والله عيب عليكم يا البترول الوطنيه

صاجه

الله يعطيج العافيه ولو في ناس تتكلم جان احنا بخير
اختي انا موظف محترم وبمكان محترم بميناء عبدالله
وملازم اول ومستقيل من الداخليه ولحد الحين اشبك بأيميل زميلي
ومن سنه متوظف وموراضين يعطوني ايميل ولا لوقين نيم ولا اي شي
سمردحه يطولي بعمرج سمردحه

 

ماذا لو رأيتم غرف التحكم الرئيسية في المصافي ....

تخيلوا جهازين على مايقارب 25 شخص ....


تخبط ما بعده تخبط ..... أين خطة الشركة في التطوير والتوثيق وسرعة الحصول على البيانات وسرعة تدوينها

 

يعطيج العافية اختي فرفوشة بس على ما اعتقد ان ساعتين من اصل ثمان ساعات دوام يعني 25% من الدوام نسبة جداً كافية واكثر من كافية وبعدين الايميلات والمواقع المسكرة كلها محادثات والذي منه وهم هذي المواقع مو مكانها اهني

يعطيج العافية اسف على الاطالة

اخوكم الفخر

 

اختي السالفة ضحك وعبط
الفقارة الي مثلي ومثلج مالهم شي وانا اخوج

والي يبط الجبد ان لو كان بأخر اسمج ال... والله تمشين ركض بكل الي تبينه
لا وذا مو بالطيب بالعافيه تاخذينه

يامعوده لا تعورين راسج وانا اخوج وخلي القرعه ترعه مانبي النت مالهم ترى ال12ساعه بدينار والله
والدي اس ال اشتراكه بعرض حق البترول ب10 بالشهر والله الغني وانا اخوج
ولى شرايج؟

 

بهذي معاج حق اختي فرفوشة مثل ما يقولون المساواة بالظلم عدالة احنا نبي الشي يمشي على الكل وحالي حال غيري

شاكرلكم مرة ثانية واسف على الاطالة

اخوكم الفخر

 

"ما يلفظ من قول إلا لديه رقيب عتيد"

 

لأسف من حطوا النت واحنا قاعدين نشتكي من سالفه الساعتين
اذا نسيتي تفصلين راح عليج !!!

جنه نطر منهم
لا ومرات النوت وورك يتنح وما تقدرين تفصلين ويروح عليج بسبتهم !!!

وفي مواقع مقفوله مافيها محادثه ولا شي
انا داشه مره موقع طبخ مقفول !!!
ومره منتدى مافيه لا جات ولا غرف صوتيه مافيه صفحه رئيسيه بالاساس
بس منتدى وهم مقفول !!!

يعني في شغلات مقفوله مالها داعي وما ادري ليش مقفوله
تكلمنا كذا مره على اساس يعطونا على الاقل 4 ساعات نص دوام يعني

كاهم المسؤولين اللي شغلهم اساسي 24 ساعه شابكين على البورصه لووول
الله يرزقهم بس هم الله ما يرضى بالظلم
يا تعطون الكل نت وتساوونهم مع بعض والا بلاها
شي فيه منّه ما نبيه

 

من حق الاداره وقسم خدمات الكمبيوتر انهم يعملون حدود واقفال علا بعض المواقع...ولهم العذر فى ذلك..لان سوء استخدام لخدمه الكمبيوتر اصبح واضح ومعروف ..انا اتكلم من منضور شخص شايف ومطلع علا اللى قاعد يصير بالشركه..فالمساله حلها بسيط..لاب توب مع اشتراك اى قو..والى ما يقدرون يدخلون معاهم لاب توبات الله يعينهم ..بس الشين خرب علا الزين ...ودمتم سالميييين

 

اخوي feed gas

احنا ممنوع نييب معانا لابتوب شخصي
مع ان احنا في الاداره مو بالمصافي ؟؟؟

يعني لا يرحمون ولا يخلون رحمه الله تنزل

 

حسب علمى....الممنوعات فقط تشمل موضفين العمليات بداخل حدود المصفاة واقسام العمليات...الممنوعات هى التلفونات النقاله والابتوبات والصحف اليوميه و اجهزه الراديو والتلفزيون بالطبع !!! والله اعلم

 

لا اخوي ابشرك المنع وصل عندنا بالاداره (مبنى دار الوطنيه)
الابتوب الشخصي ممنوع في بعض الدوائر
يعني على مزاج المدير