أراضي الخفجي... من عنده خبر؟

الكاتب : حاطب ليل | المشاهدات : 2,255 | الردود : 18 | ‏12 مايو 2008
  1. حاطب ليل

    حاطب ليل بـترولـي نشيط جدا

    213
    0
    0
    يا شباب
    على ما يطلع الخبر يوم الخميس إن شاء الله
    عندي موضوع
    بس استثماري هالمرة
    اللي يلاحظ يلقى الخفجي مقبلة على فترة نمو غير مسبوقة
    تجديد الكورنيش
    الزراعة
    الاخبار اللي اتحاذف عن فندق الفور سيزن
    المطار
    وغيرها
    مما يدل على تطور في أسعار الأراضي
    وبناءاً على ماسبق
    من عنده خبر عن أراضي الخفجي؟
    شروط تسجيلها باسم كويتي؟
    وشهني المواقع الجيدة؟
    واللي يعرف له مكتب زين وناصح لايبخل علينا
     
  2. جابر

    جابر قــلــم بــتــرولــي أعضاء الشرف

    للأسف ..ما أقدر أفيدك بهالموضوع ...بس الشباب ماراح يقصرون ..إن شاء الله
     
  3. حاطب ليل

    حاطب ليل بـترولـي نشيط جدا

    213
    0
    0
    ألف شكر
    والبركة بالشباب
     
  4. خفجاوي

    خفجاوي بـترولـي نشيط

    84
    0
    6
    فعلا أخوي حاطب ليل, من فترة وآنه أسمع أخبار تتردد عن هالموضوع و الأكيد إنه في شئ قادم ومضاهر النمو والتطوير في الخفجي ظاهرة للعيان. عموما وصلني مسج قبل يومين من شركة عقارية كويتية ومضمون المسج هو (سارع بحجز أرضك في أول مشروع بالخفجي للشركة), ممكن يكون عندهم معلومات أو يفيدونك بشي.
    ملاحضة: لم أذكر اسم الشركة مراعاة لقوانين المنتدى...
     
  5. HaZzAa

    HaZzAa بـترولـي نشيط

    72
    0
    0
    K G O
    KuWaIt
    حيــااااك الله أخوي الكريم // حاطـــب ليــــل ..

    و ما تفضلت به صحيح ..

    هناك بعض أسعار العقار تضاعفت بالخفجـــي ..

    و أنا أدلك على كم واحد معانا بالشركة .. عندهم اهتمامات في هالموضوع ..

    و يشتغلووون في العقــار ,,

    أرسل لك عالخاااص أرقام تلفوناتهــم النقالــه ..

    و بالتوفيــق إن شاء اللـه ..
     
  6. حاطب ليل

    حاطب ليل بـترولـي نشيط جدا

    213
    0
    0
    ألف شكر يا خفجاوي ويا هزاع
    وما قصرتوا
    أخوي خفجاوي لو ترسل لي على الخاص الشركة ورقم تلفونها
    إذا ما يتعارض مع قوانين منتدانا
    في انتظار بقية الشباب
     
  7. عمليات الخفجي

    عمليات الخفجي بـترولـي نشيط جدا

    349
    13
    18
    بالنسبه لي انا كمستقر بالخفجي ..

    الاراضي بارتفاع عام وراء عام .. الحق على نفسك الحين

    الارض بحدود 100 الف مساحتها 600 متر ارض سكنية

    اراضي تجارية تلقاها بحدود 600 الف مساحتها 1500 متر تقريبا على الشوارع الرئيسية تلقاها

    المكاتب في مكاتب واجد منها مكتب الاندلس يوجد بشارع البلدية وفي مكتب رمال وزهور >> اقدم مكتبين بالخفجي

    وعندهم كل شي ومعروفين معرفة كاملة

    تسجليها باسم الكويتي يصير عادي ولا في مشاكل بس الشروط ماعرفها بمكانك الذهاب للمحكمة ويعلمونك



    اتمنى اني افدك .. بالي تبيه ..

    تحياتي
     
  8. كويتي999

    كويتي999 بـترولـي نشيط

    137
    0
    0
    ياشباب انا سالت قالو لو الكويتي يقدر يشتري ارض
    بس مايقدر يبيعها الا بعد فترة اعتقد 5 او 3 سنوات
     
  9. حاطب ليل

    حاطب ليل بـترولـي نشيط جدا

    213
    0
    0
    ألف شكر يا عمليات الخفجي
    معلومات مهمة وقيمة
    خاصة بالنسبة للمكاتب
    الله يجزيك الخير
    الأخ كويتي 999
    آنا إن شاء الله راح أمر المحكمة باكر
    وأتأكد من شروط تسجيل الأراضيي باسم كويتيين
    وأنزلها على الصفحة
     
  10. جابر

    جابر قــلــم بــتــرولــي أعضاء الشرف

    نسبق الجميع ، و نقول جزاك الله خير ياحاطب ليل مقدما
     
  11. بوشهري

    بوشهري بـترولـي نشيط جدا

    167
    0
    0
    السلام عليكم

    الاخ السائل

    الاستثمار في الخفجي شى جميل يستحق الالتفات اليه ... بس حاليا موسم حصاد يعني بيع اذا عندك ارض ... الاسعار ارتفعت بنسبة 500% و هذا ارتفاع جنوني بالفتره السابقه ... نصيحتي لك انك تتريث و تصبر عن الشراء الان خصوصا الاراضي اللي اسعرها فوق 150 الف .. الا اذا لقيت شى رخيص ...

    التسجيل باسم كويتي يحق لك تسجل الارض باسمك ككويتي بس لازم تروح الرياض لتسجيلها و لا يحق لك بيعها الا بعد اربع سنوات ...

    و لا يجوز لك شراء ارض تجاريه يعني على الشارع العام .. لانها مخصصه فقط للسعوديين ... مثلا على شارع ال 60 و ال 40 و الخ ...

    لا تتسرع بالشراء الاراضي كثيره و محد رفع الاسعار هناك الا الكويتيين ... و المكاتب العقاريه يدورون الكويتي دواره .. لا يغرونك بالكلام المعسول و التشويق بالشراء .. خلك فطين معاهم ... و اسأل قبل الشراء حتى يقال عنك مجنون ... افتر على كل المكاتب و لا ضير في سؤال الاخوان اهل الخفجي اللي يشترون لانهم اكثر خبره مني ...

    ملاحظات هامه ...

    الكويتي لمن يجي يسجل الارض باسمه في الرياض يجب عليه ان ياخذ ورقه من ادارة الجنسيه في الفروانيه اذا كانت جنسيته مو اولى ... تاسيس :)

    ادري نظام متخلف بس شنو تسوي لازم تتبع قنوانينهم :)

    و تقدر تدفع فلوس لمندوب يروح عنك الرياض يسجلها لك بوكاله على الارض بقيمة 1000 ريال

    اتمنى لك التوفيق ...

    اخوك بوشهري
     
  12. نوبطشي

    نوبطشي بـترولـي نشيط

    68
    0
    0
    اشوف الكويتين طايحين شرى بالخفجي ليما طيرو اسعار الاراضي واللي بالفين قبل سنه صارت بعشره الاف دينار
    الحين الاراضي في الخفجي في ارتفاع واسعارها تتفاوت من 50 الى 500 الف اذا كان بحي الشاطئ مقابل البحر واهل المكاتب العقارية يفرحون اذا شافو كويتي لان ماعنده خبره بأسعار الاراضي ويقدرون يقصون عليه ويلبسونه العمه.. اذا تبي تشتري انتظر فترة الركود ونزول الاسعار واذا لقيت شي رخيص علمنا علشان نشتري معاك :) مع تمنياتي بالتوفيق
     
  13. حاطب ليل

    حاطب ليل بـترولـي نشيط جدا

    213
    0
    0
    الله يجزيك الخير يا بوشهري
    كان يدور في بالي شي قريب من كلامك
    بس زخم الكلام عن الربح والشغل الحامي
    ألهاني وتصدق
    لولا كلامك اللي مبين إنه على قدر عالي من إرادة الخير لاخوانك
    كنت على وشك اتمام اوراق بيعة أرض
    ما بينت للدلال إني معزم عليها بس فعلا كنت معزم
    ألف شكر
    والأخ نوبطشي
    حاضر أعطيك خبر ونتشارك فيها
     
  14. على الدنيا السلام يا نفط

    على الدنيا السلام يا نفط بـترولـي نشيط جدا

    328
    0
    0
    يبى امس حاطين اعلان في جريدة الوطن عن اراضي للبيع في الخفجي
     
  15. حاطب ليل

    حاطب ليل بـترولـي نشيط جدا

    213
    0
    0
    أعتذر شباب على التأخير في الرد
    بس لأني يوم الثلاثا رحت مع ولدي للمواساة
    الحمد لله
    ويوم الأربعء صارت فيني خوش دقة
    نمت مبكر
    قعدت ورحت الدوام
    يوم وصلت البوابة
    بوابة الشركة
    قال لي الموظف
    توه طلع تعميم مافي دوام اليوم
    تشكرت منه
    ورحت المكتب
    كملت بعض الاشغال
    وطلعت بالعشر
    مريت المحكمة
    هقيت إني بالقى شي مطبوع
    ماكو
    سألت الموظفين من واحد لي واحد
    طلع الشرط المهم المساحة 3000
    أو ثلاث بيعات ( الموظف مو متأكد من هالشرط )
    وإنها ما تكون تجارية
    ولا تبيعها إلا بعد 4 سنوات ( الموظف مو متأكد 3 والا 4 سنوات )
    إذا بنقارن
    نلقى كلام أخونا بوشهري أضبط من كلام موظف المحكمة
    آسف
    لأني ما قدرت أوصل لمعلومة جيدة بس هذا الموجود
     
  16. جابر

    جابر قــلــم بــتــرولــي أعضاء الشرف

    ماتشوف شر ياحاطب ليل ، و يعطيك العافيه
    بينك وبين بوشهرى ثبتت الرؤيا
     
  17. حاطب ليل

    حاطب ليل بـترولـي نشيط جدا

    213
    0
    0
    الشر ما يجيك أخوي جابر
    ولا يهونون الشباب
    والشكر موصول للشباب
     
  18. المظلوم وضح النهار

    المظلوم وضح النهار بـترولـي جـديـد

    22
    0
    0
    ان كنت مستثمر فلا ا صحك بالاقتراب من العقار لأن العقار ها ليومين ثابت وغير متحرك والعالم متمسكه باسعارها القديمه


    اما ان كنت ناوي تشري الارض للسكن فبادر من الان ولا تتأخر وتسجيلها بإسم كويتي عادي

    واحسن اراضي في عشيرق ((المحمديه))

    واتمنى لك التوفيق
     
  19. ماني مطول

    ماني مطول بـترولـي جـديـد

    8
    0
    0
    شباب بعض المخططات السكنية الجديدة بالخفجي ارضها عباره عن سبخه (أو إصبخه) و مو مرغوبه كلش

    فاللي ناوي يشتري، لازم يتأكد من هالشغله .......... ان الارض مو إصبخه
     
جاري تحميل الصفحة...

مشاركة هذه الصفحة