وضاعت الكويت & الرجاء القراءه من غير دموع &

حجى يعور القلب وايد واحنا انحاول ننسى

 

جت الحزينة تفرح مالئتشي لها مطرح !!

وإذا ما طاعك الزمان ولا طيعه

مشكور على هالنقل والحجي إللي يكدر الخاطر

جذي صرنا وهذا حالنا؟

 

الاسعار تزيد والمعاشات محللك سر

 

إن شاء الله ما تضيع

رد على العنوان

 

مشكور على هالنقل

 

هيك شعب بده حيك حكومه . شعب بس حجي فعل ما فيه لا وانتطنز على الهنود يكفيهم شرفا ان عندهم قنبله ذريه وعندهم كل 3 شهور مظاهره وخلكم على طمام المرحوم

 

بعدكم ما شفتو شي

 

يا معودين من الحين وزير المالية اليديد يقول مال الكويت مو حق ( البعزقة ) على قولته....
الحكومة جذي ما تحط الا اجعص ناس والصراحة ناس ما تحس بمعاناة الشعب كلللللش

 

الله كريم .... مابعد الضيق الا الفرج ..... لازم نلوم نفسنا أول شي على الأعضاء اللي انتخبناهم اللي مع الأسف قاعد يفكرون بطريقة تفوزهم بالانتخابات الجاية ... والشرهة بعد على السلف اللي ينتخبون انسان ساقط سياسا أمثال ((باقر الحسوووود))...وحدس الخبيثة اللي موهامها الشعب كثر موهامها تاخذ مناصب ... والطبقة الرسوبية ((اللي يعتقدون انهم طبقة راقيةومسمين نفسهم عيال بطنها )) اللي يفوزون أشخاص نااعمين يمثلونهم بالمجلس وأكثر شي أشره عليهم صراحة القبائل .. لازم يطلعون نااس فيهم خير للبلد قبل لايكون همهم الأول والأخير ((أبناء العمومة )) . واسف على الاطالة بس شسوي من الحرقة اللي بقلبي .:

 

الحكومه عطت جمهورية العراق الزنديق آسف (( الصديق )) مليار و مئة مليون

 

برميل لنفط 100 وكل مالنا بالفقر وقرار الزياده المفروض يكون من حاكم الدوله اللي يا ليت يلتفت اشويه حق شعبه ، مو يبي كل شي تطوع طوع عشان لا خساره ولا طلبات ولا تكلفه ولكن في مثل عندنا يقول ( راحت رياييل تنطح الدروازه وما بقت غير رياييل المطنزه والعازه ) أخخخخخخخ تكفون لا تعورون قلوبنا

 

الكويت

أنشاء الله الكويت محفوظة من رب العباد ومن " أهلها" هذا أول الكلام.
ثاني شي إذا بقينا نلوم ما نلوم ألى أنفسنا أول وأخير. تدرون ليش:
الكويت ما قالت أذا حطوك في منصب تعال وأسرق.
الكويت ما قالت تعال وحط من قرابتك وبس ونفعهم.
الكويت ما قالت تعامل مع الرشوة وأنت في منصبك.
الكويت ما قالت لا تكون حريص على عملك وطنش وتغيب وأخر الشهر خذ معاشك كامل.
الكويت ما قالت روح رشح واحد وصولي ونصاب.
الكويت ما قالت خل في أمن البلد وأدعوى عمال القطاع النفطي للأضراب علشان كم فلس.

أما عيال بطنها فيهم الصالح والطالح. وثاني شي كان في زمن الكويت تمر عليها أيام سود وظلمة وكانو فيها. بس ما سوو نفس ما يسوي بعضنا.


بس أنا حبيت أسأل سؤال واحد وأبي بكل قناعة ومن دون تسرع. هل يحتاج عمال النفط هذي الزيادة وبصورة ملحة مما تجعلهم ومن أغلبيتهم الدعوة على هذا الأضراب الذي يخل في أمن البلد وأقتصادها؟
بس قبل الأجابة أرجو من القرأ قرأة هذة المثل الشعبي: " ثوبن ما هو بثوبك تراه يعتك ". ​

 

مانبي اضراب

طاب مساءكم منو يقول احنا نبي اضراب اصلا احنا نبي حقنا وبس اما الكلام عن الاخلال او الخلال مايوكل خبز احنا حياتنا وشبابنا قضيناة خدمة لنفسنا واهلنا وبلدنا ومستعدين نفديها بارواحنا وهذا مومنطق ان نخاف نطلب انصافنا اقول قارنوا بينا وبين اهلنا في الخليج ترا احنا ماصرنا مليونرية ولا نبي نصير وعلي فكرة اذا انتة حاس انك مومحتاجها غيرك في امس الحاجة لها ناس قامت اتئن من الاقصاد والديون هذا واحنا من اغني الدول كلامك اخوي يجتاج ترشيد واللة المستعان

 

ااااااااخ ياقلبي

 

والله حرام

 

الله كريــــــــــم يجيب الله خيـــــــــــر

 

ربنا كريم

خيرنا لغيرنا

 

يعطيك العافيه ياخوي يالعندليب
انا هالكلام قلته قبل فتره وبصراحه كانت مشاركه مني في احد المواضيع وذكرت هالشي وناس وااايد شبواا بويهي على كلاميوقلتلهم بيي اليوم اللي بيعرفون معنى الكلام اللي اقوله

وانت اليوم ايدت الكلام من خلال هالجمله

إذا سألنا أي إنسان من الأرجنتين إلى الصين ، ماذا يمثل لك ارتفاع سعر برميل النفط الكويتي؟!

سوف يجيبك بابتسامة عريضة، معناها الرخاء والتقدم والازدهار لبلدي ولجميع دول العالم الثالث، ما عدا بلد المنشأ أو بلد المصدر«الكويت» !!

ما اقول الا ... الله كريم

تقبل مشاركتي

تحياتي

 

اختي نيفادا حبيت اصلحلج المثل اذا تسمحيلي ( الثوب اللي اطول منك يعتك ) فقط للتصحيح