قوانين وزارة الداخليه بخصوص الخدم

الكاتب : frfosha | المشاهدات : 4,042 | الردود : 20 | ‏17 يونيو 2008
  1. frfosha

    frfosha بـترولـي مميز

    753
    0
    0
    بقلبي شي كبير والله وكل بيت كويتي حاليا يعاني منه وهو جلب الخدم من الخارج وعدم استقرارهم في بيوت مخدوميهم والسبب تساهل وزارة الداخليه بهذا الموضوع ، شنو يعني ايبلي خدامه ولما تنحاش وتضمن الاقامه واقدم بلاغ بالمخفر ايبونها ويتم ايضا تسفيرها على الكفيل مو حرام ، بيا جماعه ترى الخدم تفتحت عيونهم ايوون كخدم واهم بالاساس ايون سياحه تلقاها ثاني اسبوع من تحطلها الاقامه يا تنحاش يا ( تتعنفق عليك ) طبعا كلمه كويتيه وطبعا تحاول قد ما تقدر تكون وياها احسن من قبل بس وللاسف في البعض يستغلون هالنقطه واللي عنده بيت كبير ومحتاج للرعايه سوء عنده عجايز بالبيت او اطفال شسوي والدوام ما يرحم وانتو عارفين ، فندائي للمختصين بوزارة الداخليه بوضع حد لهالامور ولكم جزيل الشكر
     
  2. بوغدير

    بوغدير بـترولـي مميز

    814
    0
    0
    **اهي الخدم وبس..!! الله يستر هالايم الجاية شنو بيصير.....ويمكن الخدم اهم اللي يكفلونا..وعمار ياكويت...مركز مالي؟؟
     
  3. القحطاني

    القحطاني بـترولـي خـاص أعضاء الشرف

    4,717
    0
    0
    فعلن هاذي مشكله عويصه ولازم يكون اهناك حل .......

    ولا بعد الحين تلقين الخدمات عندهم تلفونين ولا سالتيه تقول هاذا خط فلبيني اكلم زوجي ........ زين وثاني حق شنو !!!!!!

    اكلم اختي الي في الكويت .......

    ومعزبه معنده الا خط واحد ...... والله وتمردو الخدم


    مشكوره اختي فرفوشه
     
  4. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    فعلا يا فرفوشة ، الموضوع هذا دائما أنتقده بخصوص الخدم ، فعلا تساهلت الداخلية جدا و سلمت أرقاب المواطنين بيد السفارات الآسيوية ، تعرفونها طبعا و بالذات ال ...ف ...
    أحس إن الموضوع فيه مجاملة لهذه الدول على حساب المواطن اللي في كل الحالات الخاسر الأكبر

    فرفوشة ، صار لج مدة ما دخلتي المنتدى أو إني ما لاحظت مشاركاتج ، عالعموم الحمدلله على السلامة
     
  5. brilliant

    brilliant المـراقب الـعـام

    8,477
    0
    0
    Engineer
    Kuwait
    واذا كانت الطياره فل ,,, يركبونها درجه اولى على حسابك
     
  6. HUMMER

    HUMMER بـترولـي خـاص

  7. النوخذه

    النوخذه بـترولـي مميز

    517
    0
    0
    مراقب
    الكويت
    انا مره دفعوني 360 دينار دفعتهم وانا اضحك والشغاله صايدينها بشقه وسفرتها صارت على ظهري
    الله كريم
     
  8. زهرة التوليب

    زهرة التوليب بـترولـي خـاص

    اي والله وانتي الصاجه

    اول مره اشوف ديره تسوي قوانين تحمي الاجانب
    وتكسر ظهر المواطن وما تحميه ولا تحميه حقوقه

    يعني مثلا انا يبتلي خدامه ودفعت فلوسها 400 دينار او اكثر
    عقب ما سويت لها اقامه وقعدت عندي شهر تروح تنحاش وابلغ عنها واسفرها على حسابي ؟؟؟

    يعني لا من فلوسي اللي راحت علي ولا من الخدامه وهم التذكره على حسابنا ؟؟ شكووو

    المفروض الخدامه اللي صار لها اقل من سنه المكتب يتكفل فيها ويرجع لنا على الاقل نص فلوسنا مو تروح علينا

    والحين الخدم حافظين الدرس عدل اييون من هناك متعلمين شنو راح يسوون اول ما يوصلون الكويت ويدقون لهم اقامه

    الله يستر منهم
     
  9. cool_engineer

    cool_engineer بـترولـي نشيط جدا

    191
    1
    0
    مهندس
    الكويت
    والله كلامك صح
    انا 4 خدامات منحاشين من عندي
    وكلهم يدلعون نبي موبايل نبي اجازه اسبوعيه
    وتسفرهم على حسابك
    الضعف في الداخليه والحكومه لازم تكون حازمه مع سفاراتهم
     
  10. WaRiO

    WaRiO بـترولـي مميز

    انا اشهد انج جبتيها على الجرح

    صج العبقري الي حط القانون ....

    والمشكله مكاتب الخدم اهم يحرضون الخدم على النحشه ... يعطونها الكرت

    اذا ما عجبج المكان ردي ... ومحد لاعبها صح الا المكتب

    طبعا مو الكل بس الاغلب
     
  11. frfosha

    frfosha بـترولـي مميز

    753
    0
    0
    اشكر الجميع على المرور والاهتمام بالموضوع ، ومن ناحيتي يا مشرف كنت واله مسافره وبعدها رجعت وتعبت الوالده ومازلت بالمستشفى حت من الدوام كنت ماخذه اضطراريه وبعدها مخففين على الدوام علشان تعب والدتي بس ولله الحمد بدت اشوي اشوي تكون احسن وعسى اله لا يوريكم اي مكروه ومشكور على السؤال وانا ترى اتابع مواضيعكم من البيت بس بين فتره وفتره وماشالله عليكم مكفين وموفين يا الحبايب ولكم جزيل الشكر
     
  12. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    سلامة الوالدة ، الله يشافيها و يخفف عنها و يخليكم لبعض



    بخصوص الخدم و قوانين الداخلية اللي تراعي الغريب و تدوس على راس و جيب المواطن ، و على طاري الخدم ، أكيد سمعتوا عن الخادمة اللي نحرت معزبتها اللبنانية بحولي

    و تظل الرعاية و القوانين في حماية الخدم ضد أبناء البلد و الكفلاء
     
  13. frfosha

    frfosha بـترولـي مميز

    753
    0
    0
    الله يكون بعون هالمواطنين شنو يتعملون وشنو يخلون رحموهم يا حكومه
     
  14. ولد الموسوي

    ولد الموسوي بـترولـي نشيط

    144
    0
    0

    اي سمعنا وشفنا الصور

    الله يستر من اللي جاي

    طبعا هالقضيه قطره من بحر من مجمل قضاياهم بالكويت
     
  15. jem2008

    jem2008 بـترولـي نشيط جدا

    410
    0
    0
    اسمحو لي على المداخله
    الحين لو كل المواطنين يرفضون الخدم وما يجيبونهم لمدة سنه راح نشوف شنو راح يسون
    اعتقد يتنازلون عن رواتبهم لي النص
    وسفاراتهم يسون عروض قدوم الخدم ببلاش ويقفون مع المواطن
    تذاكر الكويتيه تنزل اسعارها
    الداخليه يلقون جميع القوانين المستحدثه
    الترابط الاسري يزداد قوه
    العيال تصبح تربيتهم حميده
     
  16. الفصول الأربعة

    الفصول الأربعة بـترولـي نشيط جدا

    437
    0
    0
    الخطر مو من ماده عشرين
    القهر من ماده ثمنتعش.
    كلش مالنا حقوق.
     
  17. hassankoc

    hassankoc بـترولـي خـاص

    كم ارقام ادارة العماله المنزليه بوزارة الداخليه
     
  18. WaRiO

    WaRiO بـترولـي مميز

    اخوي اهم مقرهم في بيان

    شوف البداله 1808080
     
  19. أبو سعود

    أبو سعود بـترولـي جـديـد

    23
    0
    1
     
  20. محمد المذن

    محمد المذن بـترولـي مميز

    694
    0
    0
    في مرات نشوف المعزب مظلوم
    ومرات الخدامه مظلومه
    لاكن ولا مره شفنا المكتب مظلوم
    القوانين بالاول والاخير بصالح المكتب
    اي شي يصير الخدامه ترجع ديرتها وينقطع رزقها وانت تقعد بدون خدامه والمكتب يعد فلوسه
     
جاري تحميل الصفحة...

مشاركة هذه الصفحة