc كلها عن النقابة لو تلاحظون ليش مادري ؟ :)
     
  10. مسوي زحمه والشارع فاضي

    مسوي زحمه والشارع فاضي بـترولـي نشيط

    97
    0
    0

    وليش زعلان على النقابة

    محد قالهم ترشحو

    وبعدين منوا إلي قالك يبون يسوون شي يا ابن الحلال شوف موضوع الشعلان وال65 يترجونهم ترجي علشان يقابلونهم محد معطيهم وجه

    لا تصدر لرئاسه وبعدين تقول يا جماعة شفيكم علي قبل لا تكونون نقابه أحد قال فيكم شي ولا درى عنكم
    لا ترشح نفسك وما ترضى أحد ينتقدك ولا ينتقد عملك

    أخوي تدي أن سعر المعسل أرتفع في الاحمدي

    لووووووووووووووووووووووووووووووووووووووووول
    الصراخ على قدر الالم
     
  11. المشاكس

    المشاكس بـترولـي خـاص أعضاء الشرف

    998
    1
    0
    مسوي زحمه الصرحة كلامك قوي ........ صج من قال لهم ترشحو ؟؟؟؟؟؟؟؟؟؟ :rolleyes:

    هذا يبين مدى تفهمك للمواضيع انا قلت لنت كل شارده ووارده تحط النقابة فيها ... بس كلامك هذا فعلاً كشف أمور كثيره ... وهو مدى حقدك على النقابة سواءً أنجزوا أو ما أنجزوا
     
  12. العيال كبرت

    العيال كبرت بـترولـي نشيط

    92
    0
    0
    اهم خل ينجزووووووون بالاول
    وتالي يصير خير
    لكن شكلهم ما وراهم الا الفلس
    ومصالحهم وربعهم اهيا اللي راح تمشي
    ولو دامت لغيرك ماتصلت لك
    افعال لا اقوال
    واهم لاهذي ولا ذاااك
    وواحد شااااي وشيشه وحصلواااا
     
  13. مسوي زحمه والشارع فاضي

    مسوي زحمه والشارع فاضي بـترولـي نشيط

    97
    0
    0
    لا طال عمرك أنا فهمي عميق وممكن يغرقك أنت ونقابتك
    وأنا والله لا حاقد على النقابة ولا عليك ولا أعرف أشخاصكم الكريمة بس أحنا نتكلم على أداء ولاتحاول تخلي هجومنا على النقابة هجوم شخصي على أشخاص خصوصا أنتم معلمين في هذا المجال ولا نسيتم شنوا قلتم في دليهي
    وشنوا سويتم عموما لي مقال قديم في القوائم ممكن تشوفه أسمه ((كشف النقاب)) علشان تشوف حقدي على القوائم مع أنه كان تقييمي خطأ في قائمة الاتلاف ما كنت حط لهم أهمية كبيرة بس فاقوا كل التوقعات قديما وحديثا

    وعلى قولت العيال كبرة
    خلهم ينجزون وبعدين يصير خير

    وصدقني أنا أول واحد يكتب عنهم ويشكرهم
    ولا الادارة كاسرة خاطرهم

    لوووووووووووووووووووول
     
  14. المشاكس

    المشاكس بـترولـي خـاص أعضاء الشرف

    998
    1
    0
    اخوي مسوي زحمه

    لما النقابة تجيب أسثناء حق الموظفين في الأنتاج والغاز بتوقيع الجريد هذا مو أنجاز ؟
    لما النقابة تستعجل بأمر تعديل الدرجات حق الصيانه هذا مو إنجاز ؟
    وغيره وغيره ..... انا معاك في أمور النقابة ماقدرت تحلها مثل موضوع الدرجات للشباب 65 و 64 تدري ليش ..... لأن في أتفاق سابق بين النقابة الماضيه وإدارة الشركة وليس من السهل تغير الأتفاق وهذا يأتي في المطالبه الوديه وفي حال رفض إدارة الشركة الطلب ... لن يكون هناك سوى طريق واحد أمام النقابة وهو طلب الجمعية العمومية ومناقشة الموضوع معاهم وطبعاً في هالحاله ماراح يحضر سوى الموظفين 65 و 64 وهم مو كلهم لأن في البعض منهم لايعنيه الأمر لأن وقع الدرجه وخلص مثل ماعرفنا من العض ألي جاب سنوات خدمه خارج الشركة
    وبعد الجمعية العمومية شنو راح يكون الموقف ... هل هو الأضراب ومن ألي راح يضرب فئه قليله من الموظفين وطبعاً راح يكون مصير الأضراب الفشل منذ البداية

    أخوي مسوي زحمة مع أحترامي لك الكامل ... أما انك ماتعرف في أمور النقابة وكيف تجري الأمور ...
    او انك تبي تحمل النقابة المشاكل كلها السابقة والحالية وبس

    وإذا مثل ماتقول فهمك عميق ياليت تنورنا شنو المفروض النقابة تسوي بمشكلة الشباب 65 و 64 ؟؟
     
  15. العيال كبرت

    العيال كبرت بـترولـي نشيط

    92
    0
    0
    ترا انبطت جبدي جد
    يبا ماكان في اتفاااق ولا شي
    وانا واحد من الناس اللي تناقش بهالموضووع بوجوود ممثلين من النقابتين الحاليه والسابقه
    اصلا ماكان في اتفاااق ولا شي مجرد محاضر اجتماعات لا اكثر ومافيها هالكلام
    وطلبت منهم يعطونا هالمحاضر علشان نطلع عليهاااا ماكو ماميش مافي
    كله مجرد كلام
    وقلت لهم اذا فعلا الدليهي وقع على التفاقيه ليش ماتييبون نسخه منها هم ماكو ميح ماكو شي
    قولي اصدق منو اللي راحت وتنفي هالشي ولا اللي يت وماعندها دليل واثبااات مقنعه بالادله القاااااطعه
    ولاعت جبدناااا
    واقوول لل 65 مالكم غير المحاكم والله راح تييبون حقكم تالت ومتلت على قولت اخوانا المصريين
    وكفايه يا ريس كفايه
    والظاهر راح نسوي حركه كفايه فرع الكويت....
    وافهم يا فهييييييييييييييييييييييييم....
     
  16. المشاكس

    المشاكس بـترولـي خـاص أعضاء الشرف

    998
    1
    0
    أخوي العيال كبرت

    إذا أنت مثل ماتقول واحد من ألي حاضرين الإجتماعات ... أكيد أنت تعرف إن محضر الإجتماع يعتبر ملزم للطرفين

    بعدين إذا على كلامك مافي شي أسمه شرط المده وانا أعني 6 و 8 سنوات ألي يتكلمون عنها .... في قانون بالشركة على عدد سنوات الخدمة لكل درجه .... تقدر توضحه لي ؟؟

    يعني ..... على سبيل المثال .... ألي يوقع درجه 14 لازم تكون عنده خدمة بالشركة لا تقل عن 15 سنة على ما أضن تقدر تفيدني فيهم .؟
     
  17. العيال كبرت

    العيال كبرت بـترولـي نشيط

    92
    0
    0
    مساء النور والنوير عليكم
    من قال لا اعلم فقد افتى
    ورحم الله امرىء عرف قدر نفسه
    انا ما اقدر افيدك بهالموضوع لكن تقدر تروح الشئون القانونيه بالشركه واهم يفيدوونك
    او اقوولك روح النقااابه عندها مستشار قانوني ممتاز وخله يشرح لك
    وافهم يا فهيييييييييييييييييييييييييم...
     
  18. مسوي زحمه والشارع فاضي

    مسوي زحمه والشارع فاضي بـترولـي نشيط

    97
    0
    0


    أقولك مثل ما قال العيال كبرت
    وين الاتفاقية ولا وين المحاضر إلي فيها أتفقة النقابة السابقة مع الادارة عليها وأنا حاضر
    مستعد أرد.
    هذا شي والشي الثاني أنا ما طالبت النقابة تحل الموضوع إلي ماله حل لكن ممكن النقابة تطلع الشباب على المحاضر إلي صارة بينهم وبين الادارة وأن الموضوع وصل معانا إلى هذا الحد ويكون صاحب الشكوى على إطلاع تام بالنسبة لموضوعة
    ويبينون القنوات القانونية إلي يقدرون يمشون فيها
    مو طناش ولا يحذف التهايم على غيرة بس هذا إلي أطلبة
    على فكرة أنت فاهمني غلط
    أنتقادي على النقابة الحالية لسياستهم مع الموظفين
    ومحد طالب النقابة بأكثر من شغلها
    بس الشفافية معدومه عند النقابة
    في البداية شادين حيلهم والوعود يا كثرها
    بس شكلها فزت البداية وبعدين طخوا محد له خلق

    أنت شرايك فيه نقابي يقول لشعلان أنا الإدارة كاسره خاطري بالله عليك هذا كلام ولا منطق نقابة
    أتركلك الرد
     
  19. المشاكس

    المشاكس بـترولـي خـاص أعضاء الشرف

    998
    1
    0

    شاكر لك الرد بريحة النوير

    أخوي انا راح أفيدك في هالموضوع بس مو بشكل دقيق جداً راح أعطيك فكره عامه

    مسئلة عدد سنوات الدرجه وانا أتكلم عن غير المهندسين طبعاً .. لكل درجة عدد سنوات مثال

    الدرجه 13 لازم تكون عدد سنوات الخدمه عندك 10

    الدرجه 14 عدد سنوات الخدمه 15

    وانت ماشي طبعاً هذا مو بالضبط بس قريب من المده ... لكن حسب علمي بعد ماصار في تعديل بالدرجات في عمليات الأنتاج وانا أعني في سنة 1997 لما تم تغيير المسميات وأصبح op2 op1 وغيره صارت في مشكله بالنسبة لسنوات الخدمه حق الدرجه 12 و 13 لأن في وايد موظفين ماتنطبق عليهم عدد سنين الخدمه من بعدها تم أستثناء المسميات طبعاً والخاصه بالعاملين بالحقول فقط ومنها تم التعديل على عدد سنوات الخدمه من قبل إداراة الشركة

    ألي بقوله ..... لو الشركة بطبق قانون الخدمه الصحيح كان 80% من الموظفين مايوقعون درجاتهم

    ألي بقوله كان من المفروض إن النقابة السابقة تناقش هالموضوع .... وانا ما أقصد الطعن فيهم لكن للمصلحه العامه ... وانت تقول إن مافي شي تم مناقشته بهالأمر .... والشرط أساساً كان موجود

    وتقبل مني عطر النوير ألي ماشفناه من سنين
     
  20. المشاكس

    المشاكس بـترولـي خـاص أعضاء الشرف

    998
    1
    0
    أسمح لي هذا كلام خطير وانا معاك ... بس هل نحمل النقابة كامله تصريح عضوا قال هالكلام ... انا ما أقول خانه التعبير ... بس أقول ماعنده منطق بالكلام ... وأعتقد لغة الحوار ليس الكل يستطيع أن يجيدها....

    أرجو أني ماثقلت عليك بالكلام ... وبالنهاية هاذي نقابتنا والجمعية العمومية قالت كلمتها ويجب علينا الوقوف معها حالياً على أقل تقدير ولما تصير الجمعية العمومية .. أفتح عليهم النار وقول ألي بتقوله وهذا من حق كل عضو
     
جاري تحميل الصفحة...

مشاركة هذه الصفحة