اضراب عمال المقاول بالبحريه

الكاتب : ahmed | المشاهدات : 949 | الردود : 11 | ‏1 يوليو 2008
  1. ahmed

    ahmed بـترولـي نشيط جدا

    206
    0
    0
    ?????
    الكويت
    أضرب عمال المقاول بعمليات البحريه قسم القاطرات والظاهر في مشاكل وهذا مو اول اضراب سبق ونفس العمال ونفس القسم عملو اضراب ايضا والسبب الله اعلم هذا حسب الخبر اللي سمعته لكن النقطه اللي احب اقولها كانو بنفس المكان كله طاقم كويتي وموظفين بالشركه لكن السياسه تغيرت وكانو يخافون من اضراب الكويتيين وسبحان الله صار المقاول اهو اللي يضرب وعلى العموم الاضراب تقريبا صار 48 ساعه تقريبا وحلو مشكلتهم ولكن المقاول يضرب تنحل المشكله على طول والموظف يطالب بحقه لا هذا حرام وما يصير ولكم التعليق .
     
  2. master-70

    master-70 بـترولـي جـديـد

    13
    0
    0
    keep moving
    المطبه
    المقاول الى ماسك او متعاقد مع هالناس هى شركه نديد الى للاسف يملكونها كويتين محسوبين علينا وعلى بلدنا
    المفروض الاخوان بشركه نديد متعاقدين مع هالناس الى اعلنو الاضراب اكثر من مره على راتب معين وعلى تذاكر سفر لبلدهم غير انه يوفرلهم الوجبات الغذائيه لان هالمساكين الى من الجنسيه الاسيويه اصلا رواتبهم متدنيه غير ان شغلهم 24 ساعه
    يقومون الاخوان بشركه نديد يلاخذون اكثر من نصف راتبهم ويعطونهم الباجى
    مافى اجازات ولا تذاكر سفر
    مافى زياده راتب
    اقسم بالله حتى الوجبات الغذائيه مايوفرها لهم فعلا حالتهم تعيسه
    سبب الاضراب الاخير انا هالناس كتبو كتاب يطالبون فى فى زياده اجورهم تخيل شنو الى حصل
    اخذو منهم 2 عندهم بالمكتب وطقوهم طق بالعقل وحطو كل واحد بغرفه وطفو عليهم النور يشهد الله انى ماابالغ
    وتم تهديدهم لا ورجعوهم ويبون ياخذون غيرهم يسوون فيهم نفس الطريقه لما شافو السالفه فيها طق كلهم تجمعو واعلنو الاضراب الساعه 10 بالليل
    المهم المشكله انحلت عقب مااخذو عليهم تعهد بعدم الضرب وزادو معاشاتهم 50 دينار

    وقت الاضراب قالو اذا احتجتونا وحاله طارئه راح نشتغل مو مشكله بعدها نرجع للاضراب


    عرفتو ليش الناس تكرهنا وليش سمعتنا بالخارج زفت وحقوق العماله عينها علينا
    من هالاشكال الوصخه الى ادمر وتخرب سمعه البلد وعلى حساب هالمساكين
     
  3. مي مأمون

    مي مأمون مـحـررة صـحـفـيـة أعضاء الشرف

    48
    0
    0
    الله المستعان من هؤلاء
     
  4. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    المقااول محسوبية طال عمرك

    مهب مواطن عادي
     
  5. skipper

    skipper بـترولـي مميز

    590
    5
    18
    كلام صحيح
    واللي سمعته انا طاقين 4 مو 2 وانت الصاج
     
  6. ahmed

    ahmed بـترولـي نشيط جدا

    206
    0
    0
    ?????
    الكويت
    عموما اللي احب اقوله انه شركات الخصخصه اللي الموجوده بالكويت هذا مستواهم اهم خايفين من الكويتيين يضربون لكن الناس اللي تبي حقوقهم حتى لو كانو غرب يضربون ويسوون اي شي علشان ياخذون حقوقهم بس اللي ابي اضيفه انه زمن الاضرابات ولى في عهد النقابات الحاليه اللي بعض منهم وللاسف الاكثريه منهم يشوفون مصالحهم ولا في مثل هالموقف ممكن النقابه تتدخل وتقول هذا المقاول اللي معتمدين عليه والكلام صحيح انه عمال المقاول مو ماخذين حقوقهم والسبب صاحب الشركه بس السؤال اشلون رست عليه المناقصه وعلى اي اساس وشنو خبرته؟ وعيال الديره اهم اولى بالشغل وهذا شغل النقابه الحين تثير الموضوع اللي صار لمصلحة الكويتيين .
     
  7. HUMMER

    HUMMER بـترولـي خـاص

    وين النقابه عنهم وليش مانقرا او نسمع هالخبر بالجرايد او بمجلة الشركه

    وليش من ادارة الشكره ماتنذر الشركه المقاوله.. لان كل شي وله حل

    والاضراب ماهو الا لتوصيل معلومه للمسؤلين اللي فوق

    مع الشكر
     
  8. master-70

    master-70 بـترولـي جـديـد

    13
    0
    0
    keep moving
    المطبه

    والله ياخوى كلامك سليم بس على فكره هذا حال شركات المقاوله على مستوى البلد مش بس شركه نفط الكويت وكلهم نفس الطريقه بلا استثناء
    يعنى المقاول او الشركه يقدم العرض باقل الاسعار علشان ترسى عليه المناقصه وبالنهايه على حساب العماله
    بعد ماترسى عليه المناقصه يقوم ويخل بالعقد ماله على المساكين العمال لايوفرلهم وجبات ولا تذاكر وياخذ من راتبه اكثر من النص والحين طلعو بسالفه جديده الطق والترهيب و وووو... ولا حسيب ولا رقيب
    ازيدك من الشعر بيت المقاول نديد مددودله بعد 6 شهوور!!!!!!
    لما تكلم الشركه ياجماعه حرام الى قاعد يصير يقولون مالنه شغل المقاول عليه يحل مشاكله بنفسه وحنا علينا الشغل مايوقف لو وقف الشغل ساعاتها نحاسبه
    الموضوع مو موضوع شغل وبس موضوع سمعه بلد الموضوع دعاوى هالناس المساكين علينا بسبت امثال هالمقاول
    لكن الحل .. معروف حلوول خارجيه مفروضه علينا من بره وياله نفذ لان فى ناس لاتحترم انفسها ولا تحترم الناس
     
  9. marat

    marat بـترولـي جـديـد

    23
    0
    0
    السلام عليكم

    على الله شباب البحرية يتعظون من هالرياييل


    عسى الله يفككم من الديناصورات والصِّبيان اللي في البحرية ويرزقكم بناس مثل فطاحل نديد :D اللي لاقلقسوا ولا لفو ودارو علشان يطالبون بحقهم .

    على فكرة ياجماعة في البحرية اللي يشوفونه ماسك ورقه وقلم وقاعد بروحة يكتب .... يصير عليه اكس وراعي مشاكل:confused:
    وماخفي في البحرية اعظم
     
  10. hassankoc

    hassankoc بـترولـي خـاص

    متى صار بالضبط؟وين المنجر والتيم ليدر والمسؤولين؟ وشنو كان دورهم منو الي باشر الموضوع وشسوى؟
     
  11. ahmed

    ahmed بـترولـي نشيط جدا

    206
    0
    0
    ?????
    الكويت
    هل تتوقع يا الغالي انه المسؤولين اللي بالدائره يطلعون المشاكل بره لا يا الغالي غلطان تبيهم يطيرونهم من كراسيهم . أهم جدام الكبار كل شي تمام وكل شي زين وأهم شي سووه زين والمقاول اللي يبناه بدال الكويتيين احسن من الكويتيين وكل شي تمام يا فندم عيل شلون :)))))))))))))
     
  12. hassankoc

    hassankoc بـترولـي خـاص

    ماجاوبت؟
     
جاري تحميل الصفحة...
مواضيع مشابهة
  1. المحرر النفطي
    الردود:
    0
    المشاهدات:
    8,608
  2. المحرر النفطي
    الردود:
    0
    المشاهدات:
    830
  3. Workers
    الردود:
    0
    المشاهدات:
    7,254
  4. المحرر النفطي
    الردود:
    1
    المشاهدات:
    1,494
  5. الإئتلاف
    الردود:
    2
    المشاهدات:
    1,436

مشاركة هذه الصفحة