مؤتمر بوقتاده للحوار النقابي

الكاتب : نقابي 7* | المشاهدات : 705 | الردود : 10 | ‏20 مايو 2008
  1. نقابي 7*

    نقابي 7* بـترولـي نشيط جدا

    227
    0
    0
    اليكم اخر الاخبار بعد الاتصال على بوقتاده
    الو الاخ بوقتاده : نعم بوقتاده عضو نفط الخليج ممثل الوفرة
    بوقتاده كان احسن تقول عضو نقابة نفط الخليج بدون تميز للوفرة
    بوقتاده : اخي العزيز المثل يقول الباب الي يجي منه ريح سكره واستريح
    شنو تقصد بوقتاده
    بوقتاده : اقول يعنى مطالب الخفجي كبيرة وكثيرة واحنا مو قادرين نطرحها على الشركة علشان مطالب الوفرة ما تتاثر ويصير عليها بلوووووك
    اخي بوقتاده هذا الكلام مرفوض ومايصح يطلع من نقابي مثلك مخضرررر
    بوقتاده : والله شوف احنا الحين ماسكين النقابة والاغلبية من الخفجي ولا راح يقدرون يسون اي شي لاننا في النقابة اغلبية وراح نرفض اي طلب لهم .
    وننتقل الى الزميل بونبيل - الو بونبيل - نعم معاك بونبيل - مساك الله بالخير نبيك تعلمنا عن اخر مستجدات الزيادة لموظفي الخفجي
    بونبيل : انا مشغووووول شوي !!! طو طو طو طو طو
    واقفل الخط بونبيل وهذا هروب واضح لعدم حصوله على اي مستجدات .
    اما انتو يا اخوان في الجنعية العمومية فنعول عليكم الشي الكبير بتواجدكم يوم 28/5/2008 لاثبات مطالبك العمالية كاملة ولاسقاط الاقنعة عن اعضاء النقابة المتخاذلين والرافضين للهجة التصعيد والاضراب وهم من يحبون ان يعيشون في السراديب ولا يحبون العيش فوق الجبال كالصقور .
     
  2. كويتي999

    كويتي999 بـترولـي نشيط

    137
    0
    0
    انا راح اكون موجود بنفس الوقت
    وناخذ حقوقنا غصب عن النقابة واعضائها
     
  3. bdraan

    bdraan بـترولـي نشيط جدا

    216
    0
    0
    انته اى بسوووووس
    المفروض الامريكان يستعينون فيك لفك تحالف ايران وسوريا
    لان مبين من مشاركاتك فرق تسد
     
  4. jemi

    jemi بـترولـي نشيط جدا

    239
    0
    0
    نقابى 7 + جابر = فرق تسد , مصالح شخصيه ( نقابه القديمه )

    :) :) :) :)
     
  5. kolena fe el hawa sawa

    kolena fe el hawa sawa بـترولـي نشيط

    148
    0
    0
    جيمي... اذا عندك حل ثاني تكلم و قوله... و اذا ما عندك سالفه الا فلان و علان جذي و جذي.. انا اقول اكرمنه بسكوتك... اذا عندك شي شخصي ضد احد اهني مشكلتك... احنه اهني انعبر علي موقفنه.... و اذا النقابه مو قادره تاخذ احقوقنا... احنه نقدر ناخذ احقوقنه بروحنه..... و يكون بالعلم انه احنه الموظفين نختار نقابتنا....
     
  6. نفطي_KJO

    نفطي_KJO بـترولـي نشيط

    111
    0
    0
    الساعة كم راح يكون التواجد
    وليش ما يكون يوم الخميس29-5 افضل بحيث اغلب الشباب يحضرون
     
  7. kolena fe el hawa sawa

    kolena fe el hawa sawa بـترولـي نشيط

    148
    0
    0
    نفطي .... خلوها الاربعه عشان الشركه اتحس انه الموظفين الكويتين لهم مكانهم و انه مكانهم بالخفجي اذا اهم مو موجودين يوقف شغل وايد....
     
  8. جابر

    جابر قــلــم بــتــرولــي أعضاء الشرف

    حركات (...) مانبى ;)..رد على الموضوع ..وبطّل تهجم على الأعضاء
     
  9. جابر

    جابر قــلــم بــتــرولــي أعضاء الشرف

    مو المهم يابدران نية الشخص من الخبر ...هذى مافيه أحد يعرفها .الا إذا مستعد يظلم نفسه
    المهم محتوى الخبر ..إذا فيه شى مو صحيح ..قولوا هالنقطه مو صحيحه ..

    الأسلوب ظريف وحلو ..وكمية المعلومات مصداقيتها (عند اللى يعرفون)
    أو على الأقل تخلى الناس تدور على معلومه معينه

    وهذا الأسلوب ماعليه غبار ويتطلب مهاره
    وبعيد عن الإسفاف اللى يتبعه بعض الناس ..محشوم طبعا يابدران
     
  10. bdraan

    bdraan بـترولـي نشيط جدا

    216
    0
    0
    اخوى جابر
    محد يدرى اذا هالكلام صحيح ولا لأ وشلون تبينه ندرى ونقابى يحط اسامى وهميه
    انت بنفسك لو شايف اى خطأ من اى عضو بتذكر اسمه ولا بتلقبه يأى اسم وتخليها عايمه
    ثانى شى ليش التفرقه بين ممثل الوفره والخفجى
     
  11. جابر

    جابر قــلــم بــتــرولــي أعضاء الشرف

    هلا بدران
    هذى ونا أخوك جزء من الضريبه ..إذا الواحد مايدرى (بالضبط) عن منو الكلام ...يطوّف
    مايحكم بالنيه ...حتى لوكان شاك ..إنه يعرف المقصود ..

    بالنسبه للوفره والخفجى : إخوانا مافيها كلام ..لكن الواضح جدا إن همومنا غير عن هموم موظفى شركات
    النفط اللى بالكويت كلها ..مو بس الوفره .. وقضايانا تتطلب (كسر عظم) مع الشركه ..

    وهذى ممكن (تعطل) مصالح ومطالب الوفر ه السهله (نسبيا) ..وعليه تعارض المصالح قائم ..
    الوحيد اللى يقدر يعدّل الوضع هو النقابه الحاليه
    عن طريق وضع المطالبات وتحديد الأولويات ...

    أما سوى ذالك فمعناه إن النقابه ستسعى (وهذا شى طبيعى) للمحاوله فى الشغلات السهله
    وتعطيل أمور الخفجى (العويصه) ، حتى تقدر تطلع بشىء


    وهذا اللى مانبيييييييييييييه حتى لو زعلوا أخوانا اللى بالوفره :eek::eek:
    حقوقنا مصيريه وأهم ومفروض تعطى أولويه ..هذا المنطق ولاتزعل وناخوك
     
جاري تحميل الصفحة...

مشاركة هذه الصفحة