عيادة العيون

الكاتب : أبو خالد | المشاهدات : 1,056 | الردود : 12 | ‏30 أكتوبر 2007
  1. أبو خالد

    أبو خالد بـترولـي نشيط

    129
    0
    0
    محاسب
    الكويت
    الحين استانسنا يوم حطولنا جهاز العلاج الليزك

    ورحت مع اللي راحوا عشان اسجل اسمي في قائمة الانتظار (شهر يوليو)
    المهم : قالوا لي العمليات راح تبلش من شهر 9، واذكر كان رقمي 686 تقريبا. ما تضايقت من ضخامة الرقم لأن الموظفة قالت لي العملية ما تاخذ اكثر من 15 دقيقة ؛ قلت بيني وبين روحي : اكيد راح يمشي الدور بسرعة

    اليووووم اتصلت بالعيادة قالت لي الفلبينية شفيك مستعجل تو الأرقام بخانة ال 200 ؛.... شنووو !!!!!!!!

    في واحد من الموظفين قالي ان الواسطات (من المدراء ورؤساء الفرق) مقزرينها - أخو ي بنت اختي ولد خالتي . . الخ- واللي ماسك دور له الله ينطر


    ابي اعرف هذول متى يكفون عن سوالفهم؟؟؟ ما خاست ريحتهم من تذاكر المركز العلمي والاكوابارك والحين بعد جايين يكملون مصاختهم؟؟
     
  2. dehen_3ood

    dehen_3ood بـترولـي خـاص أعضاء الشرف

    لام الله إللي يلومك يا أبوخالد

    الواسطه !!

    مثل الدرل ينخر بالطوفة ومثل السوس ينخر بالضرس
    متشربة بكل مكان وفي شتى المجالات
    والعبد الفقير لله لاحول له ولا قوة !!
    إنزين ليش ياربي مالنا رب؟
    وليش ما يحترمون الدور ؟
    أكيد الكل بيوصل له الدور !! ليش يستغلون مناصبهم ومكانتهم لتسهيل أمورهم ومصالحهم؟
    والله شي يحر ويبط الجبد !!
    شتسوي يا خوي بعد اصبر ومن الله الفرج
     
  3. المهندس

    المهندس بـترولـي خـاص

    1,305
    8
    0
    ازيدك من الشعر بيت - الشركات الثانيه قاموا يمشونهم علينا - رفيج اخوي في الكي ام بي سي سوواها مع انه كان مسجل في شهر 8 :) وفي ناس مسجلين قبل سنه ماياهم الدور

    والله عيب
     
  4. الولدالذهبى

    الولدالذهبى بـترولـي نشيط جدا

    192
    0
    0
    النظاره زيييينه
    ما تشوف شر
    :)





    وبس
     
  5. زهرة التوليب

    زهرة التوليب بـترولـي خـاص

    مواعيد العيون بروحها أي شي
    فما بالك بالعمليات !!!

    اقرب موعد تحصله بعد 4 شهور
    اللي يقول حدهم مزحومين !!!

    انا كنت محتاجه اسوي عمليه بعيني
    وعطوني موعد حق العمليه بعد 3 شهور !!
    قلت لهم ليش ما تنطرون لما انعمي بعد ؟؟

    وعطيتهم طاف ورحت مستشفى العدان بواسطه دشيت من غير رقم ولا ملف ولا شي
    لأني مو تابعه لهلمستشفى بس الواسطه كل شي تسوي وسويت العمليه اللي ما اخذت اكثر من 15 دقيقه وطلعت

    ولا انطر موعد عمليه عقب 3 شهور !!!
    شدعوه مقدمه على بيت ؟؟
     
  6. أبو خالد

    أبو خالد بـترولـي نشيط

    129
    0
    0
    محاسب
    الكويت
    يبا مو شرط يكون اللي يشتغل على الجهاز يكون اختصاصي

    لين يوصل دوري يكون اخذ خبرة على ال 600 اللي قبلي واجي وانا متطمن :)
     
  7. BG. 1

    BG. 1 موقوف

    489
    0
    0
    منتظر الترقية
    البيت ماخلص
    حبيبي مساك الله بالخير

    الأرقام السابقة ودوهم علاج بالخارج

    ههههههههههههههههههههههههههههههه
     
  8. كويتي

    كويتي بـترولـي نشيط جدا

    يعني خرابنا منا و فينا؛ الواسطة و المحسوبية ما راح توقف إلا إذا إحنا وقفنا؛ و المشكلة صارت مثل مسألة البيضة و الدجاجة؛ منو اللي قبل ؟

    و على راي عبدالحسين عبدالرضا (بوعليوي)

    " أنا كنت قدوة؛ شفت محد يمي قلبت "

    الله المستعان؛ و ألف لا باس عليج إختي؛ عقبال البيت ....​
     
  9. مواق

    مواق بـترولـي مميز

    501
    0
    0
    في المستشفيات الحكومية هناك اولوية لذوي الاحتياجات الخاصة والمعاقين وهو عمل يشكرون عليه ..
    فلماذا لا تعطى أولوية للموظف للمراجعات والمواعيد . اتمنى ان طرح هذا الموضوع من النقابات لإدارة مستشفى الشركة .
     
  10. h2s

    h2s بـترولـي نشيط

    54
    0
    0
    الله يسامح هالناس الي ماكليين ابسط حقوقنا الي اهي العلاج وانشالله يارب يشوفونه بعافيتهم قولوا امين
    وياريت يا اختي زهرة التولب تشوفين لنا واسطة حق العدان لأن عيوني راحت وقربت انعمي من العدسات اللاصقة
    ;)
     
  11. كلمـ ولو جبر خاطر ـه

    كلمـ ولو جبر خاطر ـه بـترولـي نشيط جدا

    357
    0
    0
    خلها على الله يابو خالد انا كانت عيني تعبانه قالولي لازم تزرع قرنيه بس احنا ماعندنا وما ندز بره

    ويوم سويتها على حسابي قالولي شحقه ما قلتلنا ندزك على حسابنا


    وانا انصحك تسويها بره ترا صارت رخيصه ولا ذلتهم

    وعسى الله يشفيك يابو خالد
     
  12. أبو خالد

    أبو خالد بـترولـي نشيط

    129
    0
    0
    محاسب
    الكويت
    بشرى للناس اللي بالها طوييييييييييييييييييييييييييييييييييل


    ترا تم ايقاف كل عمليات الليزك لعاية يوم 02/01/2008
     
  13. المشاكس

    المشاكس بـترولـي خـاص أعضاء الشرف

    998
    1
    0
    والله انا اقول العدسااااااااااااااااات وايد احسن .... على الأقل عيونك كل يوم لون ..... :)

    يقول المثل ....حط فلوسك بالشمس وأقعد بالظلال ......

    مالك غير الخاص ياولد الحجيه .....
     
جاري تحميل الصفحة...

مشاركة هذه الصفحة