الشركة ناطرة نموت بعدين يعطونا معدات سلامة

الكاتب : h2s | المشاهدات : 604 | الردود : 6 | ‏10 يونيو 2008
  1. h2s

    h2s بـترولـي نشيط

    54
    0
    0
    أول شي أحب أرحب بكل أعضاء المنتدى ..
    طبعاً الكويت كلها تدري أن موجة الغبار راح تستمر لأكثر من شهر بصفة مستمرة
    ورغم جذي ما شفنا أي تحرك من أي مسئول عشان يوفرون لنا أقنعة غبار ذات جودة
    اليوم صارلي موقف بالدوام
    أنا مشغل حقل في مصفاة ميناء الأحمدي اليوم كان عندنا شغل وايد يعني معظم الوقت كنا شغاليين بالوحدة
    ولما حسينا أن صدورنا اتعبت من كثرة الغبار طلبت من الsupervisor أنه يجيب لنا dust mask المهم أهو ما قصر وطلعلنا بعد ربع ساعة ومعاه علبة ماسكات (الماسك الأبيض إلي كلكم عارفينه )
    بس طبعا ما كانت مليانة كان فيها ماسكات على عددنا بالضبط من غير زيادة ولا نقصان وقال هذا بس إلي قدرت أدبره لكم ، طبعا يعطيه العافية ما قصر ، بس يوم قريت المعلومات إلي على علبته لقيت مكتوب أنه ما يصلح للأستخدام في الغبار وأنه يصلح للأغراض الصناعية الأخرى
    يعني معقولة الشركة يوم وفرت لنا هالنوع إلى يعطونا ياه علشان الغبار ما كانوا يدرون أنه ما يصلح للغبار ولا أهم بس يدورون الرخص ؟؟؟!!!!
    على العموم ماقلنا شي أسترخصوا على كيفكم بس هذا بالايام العادية إلي نشوف الغبار فيها كل شهر أو شهريين
    بس الحين الوضع مختلف الغبار هالمرة راح يستمر بصفة شبه يومية لمدة أكثر من شهر ، ياترى صحتنا إحنا العامليين بالاماكن المفتوحة ما تستحق أنكم تفكرون فينا شوي من نفسكم ، يعني أنتوا ما شفتوا الجو إشلون صاير ولا أنتو مو عايشين بالكويت ويانا، لــــيش لازم إحنا إلي نطالب دايماً ليش أنتم ما اتفكرون فينا واتوفرون لنا مستلزمات الوقاية الصحية ، يعني الحين عشان نطالب النقابة انها تتحرك وتطلبكم ولمن تدرسوون وتتشاورون إلا طاف أكثر من شهر وخلص الغبار وخلصت وياه صحتنا بعدين يلا انشوف هالأقنعة ، يا جماعة ترى وايد عمال عندهم مشاكل في التنفس ، وكافي هالغازات والروائح إلي قاعدين يشمونها كل يوم تبون بعد اتزيدون عليهم الغبار وفي الأخر تقولون أنتم ليش ما تنتجون ليش تاخذون مرضيات ( ترى من قدم السبت لقى الأحد ) وما في أحد يزرع ورد ويحصد شوك
    أنا ما أدري شنو التصرف إلي لازم نسويه بس أتمنى من أي مسئول توصل له رسالتي أنه يتصرف بسرعة ( ترى المسئول مو بس مسئول علينا بالشركة ترى اهو مسئول علينا جدام ربه بعد )
    ومن باب حسن الظن راح نقول أنكم كنتو مشغوليين وراح من بالكم هالموضوع بس الحين لازم تحطونه في بالكم
    وأعذروني أن كنت طولت عليكم بس أنا شفت أن الموضوع مهم ولازم يطرح لعل وعسى أن هالموضوع ينسمع
     
  2. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    أشكر مشاركتك ...


    نتمنى من أخواننا مدراء العمليات


    السيد مطلق العازمي

    السيد سامي مال الله

    السيد مناور المطيري


    النظر في القضية بأسرع وقت حيث أنه مخالف لقانون shems
    وكما قال الزميل



    الوسام
     
  3. h2s

    h2s بـترولـي نشيط

    54
    0
    0
    أشكرك أخي الوسام على اهتمامك
    ومشاركتك شرف كبير لي
     
  4. q8security

    q8security بـترولـي خـاص أعضاء الشرف

    الله يعطيكم العافيه وموضوع يستحق الوقوف عليه والإلتفات له


    الشركة انشالله ماراح تقصر وناشدها ونضم صوتنا لصوت الوسام و h2s
     
  5. كنبس

    كنبس بـترولـي مميز

    814
    0
    0
    فعلا اخوى h2s الجو جدا تعيس والله يعينكم ويعطيكم العافيه
    الحقيقه نحس بكل معاناتكم ومشاكلكم
    لكن اخوى انا انصحكم انكم تكلمون السوبرفايزر او الشفت سيفتى انجنير عنده جهاز او على تلفونه وهو راح يتصرف طبعا
    او ان اى واحد تعبان يروح للعياده ويطلب كمام عندهم نوع قطنى الدكتور راح يعطيه طبعا وانا اخذته قبل 4 ايام من ميناء عبدالله
    فارجوكم عدم السكوت والمطالبه للسوبرفايزر او لرئيس القسم او السيفتى او المستشفى بدلا من ان تساوم على صحتك
    وانا والله معكم قلبا وغالبا والله يعطيكم العافيه
    تحياتي
     
  6. h2s

    h2s بـترولـي نشيط

    54
    0
    0


    يعطيك العافية كنبس
    مشاركتك وايد افادتنا لأننا ما ندري شنو انسوي
    وانت قدمت لنا بعض الحلول وايد مفيدة وما كانت على بالنا
    بعد مرة يعطيك ألف عافية
     
  7. كنبس

    كنبس بـترولـي مميز

    814
    0
    0
    اخوى h2s هذى من فوايد المنتدى اننا لازم نساعد بعض ونوقف ونحل مشاكل للبعض ونضع خبرتنا الطويله تحت خدمة اخوانا والاعضاء
    واذا فى اى شكوى او رأئ او طرح ونقدر نساعد لن نتأخر
    والله يعافيك
    تحياتي
     
جاري تحميل الصفحة...
مواضيع مشابهة
  1. كاتب
    الردود:
    0
    المشاهدات:
    252
  2. المحرر النفطي
    الردود:
    0
    المشاهدات:
    1,253
  3. المحرر النفطي
    الردود:
    0
    المشاهدات:
    5,924
  4. sayed hussain
    الردود:
    1
    المشاهدات:
    9,808
  5. المحرر النفطي
    الردود:
    0
    المشاهدات:
    426

مشاركة هذه الصفحة