رساله واضحه وصريحه الى اعضاء المنتدى السياسي !!!!!!!!!!

الكاتب : alh00000t | المشاهدات : 1,746 | الردود : 35 | ‏4 يونيو 2008
  1. alh00000t

    alh00000t موقوف

    31
    0
    0
    هل تستحق الكويت منكم كل هالتناحر بين بعضكم البعض ؟؟؟؟؟؟ انت شيعي ،انت سني ، انت سلفي ،انت حدس انت بدوي ،انت حضري........ هؤلاء هم ابناء الكويت ؟؟؟؟ اين انتم من وطنكم ؟؟؟؟؟ هل انتم تحبون الكويت؟؟؟؟ لو كنتم تحبون الكويت لوضعتم ايديكم بايدي بعض لبناء وطننا من جديد ؟؟؟؟؟؟ هناك مواضيع كثيره مهمه تناسيتموها مثل: غلاء الاسعار ، التنميه، تطوير مناهج التعليم، تطوير القطاع النفطي ليكون قطاع عالمي، بناء الكويت لجعلها مركز مالي واقتصادي ، لما لم تتناقشوا بها كل همكم هنا هو : انت سني ، انت شيعي ، الخ...... ليش كل هذا التناحر بينكم انتوا اخواني وربعي في منكم السني والشيعي والبدوي والحضري وكلكم خير وبركه وحبايب والله الكويت تستاهل اكثر من ارواحنا لها خلوكم اخوان واتركوا الفتن الطائفيه عنكم لتكن في لبنان عبره لنا ؟؟؟؟؟؟ شلون لو في دروز ومسيحين ويهود الخ .... من الطوائف والاديان كنا تذابحنا بين بعضنا ليكن شعارنا الله اولا والكويت ثانيا والامير ثالثا وفي النهايه رحم الله الامير الوالد (الشيخ سعد العبدالله السالم الصباح) واسكنه فسيح جناته
     
  2. KNPC15

    KNPC15 بـترولـي مميز

    521
    0
    16
    ذكر
    CHEN
    الكويت
    أضم صوتي لصوتك والله يعطيك العافيه وما قصرت
     
  3. kwow

    kwow بـترولـي نشيط جدا

    214
    0
    0
    هلا بالحوت تعرف الواقع او ماتعرفه

    المثالية نعرفها ونعرف طريقها وكنا دائماً ولازلنا فيها

    انظر من حولك جيداً فتعرف كيف تُعامل المثالية من الطرف الاخر.


    بالنسبة للقطاع النفطي والاقتصاد فهو في افضل حال واكثر .

    وبعض ما ذكرته لربما هم ارحم من غيرهم

    هذا الكلام كله تطرق له المشرف همر عدة مرات وهذا يكفي

    وبعدين يا اخي توك جايب العيد في المنتدى العام مابعد نسينا وحذف ماحذف

    من حلو الكلام [​IMG]
     
  4. brilliant

    brilliant المـراقب الـعـام

    8,477
    0
    0
    Engineer
    Kuwait
    جزاك الله خير يالحوت ،،، كلام يكتب بماء الذهب لكل عاقل
     
  5. BURGAN

    BURGAN بـترولـي نشيط جدا

    181
    0
    0
    يالحوت مشكور على موضوعك بس ياخوي في ناس مو راضية تقعد راحة وهمهم الاول والاخير اثارة الامور الطائفية وللأسف الاشراف بالمنتدى ردة فعله اقل ما توصف فيه بأنها ردة فعل خجولة.
    احنا شكو بمغنية كل شوي ثايرين موضوعه على ماميش. وللاسف النقل للمواضيع ياتي من جريدة واحدة مع العلم ان عندنا 11 جريدة غيرها فشنو الهدف من وضع هالمواضيع غير اثارة الفتنة والاشراف الاخ همر ما نشوف منه غير جملة وحيدة الرجاء عدم اثارة الفتنة والامور الطائفية ولما يوصل الوضع بالطعن بوطنية ابناء الوطن الموجودين من عشرات السنين والبعض من مئات السنين يكون هالطعن عسل على قلوب البعض وأمر عادي لكن لما يتم انتقاد عضو مجلس امة من تيار معين يزبد ويرعد البعض ويتهمنا بالخروج عن الملة.
    هل تعتقد اننا نرضى يا الاخ الحوت بأننا نرضى بغلاء الاسعار و المناهج التعليمية الدايخة والبطالة ل 19 الف مواطن من حملة الشهادات؟؟
    هل تعتقد اننا نرى الجيران من الدول الاخرى ولا نتحسر على تقدمهم علينا؟؟ وهم يبنون محطة توليد كهرباء بشخطة قلم ونحن نتجادل هل نبني محطه ام نوسع المحطات والجدل يمتد لسنة كاملة بدون نتيجة؟؟
    ما هو الهدف من وضع موضوع يتعلق بتسمية الخليج بالعربي او الفارسي؟؟؟ هل الهدف منه اثارة بعض من نسميهم ببلاعين البيزة و بوالعريف لنفث سمومهم واحقادهم؟؟؟
    والمصيبة الأعظم هو ان من يثير هذه المواضيع اخوي الحوت هم اربعة أو خمسة أسماء معروفين ولكن لاحياة لمن تنادي فمثلما تم ايقاف عضوية أحد المنتسبين للمنتدى بسبب مواضيعه الطائفية والتي تركز على شيء واحد فلماذا لا يتم ايقاف مواضيع الآخرين؟؟؟ أم هي مسالة حلال عليهم وحرام عليه؟؟؟

    عموما شاكر لك موضوعك لاني شفت فيه من المنطق الصحيح الكثير والكثير وهذا ما يفتقده البعض من أعضاء المنتدى اللي ما همهم اللا نسخ ما تقوله الجريدة سابقة الذكر ووضعه بالمنتدى " ليفشوا خلئهون " هالمجموعة ....... والسلام ختام
     
  6. BURGAN

    BURGAN بـترولـي نشيط جدا

    181
    0
    0
    الطواش تعرف المثل اللي يقول " كاد المريب ان يقول خذوني " يا حبيبي من جاب طاريك اللي خلاك ترد على كلامي الموجه حق الاخ الحوت.
    اطلب من البانتري الحين يجيبون لك لومي حار يهدي أعصابك
     
  7. الطواش

    الطواش بـترولـي نشيط

    126
    0
    0
    مووووووووووو هذا اللي إحنا نتكلم عنه..
    الغيره الوطنية.... إنت مايبت طاري الطواااش...
    لكن يبت طااااااااااااااااري اللي ضر الكويت...
    وتـقول إحنا شكو..؟؟؟!!
    يبت طاري اللي تبي تسمي خليجنا العربي بالفارسي ..
    وتـقول إحناااااااااااا شكوووو..

    عرفت الحين أنا ليش إنقهرت ..؟؟
    شوية إحســـــــــاس بالوطنية يالبرقان بس شوي
     
  8. BURGAN

    BURGAN بـترولـي نشيط جدا

    181
    0
    0
    الحمدلله الوطنية موجودة بدمي وبجيناتي يا الطواش من أيام يدي اللي بنى السور و مو محتاج احد يعطيني صك الشهادة بوطنيتي :)
     
  9. الطواش

    الطواش بـترولـي نشيط

    126
    0
    0
    الله يخليلك وطنيتك وأتمنى تترجم هالوطنية..
    من خلال ردودك المعبره عن غيرتك على الكويت ..
    وعلى خليجنا العربي .. قولها معاي العربي...:)
    والله ينفع فيك الكويت ...:)
     
  10. BURGAN

    BURGAN بـترولـي نشيط جدا

    181
    0
    0
    يبا العربي وان جان تبي القادسية وياه والصليبيخات والتضامن دام يسرك هالشي
     
  11. KingLear

    KingLear بـترولـي نشيط

    انزين يا جماعة الخير سالفة الخليج الفارسي تنقال بكل قناة اخبارية من امريكية الى اجنبية محد تكلم

    النت موجودة ودوروا وانتوا تعرفون ان للأسف العالم كله (ما عدا ربعنا العرب) يسمونه الخليج الفارسي.

    واذا متضايقين من هالحجي انا ما عندي مانع اتولى المهمة عنكم واحط جم رابط.

    المصيبة مو في ايران او غيرها، المشكلة في حكومتنا اللي متعودة تجندس للي يسوى وما يسوى
     
  12. جابر

    جابر قــلــم بــتــرولــي أعضاء الشرف

    صح السانك ..وهذى مصيبتنا ..قبل (التجندس) و(التبطح) للعراق والفلسطن ..وبعدين ل(مصر)..و(سوريا)....وهالحين (لأيران)
    عمر هالحكومه ماتبى ترفع رأسها ...من الخووووووووووووووووف ...هذى الفلوس وحياة الترف وماتسوى :mad:
     
  13. بو شوق

    بو شوق بـترولـي نشيط جدا

    167
    0
    0
    بالنفط
    الكويت
    طيب الله انفاسك على الموضوع وصح لسانك كلامك عين العقل :)
     
  14. بوغدير

    بوغدير بـترولـي مميز

    814
    0
    0
    **المواضيع اللي تنكتب ما فيها لا طائفيه ولافتن .....حنا تكلم بالمواضيع الدارجة على الوضع السياسي والوطني ...يعني نشوف الخطى ونقول علشان الوطنية لا تكلمون بالموضوع هذا!!!يا جماعه حنا ما نعم ولكن نخص في المواضيع ولاتكابرون على هالمواضيع الحساسه...واللي حايشته شكه اهو اللي في بطنه بلا..وحنا مع الوحده الوطنية بس موعلى حساب الكويت ......في بعض الخوه مايبون بعض المواضيع التي ذكرها في تعليقه؟؟؟؟يا اخي انت كويتي يعني ما يهمك ولا يمسك في وطنيتك اذا انت صادق فيها...وسلامتكم...
     
  15. alh00000t

    alh00000t موقوف

    31
    0
    0




    اي عيد اللي جايبه انا انا مانحذفلي اي رد لحد الان الظاهر انك مغمض فتح عدل
     
  16. jem2008

    jem2008 بـترولـي نشيط جدا

    410
    0
    0
    والله الاخبار اللي نشوفها كلهم يقولون الخليج العربي حتى اجدادنا اللي بنو السور هم يقولون الخليج العربي ولنا العزه انه الخليج العربي ولله الحمد والمنه انه الخليج العربي واعتقد حكومتنا هم اللي خلو اللي جدامهم ينحنون لهم من كرمهم وطيبتهم ومعاملتهم الزينه
     
  17. KingLear

    KingLear بـترولـي نشيط

    حبيبي واخوي المحترم

    انا ابيك تفكر معاي بهدوء شوية

    الحين بلاد فارس من متى استعمرت شواطئ الخليج؟ بعد شنسوي فيها استعمار لأن ايامها ماكو انترنت وفضائيات.

    انزين الخليج من متى موجود؟ أعتقد ان الناس لما كانت تبي تسافر كانت تمر عليه وتسميه خليج فارس او الخليج الفارسي، ولأن بمقياس زمنهم كانت بلاد فارس متطورة في مجالاات معينة فتقدر تقول الاعلام كان اقوى عندهم وانتشر هالأسم داخل الدول كلهم واللي زاد الطين بلة ان المؤرخين والمستشرقين دونوا بعض تاريخ المنطقة الحديث وبعض الخرائط فاذكروه باسم الخليج الفارسي.

    الحين احنه شنو مفروض نسميه؟ سموه اي شي، المهم هو المحتوى، الأسم ما يحدد لا مكان ولا طبيعة جغرافية، اهوه قيمته من قيمة الدول اللي حواليه.

    شوف النيل الكل يذكره ويربطه بمصر، مع انه زارع السودان ويمر فيها بس لأن مصر استغلته والتصقت مكانتها فيه.

    بصراحة انا ما تفرق معاي خليج فارس ولا العربي، انا قدساوي اصلا :)

    بس اشوف ان الامة لازم تهتم انها تمتلك الاسم بعملها واستغلالها له، مو طايحيله بوق ومو مخلين فيه لا سياحة ولا بحر حتى
     
  18. ياخساره

    ياخساره بـترولـي نشيط جدا

    علي الطلاق ان كلامك صح

    ومشكوووووووووووور جزيل الشكر ياخوي



     
  19. YOU^AND^ME

    YOU^AND^ME بـترولـي نشيط جدا

    444
    0
    0
    الخليج باذن الله عربي

    وفارس وربعها للريح بلد المشاكل والفتن

    والمشكله يبيلها ناس تهتم فيها وتعلم عيالها ان الخليج اسمه الخليج العربي والبحر اسمه بحر الخليج العربي

    علشان ينرسخ هالشي فيهم والموضوع عندك ماله ابعاد وابعادها عندك الضاهر ماتعدا حولي ( نادي القادسيه )

    لا يا يبا الموضوع مهم جدا ولازم كلنا نهتم فيه ونعلم عيالنا على الاقل من ناحيه القوميه العربيه..............:)

    وبعدين الاسلاميه على الاقل ولو اني احبذ الاسلاميه ..:)
     
  20. بوعبدالله الكويتي

    بوعبدالله الكويتي بـترولـي نشيط

    72
    0
    0
    بالنسبه للخليج العربي
    في جميع خرائط الجيش الامريكي والبيت الابيض يسمى بالخليج الفارسي

    اما من سمى الخليج بالعربي هو المنظل عبدالناصر

    واصلا من حق فارس التسمية بالفارسي لان فارس من شماله الى جنوبه الخليج

    من الجهة الغربية
     
جاري تحميل الصفحة...

مشاركة هذه الصفحة