وتبون الكويت تصير مركز مالي !!

الكاتب : فركوس | المشاهدات : 759 | الردود : 7 | ‏26 يونيو 2008
  1. فركوس

    فركوس بـترولـي جـديـد

    34
    0
    0
    السلام عليكم ورحمة الله وبركاته

    ...
    في الكويت..
    قبل أيام أجرت سيارة من إحد المكاتب حق واحد عزيز يبي يفتر ويقز ويشوف معالم الكويت الخلابة..
    وقبل لا أوقع على عقد التأجير انصدمت من العقد اللي مو باقي إلا يحط شرط إنك ما تسوق السيارة..
    قلت حق الموظف انتوا من صجكم ؟؟
    قال لا تحاتي السيارة مأمنة تأمين شامل..
    توكلت على الله ووقعت العقد والكمبيالة..
    وبعد 3 أيام اتصل علي ذاك الشخص العزيز وقال لي آنا الحين بمواقف الفنار والسيارة مدعومة وما أدري منو داعمها شسوي ؟؟
    قلت دق على 777 وشوف شنو يصير لك وبلغني..
    دق عليهم وقالوا له روح المخفر لأنه الحادث ضد مجهول..
    يومين آنا مع الشخص العزيز بالمخفر عشان ناخذ ورقة نوديها الخبير الفني ويعطونا ورقة حادث..
    الحمدلله خلصنا ورحنا "للمقصب" أقصد المكتب اللي كان منبسط عالآخر ويقول "منين آكلك يا بطه"..
    طبعاً قام يتمسكن وبصوت حزين يحسسك إنه ضايق خلقه عالسيارة وإنك وقفت رزقه..
    وفجأة كشر عن أنيابه..
    قال فتح ملف في التأمين 25 دينار + إيجار لين ينتهي التصليح 15 دينار يومياً + 50 % من قيمة التصليح !!
    قلت له ما تبي أشتري لكم سيارة ؟؟
    قام يتنحنح.. وقال هذا القانون وشنو تبيني أسوي لك ؟؟ وإنت عطلت لي سيارة..
    قلت له بس آنا ما دعمت !! السيارة اندعمت واهي واقفة ؟؟
    قال هذا القانون..
    منو يتكلم بالقانون.. صج مشكلة إذا شسمه قام يتكلم بالقانون :p
    طبعاً دفعت وآنا ما أضحك والعوض على الله..


    ...
    في أمريكا..
    قبل أكثر من سنة أجرت سيارة في لوس أنجلوس وما خليت مكان ما لفيت فيها..
    من لوس أنجلوس إلى سان دييغو إلى لاس فيغاس لين وصلت سان فرانسيسكو ودعمني واحد واتصلت على الشركة..
    قالوا تمشي السيارة ؟؟ قلت اي.. قالوا إذا تمشي كمل طريقك وإذا ما تمشي خلك بمكانك واحنا نجيب لك سيارة غيرها..
    ولما سلمتها بالمطار محد قال لي هات بنس واحد زيادة !!



    ويقولون نبي الكويت تصير مركز مالي !!
    انتوا أول خلوا المحققين يتكلمون عدل مع الأوادم وبعدها قولوا نفكر نسوي الكويت مركز مالي..
    الواحد فيهم تقول كأنك طاقه يوم كان صغير ويبي يطلع الحرة..
    سبحان الله هالمحققين أهمه بس اللي فاهمين ولا في أحد يفهم غيرهم..
    لا حليتوا مشكلة نفسيات المحققين ومشكلة المراجعات وطوالتها..
    بعدها عدلوا قانون التأمين اللي يبلع ويلهف لهف بدون فايدة لنا..
    وتالي قولوا الحين ممكن نحاول نسوي الكويت مركز مالي..
    الا إذا..
    تبون اللي يزور الكويت يفتر ليل نهار بتكاسي الكويت اللي قامت تنافس تكاسي لندن فهذا شي ثاني..
    هالشخص العزيز زين عنده أحد في الديرة والا لو غيره شنو يسوي ؟؟
    يقعد بالكويت لين تخلص سيارة المكتب من التصليح ؟؟
    زين لو مو حاسب حسابه وفلوسه على قده.. ينسجن ؟؟ آنا خابر السجون صارت للكويتين بس
    تالي لا حليتوا هالمشكلتين قولوا يمكن نصير مركز مالي..
    هالمشكلتين لهم أبعاد ما تتخيلونها..
    ولو تصير معاي بأي دولة أسب وأتف عالساعة اللي طبيت فيها هالدولة..
    عيل ديرة رايح لها حق شغلة أقزرها بمخافر وتحقيق على بو اندعمت سيارتي بموقف سيارات !!





    أخوكم/ فركوس​
     
  2. HUMMER

    HUMMER بـترولـي خـاص

    لاهنت اخوي عالموضوع والمصيبه اللي صارتلك مع الشخص العزيز

    وفعلا الديره بقوانينها الخرافيه صايره تفشل والله انك تفتشل تخلي احد يزوك من بره

    وينقد عليك وعلى هالقوانين بس مااقول الا على الدنيا السلام والحمدلله انه يت بالحديد ولا فيكم
     
  3. q8security

    q8security بـترولـي خـاص أعضاء الشرف

    وضع تعيس

    وأنا حاس بموقك لأني مجرب
     
  4. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    المركز المالي ، أتمنى ألا يكون على حساب المواطنين !
    الله يعيننا يا فركوس
     
  5. Winchester

    Winchester المـراقب الـعـام

    لا حول ولا قوة الا بالله


    ومشكور على طرح الموضوع وان شاء الله الناس تتعض من هذه المكاتب


    بالتوفيق
     
  6. Workers

    Workers إدارة المنتدى

    7,767
    30
    48
    ذكر
    الكويت
    السلام عليكم



    اصحاب مكاتب السيارات حالهم حال غيرهم من اكثر التجار البعض وليس الكل يمارسون النصب بأحتراف

    بالنسبة 25 دينار للتامين لانها ضد مجهول يعني لو اللي داعم السيارة موجود ماتدفع فلس

    ودفع اليومية حتى انتهاء التصليح مافية مشكلة ولكن المصيبة النصاب اللي دفعك 50% من قيمة التصليح

    وين التأمين الشامل :confused:

    هذا درس لك ولنا حتى نعرف العقد ومايحتوي واعتقد هناك كمبيالة توقعها مع العقد وعلى بياض :cool:

    وللعلم الكمبيالة التجارية يعتبرها القانون في حكمة مثل الشيك (جريمة) والله اعلم

    كل الشكر لك اخوي فركوس على التنبيه
     
  7. CatwomaN

    CatwomaN بـترولـي خـاص

    1,566
    0
    0
    Q8
    لا اتوقعون قبل لا تقرون كل حرف بل عقد و اهم شي اللي ينكتب ابخط اصغييييير او من وره العقد .. و اذا في شي ما فهمته من الشروط دش ابخشمهم و اسأل لا تستحي .. عشان ما يمشي سوق هل نصابين !!
     
  8. انا واحد من الناس الى وقع في هالمشكله

    والحمدلله المشكله عدت على خيير

    بالنسبه يا اخووان للمركز المالي

    انا قريت مقاله لأحد الاخوان والصراحه في كلمه اعجبتني حييييل الا وهي

    ( اكبر غلطه ان تحول البلد الى مركز مالي والسبب....) شووف غلطات الدوول الكبيره لما تحولت الى مراكز ماليه

    وبعدين اذا تحولت الديره الى مركز مالي راح يزيد الغني غنا ويزيد الفقير فقر .. ولاتنسون ان 3 ارباع الشعب الكويتي مطلووب لشركات وبنوك بدال لا تحوول البلد الى مركز مالي يا اخي ادفع المبالغ الى على الاخوان بحيث ان الفايده تسقط والشعب يدفع قيمة المبلغ المأخوذ لان الفايده ارتفعت حييل ولعبت في الشعب وكسرت ظهورهم

    مشكووور اخووي ويحقلك اتفشل على الوضع الى صاير

    بيني وبينك انا مقرووص واذا زارني احد من خارج البلد وعزيز على ما اأجرله سياره لا اعطيه سيارتي :)

    خل يدعم عليها او تندعم عليه بالعافيه ولا انه يتنقع جم يووم على شي ماله ذنب فيه
     
جاري تحميل الصفحة...

مشاركة هذه الصفحة