ماجلت البيت منو يشتريها

الكاتب : المحترف33 | المشاهدات : 1,307 | الردود : 29 | ‏11 مايو 2008
  1. المحترف33

    المحترف33 بـترولـي مميز

    676
    0
    0
    السلام عليكم ورحمه الله وبركاته

    شرايكم اندش في خصوصياتكم شوي بس؟؟؟

    منو يشتري ماجلت البيت الزوج افضل او الزوجه او الخدامه


    ومتي الوقت المناسب في شراء الماجله البيت


    وهل الشراء يكون افضل اسبوعي او شهري او كل 3ايام


    ومنكم نستفيد :)
     
  2. dehen_3ood

    dehen_3ood بـترولـي خـاص أعضاء الشرف

    وعليكم السلام ورحمة الله وبركاته

    من الأفضل ان الزوجة هي إللي تهتم بـ ماجلة البيت لأنها أدرى شنو إللي موجود وشنو إللي ناقص
    بس الزوج اهو إللي يدفع :p .. وبالنسبة لوقت الشراء !! على حسب الحاجة !! في شغلات تنشرى كل 3 أيام أو اسبوعياً وفي أشياء شهرياً ..
    أما أفضل وقت للشراء بالنسبة لي بالصباح الباكر
    المهم في الموضوع الموازنة مابين الصرف والحاجة للشراء
     
    آخر تعديل: ‏11 مايو 2008
  3. الجوهرة

    الجوهرة بـترولـي خـاص أعضاء الشرف

    3,136
    1
    0
    يعطيك العافية أخوي على الموضوع

    بالنسبة لي آنا وزوجي كل شهر إنجيل البيت وشي طبيعي البيت ما يخلص من التجييل إن كان كل أسبوع أو كل 3 أيام وخاصة إلي عندة اطفال 24 ساعة والوقت المناسب باليل بالنسة لي أحسن وقت لأني أحب الهدوء أما بالنسبة للخضرة لا زوجي إهوا المسؤول عنها لأني ما أحب أدخل سوق السمج ما أحب ريحته .

    تقبل مروري
     
  4. Workers

    Workers إدارة المنتدى

    7,767
    30
    48
    ذكر
    الكويت
    السلام عليكم



    اخوي المحترف سالفت ومنكم نستفيد :) ماتمشي علينا ابدا بنفسك ولا تقول عزابي :D
     
  5. HUMMER

    HUMMER بـترولـي خـاص

    انا افضل المراه في اخذ ماجلت البيت لانها ابخص بنواقص المطبخ
     
  6. المحترف33

    المحترف33 بـترولـي مميز

    676
    0
    0


    صحيح اختي دهن عود اهم شيء الموازنه بين الصرف والحاجه

    كلامج ميه ميه ولا فراخ الجمعيه
     
  7. المحترف33

    المحترف33 بـترولـي مميز

    676
    0
    0

    انا قبل مثلج كل شهر بس انصحج خلي الماجله كل اسبوع

    افضل لعدت اسباب اكيد الكل عارفها ~~~~توفير+الصلاحيه +واشياء كثيره

    وشاكر مرورج
     
  8. المحترف33

    المحترف33 بـترولـي مميز

    676
    0
    0


    همر شخبارك قول الصج شكلك مالك خلق تروح الجمعيه:D
     
  9. المحترف33

    المحترف33 بـترولـي مميز

    676
    0
    0

    والله يااخوي ابحاول افهم شنو كاتب وماعرفت ْ~~~شتقصد
     
  10. كي او سي

    كي او سي بـترولـي خـاص أعضاء الشرف

    الله يعطيك العافية المحترف

    موضوع جميل لتغيير الروتين الموجود في المنتدى

    انا افضل الزوج هو اللي يجيل البيت لان الحريم يشترون اشياء مالها داعي وفي النهاية يا تلقاها في الزبالة اعزكم الله او منتهية ومحد استعملها

    واحسن وقت في الليل بعد الساعة 10 تلقى الجميعة نوعا ما هادئة وما فيها زحمه

    وبالنسبة لي اجيل البيت حق شهر جدام ولكن كل جمعه ايضا اذهب للجميعة لسد النقص الموجود وخاصة اذا كان عندك اطفال
     
  11. MamLOoO7a

    MamLOoO7a بـترولـي مميز

    مشكوووووور اخوي على الطرح المفيد

    بالنسبه لي أنا وريلي انجيل البيت شهرياا طبعااا على الساعه 11 او 12 بالليل علشان الزحمه وناخذ راحتناا :) وطبعاا الخضره ريلي يجيبهم الصبح

    وطبعاا لازم الروحه للجمعيه كل جم يوم
     
  12. المحترف33

    المحترف33 بـترولـي مميز

    676
    0
    0

    يقول كي اوسي الحريم يشترون اشياء مالها داعي وفي النهايه تلقاها بالزباله

    شرايكم صحيح كلام كي اوسي والا لا يا الجنس الناعم~~~~;)
     
  13. الجوهرة

    الجوهرة بـترولـي خـاص أعضاء الشرف

    3,136
    1
    0
    آنا أخالفك الراي يا كي او سي:rolleyes:

    أصابعك مو سوى يا خوي آنا أهم شي عندي أجيل بيتي وأشتري حق عيالي إلي يبون ومن ناحيتي آنا آخذلي مستلزماتي الظرورية فقط هذا رايي الشخصي صراحة;)
     
  14. Workers

    Workers إدارة المنتدى

    7,767
    30
    48
    ذكر
    الكويت
    السلام عليكم

    الازرق ردي والاسود موضوعك

    المشاركة الأصلية كتبت بواسطة المحترف33
    السلام عليكم ورحمه الله وبركاته

    شرايكم اندش في خصوصياتكم شوي بس؟؟؟

    موضوع عبارة عن 3 اسئلة وانا جاوبت 3 اجوبة

    س1-منو يشتري ماجلت البيت الزوج افضل او الزوجه او الخدامه

    ج1-الزوجة ترسل مسج بالطلبات واجيبها بكل سرور



    س2-ومتي الوقت المناسب في شراء الماجله البيت

    ج2-آخر الليل احسن وقت



    س3-وهل الشراء يكون افضل اسبوعي او شهري او كل 3ايام

    ج3-الحاصل معي كل 3 ايام


    ومنكم نستفيد :)

    ننتقل حق الغشمرة وآخر مشاركة لي في مواضيع محترف 33


    اخوي المحترف سالفت ومنكم نستفيد :) ماتمشي علينا ابدا بنفسك ولا تقول عزابي :D





    اقصد من كلامي هذا كل خير لاتروح بعيد !! انت كتبت موضوع وكان بودي انك تبدا بنفسك وحطيت لك :D

    علامة غشمره وضحك ومادريت انك مالك خلقي من الاساس ولا مابديت مشرفنا الكريم همر قبلي بالرد

    وانا مشارك قبلة هذي الاصول اللي نعرفها..



    ياخي حتى كلمة طيبة منك كمجاملة على الاقل

     
  15. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    كنا نجيل البيت كل أول شهر ناخذ كل شي و نحتاج لروحة الجمعية للنواقص و الخبز و التوست و الحليب

    إكتشفنا إنه كل ما ندش الجمعية حق النواقص يطلع عايدي على المصرف

    فالحين ما في روحة رئيسية للجمعية مالت اول الشهر

    الحين روحة النواقص مستمرة و ننوع مرة من الجمعية مرة من مراكز التسوق سلطان ، كارفور ، ستي تنكر

    فضلت اعطي للمدام مساحة فخليتها تييب النواقص من الجمعية و خليت مهمة اللحم و السمك علي

    و بصراحة موضوعك حلو و لطيف جدا يا المحترف
     
  16. Civil

    Civil بـترولـي جـديـد

    26
    0
    0
    السلام عليكم....محترف بطريقة اخرى!!

    صحيح كلامك يا 33 انها خصوصيات


    فطالما هي خصوصيات فما شأنك تبحث عن معرفتها وانت لاتشارك فيها سوى بالتعليق !!
     
  17. dehen_3ood

    dehen_3ood بـترولـي خـاص أعضاء الشرف


    والله الصراحة ساعات تحصل نشتري شغلات مالها داعي او تكون موجوده أساساً عندنا وغالباً مو أغراض الجميعة او ماجلة البيت :rolleyes:
     
  18. المحترف33

    المحترف33 بـترولـي مميز

    676
    0
    0


    تبين الصج انا لحد ما اختلف معك و اتفق مع كي اوسي في راْيه ولكن لااعمم كل الزوجات


    انا اعتقد ان الاكثريه من الزوجات في اسراف نوع ما سواء اذا راحو السوق اْو الجمعيات التعاونيه


    تعتقدون ليش :cool:
     
  19. المحترف33

    المحترف33 بـترولـي مميز

    676
    0
    0
    سامحني يازميلي العزيز والله مااقصد

    ولك مني كل محبه وتقدير

    اما باالنسبه لي انا كل يوم جمعه بعد الغدا اروح تكون فاضيه الجمعيه

    واخذ معاي الطباخه (حسافه تبي تسافرشهر 8) وبعدين اجيل عربانتين

    وطبعا كل شيء مرتفع بعدين اروح البيت وانزل من السياره

    ونزل الماجله وبس وسلامتكم
     
  20. المحترف33

    المحترف33 بـترولـي مميز

    676
    0
    0

    ومنكم نستفيد اخوي عبدالله

    وشاكر مشاركتك:)
     
جاري تحميل الصفحة...

مشاركة هذه الصفحة