&&اي من الأطفال كنت &&

الكاتب : QPIC | المشاهدات : 484 | الردود : 6 | ‏19 مايو 2008
  1. QPIC

    QPIC بـترولـي نشيط

    97
    0
    0
    شركه القرين لصناعه الكيماويات البتروليه
    kuwait
    السلام عليكم ورحمة الله وبركاته



    كل واحد يدخل يقول اي من الاطفال كان؟
    بصراحه



    الطفل البريء

    في المنزل تجده حبوووب وطبيعي 100 %
    لكن مع دخوله المدرسة .. ( تنمحي ) شخصيته ..
    فتكثر الاصابات في وجهه .. لأنه مايدافع عن نفسه ..


    الطفل العنيد
    يطبق نظام البيت بالعكس .. يسوي اللي براسه ..
    مايخاف من الأب أو الأم .. لو قلت له هذا خطر لاتقربه .. عناد فيك يسويه ..
    يُــضرب كثيراً في طفولته .. ومع ذلك عنيد مايغير رايه ..




    الطفل الحنّـان


    يستخدم وسيلة الحنة لتلبية رغباته
    له نغمه خاصه في المنزل ..
    تلبى رغباته كـُرهاً .. يعانون اهله من الصداع المستمر ..



    الطفل المادي



    هذا الطفل ما يرد السلام الا ( بفلوس )..

    تعامله مع اهل المنزل .. مادي بحت ..
    يستخدمونه لتوصيل طلبات المنزل .. ونقل السوالف.. وكل شي بحسابه ..


    الطفل الفتّــان

    تجد عند هذا النوع جميع اخبار المنزل ..
    يجد المتعه في اذلال غيره بالفتنه عليه .. ماله خاتمه ..
    هذا الطفل حتى لو شريت سكوته بفلوس ..
    توقع تلقى اخبارك ثاني يوم في الصفحه الرئيسية .. في الجريدة الرسمية ..


    الطفل الدلوع

    هذا دلوع ماما وبابا .. يكرهونه باقي الاطفال لانه مرفه وشايف نفسه عليهم..
    تلبى رغباته قبل لا يطلبها .. شخصيته اتكاليه جداً ..


    الطفل العله

    يزعجك بأسئلته الي ماتنتهي .. يستفسر من كل شي .. حتى لو عطست ..
    قالك شلون عطست .. وليش عطست .. وشلون تكونت العطسه ..
    يحرجك احياناً .. ويمكن دائماً بأسئلته .. مره تجاوب عليه ومره تسفهه ..
    واكثر الاوقات ما تلقى اجابه لأسئلته .. لانك في الحقيقه تجهلها ..


    الطفل المتشرد

    هذا الطفل مستحيل يجلس في المنزل ..
    يعيش في الشارع اكثر من بيته .. خبره ودليل في كل ممر وطريق ..
    يعرف طول الشارع بالسنتيمتر .. من الممكن ان يصبح اذا كبر مهندس طرق ..


    الطفل الصريح

    يستانسون اهله على سوالفه .. فصيح جداً ..
    ويلقط العبارات والمفردات بسرعة مذهله ..
    يسبب احراج دائم لأهله .. من الممكن ان يقول كلمة بالغلط للضيوف او الاقارب ..
    يتميز احياناً بقلة الذووق والوقاحة اذا انفعل ..
    لا ينصح بأستفزازه ابداً ..


    الطفل اللزقه

    تلقاه مسنتر عند باب البيت .. محد يطلع الا وهو لازق معاه ..
    حتى الضيوف من الممكن تلقاه يلزق فيهم ويطلع معاهم ..
    يـُـضرب كثيراً .. وخاصه من اخوانه اللي اكبر منه .. او خواته ..
    لانه عباره عن رادار على طلعاتهم ..
    احياناً يضطرون يطلعون من نافذة المنزل للهروب منه ..
    ولكن للأسف يجدونه بانتظارهم في السيارة ..ويسألهم ليش تأخرتوا عليّ ..


    الطفل الهادي

    هذا الطفل ماله صوت ابد .. وين ما تحطه تلقاه ..
    احياناً يهملونه اهله .. لانهم ناسينه ..
    واحياناً يلقى اهتمام زائد من اهله ..
    لو يموت من الجوع ماتكلم ..
    في كثير من الاحيان تلقى اهله ناسينه بالسوق او عند الاقارب اثناء الزيارات . .



    الطفل القوي

    اهله دائماً في احراج و مشاكل مع الناس ..
    هرمون الاجرام مرتفع بنسبة عالية في جسمه ..
    في كل جبهة طفل في ( منطقتهم ) تلقى له أثر وتوقيع ..
    يمثل القائد والفتوه .. يهابونه الاطفال ..
    يتقرب منه الكبار ويتوددون له حفاظاً على سلامة اطفالهم ..
    __________________

     
  2. قطعة السكر

    قطعة السكر بـترولـي جـديـد

    25
    0
    0
    الطفل الدلوع

    هذا دلوع ماما وبابا .. يكرهونه باقي الاطفال لانه مرفه وشايف نفسه عليهم..
    تلبى رغباته قبل لا يطلبها .. شخصيته اتكاليه جداً ..


    اصلا لان مافي بالحضن الا انا وحيدتهم ولالالالالالالالالالالالازم اتدلع (واااااااااااااااااااااااااااااااااااوااااا):p

    بس كلش ماكو احد يكرهني ويقولون لايق لي اكون دلوعة الماما والباب
     
  3. MamLOoO7a

    MamLOoO7a بـترولـي مميز

    يسلموووووو على الطرح
     
  4. عبدالحميد دشتي

    عبدالحميد دشتي بـترولـي مميز

    782
    0
    0
    انا ولا واحد فيهم ينطبق علي شلون :D
     
  5. CatwomaN

    CatwomaN بـترولـي خـاص

    1,566
    0
    0
    Q8
    الطفل العنيد
    يطبق نظام البيت بالعكس .. يسوي اللي براسه ..
    مايخاف من الأب أو الأم .. لو قلت له هذا خطر لاتقربه .. عناد فيك يسويه ..
    يُــضرب كثيراً في طفولته .. ومع ذلك عنيد مايغير رايه ..

    هذا أناااااااااااااا زز كليييت طق من باباتيييي .. بل علاق .. بل اعقال .. بل واير .. هممم اللي يخطر على بالكم لول .. بس هم مجرمه طقيت يهال وايد
     
  6. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    اللزقه ------------> وعزالله كنت ناشب بالكل

    لاهنت ع الموضوع الطفولي
     
  7. Me2

    Me2 بـترولـي نشيط جدا

    189
    0
    0
    اممممم !!
    الاحمـــدي سيتي
    انا طفولتي مختطله بين هذيلا كلهم ..

    يعني هذيلا اليهال لو تجمعهم كلهم يطلعون انا وانا صغيره

    لووول حشى غرندايزر مو بنيه ..


    مشكور عالموضوع :)
     
جاري تحميل الصفحة...

مشاركة هذه الصفحة