إجازة مرافق مريض؟؟؟

الكاتب : norema-sarto | المشاهدات : 3,422 | الردود : 14 | ‏21 مايو 2008
  1. norema-sarto

    norema-sarto بـترولـي مميز

    668
    0
    0
    يعطيكم العافيه

    إستفسار للموظفين المسؤولين عن الإجازات

    أو أي أحد يعرف عن :

    إجازة مرافق مريض......

    كيف أقدم عليها؟؟؟

    أين أذهب؟؟؟

    وكم رصيد الإجازه؟؟؟

    الرجاء السرعه في الإجابه

    شاكره لكم ،،،،
     
  2. Workers

    Workers إدارة المنتدى

    7,767
    30
    48
    ذكر
    الكويت
    السلام عليكم

    داخل الكويت او بالخارج مرافقة المريض؟
     
  3. المنصور

    المنصور بـترولـي خـاص أعضاء الشرف

    اذا انت بشركة نفط الكويت

    روح حق فريق عمل شئون العاملين وقدم لهم كتاب من لجنة العلاج بالخارج اذا كنت مرافق حق مريض بيعالج على حساب الحكومه او على حسابكم واهم يعطونك اجازة مدتها 14 يوم قابله للتمديد واللي عليك انك تسويه انك تدز لهم فاكس كل 14 يوم علشان يمددون لك واهم يخاطبون فريق العمل اللي تتبع له علشان يكون عندهم علم وطبعًا نموذج الاجازة لازم يوقع عليه التيم ليدر اللي تتبع له

    وما تشوفون شر ان شاءالله
     
  4. norema-sarto

    norema-sarto بـترولـي مميز

    668
    0
    0
    مشكور أخوي...والشر ما يجيك إنشالله
    والفاكس اللي أطرشه مني....شنو مكتوب فيه ؟؟؟؟
    ويكون صادر مني ولا من المستشفى؟؟؟
    س2:
    هل تعتبر الإجازه إجازه من غير راتب ؟؟؟

    شاكرتلك يالغالي
     
  5. norema-sarto

    norema-sarto بـترولـي مميز

    668
    0
    0
    خارج الكويت
    شكرا
     
  6. Workers

    Workers إدارة المنتدى

    7,767
    30
    48
    ذكر
    الكويت
    السلام عليكم

    اجازة مرافقة المريض للعلاج بالخارج

    اهتماما من الاتحاد بالجانب العلاجي للعاملين وما يتطلبه العلاج للمرضى من مرافقة لهم

    لمؤانستهم اثناء علاجهم

    بالخارج ومساعدتهم في اجتياز فترات المرض سواء من ناحية المدة المحددة في السابق او

    من ناحية درجة القرابة للمريض،

    يحث تم افراز حالات عديدة أصيب اصحابها بالضرر بسبب وقوفهم الى جانب مرضاهم بالخارج، وبحمد الل ه فقد تمت

    الموافقة على تعديل إجازة مرافق مريض بالخارج وعدم اقتصارها على أقرباء الدرجة الأولى

    فقط بل تمت الموافقة على جواز

    الاستثناء من أي صلة من معالي الوزير
    ولمدة ثلاثة شهور متصلة شريطة أن يكون المرافق

    خارج البلاد


    المصدر وزارة النفط

    http://www.moo.gov.kw/magazine/ar/index.asp?More=yes&NewsID=527&mode=0&day=21&page=24
     
  7. المنصور

    المنصور بـترولـي خـاص أعضاء الشرف

    الفاكس يكون منج وموجه لرقم فاكس فريق عمل شئون العاملين وبصراحه ماعرف صيغة الفاكس بالضبط

    لكن تطلبين فيه تمديد اجازة مرافق المريض لمدة 14 يوم اضافيه

    الاجازة براتب كامل ما عدى العلاوات اللي تستحقينها بناءً على تواجدج على رأس عملج مثل بدل طبيعة العمل او بدل الشاشة والعلاوات اللي مثلهم

    وعقب ما ترجعين من الاجازة تاخذين كتاب من لجنة العلاج بالخارج وموجه للشركة يفيد بتاريخ العودة وان يطلب من الشركة اعتماد فترة او مدة الاجازة السابقه كإجازة مرافق مريض
     
  8. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    الله يعينكم و يشافي مرضاكم

    اللهم آمين
     
  9. feed gas

    feed gas بـترولـي خـاص

    مرافقه مريض

    مرافقه المريض ..اجازه من حق الموضف ولمده 90 يوم ان كانت متواصله ولا متقطعه فى السنه الماليه الواحده... تقدم الكتاب الى طالع من اداره العلاج فى الخارج- وزاره الصحه وتتوكل علا الله...ولين ترجع تراجع قسم العلاج بالخارج-وزاره الصحه.. وياخذون منك صوره ختم خروج و دخول الكويت بعد الرجوع من الخارج ويعطونك كتاب يوكد انك طلعت فى هاليوم ورديت فى هاليوم.. توديه حق دوامك وثانى يوم من دخولك الكويت يعتبر بدايه دوام رسمى....فانتبه وتعال فى ال اوف دى.. عشان تشوف الاهل بعد غيبه..!! و اسال مجرب ولا تسال طبيب..
     
  10. Workers

    Workers إدارة المنتدى

    7,767
    30
    48
    ذكر
    الكويت

    احسنت اخي الكريم بالضبط نفس طريقة اخوي مادري شلون نسيت الخطوات بس من ذكرتها

    والله تذكرتها بسرعة

    مستغرب طريقة الفاكس وارساله فعلا ماله داعي
     
  11. المنصور

    المنصور بـترولـي خـاص أعضاء الشرف

    اخوي فكرة ارسال الفاكس علشان فريق عمل شئون العاملين يخطرون فيه فريق العمل اللي انت تتبع له إن انت مازلت مستمر في اجازة علاج أو مرافق المريض وبنفس الوقت يخطرون فيه فريق عمل المدفوعات الماليه علشان يدفعون لك فلوس السكن ، وطبعًا هذا اذا انت مسافر علاج على حساب الشركة لأن الشركة تدفع لك فلوس العلاج وتحدد لك بأي مستشفى لكن بالنسبة للسكن.. اهم يعطونك الفلوس وانت اللي تضبط لك السكن

    طبعًا انا مو مألف الكلام اللي اقوله لكن هذا النظام اللي يمشون عليه فريق عمل شئون العاملين لكن للأسف كثير من الناس تجهل النظام وحسبالهم ان المسأله انك تطلع ورقه وتوديها للشركه وخلاص تعتبر نفسك في اجازة
     
  12. Workers

    Workers إدارة المنتدى

    7,767
    30
    48
    ذكر
    الكويت
    السلام عليكم


    يعطيك العافية اخو ي المنصور

    الاخت الكريمة ماوضحت من البداية موضوع استفسارها على هذا الاساس اختلفت النصائح لها


    بالفعل كل جهة لها طريقة خاصة وآلية تختلف عن الجهة الاخرى انا اتفقت مع الاخ feed gas

    على طريقة العلاج بالخارج عن طريق وزارة الصحة فهي تتبع ماذكره في ردة

    وبالنسبة اذا كان العلاج على حساب الشركة فماذكرتة انت اعتقد هو الصواب

    ولكن حسب ماذكرتة انا في هذا الاقتباس


    اعتقد صار فيه تعديل والله اعلم


    تحياتي وتقديري لك...
     
  13. المنصور

    المنصور بـترولـي خـاص أعضاء الشرف

    ما عليه اخوي

    بس اذا كان العلاج على الحساب الشخصي او عن طريق اي وزارة من وزارات الدولة فالمطلوب اهو كتاب من ادارة العلاج في الخارج وباقي الاجراءات مثل ما انا ذكرتها سابقـًا

    انا شخصيًا قاعد اتعامل مع موظفين يطلبون اجازة مرافق مريض واسمها (Patient Escort Leave)

    وهاذي الاجراءات اللي يسويها الموظف مع فريق عمل شئون العاملين ومكتوب على فورمة الاجازة رقم الفاكس وان على الموظف انه يرسل فاكس كل فترة

    انا لو بالدوام جان سويت لها سكان ورفعتها بالمنتدى لكن انا بإجازة وحاليًا بره الكويت
     
  14. Workers

    Workers إدارة المنتدى

    7,767
    30
    48
    ذكر
    الكويت
    السلام عليكم

    الله يعطيك العافية اخوي المنصور وترد للكويت بالسلامة ان شاء الله

    وتقديري واحترامي لك اخي الكريم
     
  15. المنصور

    المنصور بـترولـي خـاص أعضاء الشرف

    الله يعافيك اخوي ويسلمك من الشر

    واشكر اخلاقك العالية وسعة صدرك

    تقبل تحياتي
     
جاري تحميل الصفحة...

مشاركة هذه الصفحة