( قصة الدمعه )

الكاتب : HUMMER | المشاهدات : 463 | الردود : 7 | ‏27 يونيو 2008
  1. HUMMER

    HUMMER بـترولـي خـاص


    ألا يا مل عينٍ في سهرها = تهل الدمع من موق امحجرها

    وعيّت لا تبات ولا تريّح=طوال الليل .. وتهاجي قدرها

    وأنا اللّي عارفٍ حكم المقدّر = يصيب الناس لو زادت حذرها

    وأنا راضي وقانع في نصيبي = ولي عينٍ يقدّيها نظرها

    ألا يا الله تحّقق لي مرادي = وفرّح عيني بفرقا كدرها

    أنا فـ الوقت ذقت من العزاير = مذاق السم مير الله سترها

    ثلاث سنين وشهورٍ زياده = وعيني عاضت النوم بسهرها

    وصبرت وقلت فـ الصبر إنفراجه= هقيت الصبر لا طالت .. قصرها ..!

    وأثرها لو في يومٍ وليله = تزول المشكله .. صبري عمرها

    صبرت سنين وشهور وليالي = ولا زالت حياتي في خطرها

    على اللي صابني بأوّل شبابي = من الأيّام وعزومي كسرها

    ولو إنّي بغيت أجبر عزومي = تعبت ولا لقيت اللي جبرها

    ليا قلت الغمامه تب تزولي = لقيت الزود ينبع من نحرها

    وإلى قفّت مصيبه عن دروبي = أشوف الثانيه تمشي بأثرها

    وتبقى ( قصّة الدمعه ) تجدّد = ولا غير الولي يعلم خبرها
     
  2. القائد

    القائد بـترولـي خـاص

    2,089
    0
    0
    همرنا شاكرالك عالقصيده الجميله:(
     
  3. q8security

    q8security بـترولـي خـاص أعضاء الشرف

    شاكرالك:)
     
  4. كنبس

    كنبس بـترولـي مميز

    814
    0
    0
  5. HUMMER

    HUMMER بـترولـي خـاص

    الف شكر لكم عالمرور الكريم وماقصرتو ا

    واتمنى انها حازت على رضاكم ..
     
  6. CatwomaN

    CatwomaN بـترولـي خـاص

    1,566
    0
    0
    Q8
    يسلمووووووووو همر :)
     
  7. صح السانك

    من زمان ماشفتك في مجال الشعر

    سابقاٌ كنت كل يوم تكتب بيت شعري وبعدين غبت فتره والحين شفناك بهالقصيده الرائعه

    فالك المليوون
     
  8. HUMMER

    HUMMER بـترولـي خـاص

    هههههه يسلمو عالمرور العزيز على قلبي وان شاء الله بتشوفوني ارجع

    للمجال الشعري بعيد عن السياسه والقطاع النفطي عالاقل الواحد يفضفض شوي
     
جاري تحميل الصفحة...

مشاركة هذه الصفحة