مظلومين يالبحريه لانقابه تفيدكم ولا بطيخ

الكاتب : skipper | المشاهدات : 1,216 | الردود : 17 | ‏2 نوفمبر 2007
  1. skipper

    skipper بـترولـي مميز

    579
    0
    16
    السلام عليكم
    شلونكم شخباركم
    طبعا انا موظف بفريق العمليات البحريه والتصدير
    اللي اهو
    marine operation team
    المشكله اهي نظام القريدات الموجوده عندنا يعني مثلا الدبلوم يتوظف على قريد 8 ويصعد لي قريد 9 وينطر سنين عشان يتغير مسماه الوظيفي ويصعد وياخذ ترقيه وقريد 10 و 11 وحده جذي فوقه مافي
    يعني احنا دايما نقول والله عز يالدوائر الثانيه الانتاج والغاز والله لايغير عليهم بس
    مافي مساواه كلش بالشركه
    حتى البونص علينا بالحسره عندنا شي طبيعي 8 سنوات و 10 سنوات ما تاخذ بونص
    رحنا حق النقابه وماسوت شي للاسف والصراحه اول مره نشوف نقابه توقف مع الاداره ضد العامل
    عالعموم مانبي نطول عليكم بس كل اللي نطلبه شويه مساواه
    واسف على ازعاجكم ومع السلامه
     
  2. dehen_3ood

    dehen_3ood بـترولـي خـاص أعضاء الشرف

    وعليكم السلام ورحمة الله وبركاته

    وكلامك مضبوط 100% والله يعينكم على هالوضع إللي بصراحة يطفش الواحد من هالدائرة
    لا تسكتون عن حقكم ودبلوا جبد النقابة !! مو تبي أصواتكم؟
    يالله خلها تورينا مرايلها !!
    شبعنا من الحجي والوعود وإن شاء الله وأرقد وآمن !!
     
  3. BG. 1

    BG. 1 موقوف

    489
    0
    0
    منتظر الترقية
    البيت ماخلص
    وين عضو النقابة من دائرة البحرية ليش ما تكلمونه

    الله يعينكم
     
  4. LaRambla

    LaRambla بـترولـي خـاص أعضاء الشرف

    2,041
    3
    38
    اي يالغالي ترى اللي مثلك وايد خلها على الله
     
  5. Winchester

    Winchester المـراقب الـعـام

    الصراحه كلامك مضبوط ووايد ناس في هذا القسم يبون يطلعون لأن الوضع الحالي نفس ما انت قلت .

    والله يعين الجميع
     
  6. SMART_BOY

    SMART_BOY بـترولـي نشيط جدا

    189
    0
    0
    أي والله

    كلمو أحمد الفيلكاوي من البحرية


    ليش ما ينفع خخخخخ


    عشان جذيه المعتدلة قطوه برا


    فهمت الحين


    سمعت إنه دايما ينحاش من الإجتماعت حقت النقابة


    ويروح كورسات الأسكندرية


    و لايطلع العمرة مع النقابة خخخ



    اللي أسمعه إن المعتدلة قالو خلاص ما نبيك تنزل معانا ويدورون واحد ثاني يبيض الوجه غيره من البحرية



    وكله عشان عيونكم يالبحرية



    سمارت
     
  7. Phox

    Phox بـترولـي نشيط جدا

    400
    0
    0
    تصدق بوي ...

    انا شخصيا من متابعينك .. لسبب واحد ;)

    اتضحكنى وانا مالى خلق اضحك ... وتردلى مودى بسرعه .... واسلوبك يونس القعده

    ولو انك ما تدرى وين الله قاطك و كل معلوماتك دجه ما وراها خير .. بس ياخى تفرفشنى يا اشطه يا عسل يا قيمر انت :p

    عفيه لا ترد على ... ابي اضحك عليك يوم 6/1

    اهم شى ان المعتدلة ناجحه ورفيجك .. الاول :D:rolleyes: لووووووووووووووووووووووول كربونش والله (على قولة العيم)



    فوكس
     
  8. SMART_BOY

    SMART_BOY بـترولـي نشيط جدا

    189
    0
    0
    اللي ما يدري وين ربي حاشره ناس واجد

    و ياليت الحلوين اللي تعجبهم مشاركاتي يزوروني بمكتبي عشان ياخذون توقيعي


    وبعدين ... سلمولنا عالفيلكاوي ... وراح نزوره بشقته اللي بالقاهرة ... اللي كل شوي طالع كورس وتفرغ نقابي عشان يجهزها ..

    وقاط البحرية على صخر ...



    ويا حلو الناس الفاهمة يا جماعة ... تعالو دشو وشوفو الفاهمين الله عليهم الله



    تقبل مروري


    سمارت
     
  9. Phox

    Phox بـترولـي نشيط جدا

    400
    0
    0
    بووووي


    انت والله ماخذ بروحك مقلب ... من قالك انى معجب فيج انت ووجهك الحلو :) قتلك انا من متابعين كتاباتك صراحه اتضحكنى واحس انى قاعد مع مخرج افلام عربيه ...

    شكلك فرحان بالمكتب العجيب ... تستاهل على هالافلام على الاقل مكتب :)

    الفيلكاوى.. والبحريه .. وروبن هود وبعه ... راح يكونون الاوائل وكل شى عال العال ...

    والحين قمت اتطلع على الناس افلام وتقول عندهم شقق بمصر يرممها على حساب الكورسات ... ليتك تجيب اوراقك بالجمعيه العموميه وتبلش طعن بذمم خلق الله ...

    طبعا ما عندى شك انك شريف روما وانت راعى الفرس الابيض وصاحبك وربعه اللى مقعدهم بعربانه حصانك هم الانقياء الاطهار :) وانتوا اللى صح وباجى الناس اللى مو معاكم تحت القزمه

    تذكرنى بواحد من الربع اسمه مشعل .. هذا مشعل يتبع منهج اكذب اكذب ليما يصدق روحه :p ... فاحب اقعد معاه لانه يعطينى خيال عجيب بالدنيا ... ومن هذا الخيال صار عضو بالمعتدله :D


    مادرى ليش ذكرتنى فيه


    بس قتلك .. مابيك ترد لو سمحت .. ابيك تشطح بخيالك مع الناس ونبي نضحك .. والوعد 6/1 يا عسل يا اشطه انت :)


    ليلحين تشك بحبي لك ؟؟ ما اعتقد
     
  10. نفطي كويتي

    نفطي كويتي بـترولـي خـاص أعضاء الشرف

    2,016
    12
    38
  11. skipper

    skipper بـترولـي مميز

    579
    0
    16
    شكورين على الردود
    والصراحه احمد الفيلكاوي كاشت فينا حيل
    ولا يمر والشفتات ولا نشوفه كلش
    عضو نقابه يكره الموظفين اول مره تصير ياجماعه خخخخخ
     
  12. nawaf52

    nawaf52 بـترولـي نشيط

    127
    0
    0


    أتصدق ذكرتني بالأيام الخوالي اللي أتمنى من ربي ماترد لأني كنت واحد منكم بس الله تاب علي ورحت عنكم (تصدق حسيت اني ادمي من طلعت من البحرية ) تدري ليش حسيت الناس اللي بالأقسام الثانية عايشين والبحرية دمار لا إدارة لا شي يفتح النفس ، بس تدري انا فارقت البحرة من 7 سنوات يعيبكم بالبحرية شي واحد إذا الله تاب عليكم منه أنتو بخير وعال العال تدري شنو أنكم مو على قلب واحد( تحسبهم جميعآ وقلوبهم شتى ) وأسأل اي واحد طلع من المنفى ( البحرية ) ودك ترد يقولك باي حبيبي لأن شاف الخير من فارق البحرية .

    وأخيرآ وليس آخرآ متى ماكنتوا صف واحد راح تحصلون جميع مطالبكم وأتمنى لكم التوفيق إنشا الله .
     
  13. skipper

    skipper بـترولـي مميز

    579
    0
    16
    صاج والله
    احنا مو على قلب واحد
    والمشكله لاطلباتنا تمشي ولا حاسين احنا اننا موظفين بالشركه
    حالنا حال موظفين الحكومه
    انشالله يتعدول الوضع الى الاحسن :rolleyes:
     
  14. skipper

    skipper بـترولـي مميز

    579
    0
    16
    النقابه والمصداقيه ؟ رساله ارجوا الرد

    السلام عليكم
    اول شي اصبح وامسي عليكم بالخير ويعطيكم العافيه
    بالنسبه لنقابتنا ومدى مصداقيتها مع العامل بشكل عام
    وبشكل خاص جدا موظفين البحريه
    -------------------
    تم الاجتماع مع النقابه ومع رئيس النقابه السيد دليهي الهاجري
    وذلك للمطالبه بالقريدات والفرق الشاسع بالنظام الموجود عندنا بين الموظف والمسؤل المباشر
    وذلك للعلم ان السوبر فايزر عندنا بالبحريه القريد 16 وملاحظ النوبه ( الشفت ) قريد 14
    واحنا الموظفين 11 بالحسره تاخذه
    المهم
    تم الاجتماع اكثر من مره وتم تحديد موعد مع العلاقات الصناعيه
    ولكن للاسف لاحظنا الاتي
    يقوم عضو النقابه بالوقوف مع المسؤل وترك العامل
    واعتقد الموظوع عارفته النقابه زين وعضو النقابه عندنا احمد الفيلكاوي سلامات وعمك اصمخ
    -----------------------
    كل اللي نبيه يالنقابه
    المساواه بينا وبين اي فريق عمليات بالشركه
    مثل الانتاج او التصدير
    اما احنا فريق العمليات البحريه النقابه معطتنا طاااااف ولا مطالبات لنا


    ------------------------
    شنو انجازاتكم يالنقابه للبحريه ؟؟؟؟؟؟
    حالنا ماتغير سنين ليش ؟؟
    عمك اصمخ ولا وعوود بس عالفاضي


    ما اقول الا

    اقبض من دبش
     
  15. nawaf52

    nawaf52 بـترولـي نشيط

    127
    0
    0



    أخوي ماني مجاملك الصراحة الظاهر أنت يديد على البحرية وماتعرف البحرية ومشاكلها مثل ما آنا أعرفها تأمن بالله بقولك حادثة صارت لي مره كنت بالاحمدي وشوف واحد من المسؤولين سألني وين تداوم قلت بحرية تدري شنو رده (بل) إذا مسؤول يقول الكلمه هذي شتريه من غيره وسأل ربعك القداما قولهم فيه سالفه صارت يوم الاضراب سنة 1994 مالت الكتاب مال الملاحظين يوم صاروا على قلب واحد ووقعوا كلهم وربعنا المشغلين قاعدين يتناحرون بينهم كل واحد له راي وذاك اليوم صدقني لو طالبين أي طلب عطوهم بس قتلك البحرية عمرهم ماصاروا على قلب ومحد يعرفهم كثري وعندي الادلة وسأل (ح . د ) هذا مشغل 1 رموز مابي اذكر اسماء انت تعرفهم وسأل اللي يدرس بالاسكنرية م .ك الله يوفقة عن البحرية وسوالفها وهم يقولون لك ، وصدقني الكلام هذا اقوله لك من حر مافيني ولا البحرية لو مثل الانتاج على قلب واحد وقت الخطر ماتنعاف لأنك ماتلقى أريح منها وأحسن بالشغل طبعا وسأل مجرب ولا تسأل طبيب ، ياحلوا أيام الجزيرة الصناعية كوووووول ، وصدقني لوما الله ثم بواحمد فاضل حتى درجة 11 ماتصيدها ومحد يقدر ينكر هالشي ،ولك مني كل تحية ،بس نصيحة مني لك لا تصير ضحية مثل غيرك تصير بالوجه وتلقى ربعك بالمستقبل كلهم فوق وأنت لين الحين2 خلوا مطالبكم جماعية وهذا اللي مستبعد على موظفين البحرية ، والسبب انا ذاكرة في البدا.ية.
     
  16. skipper

    skipper بـترولـي مميز

    579
    0
    16
    ---------------
    صاج والله صاج والاسامي اللي قلتها انا عارفها زين
    واحنا مو على قلب واحد كلش
    والصراحه بو احمد فاضل جوهر ماقصر يوم كان عضو بالنقابه
    بس المشكله مافي نقل لو في نقل انا اول واحد انحاش من هالدائره الي مو منصفه كلش
    واذا تكلمنا مع النقابه عمك اصمخ
    والله فاضل جوهر ماقصر واجتمع مع النقابه كذا مره بس اقبض من دبس وسلامات يالنقابه على موقفهم معانا
    صج كسروا فينا كسره قهر للاسف
    والبحريه كلهم عارفين موقف النقابه مو طيب معانا
     
  17. سعوود

    سعوود بـترولـي جـديـد

    30
    0
    0
    البحريه الظاهر مشاكلكم وايد
    الله يعينكم على تجاوزها
     
  18. skipper

    skipper بـترولـي مميز

    579
    0
    16
    حدها والمشكله حاذي حالتنا م سنين وماتغير الوضع
     
جاري تحميل الصفحة...

مشاركة هذه الصفحة