لماذا لا يتم تعيين كويتيين بدال الاجانب ذوي العقود الخاصة؟

الغير كويتي دائماً مطيع ، غير محب للإضرابات ، وأقل كلفة مالية ( غالباً ) ..
والعمل مع القطاع الخاص صعب جداً إذا ما علمنا أنه يخصم أيام المرضيات من يومية الموظف ..
وغير ذلك من الأمور ..
علماً بأن هناك قانون يلزم المقاول ب 25 % كويتيين من عمالته

 

قانونيتها أن هناك استئذان من إدارة الشركة لدى ديوان الخدمة المدنية بتقنين سياسة التكويت وعدم تطبيقها بشكل كامل لحاجة العمل ( حسب قول الشركة )

 

اشكر ادارة المنتدى على طرح هذا الموضوع الهام وهو عمالة المقاول وهو بمعنى اخر يسمى الاحلال وهذا المصطلح يستعمل للالتفاف على النقابات بدلا من كلمة الخصخصه ووضع هذا المشروع لتنفيع المتنفذين بالبلد وعلى راسهم صاحب شركة صيانة الشعيبه طبعا تعرفونه . العماله رخيصه للمقاول وليس على الشركه بل مكلفه جدا خاصة وهي عماله غير مؤهله خاصة في ان النقابه في سبات عميق من هذا.

 

تفسير الاحلال : احلال الاجنبي بدلا من الموظف الوطني

 

الفكره والنظره الدائمة الموجوده الكويتي ما ينفع

 

هذا ليس قانون وإنما إتفاق بين إدارة الشركة وديوان الخدمة المدنية بعدم الإلحاح على الشركة لسرعة اكمال تطبيق سياسة التكويت أو الإحلال .. وذلك لكثرة حالات التقاعد بين الكويتيين والمرضيات وغيرها ... وهي مبررات ترفق مع كتاب الشركة للديوان لتبرير الطلب ..
تحياتي

 

يا اخوان اولا السلام عليكم جميعا ، انا معكم بفكرة سياسة التكويت بشركات المقاول وعلى ما أضن انه تم الاشتراط بالقانون الجديد أنه لابد أن يكون 25% من العماله الكويتيه بس خل نتكلم وبصراحه وواقع قاعدين انشوفه ونسمع فيه كل يوم
، تدرون أنه هالعماله الكويتيه اشقاعدين يسوون طبعا نصهم يدرسون والنص الآخر يكون متقاعد وما يدرون عن الدوام حتى وين صاير مكانه ومرات لما يطلبونهم عشان اثبات وجود يدخلونهم دورة السيفتي بو يوم واحد وانسى تشوفه تالي وهذي حقيقه في أغلب القطاع النفطي وأغلبهم يكونون من أبناء العاملين أو اقرباء العاملين بالقطاع النفطي هذا للعلم وشكرا

 

للأسف الموظفين الأجانب يوصل عمرهم 60 سنه وما يطلعونهم !!!

بحجة انتهم خبره
وطبعا كله كلام فاضي

وين الخبره اذا عمره صك فوق 60 سنه ومافيه شده حتى يمشي !!!
واذا قلت له تعال درب فلان موظف يديده ما يعطيه كل المعلومات
ويطلع الموظف انه مو فاهم ولا يعرف حق الشغل علشان ما ياخذ مكانه !!!

والله يا جماعه موظفين اجانب عندنا في المكتب الرئيسي صاروا فراعنه من كثر ما عمروا بالبترول
هذا غير ان عندهم سياره وبانزين وسكن وعيالهم تخرجوا على واشتغلوا من خير الشركه
ولين الحين ما استغنوا عنهم

ولما قرروا يستغنون عنهم قالوا لهم يا تستغيلون يا انزلكم درجه !!
وطبعا وافقوا ينزلونهم درجه بس يظلون في الشركه ويمشي لهم راتب غير المزايا !!!

بالذمه مو حرام ؟؟؟

 

ولحد الحين الوضع قائم