ظاهرة القز ....... ؟!

الكاتب : Metamorphic Rock | المشاهدات : 1,173 | الردود : 22 | ‏25 مايو 2008
  1. ظاهرة القز ظاهرة منتشره منذ مبطي في الكويت
    ومن خلال معاصرتي لـ هالظاهره ومواكبتي لها قدرت أطلع بـ عصارة ملخصه لـ الأوضاع الراهنه ,
    وهذي نظرة سريعة تلخص أنواع القــــــز بالديره

    القز = الفراره على البحر او الاماكن السياحيه

    إلي عنده Cayenne S
    Guys :-
    ما يعرف بيتهم , 24 ساعه يفتر بالشوارع وبيده الموبايل !
    تلقى يكلم وحده واهو لاحق وحده ونفس الوقت يمه وحده ! دونجوان زمانه ! ,
    وأخر شي يطر الفلوس طر حق البانزين ! :\

    إلي عنده BMW 645
    Guys :-
    من الوهله الأولى تقول شهالزقرتي والثقيل ,
    بس خل تمر يمه بنت ! يسوي أفلام بالشارع بس عشان تلتفت عليه ! ..

    وإلي عنده Porsche Boxster
    Guys :-
    ماخذها أقساط وقاط إلي وراه ودونه وراهن البيت وماخذ قرض ,
    بس عشان يقولوله بالدوانيه راعي البورش ..

    أما قزيز الـ Corvette
    Guys :-
    وده يكشخ بس خاينه التعبير

    وإلي عنده Mercedes Cls
    Guys :-
    يا مغتر وداق الثقل ويكون عمره كبير ,
    يا لابس كاب ومتحطم وكاره حياته وعيشته ! تلقى ماله خلق يطل بويهك ! ;p ..

    عاد ربع الـ Yukon سالفه !
    Guys :-
    الزقاره بالإيد وما بقى وحده ما تحرش فيها !
    وبالغالب يكون مغيم وحاط إيميله وره وشعار القروب وإسم عايلتهم وإسم خالته وفريجهم ووين ساكن ورقمه المدني ..
    وما بقى دوريه بالكويت ما سفطته وإسحبت الليسن منه !

    وإلي عنده Charger
    Guys :-
    تلقاه نفسيه يطالعك من طرف خشمه جنك ياي تتسلف منه !
    وكل ما يصدف يصير أول واحد بالإشاره , تلقى بس تشب يشخط حد الدوسه ! ..

    وشبيبة الـ Gallardo
    Guys :-
    هذيل 90% منهم أجار ! , و10% كل ساعه سافط مجيك عالسياره إذا حكت ولا لا

    عاد الـ Camaro
    Guys :-
    يحسسك إنه راكب Bugatti ! نفسيه بشكل مو طبيعي .. ويطالعك جذي ويلف ويهه !
    وساعات إييك واحد مدشدش وشعره لي جتفه وشنبه خفيف ويكون حاط إيميله وره وبالغالب يكون

    وإلي عندهم Mustang & Nissan Z
    Guys :-
    إلي يسوقون هالسيارتين متشابهين !
    قرعه , نفسيه , يدخنون , ضعاف , قصاصه ! , وإذا خزيته عادي يسفطلك بيتهاوش

    عاد ربع الـ Hummer فلم !
    Guys :-
    ما بقى شوارفسكيه بالكويت ما حطها عالسياره !
    تلقى السياره تبرق , تلجح اللمعة وإنت بـ بيتكم !
    عند الـ Rinag ! عالجوانب , صوب كلمة Hummer , من جدام .. من ورا ! تحت السياره .. عند القير !
    شدعوه عليك ؟!!! مصنع شوارفسكي يتمشى
    وعلى هاللمعة تقول واحد شكله بريئ وهادي وحده مسالم !
    تطل بالسياره ولا تشوف واحد يثل عليه جسم ولا أرنولد بزمانه ! حتى بخشمه عنده عظلات ,
    وويهه مشخّط بكل مكان ! فلم رعب يتمشى ! والله لو هالشوارفسكي إلي حاطه شاف ويهه جان كش !

    وسااااااااامحوني عالطواااله ..... ( منقول ):)
     
  2. SAD_SHU

    SAD_SHU بـترولـي خـاص

    2,276
    0
    0
    واللي عنده نيسان صني ؟؟
     
  3. الصراحه مادري ....

    أسأل ( بو راشد ) :)

    شااكرلك على مرورك
     
  4. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    شكرا على الموضوع

    خاطرة :

    إلى الإخوة القزيزة أو كما يقال لهم ، أقول لهم أنتم تعبثون في أعراض الناس و أنتم أنفسكم لديكم أعراض

    فإخواني حافظوا على أعراضكم و أعراض الناس
     
  5. شاكرلك على مرورك ( مشرفنا ) الكريم ....

    وانا ما حطيت هالموضوع إلا والكل شايف هالضاهره وبكثره

    شااكرلك مره ثانيه
     
  6. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    العفو اخي الكريم ، بالعكس القز ظاهرة منتشرة

    و هناك من يتسبب بحوادث و أذية لمن لا تتجاوب معه

    و ملاحظتي للإخوان كانت من باب التنبيه و الحرص على إخواننا و أخواتنا أبناء و بنات الديرة
     
  7. ما قصرت ( مشرفنا ) الكريم ...

    وكثر الله من امثالك وشاكرلك على مرورك
     
  8. ما قصرت ( مشرفنا ) الكريم ...

    وكثر الله من امثالك ...

    وشاكرلك على مرورك ....
     
  9. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    هههههههههههههه

    لاهنت علي النقل الظريف
     
  10. ولا انت طاال عمرك ....

    وشاكرلك على مرورك الكريم :)
     
  11. ونكمل باجي السيارات ...... :)

    أما إلي عنده Cayenne Turbo
    Guys :-
    أغلبهم زقرتيه وتكانه وساعات مغترين ..
    بس من تشوفون واحد خفيف وكل ساعه متلفت إعرف إنه كايينه عادي بس شكل تيربو

    والـ Bentley Gt
    Guys :-
    مايقط الكاب من راسه !
    تلقى الصبح رايح دوام لابس كاب , طالع الظهر بيتغدى لابس كاب , بالليل هم كاب ,
    ينزل من السياره لابس الكاب , يرد بيتهم بالكاب , ياكل بالكاب , ينام بالكاب ! وكلهم جذي LOL
    وكالة الزياني قامو يعطون كاب هديه حق إلي بيشتري بينتلي

    أما وانيت Silverado
    Guys :-
    تلقى ما بقى إقزوز بقراجات شويخ إلا وحطه عالوانيت !
    وتلقاه كله مستعيل ! إلي يشوفه يقول هذا بيلحق عالبورصه , وأهو بطالي خريج متوسطه ما عنده غير القهوه والدوانيه ! , وإذا بيغير سافر البحرين ..
    عاد تلقاه يمشي ويترك حق الأوادم وما بقى رصيف ما حاشه , يمشي ويحكك بهالأرصفه ويخرع الأوادم ..
    وتلقى بالغالب متين وعنده قفل منتف ! وكله قاط ويهه بالسياره إلي يمه ! ,
    والناس هابين شغل ذرابه يعلقون نجمة شوارفسكي ولا كرستاله كبيره جذي , حركات يعني ...
    هذا معلق عقاله ! يعني تقدرون تقولون رساله مبطنه إلي يتحرش فيني ألسبه بالعقال !
    وعشان يصير Cool تلقاه حاط لوقو Oakley ورى السياره ولا Nike

    والـ Escalade
    Guys :-
    في نوعين ,
    نوع ماله شغل بأحد ..
    هذا تلقاه ماشي 60 50 بسايده بهدوء ومسكين مبطل بس السكنات عشان ما يكسر عين إلي جدامه وهادي حده ,
    تلقى حتى مو مغيم ..
    النوع الثاني لاعب بحسبة السيارة !
    تلقى الـ Ringat كروم اللمعة مو صج ! ومعطيك زنون مشلخ إلي جدامه !
    تلقى بالإشاره إذا جدامه سياره سبورت يتعمد يبطل الزنون بعينه ! عشان يخليه يكره حياته !
    وتلقى التغييم سوبر ! ولازم داخل السياره في شي بيربري ! ..
    يا ربطه معلقها تحت الجام ! يا الكشنات , يا عند السناده , يا صوب السكان ..
    المهم لازم بيربري ! .. وساعات Gucci ! وهذيل نوعهم بواكتهم وحزمهم وجواتيهم كله تقليد
    وكله نايم عالأوادم بالشارع

    وإلي عنده Ferrari F360
    Guys :-
    تلقاه فوق الثلاثين ..
    شكله ذرب عنده شنب متبتب شوي لابس كاب وبولو ونظاره طبيه !
    شكله كلش مو مال سياره سبورت ! تحس السياره مو راكبه عليه
    وبعضهم مغترين وهذيل زقرتيه كله داقين الثقل ...

    Cayenne V6
    Guys :-
    مو راضي يقتنع إنه سيارته كايين عادي مو اس ولا تيربو !
    تلقاه حاط وره السياره Cayenne S !
    وساعات غشّم يحطون Cayenne Turbo وشكل السياره كايين عادي ..
    وطبعا إلي يحطون S ينصادون من الـ Ringat !
    أما إلي مظبط السياره بـ Ringat كبيره وصابغ الجناح ومسوي أكشنات وكاتب Cayenne S ,
    هذا محد يدري عنه ..
    بس لما يوقف يمه Cayenne S يقوله اخوي تجرب ؟! تلقى شوي يعرّق ويتبلعم !
    وبعدين يتعذر يقول والله مافيها بانزين ..
    هذا على طول ينصاد إنه كايين عادي V6

    Camry
    Guys :-
    هذا يكون على قد حاله , بعني ما عنده فلوس ياخذله موتر كشخه فـ مقزرها على كامري ...
    ومسكين بطلعة الروح ابوه إقتنع ياخذله السياره ,
    الابو كان يبيه ياخذ كولت ايام سنة الهدامه ..
    عاد قال لازم أحط لمستي السحريه بالسياره ,
    فـ تلقاه حاط لمبات زنون من وره صوب الرقم يعني Lexus ,
    ومغيم السطابات الي وره , ومركب زينون من جدام ,
    وحاط لمبات صفر صوب الكشافات الي جدام جنه ذبانه ,
    وحاط زوايد صوب البيبان , وصابغ الـ Calipers ' غطى السفايف ' أحمر ,
    ومركب جناح وره السياره طوله مترين إلي يشوفه يقول بتطير السياره ,
    وحاط ستكرز نادي القادسيه ومعلق فنيلة القادسيه بالجام إلي وره ,
    ومعلق قرآن صغير تحت الجام و24 ساعه مشغل راب ..
    وكاتب وره السياره ماشالله ....
    وكل يوم مطيح بشارع الزينه يدور زوايد يديده حق السياره !
    وتالي الليل يروح شارع المطاعم يسفط عند تايم أوت ويطيحله بلعه

    S Class
    Guys :-
    يا تلقى ريال عود شعره أبيض وريحة البخور توصل عندك من كثر ما تبخر قبل لا يطلع !
    وعاد مظبط السبعه ومنزل الغتره عالجتف بدون لا ينسفها وترسها نشا ! ولا فيها ولا كسره ..
    ولي تلفت عليك يلف نص لفه ويطالعك بنظره مغروره وعقب يلف ويهه بهدوء ,
    وعقب يمسك التلفون !
    تلقى محد دق عليه بس جذي تمويه
    او تلقى سايق كاشخ بالقميص البيجي المبكر والقذله الي تلمع من بعيد ..
    والصبح يلبسونه نظاره شمسيه ,

    Aston Martin
    Guys :-
    ساكب بالغتره والنسفه المظبوطه والعاده يمسك مسباح بإيده و حده محترم بالشارع ..
    ماشي بطريجه ونادر ما يتلفت !
    إلا بالإشاره يعطي بو نظره وعقب يسوي روحه لاهي بالموبايل ولا بالمسجله ..
    بس إذا شاف بنت ودشت قلبه ! تشتغل العياره ..
    يلحقها بس بدون ما يبين لها إنه لاحقها !
    نظام اووه شهالصدفه انا رايح نفس المكان

    Touareg
    Guys :-
    تلقاه مركب فوق السيارة سلة الكايين , و حاط Ringat كايين ,
    وصابغ الي حوالين الجام سلفر نفس الكايين , وكاتب ورى السياره Touareg نفس الكايين ,
    وكاتب عالجوانب صوب البيبان Touareg نفس الكايينات ,
    وحاط علامة فولكس واجن صوب المدقر هم نفس الكايينات !
    إنزين يا أخي الكريم , ليش ما خذيت كايين وفكيت عمرك يعني

    Maybach
    تلقى السياره مغيّمه من وره ..
    وإلي يسوق واحد زقرتي , أسمر كبير شوي , يثل حده ! ساكب بالغتره , ملامحه دمويه ..
    وما يتلفت لو شنو ! لو يصير إنفجار يمه هم ما يتلفت ..
    نفس حرس بريطانيا إلي يلبسون أحمر ماكو !
    المهم تشوفه تقول أووووف شهالواصل هذا ! زقرت وسكبه ويسوق مايباخ , لا يحوشك

    Jaguar Xk
    Guys :-
    يا إييك خال فارش بالسياره , الراس مدقوق صفر بموس !
    من كثر ما تلمع القرعه إنعكاس السكان مبين فيها !
    وماسك السكان بإيد وحده .. وإذا تعب يسوق بصعبه الصغير بس من كثر ماهو راهي

    وسامحوني عالطواله ..... :)
     
  12. SAD_SHU

    SAD_SHU بـترولـي خـاص

    2,276
    0
    0

    يالحبيب وانتي شنو سيارتك علشان نعرف شنو شخصيتك ؟؟ :p
     
  13. سوبارو امبريزا بس للاسف مافي تعليف عنها :)
     
  14. عبدالحميد دشتي

    عبدالحميد دشتي بـترولـي مميز

    782
    0
    0
    Subaru Impreza
    Guys
    هذا ماخذ من روحه مقلب تلقى السياره داخلها 250 عداد واحد حق الماي و واحد حق الكهرباء و واحد حق ترشيد و واحد حق البانزين.....تقول السيارة شاريها بدون عدادات وال RPM تقول كشاف بر بس ناقصه مكينة ديزل وطبعا الحبيب يكون مصدق انه عنده سبورت وكله بالحب فراره يدور موستنغات ويجلدون ظهره اللهم مترين ينط جدام تقول ارنب مو سيارة وراعي السيارة تلقاه يدخن بوكس احمر عادي من كثر ما يبطون فيه الشباب وكل ما يبطه واحد دق زقاره وهالمسكين ما يقدر يقز لأن البنات عبالهم عنده صني حاطلها رنقات واذا يبي يظبط السيارة تلقاه صبغ الرنقات ذهبي تقول شاريهم من عند داماس شبكة مو رنقات :D ودايما تلقاه يفط قري بالمصافط عشان ينفخ شوي لأنه حاط دبه عادة مع ان سيارته اقزوز واحد بس تلقاه 17 انش تقول فتحت بواليع مالت مصر وكلما يدوس طلع نار من القزوز تقول خباز ايراني قاعد يسوي خيز داخل انا اقول ثلاثه خبز مسمسم عموووووووووو :D
     
  15. لوووووووووووووووووووووووووووووول يا (( ولد دشتي )):p

    على راسي والله وشاكرلك على مرورك يا الغالي :)
     
  16. على الدنيا السلام يا نفط

    على الدنيا السلام يا نفط بـترولـي نشيط جدا

    328
    0
    0
    لوووووووووووووووووووووووول الله يعينك سبارو
     
  17. شاااكرلك على مروري اخي الكريم ...

    بعد (( دشتي )) ما خلاني بحالي :)
     
  18. عبدالحميد دشتي

    عبدالحميد دشتي بـترولـي مميز

    782
    0
    0
    انت على راسي والله
    مو تزعل قاعد اقلدك بس :D
     
  19. SAD_SHU

    SAD_SHU بـترولـي خـاص

    2,276
    0
    0
  20. H.A

    H.A بـترولـي مميز

    725
    0
    0
    خيرها بغيرها بالامانه انت من اي فئه؟
     
جاري تحميل الصفحة...

مشاركة هذه الصفحة