بعد الاتصال على اكثر من عضو مجلس إدارة نقابة نفط الخليج .. تم تأجيل إعتماد صرف الزيادة حتى بعد تشكيل الحكومة .. هذا وسيشهد غدا احتمال قوي تقديم استقاله لبعض اعضاء مجلس إدارة نقابة نفط الخليج. اسباب تقديم الاستقاله الفشل في إيجاد حل لتنفيذ إقرار زيادة والوعود الكاذبه من قبل رئيس الموسسة
ليس الفشل من مجلس النقابة الحالي ولكن تم تحويلها من مؤسسة البترول الى وزير النفط لان رئيس مؤسسة حذر وحقاني ويمكن عن طريق الوزير يتم اقرار الكادر وكل تأخيره فيها خيره والصبر مفتاح الفرج .والنقابة تبذل مجهود ولازم نساعد الشباب في النقابة.
إذا المقصود باللى حوّل الأمور لوزير النفط هو (الشويّب) .. فأقولك عمر الشويب (الأخونجى) ماعطى كلمه صريحه ... تلاعب بالإتحاد ثم بالنقابه القديمه وهالحين جاء دور النقابه الجديده إذا يبى يحولها من البدايه ...ليش يعطلها أكثر من شهر بمكتبه إذا هالحجى صحيح ...معناته مافيه أى شى قبل شهرين على الأقل . هذا لو فيه شى ...... تظل الخيارات الأخرى كلها مفتوحه ونتمنى من أهل الخفجى اللى بالنقابه يشدون من أزر زملائهم مادام هذا ما أنتهت عليه الأمور
الشويب كل يوم بكلمه... و الحين بين انه قاعد يعطل الزياده كثر مايقدر...... و ما يبي يعطيها حق الخفجي... و بتحويلها الي وزير النفط... هذا دليل انه حاط عينه علي البدل الينزل من الوزاره و الوقت بيبين انه كلامي صح... والله بعد الخبر هذا الواحد ماله نفس يداوم... ما تسوه التعب كل يوم علي شركه ما اتقدر الموظفين و ماكله حقوقهم....
الاخ مغرم اما سمعت الاية الكريمة وإذا جاءكم فاسق بنبأ فتبينو عسى ان تصيبو قوما بجهالة فتصبحو على ما فعلتم نادمين اخوي مغرم كيف تقول ان اعضاء من النقابة قدمو استقالاتهم لا شك انك تحمل اخبار كاذبة وانا اتحداك امام جميع الزملاء
إزين على الأقل ال 120 يا جماعة ,,, هذه بعد ما فيها إنتو تشتغلون في الخفجي و مالكم ,,, هذه لكل كويتي !!!!!!! يعني شنو ما يعتبرونا كويتيين بعد !!!!!!
لا يا جابر انتو ناس كبار عيب الواحد يجند نفسه بس لعمل المشاكل واختلاق الاشاعات هذا صاحبنا مغرم انا تحديته انه يثبت الكلام اللي كتبه او يذكر المصدر اللي قاله او عضو النقابة اللي اسند عليه الكذبه يا اخي والله ما ضيع حقوقنا الا اننا نضعف بعض بالكذب والافتراء على بعض اتقوا الله وخلو الناس تشتغل عدل
لاتحاتى يانمر ..ماحنا باللى يأخذ الناس بالظن ..بس ياخوك ..الأشاعات راح تكثر فى غياب أى معلومه .. وربعنا أنت شايف بعينك ..الإجتماعين لولا العوضى مادرينا عنهم .. الشخص اللى يلف أعماله (بالسريه) لا يتشره على الناس إن ظنوا فيه الظنون ..حطوا شى يقطع دابر هالإشاعات لاتخلونها تنتشر وتتحول من إشاعات إلا أفعال ...وبعدين الجميع يخسرون .. قولوا شى ..معظم الناس محسنين الظن ..لكن يبون شوية دعم ومبرر حتى يستمرون بإحسان الظن وهذا مو مطلب عسير ..
اخ نمر بن عدوان.... وين الناس التشتغل؟؟؟؟؟ كل يوم يقلون بعد كم يوم.... اخوانه الموظفين بالقطاع النفطي نزلهم الزياده و عليهم بالف عافيه و احنه قاعدين انطر من الشركه.... النقابه لازم تاخذ موقف قوي... تستخدم كل الطرق حتي توصل للهدف... اكثر من الوقت هذا ما احد راح ينطر... اذا ما انزلت الزياده بالمعاش الجاي... شنو راح اتسوي النقابه... اخر اجتماع لهم مع الموظفين كان قبل تقريباً شهر و كان تعارف.... و من يومها ماكو اخبار... من حق الموظفين العلم بكل صغيره و كبيره من اعمال انقابه... شنو الشغل العدل الاتقول عنه؟؟؟؟
نمور يا نمور الى الزميل نمر انته منته ملاحظ ان الكل في المنتدى صاير ينتقد النقابة حتى الاخ مغرم من اشد المدافعين عن النقابة اليوم نراه يقول اسرار ولاول مره وهذا الكلام ما يعجبك يا اخ نمر لانه فيه سقوط للنقابة الله هم لا شماته
النقابة في غرفة العناية المركزة الاخ نمر ترى الاخ مغرم كان مع النقابة قلبا وقالبا وكان يشارك ويدافع عن النقابة اكثر منك ولكن بعد دخول النقابةغرفة الانعاش وعغدم مقدرته من اسعافها قام اعلن الوفاة الرسمية للنقابة وسوف يكون العزاء في الاحمدي بمبنى اتحاد عمال البترول الاخ نمر نرجى عدم وضع ايات قرءانية ومواعظ ليس لها محل من الاعراب انا اقول اعتكف بالمسجد احس لك ليحن وقت الانتخابات القادمة. وشكرا
