شكوى

الكاتب : بن عامر | المشاهدات : 624 | الردود : 6 | ‏11 يونيو 2008
  1. بن عامر

    بن عامر بـترولـي خـاص

    1,159
    0
    0
    k.o.c
    kuwait
    السلام عليكم

    يا أخوان عندنا شكوى بخصوص عروض الشركه بعض الناس عنده خبر في العروض قبل لا تنزل بفتره كبيره و احنا علشان دوامنا في الروضتين ما تجينا الأخبار إلا بالإيميل و إذا رحنا قالوا خلص كل الأماكن محجوزه و أكبر مثال المنتجعات اللي عليها عرض الحين كأن العروض لناس و ناس مايصير لو كانت مثلا تتم بالقرعه كان صار فيها نوع من العداله وكل واحد و حظه يسجل مع الناس لكن ناس يدرون بالخبر قبل لا ينزل و يبلغون ربعهم الخاصين ما يصير أنا واحد من الناس دوامي فني يعني أحول اداري علشان توصلني الأخبار ما أدري بالأخبار إلا بالإيميل و إذا دقيت عليهم لقيت الطيور طارت بأرزاقها علما اني دقيت عليهم أول ما نزل العرض بالجهاز
     
  2. judgement

    judgement بـترولـي نشيط جدا

    342
    0
    0
    معاين ابار
    انا لما قريت الاعلان اتصلت على طول ولا مافي حجز اشكرة يعني ....
     
  3. الغالية

    الغالية بـترولـي خـاص

    1,035
    0
    0
    والله ياخوي احنا بالاحمدي ومثلكم .. ما توصلنا الاخبار الا بالإيميل !!!!

    للعلم بالشي ... رحت احجز في سيشل يوم 25 مايو .. يعني قبل اسبوعين

    وقالولي ان موظفين القطاع النفطي .. لهم خصم حلو !!

    اتصلت على جماعة الـCommunity Services عشان اتأكد .. ما ردوا علي إلا بالزووور .. وآخرتها يقولي الاخ ان المنتجع مقدم عرووضه وبعدنا ما وافقنا عليهم !!!

    ما نقول إلا ... الله يسامحهم !!
     
  4. بن عامر

    بن عامر بـترولـي خـاص

    1,159
    0
    0
    k.o.c
    kuwait
    نتمنى نجد تفسير من أصحاب الأختصاص بحيث يكون فيها عداله و مساواه للجميع و شكرا لكم على المرور
     
  5. ولد الحجية

    ولد الحجية بـترولـي جـديـد

    9
    0
    0
    انا معاي 2 بالقسم اول ما نزل الاعلان راحوا المنتجع وحصلو حجز والمشكله انه مو في جماعة ال community لا والله تراهم شباب والنعم فيهم قايمين بدورهم ومو مقصرين بس المشكله من المنتجع نفسه وللعلم العرض للkoc وال knbc بوقت واحد وايضا يقولك ان موظف واحد يستقبل الزبائن ويستلم الفلوس والمشكله انك تقدر تحجز بالشهر مرتين وفي ناس تحجز مرتين ولهذا السبب ما تلقى حجز وللعلم ترى حتى اللي عنده خبر قبل الاعلان ما كان يقدر يحجز لان الشركة ما عطت الok للمنتجعات وللامانة انا واحد كنت متابع الموضوع ويشهد الله على كلامي وما حجزت باي مكان لان ما عندي اهتمام بالموضوع واسف طولت عليكم بس كان هذا للايضاح علشان ما نظلم احد
    ولو جريت جري الوحوش ---- غير رزقك ما تحوش
     
  6. بوعبدالله الكويتي

    بوعبدالله الكويتي بـترولـي نشيط

    72
    0
    0
    لا يقولون ان التيملدر و يا المانجر والديمدي له اماكن خاصه

    وشاليه خاص

    ليش التفرقه ليش ياربي
     
  7. Na9er

    Na9er بـترولـي جـديـد

    15
    0
    0
    حجي ترا يحجزون 3 او 6 او 7 شاليهات بنفس الوقت ويطيرهم كلهم حقه ما يصير جذي يا جماعة الخير المفروض يقيدون الواحد بأن كل شخص يحجز شاليه واحد عشان غيره يحصل هاذا الي صاير من جذي م حصلنه المشكل الثانيه ان الاعلان تسرب وطار الطيور بارزاقها قبل ما ينزل بالسستم يدقدقون على ربعهم ترا في اعلان بينزل روحوا لحقوا قبل ما يخلص وجذي يعني اذا ما تعرف احد ماكو فايده
     
جاري تحميل الصفحة...

مشاركة هذه الصفحة