اتفاقية النقابه ..

حسب معلوماتي الشخصية أنه من شروط وظيفة مشغل حقل أول أنه يغطي في غرفة التحكم المركزية ..
وقد كان في السابق تساهل في موضوع التغطية ، إلا أن واجه المسؤولون مشكلة رفض تغطية المشغلين في غرفة التحكم . فصار هناك اشكالية وهي : أن لكل وحدة عدد محدد من المشغلين الأوائل لايجب أن تتجاوزه .. وهؤلاء المشغلين يرفضون التغطية داخل غرفة اتحكم .. وهناك نقص في مشغلي غرفة التحكم .. ؟؟!! فما الحل ؟
من هنا صار التشدد على نظام إعطاء درجة مشغل حقل أول Snr. Field Operator وصار لابد من أن يتمكن من العمل على شاشة الكمبيوتر حتى ترفع له الدرجة ...

هذه معلومات شخصية يا الغالي .. وأرجو من عنده( العلم الوكاد يعطينااياه )

 

العفو يا الغالي ... وحياك الله

 

السلام عليكم

ودي ترجعون بالذاكره للايام الي كان اعضاء النقابه يفترون على الموظفين ويقولون نوعدكم بعد سنه كل واحد راح ياخذ درجه من 12 الى 13 بدون شروط

طبعا صارت اتفاقيه ومحد يدري الا النقابه وبعدين فاجأونا بالشروط وهذي الشروط في صالح الشركه وليست في صالح الموظف

الله يستر على الموظفين

 

السلام عليكم

اخوي اذا تبي نصوص الاتفاقيات اللي تمت بين الشركه والنقابه .............................
.
.
.
.
.
.
.
.
.
.
.
.
.
.
.
.
.
.

ما يصير تشوف الاتفاقيات انت منو؟ مع احترامي لك اذا كان عضو مجلس الاداره بنفسه مايقدر يشوفها

ولا زم يكتب كتاب رسمي لسكرتير النقابه وبعدين يعطيه امين السر وبعدين يشوف منو اللي طالب الطلب وشنو قائمته

اللي يميل لها وفي الاخير للاسف ماراح تشوف شي.

 

صح لسانك يا كويت العز

وازيدك من الشعر بيت 000 بعض اعضاء النقابه نفسها ما يقدرون يشوفون اي ورقه او اي اتفاقيه تمت مع الرئيس بالسر او على العلن

ارجو من الاخوان انهم ما يحرجون اعضاء نقابتنا الموقره بطلب اي نسخه من اي موضوع يخص العمال لانه مو شغلك وراح يرد على اي استفسار منك شفهي وليس من خلال اوراق رسميه والكلام الشفهي طبعاً كله كذب من هالاعضاء وانا صادق والله العظيم باللي قلته واتحمل مسئوليته ( انا اقسمت صدق مو نفس اعضاء النقابه الي دايم يحلفون ويطلقون حريمهم على الكذب ) وانا اقصد الاعضاء اللي هم الثلاثي المرح

 

والحل ..........؟؟

يا جماعه كلامكم عالعين والراس وانا اجزم على صحة كلامكم بسسسسسسسسسس وش الحل ؟؟؟
حنا مستائين حيل من كثر ما سمعنا (وشفنا) منهم لدرجه فشلونا واحرجونا عند باق الزملاء فى الشركات الزميله

 

اخوي maa

انا ظد كل اللي يصير داخل النقابه وهم يخافون يعطون احد اي اتفاقيه لان علابالهم ان محد له حق يطلع عليها

و من المفروظ كل موظف له حق يطلع على اي ورقه يطلبها من النقابه

اخوي maa كافي ؟

 

الســـــــــــــــــــلام عليــــــــــــــــــــــكم ورحمــــــــــــــة الله وبـــــركـــــــــــاته

أما بعد, يعطيك العافيه اخوي Maa على التطرق لهذا الموضوع المهم جداً في نظري ونظر اخواني الموظفين الذين يعانون من هذه المشكله ,الموضوع بالضبط هو تكتم النقاابه على بعض الاتفاقيات التي تجري بينها وبين الاداره وعدم الرجوع لعضو الجمعيه العموميه للأخذ في رأيه ومن هذا الوضع ينفتح المجال للأداره ان تتعامل بالمزاجيه والمحسوبيه وهذا هو عتبي على النقابه ويعطيـــــك العافيه



ملاحظه:تمنياتي لكم التوفيق في هذا المنتدى والارتقاء بهذا المنتدى بمواضيعكم الهادفه التي تصب في صالح العمال .

 

ويبيض وجهك يا ميناء الاحمدي

و اي واحد يبي حقيقه هالمتمسكين بالكراسي يكتب سؤال عنهم ويبشر بالرد

 

السلام عليكم ورحمة الله وبركاته

يعطيك العافيه اخوي MAA على الموضوع

وأشكر الشباب اللي افادونا بهالمعلومات القيمه

نـــــــــلـــــــــتـــــــقـــــــي لــــــــنــــــــرتـــــــــــقــــــي