احلقوا نصف شواربكم إذا....!!

الكاتب : عبدالله البلوشي | المشاهدات : 908 | الردود : 14 | ‏23 مايو 2008
  1. عبدالله البلوشي

    عبدالله البلوشي بـترولـي نشيط جدا

    164
    0
    0
    خدمة الكويت
    الكويت
    بسم الله الرحمن الرحيم

    الموقع : جريدة (الوطن)

    اليوم :الاربعاء

    التاريخ :21/04/2008

    الكاتب : فؤاد الهاشم

    عنوان المقاله : احلقوا نصف شواربكم إذا....!!

    هذي المعلومات موجوده للي حاب يتأكد من كلامي

    تحت فقرة اخر خبر

    امهلت دولة قطر الفريقين اللبنانيين المتفاوضين على ارضها مهلة

    تنتهي اليوم - الاربعاء - لانهاء الازمه اللبنانية !!

    قبل عشرين سنه كنت في لندن حين قررت

    حلق شاربي مجاراة للأنجليز واليوم اعلن عن


    استعدادي لحلق نصف شاربي وترك النصف الاخر لمدة

    شهر كامل ان نجحت قطر في ايجاد حل للازمه .. اللبنانية.


    اول الشي الكل يتمنى ان الازمه اللي يعيشونها اخوانا

    اللبنانين انها تنحل ويتوصلون لحل يرضى الكل

    والحمد لله تم التوصل الي حل المشكله 70% والكل

    ناطر ليوم الاحد لانتخاب رئيس للبنان


    وانشالله تنحل الازمه

    فا لو انحلت القضيه هل فعلا فؤاد الهاشم راح يوفي بوعده

    والسؤال اللي يطرح نفسه شنو نوع الموس اللي راح يستعمله

    و ياريت من كل واحد له خبره بموضوع الحلاقه

    تزويد الهاشم بمميزات كل شفره للحلاقه

    ودمتم سالمين
     
  2. wed

    wed بـترولـي جـديـد

    43
    0
    0
    منقول من ايميلي ممكن يكون رد

    كاتب كويتي يتراجع عن وعد بحلق نصف شاربه إذا حلت ازمة لبنان

    الكاتب الكويتي المعروف، فؤاد الهاشم، عن قرار اتخذه بحلق نصف شاربه في حال نجحت قطر في إيجاد حل للأزمة اللبنانية.

    وكان الهاشم، أحد أبرز كتاب صحيفة "الوطن" الكويتية اليومية، تعهد في مقال نشرته الصحيفة في عددها الذي صدر صباح الأربعاء 21 -5- 2008 بحلق نصف شاربه، وقال: "اليوم أعلن عن استعدادي لحلق نصف شاربي وترك النصف الآخر لمدة شهر كامل، إن نجحت قطر في ايجاد حل للأزمة اللبنانية!".

    إلا أن رياح الدوحة جاءت على عكس ما تشتهي سفن الكاتب الكويتي، ونجحت قطر بإقناع الأطراف اللبنانية على صيغة تنهي الأزمة السياسية في البلاد، بما في ذلك التوافق على انتخاب رئيس للجمهورية.

    وقد رفض الكاتب الكويتي اعتبار ما جرى في الدوحة حلا للأزمة اللبنانية، وقال "الحل ليس مجرد تقبيل اللحى؛ لأن هذا المنظر رأيناه كثيرا بين الفلسطينيين، أي بين حماس وفتح، قرب الكعبة، ومع ذلك رأينا ما حصل فيما بعد".

    وأضاف "إذا استمر اتفاق اللبنانيين شهرا أكون متفائلا.. وأنا جاهز لحلق نصف شاربي. لكن دعونا نرى تطبيق ذلك على أرض الواقع لمدة شهر واحد حتى يجف حبر الوثيقة التي وقعوها".

    وتابع "أنا مستعد لذلك بعد شهر، وسأنزع شاربي كله وهذا كلام جدي، وأتمنى أن يعود الأمن إلى لبنان ونعود سياحا إليه، وإذا كان ثمن ذلك أن أنزع شاربي فهذا ثمن بسيط ".

    سننتظر ذلك اليوم بفارق الصبر ان شاء الله
     
  3. YOU^AND^ME

    YOU^AND^ME بـترولـي نشيط جدا

    444
    0
    0
    عيـــــــــــــــــــــــــــــــــــــــــــــــــــــــــــــــــــــــــــب عليك اتقول جريدة الوثن

    ومنو انت علشان اتقول عنها جريدة الوثن ....!!!

    كان الافضل لك انك تدافع عنها لانها ترفض اي منافقين ينافقون تراب هالوطن

    ممكن تشرح ليش اهيا جريدة الوثن يالبلوشي ....!

    مر عليك هالنشيد

    وطني الكويت سلمت للمجد

    ولا ليش انها وقفت ضد شلة مغنيه ( ايران ولبنان )


    راجع نفسك وانا بأنتظار السبب اللي خلاك اتقول جريدة الوثن
     
  4. عبدالله البلوشي

    عبدالله البلوشي بـترولـي نشيط جدا

    164
    0
    0
    خدمة الكويت
    الكويت
    بسم الله الرحمن الرحيم

    بالنسبه للأخ اللي يقول عيب عليك تقول جريدة الوثن

    انا احترم رايك بس انت ما تفرض علي رايك وتقول لا تقول جذي

    وبعدين ترى ذبحتونا كل ماصارت سالفه قلتو لنا مغنيه ومغنيه

    صرنا نخاف اذا عطسنا ناحية ايران تقولون ها اكيد لان الشيعه يحبون ايران

    واذا صوب لبنان قلتو ها اكيد على شان حزب الله

    حبيبي لو تفتر العالم كله ما تلقى نفس الكويتي يحب ديرته

    وهذا اللي مخلينا على روس الناس كلهم

    والله عيب عليكم كل موضوع نطرحه قلتو مغنيه وايران

    الحين موضوعي عن فؤاد الهاشم ووعده للناس

    ومثل ما يقولون وعد الحر دين برقبته

    والحين خلاص صار مغنيه وايران مثل مسمار جحا كل ما واحد طرح موضوع قلتو مغنيه مغنيه مغنيه



    لو المنتدى يسمح جان لعنت مغنيه لين تبرد جبدي

    منو مغنيه على شان انا ادافع عنه

    وشنو ايران اللي انا ادافع عنها وحتى لبنان

    حبيبي مو انت اللي تعلمني النشيد الوطني وتقولي تعرف هذا شنو


    الحين ابيك تفهمني المعادله الصعبه اللي انت حطيتها


    شوارب فؤاد الهاشم + مغنيه = شنو راح يطلع الناتج

    ارجوك اخوي لا تخلط المواضيع على بعض

    وبعدين اللي اسمه مغنيه مات ربك اهوا اللي يدري اذا بالجنه ولا بالنار مو انت تحدد او تختار

    واذا كان مغنيه اهوا اللي في بالك واللي قرينا عنه انشالله يكون مكانه الدرك السفلي وهذا اقل جزاء من الله سبحانه وتعالى


    عندي شي بقوله لكل الاعضاء

    لا تخلون المنتدى يطرق للأمور الطائفيه اكثر من اللازم لان محد راح يستفيد

    على فكره منو عندكم اعز الكويتيين اللي ماتو بخطف الجابريه ولا الرسول الكريم صلى الله عليه واله وسلم

    اشوف ما تفاعلتو مع موضوع الخنزير الدنماركي واكيد الكل شاف الرسومات

    صج المثل اللي يقول ابوي ما يقدر إلا على امي


    ودمتم سالمين
     
  5. brilliant

    brilliant المـراقب الـعـام

    8,477
    0
    0
    Engineer
    Kuwait
    اخوي البلوشي خذ راحتك العن مغنيه وايران وكل اعداء هالوطن

    :D
     
  6. YOU^AND^ME

    YOU^AND^ME بـترولـي نشيط جدا

    444
    0
    0
    ماشي يالوشي

    احب اذكرك بشي بس

    ممكن تقول لي جريدت الوثن .......!!

    ابي افهم وفهم غيري

    يعني حاطين فالصفحه الاولى صورة هبل ولا ولا تمثال بوذا علشان اتقول عنها جريدة الوثن

    اشرح ليش جريدة الوثن

    على فكره الوثنيه يعني عبادة الاصنام والكفر والعياذ بالله

    ليش الوثن اشرح وقول ...!

    وبرضوا على فكره استخدموا هالكلمه اللي كانوا يدافعون عن اللي ابنوا مغنيه

    وبعدين ان جبت طاريا مغنيه لانها اهي الوحيد اللي بلشت بموضوع مغنيه بارك الله فيها وفي كل من يدافع عن الوطن
     
  7. الكويت ديرتي

    الكويت ديرتي بـترولـي جـديـد

    26
    0
    0
    انا اقولك ليش

    لانها مو فالحه بس اللي تسبب فتنه طائفية بغيضه

    لانها مو فالحه الا ان تقف ضد الاصلاحيين والوطنيين من اهل الديره

    بينما الحرامي العود الكبير اللي باق الناقلات ايام الشده ايام اللي الكويتيين بين شهيد واسير هذا يي الحبيب ويبوق الناقلات

    كل هذا ما تبيه يسميها جريده الوثن
     
  8. YOU^AND^ME

    YOU^AND^ME بـترولـي نشيط جدا

    444
    0
    0
    شكرا لك

    لكن اخوي الكلام للبلوشي ...!

    وبعدين كل حرامي اقول عنه وثني ...!
     
  9. صراااحه الكلام اللي قاله ( البلوشي ) و ( الكويت ديرتي ) عدل ....

    وبالاخر هذا رأي ونحترم الاراء الاخرى ....

    يعطيكم العافيه
     
  10. عبدالله البلوشي

    عبدالله البلوشي بـترولـي نشيط جدا

    164
    0
    0
    خدمة الكويت
    الكويت
    بسم الله الرحمن الرحيم

    صباح الخير

    الصراحه ان في كويتي يسأل عن جريدة الوطن ( الوثن ) وشنو المشاكل اللي سببتها

    مثل ما يقولون امر يدعو الي الاستغراب

    عطني شخص بالكويت ما تأذى من جريدة الوطن

    السنه - الشيعه ( الكويتيين بكل انتمائاتهم الفكريه )

    وصدقني اذا راح اذكر لك مساوء الجريدة ما راح نخلص

    لكن اختصر لك انتماء الجريده بالمثل هذا

    " اذا كان رب البيت بالدف ضاربا .... فما شيمت اهل البيت الا الرقص و الطربُ

    واكيد الكل يعرف منو رب البيت وشنو القضايا اللي عليه

    لكن ما اقول غير

    ( لي حبتك عيني ما ضامك الدهر )


    ودمتم سالمين
     
  11. ام شهد

    ام شهد بـترولـي نشيط جدا

    487
    0
    16
    وي عليكم لا تتخانقون
    الحين بتيي لي زفة ماادري من وين
    والله احنا الشيعة وانتوا السنة كلنا اهل الكويت وكويتين يعني مافي فرق ولا تحاولون تفرقون
    مشكورين كلكم ومي انت طيوب
    بلوشي انت بعد طيوب
    ما علية طوفوا حق بعض شوي
     
  12. الكويت وبس

    الكويت وبس بـترولـي نشيط جدا

    231
    0
    0
    اخوي WED طرشتلك رساله عالخاص لكن للاسف ما تقدر تستقبل فطرشتلك عالايميل وشكرا
     
  13. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    مواطن يرفع قضية على نفس الكاتب بسبب تعاطفه مع اسرائيل

    :)
     
  14. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
  15. اطفائي محترق

    اطفائي محترق بـترولـي خـاص

    1,187
    0
    0
    اشب الضيان
    الشعيبه
    باختصار لو كنت كاتبا" صحفيا" لجعلت الاستاذ فؤاد الهاشم معلما لي ..



    وللعلم ... حتى ولو انتخب رئيس للبنان .. المشكله ليست في الرئاسه ...

    ومافائدة الرئاسه ان لم يتفق الجميع وتنتهي حرب الشوارع ..

    قال ايش قال انحلت الازمه ..
    ياااعمي .. ماسمعت اللي يقول (( اشرب شااااااااااي وروووح ))
     
جاري تحميل الصفحة...

مشاركة هذه الصفحة