كنترولر يبوق كروت البنزين مالت المشغليين

الكاتب : h2s | المشاهدات : 1,935 | الردود : 21 | ‏11 يونيو 2008
  1. h2s

    h2s بـترولـي نشيط

    54
    0
    0
    السلام عليكم أخواني الزملاء
    موضوعي اليوم عن كنترولر باق حق أحد المشغليين إلي يشتغلون عنده بالقسم وأليكم التفاصيل :
    طبعاً أنتم عارفين أنه شركة ال KNPC تكافء الموظفين الملتزميين بالدوام وما ياخذون مرضيات بكروت بنزين وأيام عطل (reward days ) ، اليوم قالي أحد الزملاء في مصفاة الأحمدي أنه عطوله كرت بنزين عشان السنة إلي طافت ماكان عنده مرضيات ، المهم راح صاحبنا عند الكنترولر الأمين وقاله الكنترولر وقع على الورقتين هذول ، صاحبنا من النوع إلي يستحي ومايعرف يحرج أحد وطبعاً الكنترولر أستغل هالشي وبعد ما وقع على ورقتين أستلام عطاه الكنترولر كرت بنزين واحـــد بس وقاله أن الورقة الثانية بس جذي وحط الكرت الثاني بجيبه والظاهر أنه ضميره أنبه لما شاف الولد محرج يكلمه عن الكرت الثاني خصوصا أنه قرأ الورقتين وتبين له أن كل ورقة حق فترة معينة يعني الورقتين مو حق نفس الفترة فقاله الكنترولر حسافة أنهم ما عطوك يوم أوف بس ما عليك أنا أضبطك ورخص صاحبنا وقص عليه ومشاه بيتهم وقاله ها مو تروح باجر تشتكي وتقول ماعطوني كروت بانزين !!!!
    بالله عليكم هذا كنترولر ، شنو مو شايف خير عشان يبوق كرت بنزين حق مشغل حقل جديد وما يعرف شي ويقص عليه بيوم أوف من عنده يعني مو رسمي بعد ، يعني عشان يصلح غلط ويسكر حلج الولد يقوم يستغل صلاحياته ومركزه عشان يحتال على هالمساكيين الجدد .
    أشلون الشركة حالها بينصلح ومافي رقابة على هالناس ليش الشركة ما تستخدم آلية ثانية لتوصيل هالهدايا لأصحابها بدال ما يحطون الثقة بناس معدومة الثقة والضمير وأصحاب نفوس دنيئة .
    وفي ناس يستلمون هالكروت من غير ما يوقعون على ورقة الأستلام وهذا معناه أم الشركة مو فارق معاها اذا استلم صاحب الهدية هديته أو أحد غيره باقها أو أن الكنترولر الي عطاه الهدية وقع مكان هالموظف وهاذي مصيبة !!!!!
    يعني تزوير ، يعني أن الكنترولر يقدر يوقع مكان الناس إلي يشوفهم ما يتكلمون ويستلم الهدية مكانه من غير ما يعرف هالمسكين شي وترى هاذي مشكله حتى أنا صادفتها مرة الكنترولر وقع مكاني على ورقة الزيادة السنوية مستغل الميانة إلي بينه وبيني ولما سألته ليش جذي قالي ما حبيت أعطل الأوراق لأننا متأخريين في تسليمها ويبونها منا الحين ، بالله عليكم هذا كلام
    المهم نرد حق موضوعنا ، الولد هذا إلي ماعنده مرضيات أتغير تفكيره وعطاني حسبة أستغربت أني أسمعها منه
    قالي أنا راح أخذ مرضيات علشان لا يعطوني كروت هدية بعد مرة أنا مو ألتزم ويجي واحد غيري ياخذ حق ألتزامي أنا
    ويوم قلتله أنته جذي راح تضر نفسك وتأخر ترقياتك ، قالي لأ أنا أدري ان الموظف لو ما طافت مرضياته ال20 يوم بالسنة ما يقدرون يأخروون ترقيته فلو قسمت 20 يوم على السنة يطلعلي 5 أيام كل 3 شهور أقسهمهم على كيفي وأريح حالي حال الموظف الغير ملتزم .
    يعني شفتوا دنائة نفس هالكنترولر خلت الولد أشلون يفكر !!!!!!!
    يا مسئوليين أذا ما تحركتم وسويتوا شي مع هالأشكال ترى الشركة راح تتأثر ، فلا تقولون بعدين أن الكويتين الجدد مو ملتزمين وياخذون مرضيات وايد ، أنا عطيتكم مثال حي وحقيقي عن واحد من الملتزمين أشلون تحول بين يوم وليلة إلى موظف متسيب بسبب كنترولر ما عنده ذمة ولا ضمير ولا عزة نفس حتى
     
  2. عبدالحميد دشتي

    عبدالحميد دشتي بـترولـي مميز

    782
    0
    0
    لووووووووووووووووووووووووول

    عاد اليوم صارت السالفه بشفت النايت

    صاحبي الي باقوا كرته دق علي قالي شسوي قتله خلها على الله

    عاديه ترى البووووووووووووق حلالي بالبترول

    بس يعني معاشه 3000 دينار وعنده سياره بلاش و بانزين بلاش بايق كرت بو 15 ما ادري جم شحقه

    وقاص عليه بأوووف

    لووووووووووووووووووووووووول

    والله ضحكتني لما شفت الموضوع :D
     
  3. h2s

    h2s بـترولـي نشيط

    54
    0
    0
    ماشالله بهالسرعة أنتشر الخبر :)
    صج الكويت صغيرة
    يعني عادي باجر أشوف الموضوع بال Cnn مع الأسماء بعد
    على العموم أشكرك عزيزي على ردك السريع هذا اتمنا أن تكون هاذ أخر المهازل
     
  4. FCC

    FCC بـترولـي نشيط جدا

    250
    0
    0
    لاتظلمونه

    يمكن يبى يستثمر الكرت ويرده بعد جم شهر مع الفوائد :)


    الشرهه على صاحب الكرت اللى سكت عن حقه :mad:



     
  5. كنبس

    كنبس بـترولـي مميز

    814
    0
    0
    اخوى المثل يقول الساكت عن الحق شيطان اخرس
    ليش مادام هو راضى وساكت
    ليش ما اشتكى يوم عرف انه انسرق اكو مسؤل فوق الكنترولر يروح له
    لاتشتكون هنى وتسكتون باجر يسوى الى اكبر منها
    كلمو المتضرر خل يروح الى مسؤل الكنترولر حتى لو بالتلفون
    لو سكتو راح يتمادى اكثر واكثر
    وشاكر لك اخوى لنقل الموضوع عن صاحبه
    تحياتي
     
  6. KNPC15

    KNPC15 بـترولـي مميز

    521
    0
    16
    ذكر
    CHEN
    الكويت
    يا جماعه انا لما ييت أوقع تقريري شيقولي الحبيب؟؟ ما أقدر أعطيك كله A لازم جم وحده B

    شتقولون شتحجون خلوها على الله سبحانه اهو يعرف شلون ياخذ حقنا سواء بالدنيا ولا الآخره
     
  7. h2s

    h2s بـترولـي نشيط

    54
    0
    0
    :) FCC تعليقك وايد حلو
    الظاهر أنه ظلمناه المسكين ولازم نعتذر منه :p
     
  8. h2s

    h2s بـترولـي نشيط

    54
    0
    0
    ياجماعة قلت لكم الولد من النوع الخجول والي ما يعرف يتصرف وإلا ماكان قدر هالكنترولر أنه يسوي في جذيه
    وعلى فكرة أنا كلمت الولد ونصحته أنه يشتكي بس رفض وقال أنحرج أشتكي على كرت بو 10 ولا 15 دينار فشـــلة
     
  9. h2s

    h2s بـترولـي نشيط

    54
    0
    0
    ونعم بالله أخوي KNPC15
    بس أنا أتمنى أن موضوعنا يفتح عيون الناس ويوصل للمسئوليين الكبار عسى أنهم يتقون الله فينا
     
  10. الرويشد

    الرويشد بـترولـي نشيط

    145
    0
    0
  11. WaRiO

    WaRiO بـترولـي مميز

    عندنا وعندكم خير !!!!!!!!!!!!
     
  12. wal3li

    wal3li بـترولـي نشيط

    116
    0
    0
    تدري يعني اهو منصب يقص على اهله وربعه ويقول منوا يببي كرت لانه عندي وايد اذا تبون الخير وايد


    واهو بايقهم عسااااااااه زقوم فيه وبعياله
     
  13. كنبس

    كنبس بـترولـي مميز

    814
    0
    0
    يا اخوان اتمنى انكم تحطون اسمه كامل حتى يعرفونه الناس على حقيقته
    وخل يحس وغيره يحس بسالفته
    ادرى انه يمكن صعبه او احراج لكن هالشغله تحده وتخليه ينحرج اذا كان يحس طبعا
     
  14. wal3li

    wal3li بـترولـي نشيط

    116
    0
    0
    اللي مافكر بينه وبين الله انه الله سبحانه فوقه اهو يبوق حلال الناس تبيه يستحي او ينحرج خلها على الله
     
  15. فلير مولعه

    فلير مولعه بـترولـي نشيط

    81
    0
    6
    هالكنرولر باق كرت ألعن ابو خيره المصيبه باللي باقوا شركة ابكبرها ومحد تكلم عنهم
     
  16. مستشار

    مستشار بـترولـي نشيط جدا

    400
    9
    18
    قصة غير ,,,,,,,,,,, وما مدى المصداقية ؟؟؟ فيها
     
  17. brilliant

    brilliant المـراقب الـعـام

    8,477
    0
    0
    Engineer
    Kuwait
    جني سمعت بدعايه ان تقدر تبلغ برقم الكرت ويصيدونه من اي محطه
     
  18. الرويشد

    الرويشد بـترولـي نشيط

    145
    0
    0
    اس ف بس اشلون يبلغ برقم الكرتا ووهو ما شاف الا الكرت اللي اعطاه اياه يعني بس شاف كرت واحد ووهو وقع عل ورقتين
     
    آخر تعديل بواسطة المشرف: ‏6 أغسطس 2008
  19. عبدالحميد دشتي

    عبدالحميد دشتي بـترولـي مميز

    782
    0
    0
    الي انباق من الكرت صاحبي واعرفه عدل عدل وامس معاي بالقهوه بس الي مستغرب منه ان هالكنترولر يحبنا وايد وخوش ريال و انا الصراحه وايد احبه بس ما ادري ليش سوى جذي انشاء الله صاحبي يطلع غلطان
     
  20. FCC

    FCC بـترولـي نشيط جدا

    250
    0
    0
    والله انكم فضيحه :)
     
جاري تحميل الصفحة...

مشاركة هذه الصفحة