وين الوعود يا نقابه

الكاتب : شمال الكويت | المشاهدات : 988 | الردود : 12 | ‏5 يوليو 2008
  1. شمال الكويت

    شمال الكويت بـترولـي نشيط

    148
    0
    16
    بسم الله الرحمن الرحيم

    اخواني اعضاء النقابه المحترمين :

    بقيت أسأل وين وعودكم لنا في موضوع بوابة point A اللي في الروضتين شصار على الوعود قلنالكم نبي رئيس الفريق الأمن اللي في شركة الخدمات يطلع يشوف البوابة وطريقها اللي اذا صار غبار محد يرضى يروح هناك شوفوا حل قلتوا اسبوع والحين صار اكثر من اسبوعين مايصير يا جماعة الخير واتمنى منكم الاستعجال في الموضوع .
    وشكراااااا ..
     
  2. q8security

    q8security بـترولـي خـاص أعضاء الشرف

    ممكن توضح أخي الكريم

    وصلني من بعض الأخوه أن الموضوع شبه منتهي أو إنتهى على حد علمي

    أرجو التوضيح للفائدة

    ؟؟؟
     
  3. شمال الكويت

    شمال الكويت بـترولـي نشيط

    148
    0
    16
    هلا فيك اخوي المشرف وأشكرك على الرد .
    والله سألنا وكذا واحد يعطينا جواب وللحين البوابة مستلمين عليها وقالوا محد مر عليها من المسؤولين واحنا خايفين اذا جاء غبار أولا سيارات الترانسبورت ترفض انها تدخل لان طريقها بر وثانيا سيارات المطعم حق الشركة بعد ترفض اتوصل الاكل الى البوابة واصلا ما فيه عمال فيها غير 3 تقريبا يجون الصبح كم ساعه ويروحون ... وفيه اكثر من حل حق هالبوابه ...

    وشكرااا منكم على المتابعه واتمنى ما كثرت بالكلام ...
     
  4. q8security

    q8security بـترولـي خـاص أعضاء الشرف

    شكرا لردك الموضوعي

    ونبي منك شئ طال عمرك

    إشلون قاعد يجيكم الأكل

    وشنو أهمية البوابة بشكل عام بدون ماتذكر تفاصيل سرية

    وكم تبعد عن مكتب ضابط الشفت أو أقرب بوابة (بالعربي إذا صار لاقدر الله طارئ وإحتجتو إسعاف أو مطافي أو ربعكم الأمن)

    الشر برى وبعيد لكن لإستيضاح الوضع كم يبيلهم عشان يجونكم

    وثاني شئ ليش الترانسبورت (تقصد المواصلات باصات الشركة ) ماتوصلكم

    هل عندكم سيارة هل لديكم معدات الأمن والسلامة


    أرجو الرد بموضوعية ومطلبكم راح يلقى صدى بإذن الله

    إخوانا بالنقابة ماراح يقصرون على ما أعتقد

    بس لازم تكون المطالب واضحة



    تحياتي:)
     
  5. شمال الكويت

    شمال الكويت بـترولـي نشيط

    148
    0
    16
    مرحبا يامشرفنا العزيز ،،

    برد على أسئلتك باختصار انشالله توصل المعلومه واتكونون راضين على الرد :

    الأكل يجينا الحمدلله ماقلنا شي بس اذا صار غبار السيارات ماتقدر تروح البوابة عشان طريقها بر يعني تقريبا 10 دقايق بالنسبة لسيارات المطعم حق الشركة الا اذا جابوا الأكل في المراقبة وبعدها يجيبها لنا الجوال عشان سيارات الامن عندنا جيب .. سيارات المطعم ثقيلة ماتقدر تدخل .
    البوابة اصلا سألت موظف في koc يقول اصلا هذي للحين تابعه شركة مقاول ماعليها شغل للحين ما استلمتها شركة نفط الكويت .
    البوابه تبعد عن غرفة المراقبة تقريبا ربع ساعه والبوابة هذي اول بوابة من عند نقطة منشات الداخلية .

    وقلتلك الترانسبورت ( سيارات الشركة ) اذا صار غبار ماتدخل واذا راح الغبار يجون يعدلون الطريق يشيلون التراب من الطريق عشان السيارت تقدر تمشي ..

    بالنسبة لنا .. عندنا سيارت للجوالين ونقطتهم في غرفة المراقبة .

    واسف اذا طولت معاكم وانشالله قدرت اوصل معلومات زينة


    وشكرا لتجاوبكم معنا
     
  6. q8security

    q8security بـترولـي خـاص أعضاء الشرف

    بصراحه شديدة برأيي المتواضع أنه حسب وصفك

    البوابة هذي إذا كان المسئولين حارصين على أن الأمن يستلم فيها ومو راضين يسمعون لكم


    في أبجديات وهي توفير فراش عامل نظافة شفتات ويلزمون بتنظيف البوابة هذي

    توفير ثلاجه وبرادة ماء لكم إذا مو موجود صيانة المبنى


    تنظيم الإستلام بالشكل الملائم حسب حاجة العمل

    المطعم إذا رفض التوصيل بسبب طبيعة المكان
    (تغريزات)

    المفروض ومن البديهيات أن ربعكم يوصلون لكم


    أنا أنصح إذا كان بطلب هذه الأشياء وديا

    وطلب فتح البوابة بناء على حاجة العمل (إذا أمكن إغلاقها دون أن تعطل العمل )

    في حالة عدم الإستماع لمطالبكم

    توجيه نداء رسمي للنقابة

    وبإمكانك طرح المشكلة للنقاش هنا في المنتدى ولإيصال صوتك


    دائما المطالبات الموضوعية والمقنعة تنال صدى وإستجابة

    والتوفيق من الله


    ثم وقفتكم مع النقابة


    النقابة على حد معلوماتي المتواضعه يقولون حنا حاظرين

    ومارح يقصرون إنشالله

    وأعتقد أخونا بالنقابة قاعد يدشون ويقرون مطالبكم


    تحياتي
     
  7. ما اروعك

    ما اروعك بـترولـي نشيط جدا

    455
    0
    16
    مثل ماقلت اقتراح ودي بصراحه تتبناه النقابة وكله يصب في مصلحه حبايبنا الي يداومون في الحقول عموما

    انه ينشا منطقه كامله مجهزه يسعني فيها كل مايحتاجه الموظفون من مطعم وبقالة وغيره في كل حقل او قريب منه على الاقل

    عشان نضمن راحه اخواننا الموظفين وكل احتياجاتهم تكون قريبه منهم

    ياريت والله تتداول الاقتنراح هذا نقابتنا الموقره وماراح تقصر في خدمه اخواننا

    وتحياتي للجميع
     
  8. شمال الكويت

    شمال الكويت بـترولـي نشيط

    148
    0
    16
    أشكركم جميعا على الرد والمشاركة ..

    وإنشالله إن نقابتنا الكريمة ماراح اتقصر وحنا ما علينا غير الانتظار والله كريم .. واشكركم مرة ثانية
     
  9. لاهنت اخوي شمال الكويت

    ونحن معكم قلباٌ وقالبا

    وترى الاخوان تطرقوا للموضوع من قبل الاخ امن الشمال والى قال عن النقطه هذي لكن اكتشفنا ان المسؤولين مايردون على احد

    لكن انشالله نشوف مسؤول كبير يطلع من ربعنا عشان نعرف نتفاهم ويقدر ظروفنا مثل الاخ شمال الكويت الى نطمح انه يكون تيم ليدر بالقريب العاجل ويستاهل كل خير وهذا الكلام الى سمعناه من مده قصيره

    اتمنى لك كل التوفيق وتستاهل كل خير يالغالي بوعلي :)
     
  10. شمال الكويت

    شمال الكويت بـترولـي نشيط

    148
    0
    16
    مرحبا يابونايف والله لايهينك على الكلام الحلو بس الله يهداك تيم ليدر مره وحده ....

    الله يكتب اللي فيه الخير انشالله وأشكرك مليوووووووون .........
     
  11. ما اروعك

    ما اروعك بـترولـي نشيط جدا

    455
    0
    16
    احسن حل للي يواجه مشكله مثل هذي الا وهي عدم تفاعل مسؤوله المباشر مع احتياجاته انه يروح للمسؤول الكبير

    ويرتب الكلام له ويشرح له الوضع الراهن وهم باذن الله الزين منهم والي عنده حرص على موظفين شركته وفي اصل خلقته طيب

    ماراح يقصر وخاصه موضوع مثل هذا مايصير ينسكت عنه اصلا

    ومثل ماقلت من قبل النقابه فيها الخير والبركه وماراح يقصرون وايدينا في ايديهم في خدمه اخواننا الموظفين

    وتحياتي لكم جميعا
     
  12. KHALED(1981)**3

    KHALED(1981)**3 بـترولـي جـديـد

    16
    0
    0
    الســـــــــــلام عليكم
    بخصوص apoint سمعنا أن في مجموعة من الشركة زارت البوابة ومارضوا بالحال وقالوا ان البوابة غير صالحة نهائيا وانشالله يلغونها بس للأسف أن الشركة كلنا عارفينها شركة مطالبات فقـــــــــــــــــــط أحلا شي فيها أنهم يطالبون والله يصبرنا
     
  13. انشالله تتغير الصوره هذي

    وتصير شركة مواقف بدال شركة مطالبات

    والحمدلله الشركه تكبر كل يوم اكبر من اليوم الى قبله

    والاخوان قاعدين يحاولون يسدون الثغرات الى انتجها بعض المفسدين والماديين بالشركه ومبين ان اتجاهها اصلاحي

    والله يوفقهم لما فيه خير لنا جميعاُ ولهم
     
جاري تحميل الصفحة...

مشاركة هذه الصفحة