تذكرون ؟؟ لمواليد الثمانينات وتحت فقط :)

الكاتب : الجوهرة | المشاهدات : 2,255 | الردود : 60 | ‏9 مايو 2008
  1. الجوهرة

    الجوهرة بـترولـي خـاص أعضاء الشرف

    3,136
    1
    0
    وطبعا مواليد الخمسينات داشين معانا بالحسبه


    تذكرون لما اييلك واحد مليق من العايله اكبر منك ويقولك تبي اسويلك ساعه وانت تمدله ايدك ويقوم يعضك ذيج العضه اللي توارص منها.



    تذكرون لما كنا نصور فوري عند مصور الجمعية وطبعا غصبن عليك الخلفيه زرقه مو بكيفك ولازم تمشط شعرك بالمشط اللي عنده كله شعر وبعدين يقصلك الصورة بالآله اللي عنده ام ذراع والاطراف مشرشره يعني يكون حركه.



    تذكرون ايام حصة الموسيقى قبل كان الدرس لمدة سنه عباره عن تــــــــــافــــــــــــاتيــــــــــي فـــــــــــي تاتي والصفقه بصبعين بس .... صج كان منهج صعب.



    تذكرون لي شفت واحد عنده سيارة مرسيدس كان يحوشك فضول الا تبي تعرف شنو اكو بالصيدليه اللي ورى بالسياره ونقعد انطلطل بالسياره واخر شي يطلع( بلاستر وباندج)



    تذكرون اول يوم دوام بالمدرسه كانوا يسلمونا الكتب كلهم مع بعض وصافينهم من الكبيييييييييير لي الصغير وطبعا الكبير كتاب العلوم وكانوا يربطونهم بحبل عشان ما ينفلون مع 6 كشاكيل-



    تذكرون المعجون الصغير اللي ريحته تبط الراس ومعاه عود لونه احمروكنا نبطله بالمقلوب ونرعصه ونلف العود عليه وننفخ عشان نسوي
    تفاخيه وطبعا لاتفاخيه ولا قالها الله لين تطلع بلاعيمك منه.



    تذكرون لما كانوا الاولاد يلعبون كره مبارات بالفريج واذاكان واحد من الفريق ناقص لاعب بعد ما يبيله قولجي دفاع هجوم ماشاءالله قرندايزر مو قولجي وطبعا كان اللعب لــــــي اذان المغرب اول ما يقول الله اكبر


    تذكرون لما كنا نشوف افتح ياسمسم وانتأثر بكعكي اللي ياكل بسكوت ونشتري بسكوت كاكاو ونقعد ناكل مثله والوالده تصارخ من قمة راسها قطيــــــعه شنو هالشفاحه من لاحقكم خخخخخ.



    تذكرون يوم الجمعة ... نقعد من الصبح علشان نسمع أغنية في عالم الشعوب قصائص لا تنتهي وعالم حلو بهي يسكن في قلوب في قصص الشعوب.



    تذكرون لما كانوا بالصيف يسبحونا من الطشت والمغرافه الزرقه او الحمره لوول وانت تتنافض من البرد وتنطر متى يكتون عليك ماي اي بطل الدوش وفك عمرك....ياسلام على سياسة ترشيد المياه منذ القدم.



    تذكرون تيلفون بوقرص اللي يخيب ثناك وانت تتصل وياااااااويلك يطلع الرقم مشغول لان مافي ريدايل والله يعينك لي بغيت تدق مكالمه حق
    خدامتكم تلاقي اصابيعك اتعربك.....صج كانت معاناة بالعيشه.



    تذكرون لما نرجع من الزواره كنا انتناجر منو اللي ينسدح ورىبالسياره صوب الجام ويطقها نومه لي البيت لالا ويتحرش بخوانه ينزل ريله عليهم يعني يكون حارهم لوووووول



    تذكرون لما كنا نربط الشرشف او الفله على رقبتنا يعني يكون سوبرمان ونصعد فوق الكبت وانط على الدواشق واخر شي طاب غلط ومنكسره ايدك....

    تذكرون شريط الشراغي الاحمر اللي اذا اخترب المسدس ماله مايبيله كلام حًول على كعب الوالده وكمل عليه بالكاشي والا على عتبة الباب اخر شي الوالده مكمله عليك بالكعب لووووووول


    تذكرون لما كنا نحط قوطي السانكست بالفريزر عشان يثلج مع العصير الطوالي بونصين وكل ماتروح تبي تاخذه تلاقي الوالده منزلته تحت وماثلج.....راحت الفرحه.



    تذكرون لما كان الاولاد يغسلون الحوش بالويك اند قمة الوناسه يمسك المساحه يعني يكون بيساعد واخر شي طايحله سكيتنج على الكاشي لوووووول وبالليل رايح الاميري.


    تذكرون لما كنا نستقبل الحجاج عند الحدود من زود الفرحه واللهفه على الصوغه واخر شي جم مسواج وقحفيتين والكاميرا الحمره وسياده والبنات قطعه خام مالت هنود وساعه مينتها صغيييييييره.


    تذكرون لما كنا نحب عبدالرحمن العقل ونروح مسرحياته السندباد والزرزورر والف باء تاء ولما الحرامي يكون وراه نصرخ من قمة راسنا ورااااااك وراااااااك واهوا يقول وينه وينه يميييييين يميييييين....ياعيني على الاستهبال.



    تذكرون عزايم قبل والصماط المفروش على كبر الحوش اللي علىصورة ميوه ( فواكه ) وريحته لازم ريحة مطبخ وقاعدين على المده اللي لي قمت تلاقي ريلك كلها شخوط من المده....ياخي شنو هالزهد بس.


    تذكرون لما هبينا في اغنيه البحريني سليمان الزيمان ولييييييييي في ربوووووووع الشمال غرام حي وزنبقه طاهره وحاطين المسجل على قاري منتزه الخيران وحد الصوت العالي وطيحله فراره بالمنتزه



    تذكرون لما يبلشون الشباب يدخنون زقاير كل واحد حاط باكيت بمخباته ولافه بكلينكس عشان ما يبين من الدشداشه الصيفيه ولي شاف واحد من الربع يدخن يسأله السؤال المعهود (ها فلان تكنها ولا ما تكنها ) لووول شدعوه شي زين عاد ..وكان لازم مالبورو احمر شعار الرجوله.


    تذكرون ايام الدراسه قبل يعني يكون بنشد حيلنا بالدراسه ونشتري قلم فسفوري اصفر ولا برتقالي عشان نظلل على الشي المهم اخر شي مظللين
    على كل الكتاب وين الشي المهم مادري لوووول.


    تذكرون ايام الكشخه قبل كانت عباره عن سيارة هوندا بيضه اكورد باب واحد ولازق على الرقم من ورى شعار نادي الكويت يعني كووول وولد العاصمه والمشط بالدرج اللي على قبضة يد حق الجاكسون وحاط بالمسجل فرقة الدانه ولا عبدالكريم.

    تذكرون لما تطوروا الشباب بالطلعه عقب سوق الديره والعماره البيضه قاموا يروحون الصالحيه ويدشون محل محل ويتطمشون حجي هذا بجم وهذا بجم) لين يطردهم راعي المحل لما يعرف ان المخباة مافيها الا 1.500 حق الرده يا بالتاكسي ولا وانيت.



    تذكرون اول ما يبوق الصبيان سيارة الوالد كانت الريل اليمين على البانزين والريل اليسار على البريك من الثواره .... ولازم طبعا يمر على الربع بالفريج ايتشيحط عليهم....واديلوووووو بريك وبانزين


    تذكرون لما كانت جائزة البيبسي سياره بالمغاطي مالت البطول كنا الظهر نروح الحوش الوراني ونبطل السحاحير كلها وبعدين نرد نسكرهم اي كلام جود الغازات كلها طايره ومتبخره وصاير ماي مايوه.



    تذكرون لمايقول الاستاد ان هذي الصفحات ملغيه ايوااااااااااا تعال شوف التشخط اللي على الصفحه من فوووووووووق لي تحت ولا انشقها خير شر من الكتاب.....شدعوه هالحقد عاد......


    تذكرون لما اتهاوش مع ولد جيرانكم وتقوله وخرعن بيتنا وعن رصيفنا يقولك مو رصيفكم هذا رصيف الحكومه
    كلام منطقي الصراحه , لووول ويقعد يحوس جبال بيتكم ويمر يمك ويقولك ماحشتك ماحشتك خخخخخ.



    تذكرون كمبوتر صخر 170 لما حنينا على الوالد عشان يشتريه عشان يساعدنا بالدراسه اخر شي محولين على لعبة الاميره ام الخواتم ورامبو اللي يطير الطياره ولي دش الوالد حطينا شريط بنك المعلومات يعني استفاده لوووول.


    تذكرون لما يروحون الصبيان السوق مع الوالد يشتري لهم خامات حق العيد ..اخر شي شاري طاقه كامله نفس اللون وتشوف باول يوم العيد من الوالد لي الاخو الصغير نفس الدشاديش (تقول فرقة التلفزيون لوووووووووووووووووووووووووول.)



    تذكرون لا بغوا الشباب يشيلون حديد قبل يعبون قواطي نيدو اسمنت ويحطون بينهم بايب حديد وهووووووووبا واخر شي منكسر ه ظهورهم....
    لووووووووووول.


    تذكرون المسجله السوده مالت استاد الانجليزي لي دش علينا فيها قمة الوناسه اليوم ليسيننج يعني مافي اسئله ورووووح سكشن فايف.....
    ترررررن تررررررن سكشن فايف.....هاي سوبر فالكون ههههههههه.



    تذكرون السشوار البيج بو جنطه بيضه تقول لاب توب مع الهوز جنه خرطوم طياره ( تشغله قبله بيوم عشان يصير حـــار.)..لوووووووووول


    تذكرون الكشكول الادعم اللي في صوره بابا جابر الله يرحمه ومن ورى صوره بعير والمسجد اللي بالضاحيه .
     
  2. بتـ 26 ـرول

    بتـ 26 ـرول بـترولـي نشيط

    Hello my dear,

    I could not stop my self from laughing lots of times till my stomach killed me :D

    What a wonderful subject.

    But, unfortunately I did not catch that time, although every body is loving it :)

    I believe that time was so pure than this time.

    Thanx El-Jawharah, you are really the soul of our site.

    Many thanx my dear.
     
  3. جابر

    جابر قــلــم بــتــرولــي أعضاء الشرف

    يعطيج العافيه يالجوهره...فعلا ..شغلتى شريط ذكريات قديم ومغبّر
     
  4. DreaMnt

    DreaMnt بـترولـي نشيط جدا

    160
    0
    0
    تذكرون شريط الشراغي الاحمر اللي اذا اخترب المسدس ماله مايبيله كلام حًول على كعب الوالده وكمل عليه بالكاشي والا على عتبة الباب اخر شي الوالده مكمله عليك بالكعب لووووووول




    هعععععععععععععععععععععععععععععععععععععععععععععععععععععععععععععععععععععععععععععععععععععععععععععععععععع

    والله اذكره ؟

    احلى مو ضوع بالمجره واللههههههههههههههههههههههههههههههههههههههههههههههههههه؟
    هععععععععععععععع
    هععععععععععععع
    ههعععععععع
    هععععع
    هععع
    هع

    بس























    هع
     
  5. Workers

    Workers إدارة المنتدى

    7,767
    30
    48
    ذكر
    الكويت
    يازين الماضي

    ماشاء الله تبارك الله طويله القائمة قريت البعض منها



    :D:D اذكرها طبعا :D:D

    :D:D مجربها :D:D

    شكراً الجوهرة :)




    -يتبع-
     
  6. MamLOoO7a

    MamLOoO7a بـترولـي مميز

    اي والله ذكرياااااااااااات ياحلوها من ذكريااااات

    وكنت ابدع ببنك المعلومات وناسه صخر ياعيني على ايام زمان

    ليت ذيج الايام تعووود:)
     
  7. كريستاله

    كريستاله بـترولـي خـاص

    1,358
    0
    0
    وناسه
    حلوه هالذكريات
     
  8. كنبس

    كنبس بـترولـي مميز

    814
    0
    0
    ذكرتينا بالى مضى الجوهره
    تذكرون لما كان الاولاد يغسلون الحوش بالويك اند قمة الوناسه يمسك المساحه يعني يكون بيساعد واخر شي طايحله سكيتنج على الكاشي لوووووول وبالليل رايح الاميري

    حلووووووووووووه ياما تكسرت ايدنا وريلنا من التزحلق
     
  9. المحترف33

    المحترف33 بـترولـي مميز

    676
    0
    0
    ذكرتينا في ايام الطفوله الجميله ~~~

    تذكرون لما يكون باجر العيد نتسبح بالليل ونلبس ملابس داخليه جديده ونبي نمام ومايينا نوم
     
  10. بوشاهين

    بوشاهين بـترولـي نشيط

    106
    0
    0
    Hydrographic Surveyor
    Kuwait
    اي والله راحت ايام حلوه وبسيطه
     
  11. SAD_SHU

    SAD_SHU بـترولـي خـاص

    2,276
    0
    0
    تذكرون لما كانوا الاولاد يلعبون كره مبارات بالفريج واذاكان واحد من الفريق ناقص لاعب بعد ما يبيله قولجي دفاع هجوم ماشاءالله قرندايزر مو قولجي وطبعا كان اللعب لــــــي اذان المغرب اول ما يقول الله اكبر


    تذكرون لما كنا نشوف افتح ياسمسم وانتأثر بكعكي اللي ياكل بسكوت ونشتري بسكوت كاكاو ونقعد ناكل مثله والوالده تصارخ من قمة راسها قطيــــــعه شنو هالشفاحه من لاحقكم خخخخخ.



    تذكرون يوم الجمعة ... نقعد من الصبح علشان نسمع أغنية في عالم الشعوب قصائص لا تنتهي وعالم حلو بهي يسكن في قلوب في قصص الشعوب.

    اي والله
    عادالأغنية طلعت من غناء أصالة
     
  12. عباس بن فرناس

    عباس بن فرناس بـترولـي نشيط جدا

    350
    0
    0
    ودى أعرف ........... سالفة الزقاير اتكنهه والاماتكنهه ............... اشدراج ياشقيه ........ باقى اتقولين تحت طوفة المحول .. لوووووووووووول
     
  13. LaRambla

    LaRambla بـترولـي خـاص أعضاء الشرف

    2,041
    3
    38
    موضوع جميل

    لكنه قديم ومنقول
     
  14. brilliant

    brilliant المـراقب الـعـام

    8,477
    0
    0
    Engineer
    Kuwait
    اذكر اغنيتها تغنيها اصالة نصري

    [​IMG]

    من كل بلاد الدنيا، من كل بقاع الارض
    قصص شتى، تروى حتى
    نعرف اخبار الانسان والكل هنا جيران
    فأذا زرناهم بالصورة في احلى دنيا مسحورة
    كي نتسلى، صرنا احلى..
    او في قصص الشعوب..في قصص الشعوب،
    طرائف لا تنتهي وعالم خير بهي
    يسكن في قلوب، في قصص الشعوب


    __________________________

    وتذكرون هالكرتون

    نيلز
    [​IMG]

    خرجت بومبو من بيضتها :p
    [​IMG]
     
  15. النوخذه

    النوخذه بـترولـي مميز

    517
    0
    0
    مراقب
    الكويت
    السلام عليكم
    خوش موضوع وذكريات حلوه بس كلها ذكريات صبيان من وين ناقلتها يا الجوهره
    اعترفي
     
  16. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    زمن جميل

    زمن البراءة

    زمن الطفولة :)
     
  17. ابوشنب

    ابوشنب بـترولـي نـشـيط

    191
    0
    0
    تذكرون دعاية أبندارادو الزلمات اللي لبسين سليبات كنا ننقد عليهم ونقول مو رياييل
     
  18. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    شوفوا الحلوين

    شوفوا إيه لابسين

    أبندرادو

    الإسبانية
     
  19. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    هذي ايام حلوة لانها كانت ايام طفولتنا الواحد ماكان عنده هم و قلبة نظيف و نيته صافية اياام كانت كلها برائة و لعب و وناسة ... عن نفسي بضل بهالايام لين يوصل عمري 40 : )
     
  20. الجوهرة

    الجوهرة بـترولـي خـاص أعضاء الشرف

    3,136
    1
    0
    بت26ول
    جابر
    DreaMnt
    Pickw
    مملوحة
    كريستالة
    [​IMG]
     
جاري تحميل الصفحة...

مشاركة هذه الصفحة