إقتراح

الكاتب : نفطي كويتي | المشاهدات : 671 | الردود : 7 | ‏1 نوفمبر 2007
  1. نفطي كويتي

    نفطي كويتي بـترولـي خـاص أعضاء الشرف

    2,016
    12
    38
    اود ان اقترح بعض الاقتراحات
    لعل نقاباتنا تتجاوب معاها
    وذلك لخدمة الموظفين في القطاع النفطي


    1_ بناء جمعيه تعاونيه لخدمة موظفين الشركه ويكون منتسبين النقابه مساهمين فيها للكويتيين
    بأسعار مخفضه كما هو حاصل في الحرس والوطني والجيش
    بدل الجمعيات التعاونيه اللتي استنزفت اموالنا

    2_ بناء منتزه ترفيهي مطل علي البحر مثل الخيران مثلا بشاليهات لخدمة الموظفين وللتنفيس والراحه طبعا بصالاتها والعابهاوجميع خدماتها
    أحسن من نوادي الشركات
    لا تحاتون مو بلاش بفلوس ولكن نريد الترفيه
    وهي سوف تكون دخل للنقابه او الشركات
    (لا تقولو مافي ميزانيه النفط
    ب100)
    3_بناء مستوصفات بأماكن مختلفه تخفف الازدحام علي المستشفي
    ورحمه لأخواننا اللي في الجهراء مثلا والاماكن البعيدة


    هذي بعض اقتراحاتي
    اتمني المشاركه واللي عنده اقتراح يكتب
    لعل وعسي
     
  2. dehen_3ood

    dehen_3ood بـترولـي خـاص أعضاء الشرف

    الصراحة اقتراحات جميلة نتمنى أن ترى النور بالمستقبل القريب

    الجيش والشركة عندهم نادي الضباط وفيه شاليهات عشان يستانسون اهل الجيش والشرطة
    صحيح ما تلقى حجز .. عادي .. بس هم عندهم مكان ترفيهي !!

    عندهم جمعية وأسعارها معقولة والعالم ذبحة عليها إللي بالجيش وإللي مو بالجيش !!
    بس هم عندهم جمعية تعاونية ..

    وبالنسبة للمستوصفات !! إن ما صار ؟؟ مافيها شي يعطونا تأمين صحي في المستشفيات الخاصة نروح نعالج ميخالف راضين على حسابنا بس في خصم مو تصير السالفة نهيبة !!

    نبي حضانة حق أطفال العاملات بالاحمدي عشان يقطون اعيالهم ويروحون دواماتهم
    (تصدقون عاد انا سمعت هالحجي من وحده كانت بأحد اللجان حق قائمة من القوائم قبل جم سنة) ;)

    يا مال العافية على هالمشاركة الفعالة
    وبانتظار جديدك !!
     
  3. نفطي كويتي

    نفطي كويتي بـترولـي خـاص أعضاء الشرف

    2,016
    12
    38
    صج نسيت أقتراح
    4_ دعم أبناء الكويتيين في المدارس الخاصه من 60% إلي 80%
    والفايده للكويت
    لأن في العلم نور
    وأميرنا حفظه الله ورعاه
    دائما مايحث علي العلم في جميع المناسبات
     
  4. old days

    old days بـترولـي جـديـد

    44
    0
    0
    مهندس
    الكويت
    اقتراحات ممتازه ولله!

    صج خوش اقتراحات جزاك الله خير

    الجميل في هالاقتراحات ان الكل يربح منها!

    انا اشدد على استعجال الحضانة لانها اسهل اقتراح تقريبا و يفك أزمة بصراحه!

    ونتمنى نشوف هالافكار على ارض الواقع والنقابة ماتقصر انشالله


    تحياتي
     
  5. Q8_oil

    Q8_oil بـترولـي خـاص

    1,387
    0
    0
    و الله إنها كلها إقتراحات مفيدة و أتمنى بالفعل التطبيق و لكن على النقابة الحالية مو عمك أصمخ إلا أطرم و أعمى بعد
     
  6. المهندس

    المهندس بـترولـي خـاص

    1,305
    8
    0
    لمعلوماتك
    في مشروع ترفيهي في الزور قيد الانشاء
    بالنسبه للجمعيه - الفكره مطروحه من زمان بس توقفت او ما وافقوا عليها - يقولون ماكو قوه شرائيه في الاحمدي
    بالنسبه اللمستوصفات انشالله يطبقونها

    وهذا للعلم وشكرا
     
  7. Future man

    Future man بـترولـي نشيط جدا

    180
    0
    0
    خووووووووووش إقتراحات بس أقووووووووووولك إنسى :d
     
  8. كويتي و بس

    كويتي و بس بـترولـي جـديـد

    26
    0
    0
    اقتراحات جميلة.....ولكن هناك تعديل بسيط على اقتراح المنتزه....ويجب ان يطبق على الكل وخصوصا المدراء والادارات العليا.....لا يحق لأي موظف حق الانتفاع بالمنتزه اكثر من 3 او 4 ايام بالشهر فقط وبواقع 3 او اربع مرات بالسنه بحيث تفصل مده 3 اشهر بين كل حجز واخر حتى تتاح الفرصه لباقي الموظفين....ولا يجوز للمدير وغير ان يحجز له ولاخوه ونسيبه و و و و

    وشكرا
     
جاري تحميل الصفحة...

مشاركة هذه الصفحة