لي متى الظلم (اتقوا دعوة المظلوم وان كان كافراٌ فليس دونها ودون الله حجاب )

الكاتب : امن الشمال | المشاهدات : 2,877 | الردود : 47 | ‏18 يونيو 2008
  1. امن الشمال

    امن الشمال بـترولـي جـديـد

    3
    0
    0


    بسم الله الرحمن الرحيم

    وبسم الله وكفى والصلاة على المصطفى

    اولاٌ اخواني الاعزاااء

    حبيت اوضح شي صار اليووم عند اخواننا في امن الشمال الا وهو مشكلة البوينت (أ) point A


    الاخوان الى في الامن مداومين في البوابه وكلها غبار ومن غير تنظيف ومن غير اكل لان المطعم رفض انه يوصلهم اي وجبه والسبب الطريق الغير سالك بسبب موجة الغبار التى غطة البلاد في الفتره الاخير ولهذا السبب تعرضت مركبات الخدمه في الشركه واكثر من مركبه اخرى الى التوقف وتم سحبها من الطريق لان الطريق مغطى بالرمال وغير سالك

    وعندما قدموا الاخوان طلب تظلم للسيد س ع رئيس الفريق رفض التظلم بحجة ان البوابه كأخواتها من البوابات الاخرى ... البوابه المعنيه في هذا الموضوع في وسط البر وليس لها طريق سالك او شارع ومدفوونه ومنسيه .. وفوق هذا الظلم كله حتى التكييف مره يشتغل وعشر مرات مايشتغل ويطلبون الصيانه وعندما سألنا الاخوان قالوا مشكلة التكييف من فتره طويله لازم كل اسبوع او اسبوعين نطلب الصيانه..




    انا اقووول للأخوان اعضاء النقابه نرجوا منكم وقفة رجل واحد وهذي اوول مشكله تطرح لكم حالياٌ من امن الشمال لان الاخوان يعانون في كل زام وكل شفت

    وانا راح اميز هالموضوع بصوور يقشعر لها البدن وابصملكم ان البوابه غير مهيئه لأن تكوون مكان عمل للبشر واترككم مع الصور واسف على الاطاله

    وارجو تقبل الموضوع بشكل انساني :confused:


    [​IMG]

    [​IMG]

    [​IMG]

    [​IMG]

    [​IMG]

    [​IMG]

    [​IMG]

    [​IMG]

    [​IMG]

    [​IMG]

    [​IMG]


    يالله يانقابه هذا الكلام وهذي الصووور خير شاهد

    انتم لنا واحنا لكم مانبي عقاب ولا نبي اي شي نبي نرتاح في مكان العمل لا اكثررررررر

    انا اطلع من البيت عشاان اداوم مو عشاان امرض واندفن

    كل الاسف على الاطاله
     
    آخر تعديل بواسطة المشرف: ‏19 يونيو 2008
  2. q8security

    q8security بـترولـي خـاص أعضاء الشرف

    الله يعينكم

    وضع مزري حنا بديرة خير

    تم التثبيت
     
  3. الله يعينك حجي والله حتى احنا بالمناقيش نفس حالتكم بس حق منو تشتكي عمك اصمخ وانا اقوووول خل النقابه الي مواعده الناس بالخير اتكلم والصبر مفتاح الفرج يا حجي ويعطيك العافيه وعساك على القوه
     
  4. ما اروعك

    ما اروعك بـترولـي نشيط جدا

    455
    0
    16
    لا حول ولاقوة الا بالله والله يعينك ويعين كل واحد يداوم في الغبار هذا !!!

    يعني لا بوابات سنعه ولا مطاعم توصل اكل ونداوم 12 ساعه بالوضع هذا وربي شي يعور القلب ويفقع المراره

    انا اتقدم للاخوان بالنقابه بقتراحين بمناسبة هذا الموضوع واسال الله لنا ولكم التوفيق والرشاد !!!

    1)) أن ينشأ منطقة في كل حقل برقان والمناقيش والروضتين فيها كل المرافق ومايحتاجونه مثلا بقالات ومطاعم ونحو ذلك حتى يريحون

    الموظفين ويقدرون يمارسون عملهم على اكمل وجه ولايحتاجون الى مطاعم يمنون عليهم ويعيون على توصيل الوجبات وما الى ذلك

    2)) أن تقوم الشركه بتعديل البوابات وتضبيطها وتوسيعها حتى ترتاح نفسيه الموظف ويحس انه قاعد بمكان نظيف ومرتب لان في بوابات

    اخواني ولايخفاكم صعب الانسان يداوم فيها لا وتجيها وصخه وتحتاج انك ترتب وتنظف ويالله تصير تمشي الحال واحيانا تكون صغيره حيل

    والمكتب ماخذ فوق نص الغرفه - اذا صح تسميتها غرفه - فنرجو من المسؤولين مراعاه اوضاعنا لان حنا الي راح نداوم مو هم وبعدين ما

    تكلف كثير يعني مبالغ ضئيله ويرتاح فئه كبيره من الموظفين

    واسال الله ان يعين النقابة على مصالح الموظفين ويمن علينا وعليهم بالخير والتوفيق له

    وارجو من النقابة النظر في الاقتراحات وتبنيها وايدنا في ايدكم نحو الامام ومصلحه اخواننا الموظفين

    وبالله التوفيق

    وتحياتي للجميع
     
  5. q8security

    q8security بـترولـي خـاص أعضاء الشرف

    وضع تعيس


    وننطر رد النقابة على هذا الوضع المأساوي

    لاحول ولاقوة الا بالله
     
    آخر تعديل: ‏19 يونيو 2008
  6. al7ur_alnadawi

    al7ur_alnadawi بـترولـي جـديـد

    27
    0
    0
    لا حول ولا قوة الا بالله وضع ما ينسكت عليه وهذا احنا من ابناء البلد .... حسبي الله ونعم الوكيل يا ويله من الله الظالم التيم ليدر س د هذا ما يرضها علي اعياله ولا اللي ايعز عليهم ... بس ما اقول الله (,,,,,,,) اللي ماله احساس ولا انسانيه
     
    آخر تعديل بواسطة المشرف: ‏19 يونيو 2008
  7. ياخساره

    ياخساره بـترولـي نشيط جدا

    الله يعينكم صج

    صراحه بوابات حتى الي محكوم عليه اعدام ما يقعد فيها

    ومن هنا نوجه مناشده الى رئيس ضباط شركة خدمات القطاع النفطي

    واذا تبون نصيحتي روحو له بالشركه تراه لحيه غانمه شروا من يقرا الموضوع

    وكذلك لابد للنقابه تحرك تجاهه هاذا الموضوع

    وتقبلو تحياتي
     
    آخر تعديل بواسطة المشرف: ‏19 يونيو 2008
  8. لا حول ولا قوة الا بالله .. حسبي الله ونعم الوكيل

    وين النقابه ليش ما في عضو يتابع مشاكل الموظفين عن طريق المنتدى ولا بس ايام الانتخابات نشوووفهم؟

    الله يعينكم يا امن الشمال ودعواتنا بأن يصلح الحال عندكم
     
  9. q8security

    q8security بـترولـي خـاص أعضاء الشرف

    ياجماعة الخير

    انشالله الموضوع راح يكون له حل وترى النقابه مطلعه على المنتدى واللي يصير


    وننطر ردهم


    تنوية : يمنع ذكر أشخاص بعينهم

    ونرجوا التزام النقاش الهادف

    الشباب مطلبهم عادل

    ويحق لهم أن يكون مقر عملهم بالشكل اللائق نحن في بلد خير
     
    آخر تعديل: ‏19 يونيو 2008
  10. دسمان

    دسمان بـترولـي نشيط

    141
    0
    0
    لا حول ولا قوة إلا بالله هذا مايخاف الله هالتيم ليدر الله لايوفقه والله لو كنتو موظفين شركة نفط الكويت جان ماسوا هالطريقه ولا داومتوا بهالمكان بس هاذي بذمة شركة خدمات القطاع النفطي..... بعدين الاخ الي يقول روحو لرئيس ضباط الامن بشركة الخدمات مع احترامي لرأيك يبه مايسوليك شي لانه من نفس القبيله هو والتيم ليدر حق منطقة الشمال... عشان جذي ماسوا شي من قبل ولا راح يسوي شي هلحين.... لاكن حنا املنا بالله ثم النقابه هذا هو دوركم لازم يكون لكم موقف يانقابه لأنه هالأوضاع مو غريبه هاذي اوضاع الأمن من داومو بشركة النفط..... لا مكان مثل العالم اداوم فيه... ولا احترام من الاداره للموظف... وفوضا مابعدها فوضه ... وظلم بالترقيات ... وظلم بالتقرير السنوي... وظلم بالتوزيع بالدوام.... وظلم بالرواتب... والله ماتدري من طقاقك... ولا لنا امل لا بشركة النفط ولا شركة الخدمات انها اتعدل وضعنا... لانه احنا معاناتنا منهم مو من غيرهم.... هذولا ماينفع وياهم إلا الفضايح والشكاوي والله ياجماعه غير هذا ماينفع....
     
  11. دسمان

    دسمان بـترولـي نشيط

    141
    0
    0
    عفوا......... والله من كثر ماتحمست نسيت اشكر صاحب الموضوع بيض الله وجهك علي هالموضوع النافع للجميع وجزاك الله خير.... والله انك زين تسوي فيهم وانشالله راح اتكون لنا مشاركات بالصور باذن الله... حتي يري الناس شلون وضعنا وشلون فيه ناس ماتخاف الله اشكره.....ومره ثانه مشكور علي هالموضوع يأمن الشمال.......
     
  12. Br0nZy

    Br0nZy بـترولـي جـديـد

    11
    0
    0
    يعطيكم العافيا على الموضوع و الردود لا و ازيدكم من الشعر بيت انا اليوم مداوم و مواكب الحدث الى صار اليوم لمه طلب رجل الامن مقابلة التيم ليدر المذكور قالوله اكتب تظلم و شكواك و انشالله يسويلك موعد حق مقابلته ما يصير تدش عليه تكلمه ليش الاخ التيم ليدر الفاضل لا يكون على باله وزير الداخليه او الرجال معتقد انه اهو كويتي و احنا وافدين ياخي كلنا كويتين بس ما قول الى واحد مالقوله شغل و ماعنده شغل و ماقول الى كما قالو بالفيديو الى صوروه بلوتوث ( .........عامل زحمه ) مسكين مالقوله شغل عطوه زرار و قالوله فصل بدله يعني مالقوله منصب حطو بهل منصب و قالوله يالله انت وزير الداخليه يعني بعرف شنو الحكمه من القرارات التطفيشيه الى حاطها بو الشباب شنو ممنوع جرايد ممنوع قهوا و شاي ممنوع احد من رجال اوسكو التواجد في مكاتب الصباحي في الشمال لا و اليوم يفكر بينه و بين نفسه انه ينزل قرار ممنوع تتنفس بالبوابه و اذا تنفست جاك الكوشن طاير مشالله عليه الكوشن عنده مثل شرب الماي
     
  13. امن الشمال

    امن الشمال بـترولـي جـديـد

    3
    0
    0
    شكرا لتفاعلكم ووقوفكم معنا وتم الاستجاابه لطلبات اخواننا في الامن


    كل الشكر لكل من ساهم في ترفيع الموضوع والشكر موصوول للاخ كيو ايت سيكيورتي على تثبيته للموضوع
     
  14. n3n7

    n3n7 بـترولـي نشيط جدا

    271
    0
    0
    الله يعطيك العافيه وكل البوابات بجميع المناطق اغبار وتجيب الحساسيه وكل شي على النقابه مايصير قوة النقابه تستمدها منكم

    انا متعقد من شغله ليش ماحطوا الامن داخل السنتر ترى ماكو فايده الي البوابه لو تصير مشكله بليل داخل السنتر وانتو تعرفون بليل
    يتسكر باب السنتر ,شيسوي الامن ينط من الاسلاك الشائكه او ينتظر ليييييين يصير الي يصير ترى استلام الامن خارج السنتر اكبر غلط وهذي وجهة نظري ارجو مشاركتي فيها.
     
  15. Juventus

    Juventus بـترولـي نشيط

    الله يعينكم


    المفروض البوابات تتغير
     
  16. q8security

    q8security بـترولـي خـاص أعضاء الشرف

    ومازلنا بانتظار رد النقابه

    على هذا الأمر والنقابه يفترض بها أن تكون سند لنا


    أخوكم q8security


    الأخوه الزملاء المنتدى فتح لكي يكون منكم ولكم فأرجوا التزام الحوار الهادف والبناء
     
  17. انا مستغرب من هالنقابه وينهااا الاخ يقوول تم الانتهاء من تنظيف البوابه وترى الى نظفووها عمال النظافه يعني غسيل فقط لا غير ولي الحين النقابه ماتكلمت ... يعني مطولين ؟؟

    ارجو من الاخ المشرف كيوايت سيكيورتي الى ثبت الموضوع وماقصر انه يخلي الموضوع ليما نشوووف هل في احد من النقابه حااس بالي يصير او طااااف..
     
  18. q8security

    q8security بـترولـي خـاص أعضاء الشرف

    كل الشكر لمن قرأ وشارك بهذا الموضوع


    ونأمل بأن يتحسن وضع رجال الأمن لدى شركاتهم المنتدبين إليها
     
  19. Winchester

    Winchester المـراقب الـعـام

    الله يعينكم الصراحه

    والموضوع ما ينسكت عنه لأن حرام هذا مكان ما ينقعد فيه ولا دقيقه

    نتمنى وبأسرع وقت تفاعل المسؤولين أو النقابة بالموضوع

    وان شاء الله نشوف التغيير بأسرع وقت
     
  20. خالد السهلي

    خالد السهلي بـترولـي جـديـد

    17
    0
    0
    الله يعينكم على ماجاكم


    والحمدلله على كل حال


    وثانيا من ابسط حقوقك انك ترفض الاستلام بهالمكان ولا احد يقدر يعارضك ,, اتكلم ضابطك ويكلم اللي فوقه عشان تكون في صوره قانونيه ومتبع التسلسل الوضيفي عشان ماتطيح في غلطه طاحو فيها ناس قبلك كلمو اللي فوق الضابط على طول وانصكو كوشن وبنفس منطقتك بس بالمناقيش ,,, وأجباري على الضابط يوصل الشكوى و يحطك بالمراقبه على ما يجون عمال النضافه والصيانه للتكييف ومشكلة ضباطنا يجهلون بالقوانين واجد ويخافون يسوون شي مايدرون عنه ويجيهم كلام .. تنقصهم الخبره و الشجاعه وللأسف كله خايف تجيه كلمه من اللي فوقه بس اللي يدافع عن الحق ماحد يقدر يقوله وينك رايح وان ماجت من التمليدر تجي من اللي فوقه عندك ايميلات التمليدريه وعندك تلفوناتهم ماقدرت اتقابله دزله الصور ترى السكوت مايوكل عليش يوكل تراب بوجه العدو وانا والله ماودي نطوف هالامور تجينا امور اكبر منها ولا حد يرد علينا نبي الناس تحس ان عندها موضفين مو جناقر والسموحه على الاطاله .. ولا اشوفك مستلم بهالمكاان الا لما اشوفك مسنع الامور ان ماوقفت بحلوجهم ماراح ينضفها لك احد ويصلح التكييف وشوف شنو ناقصك من ادوات السلامه ,,, الكمام والاسعافات الاوليه والكبوس ومطفأة الحريق ترا من غير هذولي قعدتك بالبوابه خطر وتقدر ترفض الاستلام من غيرهم المكان مو مأمن اي غاز يجيك وداعن : )
    ولاحد يفهمها بالقوه ترا بالحجه ومن حقوقنا والله والله يوفقكم .

    والدنيا ليلحينها بخير ..
     
جاري تحميل الصفحة...

مشاركة هذه الصفحة