توني متخرج من الثانوية ومادري وين اقدم بالنفط ؟

الكاتب : q8-angel | المشاهدات : 1,672 | الردود : 15 | ‏18 يونيو 2008
  1. q8-angel

    q8-angel بـترولـي جـديـد

    1
    0
    0
    السلام عليكم شباب شلونكم انشالله تكونون بخير وصحة وسلامة
    انا توني متخرج من الثانوية نظام مقررات معدلي 2.80
    ابي اعرف وين اقدم ؟ هل بالصيف تنفتح ابواب التسجيل ؟ وابي اعرف احسن مكان ادشه وله مستقبل ؟:confused::confused:
    ابي كل واحد يعطيني رايه وين اقدم وشلون اقدم وعطوني ميزته وعيوبه اذا امكن :) وراح اكووون شاكرلكم وااااااااايد
    واذا وذا واذا تعرفون جم معاشاتهم هم اكون شاكرلكم :)

    ومشكورين ويعطيكم العافية وناطر الاجوبة الوافية
     
  2. Winchester

    Winchester المـراقب الـعـام

    والله اخي العزيز من واقع الخبرة وانت ما شاء الله عليك معدلك زين ..

    ياريت تشيل فكرة التوظيف بالوقت الحالي من بالك وتكمل دراسك وايد أفضل لما يكون عندك شهادة

    والتوظيف بالنفط ما راح يطير وانا اخوك ..


    والله يسهل امورك ان شاء الله
     
  3. C R I S T A L

    C R I S T A L بـترولـي جـديـد

    26
    0
    0
    قدم على المطافي .. مبطلين التسجيل الحين .. (( دورة رقيب إطفاء - دورة ملازم اطفاء ))

    التسجيل .. بالتطبيقي .. بمنطقة العديلية .. مبنى القبول والتسجيل .. مبنى 7

    التسجيل من الساعه 5 لي 7ونص ..

    الادبي .. 55% رقيب اطفاء ..
    العلمي .. 50% رقيب اطفاء ..

    الادبي .. 75% ملازم اطفاء..
    العلمي 65% ملازم اطفاء ..

    وترا المطافي راااااحه حدها .. عكس القطاع النفطي لكن النفط معاشهم اعلى ..بس تعب ..

    صل استخاره .. ؤشؤف الي يريحك ..

    اذا ما تبي تكمل دراسة دش مطافي .. واذا مفكر بغيرها تكمل دراسة افضل ..

    ؤنسبتك ماشاءالله طيبه .. :)

    ؤعسى الله يؤفقك :)
     
  4. مساعد مراقب حسابات

    مساعد مراقب حسابات بـترولـي نشيط جدا

    171
    0
    0
    مساعد مراقب حسابات
    الكويت العربية المتحده
    مبروك التخرج اخوي واذا تبي نصيحتي كمل دراسة ولا تشتغل حاليا ترى الوظيفة على الثنوية مو شي .. والشباب ما قصروا بالمعلومات


    وبالتوفيق ان شاء الله
     
  5. الهاجـري

    الهاجـري بـترولـي نشيط جدا

    363
    0
    16
    كمــــــــــــــــــــــــــل دراستــــــــــــــــــــــــــــــــــــــــــك
     
  6. أول شي عالبركة التخرج ومنها للأعلى أنشالله حجي أنا وجهة نظري أنك أتكمل دراستك واااااايد أحسنلك دام عندك هالمعدل واذا كنت علمي أنا أقولك كمل معهد التكنلوجيا وبعدها أنشالله تعال قدم على دورة مشغل حقل يعني opretor بشركة نفط الكويت لأنه مستقبلها وااااااااايد ممتاز وعلى طاري المعاشات لا تحاتي الخير الحمدالله موجود بالقطاعات النفطية والله يديم على هالديره الخير والنعمه وشاكرلكم وحياك الله
     
  7. القلب نفطي

    القلب نفطي بـترولـي نشيط جدا

    كمل درااااستك وتوظف على شهاده اعلى من الثانويه احسن لك مليون مره
    وانت مشاللـه معدلك زين والله يوفقك
     
  8. cool_engineer

    cool_engineer بـترولـي نشيط جدا

    191
    1
    0
    مهندس
    الكويت
    ادرس ولاحق ع الوضيفه
    لانك من غير شهاده بيدقون خشمك دق :)
    هذي نصيحه ابلاش
     
  9. مترجمه بلس

    مترجمه بلس بـترولـي نشيط

    82
    0
    0
    نسبتك زينه ... !!


    خل تفكيرك شوي مستقبلي يعني بالله مارتحت بالشركه وطلعت .... وين بتروح وشهادتك ثانويه؟؟


    الا اذا ناوي تدخل شركه وتدرس انتساب ... هذا شي ثاني


    وانا افضل تصلي الاستخاره ..
     
  10. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ



    عليك السلام

    حبيبي شغل واسطاتك وأطلع لظباط الداخلية

    لاتفكر تدخل النفط صدقني بتندم :D
     
  11. dehen_3ood

    dehen_3ood بـترولـي خـاص أعضاء الشرف

    مبروك التخرج والله يوفقك وين ماتكون إن شاء الله​
     
  12. Sc0rpio

    Sc0rpio بـترولـي خـاص

    1,000
    0
    36
    مهندس
    الكويت
    اخوي كمل دراستك احسن لك
     
  13. q8security

    q8security بـترولـي خـاص أعضاء الشرف

    الله يوفقك

    أخي الكريم تابع معنا المنتدى أول بأول

    وإنشالله الشباب ماراح يقصرون راح تحصله بإذن الله

    أول ماينزل الخبر
     
  14. مراقب الاحمدي

    مراقب الاحمدي بـترولـي مميز

    676
    10
    18
    مراقب صيانة في الاحمدي
    الكويت
  15. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    نصيحة لا تدخل القطاع النفطي

    وأن لقيت لك وظيفة بالهيئة العامة للصناعة أفضل بمراحل من القطاع النفطي

    وعسا الله يكتبلك التوفيق
     
  16. المتمكن

    المتمكن بـترولـي خـاص أعضاء الشرف

    1,350
    0
    0
    أتكمل دراستك



    ابرك
    وانت توك


    صغير على الشقا
    وانشاء الله مالله حادك على الوظيفه حاليا
    كمل دراستك

    والله يوفقك
     
جاري تحميل الصفحة...

مشاركة هذه الصفحة