فى تدوير جديد راح يصير فى الاشهر الجايه للمدراء والمشرفين ويقولون انه اللى باين ان اول ترشيح للعلاقات العامه احمد المزيعل راح يكون مدير العلاقات العامه بدل محمد منصور العجمى
اعتقد ان افضل من استلم العلاقات العامه هو محمد منصور العجمي والكل ملاحظ الفرق من عروض وخصومات شبه يوميه توصلنا على الايميل وعلى العموم لو كان الخبر صحيح نتمنى التوفيق للجميع ان شاءالله
وأنا أوافق أخوي فيصل السيد محمد منصور أثبت جدارته وكفائته لهذا المكان ..... ولن نرضى الا به ... مجهود وتفاني يشهد له الجميع ...... لكن ان حصل نتمنى من أحمد المزيعيل أن يسد الفرجة التي يتركها السيد محمد منصور
بسكم تلميع يا اخوان يا مشرفين يا مراقبين يا اصحاب المنتدى محمد منصور ونعم فيه بس مو معناتها ماكو احسن منه والخصومات الي تقولون عنها والعروض كلها دعايه ماتنزل لنا الا عقب ماتخلص روحوا دورو ا حجز بفندق او شاليه ماكو او مالك امل وبعدين رحنا عمره معاهم وخذوا فلوس اكثر من الي كانوا ياخذونها النقابه + وجبه وحده + بهذله بالمطار +بهذله بالجناط وباغراضنا العلاقات العامه بالنقابه احسن وترتيب احسن وثلاث وجبات وحدنا مرتاحين . انا موظف بالبترول ما اشوف هدايا من العلاقات مثل ما اشوفها عند ناس غير موظفين بالشركه من اجندات وجناجف والي يحطونها على المكاتب وشغلات كثيره ونتمنى ان يجي واحد احسن من محمد منصور وحتى لو كان محمد منصور رائع نطمع بالاروع ومايمدح السوق الا من ربح فيه والسلام عليكم
يا سبحان الله ليش الواحد لما يبدي رأيه على طول يتهم بالتلميع وان له مصالح شخصيه وانه وانه... متى راح نرتقي في نقاشنا؟ على العموم نتمنى الأفضل ان شاءالله لهذا المنصب
الله يكتب اللي فيه الخير بس اللي اعرفه ان كان في تدوير من فتره ليش مره ثانيه بيسوون تدوير ؟؟؟ بدال التدوير في ناس ماخذه مناصب عالفاضي صار لهم قرن مجلبين بالكرسي خل يعطونهم بكج والا يطلعونهم تقاعد ويخلون غيرهم يوصل ما صارت يبون يتخذون زمنهم وزمن غيرهم
من سبق لبق عندنا في الكويت المثل يقول "من سبق لبق" يعني اللي وصل للكرسي قبل خلاص ما ينشال لو شنو حتى الوزير ينشال إلا أهو في مكانه أقوال الشكوه لله أنا أقول اللي خدمته فوق 25 سنه خلاص كفاية ما شبعت و رأفه بحاله طلعوه قصب
انا اتفق معاج اختي زهرة التوليب ليش ما يعطونهم بكج ويفكونا ... الاخ محمد العجمي رجل وفاهم شغله عدل وانا اتفق مع الكل ان الاخ محمد منصور شبه يومي يدز للكل ايميلات عن الخصومات ..واحب اقول حق اللي قال ان مافيه شاليهات روح بنفسك احجز وتلاقي حجز لا تتهم وانت ماتدري شسالفه والتوفيق للجميع
