معاناة موظف الشفت

الكاتب : كنبس | المشاهدات : 488 | الردود : 8 | ‏1 نوفمبر 2007
  1. كنبس

    كنبس بـترولـي مميز

    814
    0
    0
    معاناة موظــــــف الشـفـــــــت



    >>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>


    الشفت لخبط راحتي مثل نومي
    والزّيت ماشي فالانابيب ويزيد

    والزّام زام الصبح جعله يشومي
    قد كان له مع ماضي الوقت ترديد

    عزّاه ياحظٍ حسبته يقومي
    عزّاه ياحظ العنا والتباليد
    تليبس من جديد الهدومي أحدٍ
    معيّد فالعيد عند الرغاديد

    سواتي مايل الحظ يومي أحدٍ و
    عليه مع لبس الكفرهول تمديد


    قيجات بمب مكسرات الخشومي
    تفتر من زود تبريد ومرواحٍ

    وبيبات بقعا ما تعرف القرومي
    لاشفتها ماغير أجر التناهيد

    حالي على العيدين مثل الهشومي
    متهشمٍ حالي على الضمّر الغيد

    وألا على المقناص بعد العزومي
    فالساحل الشرقي لحزم الجلاميد

    حرٍ طليق مع الهوى والحزومي
    غادي لأبن عدوان وإلا لبو زيد

    ياصاحبي صبري قضى مثل يومي
    عليك ياللي كايل الكيل وتريد

    يامنشي مزون الغيومي يالله
    أنك تعدّلها من الشّفت والقيد

    شف يارفيقي قبل اقطّع هدومي
    ما ابغى حقوقي.. بس لي حق فالعيد

    ودّي اعيّد بين ربعي وقومي
    والزام ماسكني على التيم تأكيد

    ياليتني ياخي... موظف حكومي
    ماعرف زام الليل وآعيّد العيد


    للعلم منقوله من منتدى اخر بس اعجبتنى واشاركم معاي
     
  2. الساحوت

    الساحوت بـترولـي نشيط

    104
    2
    18
    وبيبات بقعا ما تعرف القرومي
    لاشفتها ماغير أجر التناهيد
    ههههههه
    صح السانك وصح السان شاعرها
    ومشكور على النقل
     
  3. dehen_3ood

    dehen_3ood بـترولـي خـاص أعضاء الشرف

    الله يعين موظفين الزام :))

    يسلموووو على هالمشاركة الخفيفة ومشكور على هالنقل الحلو

    [​IMG]
     
  4. computer department

    computer department بـترولـي مميز

    725
    0
    0
    مهندسه كمبيوتر
    ديره الخير ( الكــويت )
    شكـــــرا عـــلى الموضــــوع الحلـــــو

    [​IMG]
     
  5. المهندس

    المهندس بـترولـي خـاص

    1,305
    8
    0
    حسستني اني في النفط :) ونفطي للنخاع بعد
     
  6. كنبس

    كنبس بـترولـي مميز

    814
    0
    0
    حياكم حياكم الله وشكرا لمروركم
    وترقبو كل جديد
    ولكم اجمل التحايا
     
  7. BG. 1

    BG. 1 موقوف

    489
    0
    0
    منتظر الترقية
    البيت ماخلص
    الشفت احسن من الصباحي الف مليون مرة من تجربه
     
  8. F-KeY

    F-KeY بـترولـي نشيط

    119
    0
    0
    يا عزتي له

    شكرا لك
     
  9. نفطي كويتي

    نفطي كويتي بـترولـي خـاص أعضاء الشرف

    2,016
    12
    38
جاري تحميل الصفحة...

مشاركة هذه الصفحة