لا تستعجل في الحكم .. قد لاتكون على صواب ؟

الكاتب : اطفائي محترق | المشاهدات : 572 | الردود : 6 | ‏26 يونيو 2008
  1. اطفائي محترق

    اطفائي محترق بـترولـي خـاص

    1,187
    0
    0
    اشب الضيان
    الشعيبه
    اخواني موظفي الخدمات النفطيه ...

    الكل منا يواجه مشاكل الخصم من الراتب .. واول ماينزل الرتب يلاقي انه مخصوم المبلغ الفلاني ..


    البعض يتضايق ويدعي على الماليه وعلى الموظفين ويوم ولا يومين وينسى .. ولا يروح حق الاداره ولا يسأل..

    والبعض واللي هم على صواب يروحون حق الاداره ويسألون عن سبب الخصم .بدون شوشره وازعاج. ويقتنعوون ..والبعض الاخر يجمع بين الحاله الاولى والثانيه وبالاخير يقتنع انه مااحد اكل حقه ..


    انا راح اذكر لكم اكثر من مشكله صارت .. وانا اكون فيها ...


    الاولى ...

    كنت مداوم في في 25 و26 فبراير .. ودبعا هذا يحسب هوليدي ...


    نطرت شهر وشهرين وثلاثه ومانزل لي شي .. رحت انا واللي معاي عشان نعاقب اللي سرقوا حلالنا( يعني معصبين)


    بالاخير تدرون من منو المشكله ؟؟ من الشركه اللي نداوم فيها ... الاخوان سكرتارية ال knpc دازين اوراق الهولدي على رقم مو تابع لأدارة الخدمات ... هل يتحمل هذا الخطأ الخدمات ام المكان اللي نداوم فيه ..


    المشكله الثانيه

    واحد من الربع خاصمينه ومبلغ وقدره .. زعل وتضايق وراح من عندنا يبي يسوي ويسوي ولما راح لهم سألوه عن الاجازات والطبيات وقالهم نعم لدي كذا يوم طبيه وكذا يوم اجازه .. ورجع وهو مقتنع ..
    فهل نلومهم ... يعني نبي نطلع اجازه وماينخصم شي ...؟



    الثالثه ...


    معاي واحد من الربع بنفس الشفت


    يوم توفي الشيخ سعد الله يرحمه حسبوا لنا ثلاثة ايام هوليدي ... مجموعها 24 ساعه ...


    نزل لنا الهوليدي كامل الا صاحبي هذا نازله 17 ساعه ... ليييييييش ؟؟

    تضايق ورحت انا وياه لمالية الخدمات .. سألهم صاحبي قالوله انته محسوب مع ال B shift


    واصلا هو من داومنا وهو معاي بال C SHIFT

    من من هذا الخطأ ايضا من السكرتاريه اللي احنا نداوم عندهم ...


    كل ماعلى الماليه انها تنزل لك راتيك على على حسب الكشوفات اللي ترسلها الاداره اللي انت تداوم عندها ..



    فكفاكم لوم للماليه ..

    اذا لقيت خصم من راتبك .. لاتسكت .. رووح للماليه بالصالحيه .. واسألهم عن سبب الخصم .. واصلا هم ماحطووهم الا لخدمتنا .. يعني لك الحق تسأل عن كل شي ...

    عشان تقتنع بكل شي لازم تسأل ...

    اما انك تسكت وتقول حراميه فهذا اكبر خطأ ....


    الظلم ظلمات يووم القيامه ...
     
  2. q8security

    q8security بـترولـي خـاص أعضاء الشرف

    شكرا جزيل لك أخي الكريم

    والإخوان بالماليه إنشالله ماراح يقصرون
     
  3. رجل امن اول

    رجل امن اول بـترولـي مميز

    756
    0
    0
    رجل امن اول
    الكــــــــــويت
    الله يعطيك العافيه اخوي اطفائي على التوضيح
     
  4. لاهنت اطفائي وللأمانه الاخوان الى بالماليه مايقصرون وفيهم الخير والبركه

    وكافي ابتسامتهم لما يستقبلونك
     
  5. q8security

    q8security بـترولـي خـاص أعضاء الشرف


    أؤيد كلامك والخطأ وارد وغالبا ماتلقاله حل
     
  6. ما اروعك

    ما اروعك بـترولـي نشيط جدا

    455
    0
    16
    المشكله اذا كل شهر خطا اراح نخلي دواماتنا ونقابلهم كل شهر

    بصراحه اخطائهم كثيره ولازم يشوفون حل فيها

    المشكله ماهي في حسن استقبالهم هذا واجب وظيفي في كل مكان احترام المراجعين والتفاعل معاهم وحل مشاكلهم والجواب عن استفساراتهم

    المشكله في الخصومات الكثيره والاخطاء الي كل شهر نعاني منها

    الله يصلحهم ويهديهم ويوفقهم لاتقان العمل وخدمه الموظفين

    وتحياتي للجميع
     
  7. اطفائي محترق

    اطفائي محترق بـترولـي خـاص

    1,187
    0
    0
    اشب الضيان
    الشعيبه
    ثااااااانكس على المروووووووووووور
     

مشاركة هذه الصفحة