تدهور مستوى الاداء.............الموضوع للمشاركه

الكاتب : مسوي زحمه والشارع فاضي | المشاهدات : 1,839 | الردود : 32 | ‏6 يونيو 2008
  1. مسوي زحمه والشارع فاضي

    مسوي زحمه والشارع فاضي بـترولـي نشيط

    97
    0
    0
    مرحبا بالشباب كلهم
    حبيت أطرح موضوع يهمني وشاغل تفكيري صارله مده!!
    وهو؟؟

    مستوى أداء الموظف؟
    أشوف كثير من الموظفين في دائرتي كثيري التذمر وهذا اثر على دائهم الوظيفي لدرجة الا مبالاه في عملهم
    وكل ما اتكلم مع احدهم يقول يا سيدي شدعوه إذا إشتغلت ببين في عينهم الاداره تلمع ربعها وبس حتى لو ما يستاهل!!!!
    طيب هذا الشي يخليك تتساهل في أداء عملك !!!!
    شي غريب كأن إتقان العمل لا يكون إلا إذا كوفئت عليه فإذا لم أوكافأ عليه أهملت؟؟؟؟؟؟
    وأنا أشوف أن إذا أنت إنسان تحب عملك صعب جدا أنك تهمل فيه بسبب عدم تقدير مسؤلك لعملك هذي صفه منطبعه في الانسان؟؟؟

    أنتم شنو رايكم:
    **هل فعلن الظاهره هذي موجوده في دوايركم؟
    **ليش الموظف يتساهل في عمله إذا شاف أن الادارة غير مهتمه فيه وما أخذ حقه كامل منها في تقرير سنوي أو تقدير معنوي ؟
     
  2. KingLear

    KingLear بـترولـي نشيط

    شكرا على الموضوع الهادف

    العملية منتشرة مثل الفايروس عندنا، وتعبت منها بس علشان ارتاح فسرتها ان هاذي اخر العفن، الفساد فوق فايحة ريحته، والمحسوبيات على كيف كيفك، فمو من الطبيعي ان الباجي يكونون ملالوة، الا من رحم ربي
     
  3. BURGAN

    BURGAN بـترولـي نشيط جدا

    181
    0
    0
    اخوي اذا شفت مصايب الناس تعرف ليش هذول اهملوا بشغلهم ...... مافي عدالة بالانسنتف مافي عدالة بالترقيات ما في عدالة بالسبوت بونص ما في عدالة بالكورسات شلون تبيهم يشتغلون؟
    المعروف بعلم الادارة ان متى ما أردت للموظف أن ينتج كافأه على انتاجه سواء بالسلب أو الايجاب لكن لما يكونون الكل اشتغل ولا ما اشتغل واحد فاعرف ان ما في شي اسمه انتاجية.
     
  4. لسه فاكر

    لسه فاكر بـترولـي جـديـد

    6
    0
    0
    نظام التشجيع والمكافآت في الشركة مفقود ..... الواسطات والمحسوبيات عينك عينك

    الاعتماد على الموظف غير الوطني وهذه تخلق حالة من الاحباط لدى الكويتيين ... وهناك بعض المسؤولين لا يثق بالكويتي
     
  5. HUMMER

    HUMMER بـترولـي خـاص

    يعطيك العافيه اخوي عالموضوع وماقصرت

    واكبر مشكله بالشركة اهيا مشكله الواسطات والعنصريه اللي صايره

    وكل موظفين الشركه متاثرين منها
     
  6. احساس

    احساس بـترولـي جـديـد

    42
    0
    0
    الواااااسطه اهي اساس البلاء

    شكراا اخوي موضوعك جداا جميل وفي محله.
     
  7. بوغدير

    بوغدير بـترولـي مميز

    814
    0
    0
    **يعطيك العافية على الموضوع الجيد0000مفروض يكون فيه تشجيع من المسؤلين وعدم الكبر مع الموظفين ودراسه كيفيه بث روح العمل الجماعي00
     
  8. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    شوف يا الغالي

    الظلم وارد بكل وزارة وبكل شركة وبكل دائرة

    والتحبيط موجود وبأشكال منوعة

    بس الموظف أهم ماعليه يرضي ضميرة بالشغل ويرضي ربعة الي معه بالدوام

    ويحاول يتعب علي قولة ( والنعم بفلان )

    لأنه صدقني الأدارة ماتعرفك ولا يعرفك غير ربعك الي معك بالزام

    أنا أكلمك من ناحيتي الشخصية وعلاقتي بربعي ونظام دوامنا الشفتات


    والسلام مسك الختام
     
  9. مسوي زحمه والشارع فاضي

    مسوي زحمه والشارع فاضي بـترولـي نشيط

    97
    0
    0

    ( علشان ارتاح فسرتها ان هاذي اخر العفن، الفساد فوق فايحة ريحته،
    والمحسوبيات على كيف كيفك، ) <------------------- ما فهمت؟
    ممكن توضح
    وهل نحن نحتاج تفسير لكي اقتل الضمير في داخلي واتساهل في أداء عملي.....ما فهمت قصدك يا ليت توضح
    وشكرا لك على المشاركه
     
  10. مسوي زحمه والشارع فاضي

    مسوي زحمه والشارع فاضي بـترولـي نشيط

    97
    0
    0

    وفيه ناس يا اخي الكريم أخذت مصايب النا س هذي ذريعه وسبب لإهماله إذا كلمته قالك شوف فلان وشوف فلان ويذكر لك قصص فيها المبالغ والمغلوط وفيها الكذب ....... وفيها الحقيقي وهو مضلوم بس مو كثير هم
    لكن أني أجعل مصاب الناس سبب هذا إلي غير مقبول ..........وللأسف شفت هذا الشي في الشباب الجدد في دائرتي الاحباطات عندهم أكثر من الإيجابيات لنفس الاسباب السابقه


    لكن المتميز يفرض نفسه <------------- قاعده هامه
     
  11. الوايلي

    الوايلي بـترولـي نشيط

    58
    0
    0
    ااااااااااااااااااااااااااااااااااااااااااااااااااااااااااااااااااااااااااااااااااااااااه
    قلبت المواجع
    كل ماحاولنا ننسى نوصل للتقارير السنويه
    الي تذكرنا فيها
    ولد فلان ولد علان الي طبياتهم اكثر من دوامهم ...ياخذون الممتاز والجيد جدا
    وحنا الي ولا طبيه بالسنه .......جيد
    زين ليييييييييش ................................... يقولك شسويت .....
     
  12. مسوي زحمه والشارع فاضي

    مسوي زحمه والشارع فاضي بـترولـي نشيط

    97
    0
    0
    معاك حق أنا كنت في دائره والتيم ليدر عرض علي النقل إلى دائره ثانيه بسبب أنه يبي يثبت الموظف الهندي ويفتك مني الموظف الكويتي والحمد لله كانت خيره لي وفي الدايره الحاليه الإداره تعتقد أن الموظف الاجنبي أفهم وأكثر إنتاجيه
    لكن لا تنسى إن لكل فكره بدايه ولازم نعترف أن هناك ناس هم إلي ثبتو التهمه علينا بسبب اهمالهم


    لكن صاحب الطموح العالي ما يتأثر بالمعوقات ويذلل السبل لهدف أسمى لكن هل حنى فعلاً عندنا هذا الطموح ولا أحطنا أنفسنا في دائرة الاسقاطات


    دائرة الاسقاطات:هذي حاله تكون عند بعض الناس وهي أن كل خطأ يقع فيه يقول مو أنا السبب السبب كذا وكذا ودائما عنده سبب لكل خطأ وأن ساحته نظيفه
    وليس عنده قوه لمواجهت الأخطاء <---------- للفائده
     
  13. مسوي زحمه والشارع فاضي

    مسوي زحمه والشارع فاضي بـترولـي نشيط

    97
    0
    0
    وجهت نظر احترمها وفيها إجابيه بس لازم تهتم في مستواك وتسعى للافضل
     
  14. مسوي زحمه والشارع فاضي

    مسوي زحمه والشارع فاضي بـترولـي نشيط

    97
    0
    0

    نظره سلبيه غير مقبوله
    إذا أنت منتظم في دوامك وقايم في شغلك عدل تكون سويت إلي عليك مو أكثر وتستحق عليه إلي يناسبه
    لكن إذا أبدعت وأدقنته 100% وطورته تستحق أكثر

    لكن تقيس نفسك على غيرك هذا غلط لأنه ممكن ماخذ اكثر منحقه بكثير وأنت أخذت حقك كامل غير منقوص
    المسأله فيها شويت تعقيد بس إن شاء الله تكون الرساله وضحت
     
  15. مسوي زحمه والشارع فاضي

    مسوي زحمه والشارع فاضي بـترولـي نشيط

    97
    0
    0
    بس يا شباب إلى الان ما فيه أحد قالي هل هذا موجود في إداراتكم ولا في البعض؟؟؟؟
    وشنوا الاسباب ؟؟؟
    وشلون نحلها؟؟؟
     
  16. الوايلي

    الوايلي بـترولـي نشيط

    58
    0
    0
    موجوووووووود
    والسبب المحسوبيه وهذا ولد عمي وهذا ولد خالي وهذا من طرف فلااااان
    والحل
    اممممممممممممممممممم
    والله اعتقد مالها حل
     
  17. عالي الهمه

    عالي الهمه بـترولـي نشيط

    123
    0
    0
    لا يمكنني الزيادة على كلام الاخوه

    فعلا الواسطات ومحابات البعض وعدم العداله من اهم الاسباب لتحطيم اي روح طامحه ومتميزه في الشركه



    واعتقد انه هالفيروس منتشر في ارجاء الشركة كلها ...
     
  18. المشاكس

    المشاكس بـترولـي خـاص أعضاء الشرف

    998
    1
    0
    أخوي ......

    أما عن إن كانت هذه الظاهره موجوده في جميع الدوائر ف نحن لا نجزم ولكن نقول في أقلب الدوائر موجوده

    أما عن دائرتنا حدث ولا حرج .....

    في ناس تشتغل وذابحه عمرها بالشغل وناس نايمه بالعلسل لدرجة أنه مايداوم بالأيام وفي النهاية الأثنين ياخذون نفس التقرير ونفس المميزات ....

    تقدر تقولي شلون لموظف المحبط يقدر يعطي من نفسه ...... ؟؟؟؟

    انا معاك إن الطموح ماتأثر فيه هالأمور ..... بس هالكلام مو عندنا هذا في أماكن ثانيه ألي يجتهد مره يطنشونه والمره الثانيه يكافئونه بس عندنا كل مره يطنشونه متى راح ياخذ نصيبه ...... ؟؟؟؟
     
  19. باش دبلوم

    باش دبلوم بـترولـي نشيط جدا

    194
    0
    16
    فى مثل يقول مايضيع حق وراه مطالب

    اخوانى اللى يشتغل بضمير ومواظب ومخلص فى عمله يقدر يطالب بحقوقه وماحد راح يقدر يمسك عليه شى وانا جربت هذا الشى ونفع معاى الحمدلله وصحيح ان مطالبتى بحقوقى فتحت العيون على وصاروا يتابعون ويراقبون شغلى وانتظامى وانجازى ليش لا؟ .

    على قولتهم لا تبوق ولا تخاف

    ليش تخافون وانتوا لكم حق مايخاف الا اللى عنده شك بأنه مهمل او غير منتظم او يلف ويدور .
     
  20. بوعبدالله الكويتي

    بوعبدالله الكويتي بـترولـي نشيط

    72
    0
    0
    انا في دائرة الغاز عندنا كل خير

    عندنا اللي يترقى قبل الثاني هو ما يستاهل

    عندنا اللي يروح الروضتين قبل الثاني اهو دوره الخامس

    عندنا اللي ياخذ انسنتف اهو ما يستاهل ( يداوم من الساعه 7 الى الساعه 8 )

    عندنا فساد لي قمة الراس على مسمع ومرئ الادارة والموظفين

    فوق هذا المسؤول يدري واللي تحته يدري

    يبون الواحد يشتغل قولي شلون ؟؟
     
جاري تحميل الصفحة...

مشاركة هذه الصفحة