اللعب على المكشوف!!!

الكاتب : الشيبة | المشاهدات : 1,590 | الردود : 35 | ‏15 مايو 2008
  1. الشيبة

    الشيبة بـترولـي نشيط جدا

    233
    0
    0
    يبون جمعية عمومية !!!! يعني شلون يعني !!!؟؟؟ يعني مثل ماتسون فينا إحنا نسوي فيكم !!!؟؟؟ والضحية بالنهاية مو إحنا !!! الضحية بالنهاية مو مصلحة العمال !!!!

    قلنها من قبل لا تصفون حساباتكم على طاولة مصالح العمال !!! عندكم شي بينكم وبين بعض حلو بره النقابة !!!

    أنا بفهم .. هل لهدرجة مستخفين بعقولنا ويعتقدون بانه مانعرف نمييز ونقول إن هذا الشي تصفية حساب ؟؟؟

    هل للدرجة يعتقدون بإنا سذج !!!؟؟؟

    وبعدين أي جمعية عمومية والنقابة يمكن ماصارلها شهرين؟؟!!! إنزين إذا تبون شي من النقابة ليش ما تجتمعون معها بالأول ؟؟؟!!!!
     
  2. جابر

    جابر قــلــم بــتــرولــي أعضاء الشرف

    هلا بالشيبه ..يا أخى صاير (جبريت) اليومين اللى طافوا .. :D
    مافيه عاقل ينفى إن أحتمال إن الكلام اللى تقوله صحيح ودوافعه مثل ماقلت ..:eek:

    لكن من محاسنه ...إن هالحجى بعد إسبوعين ..مو هالحين ...
    والشباب بالنقابه ..كان له موعد مع الشويب اليوم (ألغى أكيد) ..ويقولون متفائلين بالخير ...

    يعنى وجود الخبر عن (تجمع) أو (جمعيه) ...يمكن يشعل النار تحت الشباب حتى يتحركون بسرعه
    خلال الأسبوع الجاى ..ويبلغونا بشى قبل لاتطيح الفاس بالراس.

    أنت تابعت المناقشات على المنتدى وشفت الشخص (الوحيد) اللى كنا حاطين عليه أمل يتكلم ..إنسحب

    شنو الحل ..يقولون روحوا وأتصلوا ...والشباب راحوا وأتصلوا
    وأكثر من شخص بالمنتدى قال هالكلام ..ماكو نتيجه ..ماندرى شقاعد يصير ..

    تعتقد لو فيه شى (زين) ، الشباب اللى يدافعون ومنهم ناس (واصلين)، كان سكتوا
    كان جابوا المعلومه وحطوها ..وقالوا هذا شغل ربعنا ..أو حطوا (وعد) بتاريخ ..

    المعلومه السنعه الوحيده (مع الإحترام للجميع) كانت اللى جابها العوضى عن الإجتماع
    وربك ماكتب ..

    ماودى أحملك أكثر من طاقتك ..جرّب إنت معاهم ..يمكن تقدر تحل هالإشكال
    وتنزع فتيل هالأزمه ..اللى ماراح يستفيد منها أحد ..
     
  3. kolena fe el hawa sawa

    kolena fe el hawa sawa بـترولـي نشيط

    148
    0
    0
    الصراحه اخ جابر كل كلمه تطلع منك عسل و اسلوبك حلو و راقي.... احنه يبيلنه واحد مثلك بالنقابه.... :)
     
  4. jemi

    jemi بـترولـي نشيط جدا

    239
    0
    0
    احلى مافيكم كل واحد يطبل حق الثانى
     
  5. الشيبة

    الشيبة بـترولـي نشيط جدا

    233
    0
    0
    هلا جابر

    يعني ليه متى .... إفترض أن النقابة الحالية سقطت , وجت نقابة بعدها , وردت الحالية وطيحتها وهكذا دواليك الى ماله نهاية !!!!

    ياريت يا أخ جابر تتصل بالأخ فالح عسكر وتسجل معاه مكالمة وتنزلها بالمنتدى
     
  6. جابر

    جابر قــلــم بــتــرولــي أعضاء الشرف

    بسم الله الرحمن الرحيم ..
    ياقاعدين يكفيكم شر الجايين ..
    أنت شفت بكلامى يعيب علشان تهاجمنى ...

    المطبلين و(المرجفين) ..أنتم تعرفونهم ...

    ولوفيكم واحد ...(صادق مع نفسه) -
    مع إحترامى للناس اللى من نفط الخليج والزوار اللى عرّفوا من أى شركه هم..
    كان سأل ربعه ..وجاب العلم قبل لا يدخلنا بمهاترات .
     
  7. جابر

    جابر قــلــم بــتــرولــي أعضاء الشرف

    أدرى إنها زيادة مشاكل ...لو صار تغيير ..ممكن تتعطل أمورنا أكثر..
    لكن هم بعد مانقدر ننطر ..على معلومه ..على معلومه يالشيبه ..

    ما أعتقد شخصيا يردون على أى شخص ..وحتى لو ضغطت و (طلعت) خبر (مو رسمى) عنهم
    راح ينفونه ..ويضربون مصداقيتى فيه ...وبعدها الخساره لى تكون أكبر ...

    على هالأساس ..حنا نبى الناس (القريبين) منهم ..بنى عمهم ...اللى يدافعون عنهم ..هم اللى يجيبون الخبر

    بس هذولى (عارفين الطبخه) - محشوم طبعا - ويفضلون يهاجمونا على إنهم يحطون خبر مفيد ..

    لأن (الغالب) مافيه شى مؤكد ..ينطرون يمكن تجى بدون مطالبات وقتال ..حتى لايزعلون الإداره - الخفجى مو مهم

    أما سالفة التسجيل ...صعبه حيل ونا أخوك ..هو ماراح يرضى ..وإن سويتها (بدون مايدرى) صعبه بحقى ..
     
  8. نقابي 7*

    نقابي 7* بـترولـي نشيط جدا

    227
    0
    0
    [علما بان هذا الاجتماع لا يوجد فيه اي شي يشير الى طرح الثقة او حل مجلس الادارة هو مجرد لايضاح الموقف لاتحاد البترول ووضع آلية للتحرك بخصوص هذا الموضوع .

    يا اخوان
    يا اخي الشيبه
    كلامي الي فوق واضح ليس في الاجتماع اي شي يشير لطرح الثقة او حل المجلس
    هذا الاجتماع مجرد للتشاور وطرح الاراء على النقابة وتوجيههم للتحرك
    نتمنى من الاخوة بالنقابة تبني هذا الموضوع والمبادرة لاحتواء هذا الاجتماع /SIZE]
     
  9. الشيبة

    الشيبة بـترولـي نشيط جدا

    233
    0
    0
    جرب و أنا أخوك وسئله ( بإعتبارك المشرف الشرفي على هذا المنتدى ) : )
     
  10. jemi

    jemi بـترولـي نشيط جدا

    239
    0
    0
    قسم بالله محاسب عليه يوم القيامه ان ما تربطنى فى النقابه الحاليه اى علاقه او معرفه واقسم بالله انى حتى العسكر نفسه مااعرفه .... لكن انا شفت شى غلط حاصل وهو اللعب على العالم واثارة المشاكل وتطبيل للنقابه الى راحة وانت اولهم يا جابر شخص للاسف ماعندك مصداقيه تدرى ليش لتحيزك للنقابه الى راحة ولا تقول حقوق الموظفين تبى حقوق الموظفين اتصل على العسكر نفسه واسئله ثم اكتب هنا شنو قالك لكن انت ما تقدر تدرى ليش لان لك اهداف ثانيه والله العالم فيها.... ما اقول غير عيب عليكم والله واطلب من اخوانى الموظفين ان ينتبهو من امثالكم الذين يبحثون عن مصالحهم ومصالح ربعهم.
     
  11. الشيبة

    الشيبة بـترولـي نشيط جدا

    233
    0
    0

    طيب يا نقابي

    ليش ما يتم الإجتماع بالأول مع النقابة وبعدين يصير خير
     
  12. نقابي 7*

    نقابي 7* بـترولـي نشيط جدا

    227
    0
    0
    والله يا طويل العمر انا بينت ان النيه صافية وقلت في كلامي اتمنى من النقابة ان تبادر وتحتوي هذا الاجتماع وهي التي تدعو له وتتشاور مع قاعدتها العمالية ولا تدع الحبل على القارب
     
  13. على الدنيا السلام يا نفط

    على الدنيا السلام يا نفط بـترولـي نشيط جدا

    328
    0
    0
  14. الشيبة

    الشيبة بـترولـي نشيط جدا

    233
    0
    0
    يا نقابي قيم الحجة على النقابة الحالية وبعدين صعد الموضوع ,,, إتصل فيهم وقول لهم نبي نجتمع وياكم علشان نحط النقاط ع الحروف , فإذا رفضو ذيج الساعة تكون أقمت الحجة عليهم ...

    يا جماعة تكفون نبي الإستقرار , ترى ورانا مطالب كثيرة
     
  15. جابر

    جابر قــلــم بــتــرولــي أعضاء الشرف

    ماكو فايدة نفس العقليات ...
    أى شخص مو معاى ..يعتبر عدو ..
    ماتوزن المشاركات...شخص يهاجم ربعى ، يهاجم (اولادعمى) ..عدوى
    ماتوزن الأفكار ...شخص يدافع عن ناس (ما أحبهم) و (ماشتهيهم) ..عدوى ..

    ماراح أتكلم عن القسم ..إنت مسئول عنه ..
    مثل ماكل واحد مسئول عن أى كلمه قالها هنيه فى المنتدى


    لكن تناقض عجيب فى الأفكار ...يعطينى فكره أكبر عنك

    تقول ماعندى مصداقيه ...لأنى مع النقابه السابقه ..
    وبعدين تطلب منى اكلم العسكر ..وأنقل هالحجى على بالمنتدى ..

    أنا هالحين ..أرد وأشارك ...مو أنقل الأخبار...
    ومو خالص منك ومن ربعك ..هالنوب تبينى أنقل أخبار وعن العسكر ..:mad:

    أما العيب اللى ذكرته ياجيمى ..فما يجى الا من (أهل العيب) ..وحنا أكبر وأعلى من هالسوالف
    أما (إخوانك) الموظفين ..كل عقله برأسه مالى ولا لك وصايه عليه ..
    لا تقدم هالنصايح المغموسه باللى فى الضماير ;)
     
  16. جابر

    جابر قــلــم بــتــرولــي أعضاء الشرف

    الشيبه تعتقد فعلا إن النقابه ..مالها أى إطلاع على المنتدى وتعرف شاللى يصير فيه ..;)
    ترى حتى من الخفجى يدخلون على المنتدى ..
    تعتقد إن مافيه ناس تروح للشباب وتقول (إذا ماتدرون ) تراكم (تشلختوا) بالمنتدى ...
    يدرون بس مو هامهم ...إلى الأن كل اللى يصير مجرد كلام ..
    وهم وضعهم قانونى مو مجبورين يردون على أحد

    النقابه وحدها..بيدها تنزع الفتيل ...

    الحاله الوحيده ..اللى تخلى النقابه تتجاهل (شغله خطره) مثل هذى ..هو إنه ماعندها شى (أكيد ورسمى)تقدمه ..

    ليش مايبون يحطون (اى شى ) فى المنتدى ..لأنه سجّل يالشيبه ..محد يقدر ينكره لو بعد سنتين ;)

    يعنى أى إبرة تخدير ..وأى معلومه مو صحيحه ..راح تظل شاهد على صاحبها مده طويله

    الحل الوحيد بيد النقابه ...
     
  17. الشيبة

    الشيبة بـترولـي نشيط جدا

    233
    0
    0
    طيب مادهم على قولتك يطلعون على المنتدى , شنو المطلوب منهم يا جابر ,,, عطنا 3,2,1
     
  18. ابوحمد

    ابوحمد بـترولـي نشيط جدا

    224
    1
    18
    السلام عليكم

    كل الكلام اللي في المنتدى لف ودوران ماله داعي كل يوم ينعاد مليون مره ونفس الاشخاص تعيده ماعندها شي جديد تقوله اللي معا النقابه الحاليه يدافع وتعتبر حريه راي

    واللي ضد النقابه وقاعد من تحت لتحت يلسع عشان ماله احد من عيال عمه في النقابه ولو كان له احد والله العظيم ماتلقى له صوت ضد النقابه ولا يقول شي نهائيها بس تلقاه يلمع ويبقى حريه راي ايضا


    الكل يدور على مصلحته والصوره واضحه لاتقول انه فلان هامته المصلحه العامه مو صحيح نهائيا


    ولاننسى اللي كان موعود بان يكون عضو نقابه وراحت عليه ومات قهر وقعد يلف يودور في هالمنتدى ماباقي الا يقول ياحسرتي راح الكرسي .



    الكل يدري عن الزياده انها جايه
    والكل يدري بما يدور في النقابه ومواعيدها واجتماعاتها ويقدر يتصل وتوصله الاخبار لكن يصد عنها وكانه يقول مابي اسمع ولا اعرف بس ابي اثير الفتنه واكثر الكلام عشان تكره الناس النقابه الحاليه ونحاول نوصل احد من عيال عمنا للنقابه




    بعض الاخوان اللي كلامهم كثير عن النقابه وتقصيرها وانها صار لها وقت طويل من استلمت واللي هو ماتجاوز شهرين لما طلع الاخ رادار تو بعض الحقائق انه مطالبات الموظفين نايمه بالشؤون من عام 2006 عليها غبار صار لها سنه واكثر طلع المطبلين لا هذا مستند سري ومايجوز انك تتكلم عنه

    وجاي تتكلم عن نقابه ماصار لها شهرين

    ياخي خاف الله تضحك على منو


    اقول لاتضحك علينا انت وربعك هذي حقيقه كان المفروض انه يدري عنها جميع الموظفين وهنا تزال الاقنعه عن الوجوه المطبله لاشخاص وليس لمصالح عامه
     
  19. جابر

    جابر قــلــم بــتــرولــي أعضاء الشرف

    المذن أذن ..بس على السريع ..نفس اللى طلبناه من (عايض العازمى) ، شغلتين
    والباقى مومشكله ...كله ينطر ...حتى العقود....مو أولويه هالحين

    الكادر والزياده ..شنو سووا فيهم ..وشنو قالولهم ..غير كلمة، خير إن شاءالله ..
    قضايانا اللى صدر فيها حكم ..منو يتابعها..وهل فيه عقبات على تنفيذها ، ومتى تنفيذها

    وسلامتك ...
     
  20. جابر

    جابر قــلــم بــتــرولــي أعضاء الشرف

    شفنا الأتهامات ...بس مو وقتها هالحين ..نرد عليها شوى ...
     

مشاركة هذه الصفحة