من هو المسؤول ؟؟

الكاتب : خميس الخامس عشر | المشاهدات : 1,433 | الردود : 18 | ‏4 يوليو 2008
  1. خميس الخامس عشر

    خميس الخامس عشر بـترولـي خـاص أعضاء الشرف

    هذي قصة صارت معاي مع المسؤول ... بين اوساط موظفين المؤسسة عشان يمشي ويصارخ من قمة راسة بسبب وبدون سبب..

    في مره من المرات كان عندي اجتماع في العلاقات العامه والاعلام الحكومي في المؤسسة وفي نفس الدور مكتب معالى وزير النفط وفيه محكر حمام صغير للمدخنين مقابل وكنت ادخن في هذي الغرفه ومعاي بعض الشباب وكنا نتناقش عن اللي بالاجتماع وكل واحد يشرح وجهة نظره اللي يشوفها صح ومندمجين بمادة الاجتماع وسيجارتي بيدي ووصلتني مكالمه خاصة وطلعت من الغرفه بدون قصد حسب طلب من حادثني واهوا مسؤول بالقطاع اللي اتبعه وكلن يبي يعطيني بعظ التوجيهات فقال لي اطلع منهم شوية عشان بتكلم معاك ما ابيهم ينتبهون فطلعت عند باب غرفة المدخنين وقمت اتكلم بصوت واطي .......ولحد الآن كل شي طبيعي... الى ان فتح المصعد اللي مقابل غرفة المدخنين وطلع منه ........... يمشي ويصارخ ......... لم تقبض اجرتها انت منو وشنو اسمك ( مابقا الا يسالني عن اسم الوالده) وفي اي دائرة تشتغل وانت مفصول وسط استغرابي وذهول الشباب اللي كانو يقفون وراي .. بسم الله الرحمن الرحيم هذا شفيه كلاني بقشوري شفيك كانك مقروص عسا تقرصك كوبرا شوفو شنو صار..
    قلت له : انت تصارخ على منو ( وانا في قرارة نفسي ادري علي ولا اعلم مالسبب)
    قال : عليك انت انت شنو اسمك ودخل ايده بجيبه وطلع تيلفون باندا 6600 القديم لونه اسود وقام يسوي حركات ............
    قلت له : اول شي لاتصارخ ولا اسمحلك لا انت ولا اللي اكبر منك يصارخ علي وانا اذا بحترمك عشان لحيتك البيضاء وكبر سنك بس اذا مصختها راح تسمع اللي يسم بدنك..
    قام يتكلم بالتيلفون ويصارخ من قمة راسة يافلانه دقي على مدير الامن وخلية يطلعلي الحين في الدور 14 او 12 (والله مو ذاكر الحين) عندي واحد يشرب سجاير في الممر.. والله عبالي اني بايق حلال ابوه فرجعت للغرفه وطفيت السيجاره ورجع له

    قلت انت الحين شتبي..
    قالي لازم اعطيك انذار
    قلت السبب شنو
    قالي تشرب سجاير..( طيب وللي يدشون المؤسسة وريحة المشروب فايحه وينك عنهم... والله عبالي محشش بالمؤسسة)
    قلت انا اتصل علي نائب العضو المنتدب فلان الفلاني وانا اشرب سيجارتي وطلب مني اني اكلمه بروحي لامور تتعلق بالشغل وكنت اقف عند باب الغرفه لخصوصية المكالمه وماقدرت اتكلم امام الشباب وهذا كل مافي الامر تعطيني انذار على شنو...
    رد اعطيك انذار وافنشك انت ونائب العضو معاك وخله ينفعك
    فقلت له مؤسسة منو بالضبط عشان نكون واضحين انت صاحب المؤسسة يافلان الفلاني
    فقال انا مؤتمن عليها..( وينك من المصفاة الرابعه يامؤتمن)
    وشافني مستبيع ولا همني لا اهو ولا اللي اكبر منه

    فقال انا عندي رايح اقابل الوزير الحين وموفاضي لك بس لما اخلص شغلي معاه راح اكلم على .... عشان يسرحونك بدون اشعار
    فسحبت هويتي المعلقه على صدري وقلتله تفضل سوي اللي تبي انا طالع بيتنا والرزق على ربك
    اخذ الهويه واهو عاقد حواجبة وقالي يصير خير...
    طلعت واتصلت هاتفيا بانائب العضو المنتدب وقلتله طرشو فلان يحضر الاجتماع انا صارلي موقف .. مع ........ وشرحت له اللي صار بالحرف قام يضحك ويقولي حتى انت ماسلمت من شره .. تعال قدم اجازه وخلني اشوف الموضوع معا العضو المنتدب..
    وسويت اللي قالي وتميت ثلاث ايام قدمت فيها على شركات بالقطاع الخاص تربطنا بملاكها علاقات اسرية وكنت خلاص قاب قوسين او ادنى اشتغل معاهم
    فاتصل فيني نائب العضو المنتدب وقالي مر علي اليوم ابيك
    مريته وحصلت هويتي عنده وقالي اقطع اجازتك وتعال داوم ...فسويت اللي طلب مني وقالي اهوا زعلان لانك قمت ترادد قلت انا ما راددت الا لما قام يصارخ انا مو ياهل ولاني اصغر عياله يصارخ علي ولا اسمح له فقال نائب العضو المنتدب طول بالك هذا طبيعته جذي وصوته عالي فالناس عبالها يصارخ ( يصلح طقاقه في العروس)

    انا صار معاي هالموقف وغيري صارت معاهم مواقف لماذا التعامل مايكون بالاحترام ليش بطريقة شوارعيه وصراخ ليش مايصير كلاس ويتفاهم مع الناس بهدوء وبطريقه تخلي الناس تحترمه اكثر وليش وليش وليش

    انا من كنت اسمع ....... واقول في قرارة نفسي ليش يسمونه جذي.. بس الحين انا بطلعله هوية بحط فيها صورته واسمه والوظيفة :............

    .......مايخاف الا من ....... اردى منه اسمها..... والا اقولكم هالقصيده لنزار قباني تشرح اكثر

    بلقيسُ
    لا تتغيَّبِي عنّي
    فإنَّ الشمسَ بعدكِ
    لا تُضيءُ على السواحِلْ . .
    سأقول في التحقيق :
    إنَّ اللصَّ أصبحَ يرتدي ثوبَ المُقاتِلْ
    وأقول في التحقيق :
    إنَّ القائدَ الموهوبَ أصبحَ كالمُقَاوِلْ ..
    وأقولُ :
    إن حكايةَ الإشعاع ، أسخفُ نُكْتَةٍ قِيلَتْ ..
    فنحنُ قبيلةٌ بين القبائِلْ
    هذا هو التاريخُ . . يا بلقيسُ ..
    كيف يُفَرِّقُ الإنسانُ ..
    ما بين الحدائقِ والمزابلْ
    بلقيسُ ..
    أيَّتها الشهيدةُ .. والقصيدةُ ..
    والمُطَهَّرَةُ النقيَّةْ ..
    سبأٌ تفتِّشُ عن مَلِيكَتِهَا
    فرُدِّي للجماهيرِ التحيَّةْ ..
    يا أعظمَ المَلِكَاتِ ..
    يا امرأةً تُجَسِّدُ كلَّ أمجادِ العصورِ السُومَرِيَّةْ


    هذا من الكلام يمكن يكون حقيقه مره جدا او يمكن من نسج الخيال...
     
    آخر تعديل بواسطة المشرف: ‏7 يوليو 2008
  2. judgement

    judgement بـترولـي نشيط جدا

    342
    0
    0
    معاين ابار
    يبون يسوون خطة 2020 بعد ...

    في منهم وايد هالناس الله لا يبلانه
     
  3. عبدالله البلوشي

    عبدالله البلوشي بـترولـي نشيط جدا

    164
    0
    0
    خدمة الكويت
    الكويت
    بسم الله الرحمن الرحيم

    الصراحه انا ما اعرف المسؤل اللي تتكلم عنه

    لكن دام انه واصل للمرحله هذي من الانحطاط فهذا ما لازم تحترمه ام تقدر كبر سنه

    لان اهوا اساسا مو محترم نفسه فا ليش الناس تحترمه

    وبعدين دام انه مسبب ازمه بالعمل ليش ما تقدمون فيه مذكره للمسوؤل المختص واهوا يتصرف معاه

    وبعدين صدقوني يا جماعه اللي يعرفون الشخص هذا احب اقولهم شي واحد

    هذا يسمونه بعلم النفس

    تعويض نقص

    يعني تلاقيه هذا بالبيت مثل ما يقولون الكويتيين دياية ام احمد

    لا يهش ولا ينش

    فما عنده غير الدوام يمارس رجولته فيه

    لان الرجوله يعتبرها صراخ والتعدي على الاخرين

    بس انا اعتب على الاخ خميس انه فيه شي واحد ما سواه

    ليش تحملت رحلة العناء ورجعت لغرفه التدخين

    دام ان حلجه كان مفتوح :)

    ودمتم سالمين
     
  4. تايتنك

    تايتنك بـترولـي خـاص

    1,239
    0
    0
    اعتقد انة كان دلال في الحراج لاتلومة
     
  5. مواق

    مواق بـترولـي مميز

    501
    0
    0
    الموضوع عبارة عن استهزاء وتحقير في مسئول كبير بالمؤسسة وزج اسم موظفة كبيرة بالمؤسسة !. وتشويه سمه فقط .خوش مواضيع كثر منها .
     
  6. خميس الخامس عشر

    خميس الخامس عشر بـترولـي خـاص أعضاء الشرف

    مشكور حبيبي على المرور

    ثانيا سمعت عبدالمجيد لما قال اشكي لمن منك ومنك اشكي لمن؟؟
    ومن امن العقوبه اساء الأدب.. وهل تشتكي اذا كان القاضي والجلاد اهو الخصم؟؟

    ثالثا اهوا فعلا اضعف من الخادمه امام كفيلتها في البيت لدرجه ان الحل والربط عند المعزبه واهو لايهش ولا ينش بالبيت ويعوض نقصه على العالم بحكم الكرسي وعنده كم واحد يهدهم على العالم ومعروفينبالاسم وهذيل لو يطلع من مكانه مافيهم احد يدق عليه تيلفون ويحترمونه بس بالدوام لمنصبه وبس يسمع صباح الخير وبرا الدوام محد يقول له مساء الخير لانه بعيد عن الكرسي محد يحترمه لشخصيته الهوجاء الغير متزنه..يعني الرجل لازم يكون موزون ومحترم نفسه قبل لايحترم الناس عشان الناس تحترمه
    ثالث شي انا متربي واحترم الناس واللي مو محترم اترفع عنه اعطيه ظهري وامشي ليس خوف ولكن حتى ماحط نفسي في موقف لا احسد عليه.. وهذا اللي كان باين من الموقف السابق

    اقرا النهاية حبيبي...
     
  7. خميس الخامس عشر

    خميس الخامس عشر بـترولـي خـاص أعضاء الشرف

    اي خطه اي بطيخ عيش يومك
    الخطه تحتاج لكوادر والكوادر لازم تكون منتجه
    الانتاجيه بالعمل لما توفر الجو الصحي بالعمل وتكافي المنتج مو تحاربه لانه يقول عن الغلط غلط
    يعني مو كل واحد يقولك تمام يافندم تحبه وترزه
    وماتعامل الناس بمكياليين وتنظر للعالم بفوقيه من برجك العالي لانه ماطار طير وارتفع الا كما طار وقع
     
  8. خميس الخامس عشر

    خميس الخامس عشر بـترولـي خـاص أعضاء الشرف

    دلال يكرم عنه لان الدلال هذي وظيفته يدلل بصوت عالي على بضاعته
    بس اللي يصارخ مثل ماقلت ... ماعطوها اجرتها شتقول عنه
     
    آخر تعديل بواسطة المشرف: ‏7 يوليو 2008
  9. خميس الخامس عشر

    خميس الخامس عشر بـترولـي خـاص أعضاء الشرف

    بسالك سؤال وانت جاوب نفسك بنفسك ولاترد علي..
    هل كل مسؤول تعترض عليه الناس بدون تصرف منه اساء لنفسه فيه؟؟
    اما اذا كان في شي غلط وهذا نقد لي ومن حقي انتقد تصرفات اي شخص بالدوله الا ذات سمو الامير
    وهالشي كفله الدستور لي اقول اللي ابي حسب الماده 30 من الدستور ( الحرية الشخصية مكفولة)
    واذا انت تعتبره مسؤول كبير عندكفليس عندي ويمكن مسؤول بالمنصب فقط بس في مسؤولين يتشرف المنصب فيهم واهما اللي يشرفون المنصب بجميع الحالات سواء عمليه او اداريه او رسم خطط للمكان المسؤولين عنه وما اكثرهم في المؤسسة والكويت عموما وفيه بشر من المسؤولين والشخص المعني منهم بعيد عن الكرسي ماله اي قيمه لا اجتماعيا ولا عمليا... واهوا اللي مهزأ نفسه بنفسه لان الناس تهتكم عليه ولا في احد الا يضحك عليه هل تعتقد النس كلها على باطل واهوا على حق؟؟ وزرع كم واحد من العدم وحط عندهم صلاحيات ادارية لإيذاء خلق الله من موظفين المؤسسه اللي مايقولون له حاضر يافندم .. ويغض العين عن اللي يكهرب كرسية بتيلفون سواء من الحركه اللي حطته في مكانه بصفقة استجواب على الجراح والكل يعلم هالشي ام من .......... واعتقد كلامي واضح...


    اما زج الاسم لموظفه كبيرة فممكن تقولي الاسم شنو اللي انت تعنيه لان اللي اقصدها موظفه صغيره جدا بموقعها الاداري ومشهور بكلمة هاي على كل شخص تقابله ولا اعتقد انك انت تعرفها من تكون..وتدخل على مكتب مسؤولك الكبير باي وقت وتاخذ اللي تبي لسبب غير معلوم لشخصنا المتواضع ....

    اهم شي اقرا نهاية القصه قبل لاترد واذا مواضيعي ماتعجبك مع احترامي لك مو مجبور تقراها...
     
  10. brilliant

    brilliant المـراقب الـعـام

    8,477
    0
    0
    Engineer
    Kuwait
    مع احترامي لك اخوي خميس لكن المفروض انك ماتطلع بزقارتك برا الغرفه

    يمكن هو اخطأ في التعامل ولكن تظل انت اول من اخطأ
     
  11. Dlshad

    Dlshad بـترولـي جـديـد

    6
    0
    0
    اسمع مني اترك الدخان
     
  12. ليلى رمضان

    ليلى رمضان بـترولـي جـديـد

    9
    0
    0
    اخوي خميس اتعاطف مع موقفك ترا محد يرضى على نفسه ،
    وانت على قولتك طلعت من غير قصد بالسيجاره ، فماله داعي هالمهرج يستعرض بحركاته البهلوانيه ، والله وايد ناس نفس أشكاله
    والله يفكك من شره ومن أمثاله وشرواه
     
  13. النوخذه

    النوخذه بـترولـي مميز

    517
    0
    0
    مراقب
    الكويت
    الله يعطيك العافيه اخوي اذا كان كلامك كله صحيح وهذا الي حصل بالضبط اقولك اهنيك على صبرك واعصابك والله يقويك هذا شويه عليه اذا طفيت الزقاره بحلجه من يكون على شان يصارخ على زقاره في قوانين يقدر ياخذها غير هذا يستريح والي ردوا عليك وموراضين على تصرفك ترى هذيل من نوع خالف تعرف لا اكثر ولا اقل
    واردد واقول اذا السالفه كما رويتها بتفاصيلها
    ولكم كل الشكر
     
  14. knpcman

    knpcman بـترولـي نشيط

    70
    0
    0
    طبعا أسلوب خطأ من المسؤول .. هذا التصرف .... ولكن ... لو كان التدخين في المصفاة ... طبعا ... كان وضع يختلف جدا

    أنذا ر نهائي ... وطرد من غير تعويض ... طبعا هذا الكلام في المصافي ... أما في المكاتب ... قد يكون التنبيه بأسلوب أخر هو الأفيد
     
  15. زهرة التوليب

    زهرة التوليب بـترولـي خـاص

    لا حول ولا قوة الا بالله

    في مسؤولين عبالهم الشركه مالتهم
    يصارخ ويزف جنه الموظفين يشتغلون عنده
    واذا شاف جم واحد يسكت له عباله الكل جذي
    ما يدري ان في ناس ما ترضى احد يصارخ عليها او يهينها

    مدور والا ان شاء الله وزير
    الاحترام ما يعرف صغير وكبير

    الله يكافينا شر هالناس ويهديهم
     
  16. ثامر الخالدى

    ثامر الخالدى بـترولـي نشيط جدا

    393
    0
    0
    حبيبى انت يا الخامس عشر ...

    موضوعك هذا مو نقد وعرض للسلبيات ...موضوعك هذا تجريح للنخاع

    اذا كان للمسؤول هذا تصرفات خاطئه فكنت تقدر تكتبها بدون القاب

    ومسميات يعف عنها اللسان .. الله يهديك

    وبعدين شلون تعطيه الهويه .. لا وتروح تدور وظيفه

    كل هذا علشان سيجاره ...وين دفاعك عن نفسك

    وين نقابتك وين حريتك اللى تقول ...

    وين
     
  17. touareg777

    touareg777 بـترولـي مميز

    641
    0
    0
    عروقها بالماي
    دولة الكويت
    هههههههههههههههههههههه مسؤلين اخر زمن انا صار لي موقف نفس الطريقه كنت ادخن داخل الشركه وشافني مسؤلي المباشر وناداني وقام يصارخ ليش وليش استغربت منه وسكت منصدم يوم خلص كلامه قلتله انا ما قاطعتك احتراما مني لك في البدايه وتقديرا لكبر سنك بس انك تصارخ لا انت ولا الي فوقك ما اشتغل عند ابووك انا يبا انته مسؤولي عندك ورقه وقلم اكتب الي تبيه ارسم الي تبيه يعني انته مسؤل قلم بالنسبه لي اكتب الي يحلو لك بس تصارخ تشوف شي ما شفته بحياتك عيب وخلني محترمك وان كنت مسؤولي داخل الشركه ماله دعاي اقولك شيصير بره الشركه ولي بيني وبينك علاقة عمل بس صار شي مو عاجبك اكتبه ونادني اوقع وابصم بعد عليه
    بس لا تنسى انه دعوة المظلوووم مستجابه
     
  18. خميس الخامس عشر

    خميس الخامس عشر بـترولـي خـاص أعضاء الشرف

    حبيبي انت ... يا بو فهد

    اولا الارزاق على ربك ولا بتوقف حياتي على وظيفة ميزتها انها بالقطاع النفطي ...والنقابه آخر شي افكر فيه بحياتي مع العلم ان نقابة المؤسسة من افضل النقابات بشهادة القاصي والداني... وانا دافعت عن نفسي بل نزلت من قدر نفسي لما حاورته ... للعلم فقط اني ماعطيته الهويه بل رميتها عليه وهذا لم اشأ ان اذكرها بالسابق لكن اذا بتفكر اني عطيته لالالا ابدا انا رميتها عليه ومشيت ولا يهمني ولايهز شعره بساقي الايسر لاهو ولا اللي اكبر منه...

    قاعد في سميرا ميس بالدور الثامن بغرفتي بروحي و منظر خلاب ويشرح القلب وراحه نفسيه ولله الحمد وانت تثير الغبار صوبي...

    ماسمعت اللي يقول لاتثير المواجع خلني قد نسيت....
     
  19. hassankoc

    hassankoc بـترولـي خـاص

    بارك الله فيك اخوي خميس
    اولا ان انصحك تترك الزقاير لشرع الله ولمصلحتك والمصلحه العامه ولتدخينك في الأماكن العامه
    ثانيا المفروض مايصارخ الواجب عليه يكلمك بأدب واحترام
    ثالثا منو هذا وبأي قطاع نفطي الله يصلحه بكيفك اذا بجاوبنيي هني او على الخاص براحتك
     
جاري تحميل الصفحة...

مشاركة هذه الصفحة