الاجازه الدراسيه اسوه بزملائنا في وزارات الدوله

الكاتب : Strongman-koc | المشاهدات : 1,034 | الردود : 12 | ‏2 يوليو 2008
  1. Strongman-koc

    Strongman-koc بـترولـي نشيط

    114
    0
    0
    جان زين في اجتماعهم ينضرون الى هذا المطلب وهو الاجازه الدراسيه الحمدلله ومشكورين على جهودهم ولكن للتطوير الموظف وزياده انتاجيته هو السماح للموظف باجازه دراسيه على الراتب بعد 4 او 5 سنوات من العمل
     
  2. Q825

    Q825 بـترولـي مميز

    500
    0
    0
    لا انشاااالله مايوافقون

    بعد كل الي عندكم وعلى المعاشات الي تاخذونها تبون اتصيرون بالدراسه حالكم حال موظفين الحكومه لازم يميزون قطاع عن قطاع.
     
  3. ما اروعك

    ما اروعك بـترولـي نشيط جدا

    455
    0
    16
    والله المساواه مطلوبه خاصه بتكميل الدراسه والبعثات الدراسيه الداخليه والخارجيه

    وتحياتي للجميع
     
  4. مدريدي 77

    مدريدي 77 بـترولـي جـديـد

    15
    0
    0
    قانون الشركات النفطية تسمح بالاجازه الدراسية للموظف وهي اجازة تأدية الامتحانات سوا داخل الكويت او خارجها ، اما اذا تبي تفرغ دراسي لمدة أربع سنوات لا يوجد الا البعثات عن طريق الشركه اللي يتبعها الموظف وإما اذا عندك واااااااااااسطــة قووووووية تطلع تفرغ دراسي حتى اشعار اخر :p

    وهذي الكويت صل على النبي
     
  5. Strongman-koc

    Strongman-koc بـترولـي نشيط

    114
    0
    0
    اشكر الجميع

    اشكر الجميع على التعليق ولكن ليش يعني النقابه انشاله فيهم خير وما اقصرون وبعدين مجلس اداره المؤسسه قاعد يشتغل في سيبل رفع مستوى الموظف وهذي الاجازه والي اقصد فيها الاربع سنوات مع الراتب منقوص منه بعض العلاوات والذي هو مطبق بجميع وزارات الدوله اي ان الموظف بعد خدمه 4 او 5 سنوات يحق له اخذ اجازه دراسيه على معاشه منقوص منه بعض العلاوات ومدتها 4 شنوات وانشاله بجهودكم نقدر نوصل حق نتيجه :(
     
  6. fatherlife

    fatherlife بـترولـي نشيط

    54
    0
    0
    السلام عليكم ،
    حبيبي لا مايبون يعطونك , وأزيدك من الشعر بيت , يعطون بعثات حق أبناء الموظفين وغير الموظفين من حديثي التخرج , شفت يعني يبون يدزون عيالهم وعيال ربعهم أما أنت وأنا وباجي الموظفين الي عندهم طموح (الله يكرمك ويكرم الي يقرون ) ناكل كلنا هوا , ونروح نبلط البحر جان مو عاجبنا , حسبي الله ونعم الوكيل أشوف فيهم يوم أنشاء الله .
     
  7. the end

    the end بـترولـي جـديـد

    45
    0
    0
    أنا معاكم وين النقابة عن هذا الأقتراح ولا بس اذا فيها فلوس قالوا خلونا ننطر الديوان يا جماعة انا اقول هذا الأقتراح مهم والى يبى يكمل خلو ترى احنا ماراح نرحو مكان راح نخدم البلد والشركة ونطور نفسنا ولا بس الوزارات انا اقول يجب ان نفعل هذا القانون حتى تتحرك الأتحاد ايضا وجميع النقابات ولكم الشكر
     
  8. Strongman-koc

    Strongman-koc بـترولـي نشيط

    114
    0
    0
    يا جماعه اشكركم على المشاركات ونبي احد اوصل هذا الكلام الى اللجنه الاعلاميه علشان اوصلونه ويعرضونه على النقابه اذا في احد يقدر اساعد في توصل الخبر
     
  9. المنصور

    المنصور بـترولـي خـاص أعضاء الشرف

    ياخوي اذكر الله

    ماله داعي تحسد الناس اذا الله منعم عليها بالخير ، وقول عسى الله يرزقني ويرزق غيري


    بالاخير اردد واقول

    إرضـــاء الـنـــاس غــايـــه لا تــــــدرك
     
  10. Q825

    Q825 بـترولـي مميز

    500
    0
    0
    واللله ماكو حسود غيرك لمن تتكلمون عن مميزات حكومه ماكو حسد ولمن احد من الحكومه يتكلم عن مميزاتكم تعتبرونه حسد يخي لازم قطاع عن قطاع يتميز استقيل من دوامك وروح الحكومه كمل دراسه على كيفك.

    واذا عالدراسه محد قالك صير فاشل بالثانويه ولاتييب مجموع مثل ماقتلك استقيل ودش الحكومه وكمل دراسه على كيفك.
     
  11. المنصور

    المنصور بـترولـي خـاص أعضاء الشرف

    والله ياخوي ما حسدت احد ولا طالبت بإجازة دراسية

    واذا من ناحية الدراسة فالحمدلله انا جامعي يعني اتهامك بالفشل ماله أي اساس وترى غلط وعيب لما تقول هالكلام لأن اللي عنده طموح انه يكمل.. نقول له عسى الله يوفقك وييسر لك امورك ما نقول ليش تصير فاشل بالثانوية

    والناس قدرات.. مو شرط اساسي ان كل انسان قدرته نفس اي انسان ثاني واللي ما توفق بدراسته اكيد عنده اسبابه مو شرط انه يكون كسلان مثل ما يقولون وكل واحد عنده ظروفه

    واذا انا طالبت او تكلمت بموضوع فأنا اتكلم من ناحية حقانية وبمنطق سليم مو بخرابيط بس بمجرد الرد على الناس

    الخلاصة: اذا عندك كلام زين قوله واذا ما عندك اسكت فالسكوت اكرم لك

    والرسول عليه الصلاة والسلام قال: من كان يؤمن بالله واليوم الآخر فليقل خيرًا أو ليصمت
     
  12. fatherlife

    fatherlife بـترولـي نشيط

    54
    0
    0
    أحسنت أخوي المنصور , كلامك عين العقل , خوش حجي .
     
  13. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    مقترح يتم طرحه دائما يا سترونج مان و نتمنى تطور في هذا الخصوص لصالح الموظفين الراغبين في الدراسة
     
جاري تحميل الصفحة...

مشاركة هذه الصفحة