ارحمونا يا امن منشآت الاحمدي

الكاتب : frfosha | المشاهدات : 790 | الردود : 10 | ‏10 يونيو 2008
  1. frfosha

    frfosha بـترولـي مميز

    753
    0
    0
    يبه والله ملينا من مخالفاتكم شنو انتو حالفين تخلصون دفاتركم علينا ،
    يا الأمن انتو ما قصرتو بس يا اخوان شوفولنا حل بسالفة المواقف اللي صارلنا دهر نتكلم فيها ولي الحين مو لاقين حل لهالمشكله واحنا يا الحريم اللي داخل المصفاة الأحمدي ترى تكرمون ( ماكلين هوا ) بخصوص هبخصوص هالمواقف يعني قلنا الحل من قبل وصلت رسالتي للاخ السعيد دائما مادري على شنو / أسعد السعد المحترم وبالوقت اللي راجعت فيه مكتبه قالتلي السكرتيره ما شفنا كتابكم اللي مقدمينه طبعا لو مناقصه ولا شي فيه نفعني وانفعك جان عيونه طاحت بالورقه وسوا عليها مليون نسخه بس احنا لنا الله وانشالله يلقولنا حل بهالمواقف وانتو يا أمن المنشآت ما نلومكم لانها أوامر وانفرضت عليكم بس تكفون خفو علينا واللي يعافيكم على هالمخالفات ممنوع الوقوف ترى والله مو بيدنا ولو في اماكن من بوتبة تالاحمدي الخاصه بالحريم جان والله صفطنا وفكينا روحنا بس والله مافي اماكن كلله هالمقاولين وهالهنود ماخذينهم من صباح الله خير واللي بيته بالديره ويوصل على الساعه سبع شسوي ، فلي رجاء منكم انكم تخفون علينا بمخالفاتكم أو تلقولنا حل
     
  2. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    فعلا لابد من حل .. هذي المشكلة على حسب ظني انها قديمة ....


    لكن لابد أن تصل شكوتكم الى ادارة المرور ..... حتى يكون الحل من جميع الأطراف ....

    حيث المسؤول الأول عن تصدير المخالفات هي ادارة المرور لترفع وصاياها الى الشرطة المتواجدين في الموقع
     
  3. frfosha

    frfosha بـترولـي مميز

    753
    0
    0
    ,والله يا خوي يا الوسام ما اعرف ادش بسوالف المرور والشرطه وهذي يبيلها رياييل واحنا حريم اذا ما نصفونا الشركه بعد شنسوي اكثر من جذيه قلت خل احط شكويتي اهني واهي فعلا قديمه يمكن يلتفتون لنا اشوي المسؤولين
     
  4. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    السلام عليكم ورحمة الله وبركاته

    للأسف حتى مواقف موظفي المصفاة صارت زحمه
    وكل يوم يطلع لنا سيارات زياده مادري من وين..
    ولكن يجب توفير مواقف للسيدات على الاقل خصوصا في زحمة المواقف الموجوده
     
  5. q8security

    q8security بـترولـي خـاص أعضاء الشرف

  6. start up

    start up بـترولـي نشيط

    83
    0
    0
    بسم الله الرحمن الرحيم


    السلام عليكم


    اذا كنتي تقصدين البوابة الخاصة بالنساء

    والتي تكون صوب مبنى الادارة على الزاوية


    فأنا أتفق معكم أن وضعها ليس بالسليم

    من ناحييتين من داخل المصفاة - فعند خروج الموظفة لابد أن تمشي للباص واذا وقف أمام الباب يكون الباص في وضعية ممنوع الوقوف

    أما من ناحية الادارة - فلاتوجد مصافط قريبة كافيه للموظفات سوى التي تكون خلف الادارة من ناحية المطعم او اللي بجانب مصافط المقاول الخارجيه


    الحل بسيط


    جدا


    وضع نقطة خارجية مناسبه ويفضل بجانب بوابة المنشأت ويكون فيها الامن النسائي(سيكورتي )

    والباصات تاخذهم من هناك

    ومعروف ان هناك براحه ممكن تستغل مصافط جنب مصافط المنشأت


    الحل الثاني


    توسيع البوابة الحاليه ووضع مكان كافي لتوقف الباص من ناحية البوابه على اليسار
    (لما تكون البوابه وانت داخل المصفاة أقصد هنا الجهه اليسار)

    ووضع نظام الكرت المصافط الملاصقه لمبنى الادارة من ناحية بوابة النساء وتخصصيصها للنساء فقط


    هذا حل جذري للمشكلة



    وللعلم وفق الوضع الحالي الامن والسلامه يقومون بعملهم وفق اللوائح والتعليمات المتبعه


    والحل كما ذكرت أعلاه
     
  7. q8security

    q8security بـترولـي خـاص أعضاء الشرف

    أؤييد الاخ


    على حد علمي الشباب متساهلين الى حد ما مع الباصات اللي توصل الموظفات (يعني في مرونه بالتعامل )


    أما السيارات المخالفة ففي مصافط كافيه ورا مبنى الادارة

    والمصافط القريبه جدا من الباب مخصصة للكل

    فكون انها مومخصصة لكم فقط مو عذر عشان تخالفون خصوصا ان في مسئولين وزوار

    لمبنى الإدارة


    فمنظر غير حضاري الوقوف بالممنوع


    عموما أؤيد


    إقتراحات العضو أعلاه



    وبالتوفيق




    (هذا رأيي الشخصي)
     
    آخر تعديل: ‏10 يونيو 2008
  8. start up

    start up بـترولـي نشيط

    83
    0
    0


    أنا أؤيد كلامك


    بس تدري إن الزياده تكون بس الصبح شرط ان يكون يصادف يوم عمل رسمي

    أكثر من غيرها المفروض يبنون ويزيدون طاقة المصافط

    ويطرون بوابة التفتيش مالت المصافط




    بس للعلم


    أن باقي الشفتات اللي مايصادف يوم عمل رسمي

    تلقى مصافط فاضيه


    وترى بيني وبينك الشباب يدورون القرب من الباب :)
     
  9. brilliant

    brilliant المـراقب الـعـام

    8,477
    0
    0
    Engineer
    Kuwait
    المؤسسة + وزارة النفط اقل من موظفين المصافي

    ولهم ٤ ادوار مسافط

    ليش مايحطون مسافط ٣ ادوار علي الاقل او دورين بالمسافط ؟!
     
  10. start up

    start up بـترولـي نشيط

    83
    0
    0


    إقتراح طيب


    ولكن هل هناك من يسمع وينفذ!!!؟
     
  11. frfosha

    frfosha بـترولـي مميز

    753
    0
    0
    اي نعم يا خوي يا يتارت أب انا اقصد المواقف اللي على زاوية مبنى الاداره لان قاعده اكلمكم عن الموظفات اللي داخل المصافي وهذي البوابه الوحيده اللي نقدر ندخل منها واللي توصلنا لي الباصات وعيزنا واحنا نتكلم انه حطولنا كروت ممغنطه للموظفات اللي داخل امصفات تسهل علينا حصولنا على المواقف ومشكلتنا انه البنات اكثرو وموظفي المقاول هدو مواقفهم وقامو يصفطون عندنا هذا اللي مأذينا وحتى الآن لم يتم حل الموضوع وانا برايي الموضوع بقمة السهوله وهو تسكير الموقف ووضع جهاز نستطيع المرور به من خلال الكرت الممغنط ويخص موظفات داخل المصفاة فقط لانه بنات الاداره لهم مواقف خاصه فيهم من صوب المسجد أو المطعم ونرجو المساعده بالسرعة الممكنا ترى صج صج انتلفنا بهالجو ولله الحمد واشكركم على مروركم
     
جاري تحميل الصفحة...
مواضيع مشابهة
  1. اللجنة الثقافية
    الردود:
    0
    المشاهدات:
    135
  2. اللجنة الثقافية
    الردود:
    0
    المشاهدات:
    289
  3. المحرر النفطي
    الردود:
    0
    المشاهدات:
    7,498
  4. اللجنة الثقافية
    الردود:
    0
    المشاهدات:
    6,295
  5. اللجنة الثقافية
    الردود:
    0
    المشاهدات:
    1,552

مشاركة هذه الصفحة