التحذير من سرقة البنغال في محطات البنزين

الكاتب : CatwomaN | المشاهدات : 1,051 | الردود : 22 | ‏22 مايو 2008
  1. CatwomaN

    CatwomaN بـترولـي خـاص

    1,566
    0
    0
    Q8
    بغيت أذكر لكم قصتي إلي صارت لي يوم الجمعة 9/ مايو / 2008 من باب التحذير وأخذ الحيطة والحذر من هالشعب إلي صار ما يردهم شي عن فعل الجرايم والسرقات والحرام . هذا يا جماعة الخير في يوم الجمعة إلي فات وأنا راجع للبيت وكانت سيارتي مصفرة وشابه العلامة . فرحت أعبي سيارتي من المحطة إلي بالدائري السابع . قلت للعامل السلام عليكم ' خصوصي فل ' وسكرت الباب وكنت مشغل السيارة . خلص الريال جان يقولي الحساب خمسة دنانير . أنا : شلون خمسة وأنا ما عمري عدت سيارتي 4:250 كلش كلش يعني إذا ذبحت عمرها 4:500 وهذي ما عمرها صارت حتى لو كانت سيارتي مصفره أكثر من جذي . العامل : وتغير لون ويهه ' ليش ما يعبي فل . أنا : وبحكم إنا السيارة شغالة فيبيلها شوي ليما يشير المؤشر على إنها فولت فقلتله ' إمبلا فولت ' بس ليش خمسة وأنا حاس إن في شي غلط ' بس كنت دايخ وفيني النوم ف مشيتها ' ولكن طول الدرب وأنا أفكر وأطالع العداد وطلع بعد ما فول لي آخر شي . يوم السبت رحت للمحطة إلي يم بيتنا أغير دهن السيارة والفلتر فقلت خلني أسولف مع الريال إلي يغير الدهن فقلتله السالفة من باب فتح السوالف مع بعض . جان يقعد يضحك . انا عاد أقوله يا إن البنزين زاد في يوم وليلة يا إن المضخة فيها بلا . جان يقولي لا البنزين ما زاد . أنا أقولك شسالفة . ' هذولي البنقاليه سلمك الله إذا عبا حق أي أحد ما يرد الهوز عدل فبذلك ما تصفر المضخة بمعنى لو أحد عبا قبلك بدينار وييت إنت تعبي بعده راح يعبيلك بتكملة الدينار ويقول إنه إهو بنفسه طاح على واحد يسوي هالسالفة ويوم راح لمدير المحطة لقوا بمراقبتهم عن طريق الكاميرات إلي بالمحطة إن ثلاث أرباع العمال مسوين نفس الحركة . أنا حبيت أحذركم علشان تحطون بالكم ولا يصير فيكم إلي صار فيني لأن هالشعب ما عنده لا ذمة ولا ضمير ومو سالفة النص دينار ولا السبعمية والخمسين فلس . بس ليش يستغفلونا ويقصون علينا وإذا يبي ياخذ مني نص ومنك نص آخر الشهر يبي يطلع له 500 دينار ولا أكثر بالبوق فانتبهوا .


    انشر وحذر الناس


    من قال سبحان الله وبحمده غفرت ذنوبه ولو كانت مثل زبد البحر

     
  2. MamLOoO7a

    MamLOoO7a بـترولـي مميز

    حسبي الله عليهم

    ومشكوووووووره على التنبيه

    اصلا اكره ما علي هالبنغال احس انهم نصابين
     
  3. احاول بجهد

    احاول بجهد بـترولـي نشيط

    64
    0
    0
    لا تقلب المواجع
    شمس العرب- الكويت
    لا انت خل المصيبه لمه ايون يسوون نفسهم مساكيين
    ويعطيك باقي فلوسك ويطالعك بنظره جنه يقولك عفيه عطني اياهم
    اوكي فقاره علي عينا وراسنا بس اذا مو طالع من خاطري وبمزاجي ما اعطي الصراحه
    بس غالبا اعطي دفعه بلا
     
  4. CatwomaN

    CatwomaN بـترولـي خـاص

    1,566
    0
    0
    Q8
    انشالله يا رب يمنعون الفلبن والبنغاليه و اللي ما عنده سالفه يقعد بل دييييره .. OUT OF THIS COUNTRY !!!!!!!:D
     
  5. Workers

    Workers إدارة المنتدى

    7,767
    30
    48
    ذكر
    الكويت
    السلام عليكم

    مرحبا اختي CatwomaN

    هذي المواقف تصير في محطات البنزين اللي مافيها كاشير ويكون الحساب

    عند البنقالي لان المحطة اللي فيها كاشير مايقدر احد يحاسب لازم المضخة تكون مرجع الهوز مكانة عدل

    عشان الكاشير يعرف وشكثر صاب بانزين يبين عنده بالمكينة لما تعطينه رقم المضخة .


    شكراً اختي الكريمة على النصيحة.


     
  6. CatwomaN

    CatwomaN بـترولـي خـاص

    1,566
    0
    0
    Q8
    أدري بس المشكله ان الحييين اغلب المحطااات بدون الكاشييير .. فا انت تحت ايييد هل بنغاليه !!!
     
  7. صخرة رسوبية

    صخرة رسوبية بـترولـي خـاص

    1,270
    0
    0
    بالنفط
    الكويت
    انا صراحة ودي كويتي مزيون يصبلي بنزين :eek:
     
  8. CatwomaN

    CatwomaN بـترولـي خـاص

    1,566
    0
    0
    Q8
    انسي .. اعيالنا ما يبون يشتغلون هل شغلات ..
     
  9. SAD_SHU

    SAD_SHU بـترولـي خـاص

    2,276
    0
    0

    حاضرين
    CATWOMAN
    البنغاليه دكاتره بالنص واساليب الاحتيال
     
  10. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    تجار الإقامات

    هم المتسببين بهذا الشي

    غرقوا البلد بالعمالة الهامشية

    اللي

    قاموا بالسرقات

    أوكار الدعارة ( أعزكم الله )

    القتل و الإعتداءات

    ما خلوا غطا منهول

    و لا كيبلات

    و غيره و غيره

    حسبي الله و نعم الوكيل

    شكرا يا كات على التحذير
     
    آخر تعديل: ‏23 مايو 2008
  11. YOU^AND^ME

    YOU^AND^ME بـترولـي نشيط جدا

    444
    0
    0
    مشكور عالنصيحه يالغالي
     
  12. ياخساره

    ياخساره بـترولـي نشيط جدا

    ياجماعه لو تدرون شكثر البترونت تضييق خلقهم

    لانه ما يقدر يبوق منها

    المصيبه لو واحدهم يطلبنا ماراح نقوله لا

    بس هم يمدون ايدينهم على الحرام

    ما ادري جن للحرام طعم مميز؟؟؟؟
     
  13. Workers

    Workers إدارة المنتدى

    7,767
    30
    48
    ذكر
    الكويت
    السلام عليكم

    كلامك عدل المشكلة نظرتهم لنا مافيها حسن نيه
     
  14. صخرة رسوبية

    صخرة رسوبية بـترولـي خـاص

    1,270
    0
    0
    بالنفط
    الكويت
    و الحل شنو
    شلون مانخليهم يسوون فينا هالحركة...خصوصا احنا البنات
     
  15. Workers

    Workers إدارة المنتدى

    7,767
    30
    48
    ذكر
    الكويت
    ماقصرت الاخت نبهتكم للموضوع

    واذا استمرت المشكلة مافيه غير حل واحد :rolleyes:



















    كويتي مزيون مكانه عشان مايسوي هالحركه في صخرة رسوبية:)
     
  16. صخرة رسوبية

    صخرة رسوبية بـترولـي خـاص

    1,270
    0
    0
    بالنفط
    الكويت
  17. LaRambla

    LaRambla بـترولـي خـاص أعضاء الشرف

    2,041
    3
    38
    انا ما اعترف فيهم انزل اعبي بنفسي
     
  18. CatwomaN

    CatwomaN بـترولـي خـاص

    1,566
    0
    0
    Q8
    الحل ان دايما انتبهو ان امصفر الارقام ولا لأ ..يا بنات و شباب .. و هم قولوله صفر العداد خل اعرف انكم عارفين الحركه مالتهم ..


     
  19. MOON14

    MOON14 بـترولـي نشيط جدا

    186
    0
    0

    كلامج صح ولو يرجعون الكاشير مثل قبل احسن ​
     
  20. محطات الوقود

    محطات الوقود بـترولـي نشيط

    100
    0
    0
    انا اعمل مسؤل محطة وقود وفعلا نواجه مثل هذة المشكلات سابقا بكثرة وهناك طرق اخرى يقوم العامل البنغالي بستغلال الناس فيها وانا الوم هنا الجهات المختصة مثل شركة البترول ووزارة الشؤن
    اخواني هل تعلمون انا راتب العامل البنغالي في محطات الوقود كم ؟؟؟؟؟؟؟؟
    راتبه كارثة بمعنى الكلمة فقط 17 دينار فكيف يأكل وكيف يشرب وكيف يلبس وكيف يحلق وكم يبعث لإهله ويريد ان يغسل ثيابه ويريد منظفات لجسمه ويريد ويريد ويريد؟؟؟؟
    فهل تعتقدون ان راتبه يكفي
    يقص لي احد العمال في المحطة فيقول انه عند توقيع العقد مع العمال في بنغلادش تم التوقيع على ان راتب العامل في الكويت سيكون 90 دينار وعند الوصول للكويت يستلم 17دينار فقط
    العامل البنغالي يعتقد ان الكويت قد خدعته عند وصوله للكويت براتب 17 دينار، فيتحول عنده هذا لإنتقام من جميع الكويتين فيحلل لنفسه هذه السرقه من جميع الكويتين على اساس هذا المبدأ وهل تعلم ان اولئك العمال ينتظرون 4 اشهر او يزيد لإستلم رواتبهم وهل تعلم عندما يتم التجديد لإقامة العامل عليه بدفع 50 دينار للشركة سنويا
    اخيرا العامل يعتمد في راتبه على ما يسرقه وعلى مايأخذه من بقشيش من الزبائن
    انا لا اجيز وابيح واحلل ما يسرقونه واتعامل معهم بشدة تجاه اي سرقة اكشفها في المحطة عندي ولكن من باب الأنصاف اعطيت الموضوع ابعاده واسبابه لمعالجة القضية
    فالقضيه علاجها بيد الجهات المختصة مثل وزارة الشؤن وشركة البترول



    واسف للإطالة ولكم جزيل الشكر
     
جاري تحميل الصفحة...

مشاركة هذه الصفحة