قصيدة المصرب من شيوخ قبيلة عنزه قصيده عجيبه

الكاتب : القائد | المشاهدات : 774 | الردود : 10 | ‏8 مايو 2008
  1. القائد

    القائد بـترولـي خـاص

    2,089
    0
    0
    السلام ياكرام

    هذى قصيدة المصرب احد شيوخ قبيلةعنزة
    يرد فيها على واحد قلل من شأن قبيلة عنزة


    ياللي تقول الهرج من دون تفكيـر
    قلي وش اللي من ورى الهرج ناوي
    أن كنت ناوي خير تصبح على خير
    وان كنت ناوي شر..جتك البـلاوي

    علمك هفا بك هفوة الدلـو بالبيـر
    ولا انت بكفو حتى تقص الخطـاوي

    عيب ٍ تسمـى بالرجـال المناعيـر
    وعيب ٍ تشوفك لابسـات الغطـاوي

    حنا عنزه جينا على حـزة عصيـر
    نشرب مرار السم شرب ..القهاوي

    وقت اللقا جينـا نصـف الطوابيـر
    نصرخ ونرفع صوتنا ..بالعـزاوي

    تاريخنا بالمجد نـار ٍ علـى النيـر
    ماهي سوالف صاغها عقـل راوي

    عند الصحيح ندوس خشم المحاذير
    غاياتنا أبعد مـن كثيـر الهقـاوي

    وعلومنا أصفى من حليب المغاتيـر
    وألذ وانقى مـن تمـور الحسـاوي

    وأفعالنا أزكى من نبـات النواويـر
    وأوضح من وسوم الطبيب المداوي
    من دور أبونا كليب مع سالم الزيـر
    وحنا نشرب كيدنا كـل ....غـاوي

    من يحترمنـا يبشـر بكـل تقديـر
    ويلقى بحمانا كـل رجـل ٍ مخـاوي

    بالطيب مانقـدر نقيـس المعاييـر
    لطيب قسمـه بيننـا ...بالتسـاوي

    والطير مايقرب فـروخ العصافيـر
    لاصار حر ومـن طيـور النـداوي

    وإلا انت عادي لو يجي منك تقصير
    ضيعت وقتك بين هنـد ومضـاوي

    وأصبح خطاك بحق ربع ٍ مشاهيـر
    مثل الخجل في وجه رجل ٍ حيـاوي

    قد قالها مـن مـر عمـان والديـر
    خسارة اللي حط طيبـه بشـاوي !

    وسلامتكم
     
  2. Blue angel

    Blue angel بـترولـي خـاص

    تسلم ايديك على القصيده الحلوه ، يعطيك العافيه :)
     
  3. القائد

    القائد بـترولـي خـاص

    2,089
    0
    0
    العفو بلوووووووووووو
     
  4. MamLOoO7a

    MamLOoO7a بـترولـي مميز

    حنا عنزه جينا على حـزة عصيـر
    نشرب مرار السم شرب ..القهاوي

    والنعم والله بعنزه وباقي القبايل

    لاهنت وصح لسانك
     
  5. القائد

    القائد بـترولـي خـاص

    2,089
    0
    0
    ثانكس عالمرور والتعليق
     
  6. النوخذه

    النوخذه بـترولـي مميز

    517
    0
    0
    مراقب
    الكويت
    كل قوم ولا عنزه ونعم القبيله من يسمع ويشوف
     
  7. القائد

    القائد بـترولـي خـاص

    2,089
    0
    0
    هذا من طيب اصلك والنعم بالجميع ومشكور نوخذه
     
  8. العابر

    العابر بـترولـي خـاص

    كفو كفو يا اعيال وايل
    ماينقص في حق قبيله مثل عنزه إلا واحد ناقص

    كفو
     
  9. HUMMER

    HUMMER بـترولـي خـاص

    طيب طيب وصح لسانك اخوي
     
  10. القائد

    القائد بـترولـي خـاص

    2,089
    0
    0
    شاكر للجميع تعليقاتهم
     
  11. بوغدير

    بوغدير بـترولـي مميز

    814
    0
    0
    ونعم بعيال وايل......خوش قصيده...يستاهلون (((عناز))
     
جاري تحميل الصفحة...

مشاركة هذه الصفحة