كـــــــــــــــــــــفايه يا جماعه كـــــــــــــــــــــفايه..؟؟؟

الكاتب : jemi | المشاهدات : 1,037 | الردود : 17 | ‏8 مايو 2008
  1. jemi

    jemi بـترولـي نشيط جدا

    239
    0
    0
    السلام عليكم

    والله يا جماعه شى يحز بالخاطر من الى شفته فى هذا المنتدى من صراع وتجاذب بالكلام والنوايا الى يعلم فيها الله والحسد الله يكافينا شر الحسد وكل واحد يمدح او يذم النقابه الحاليه او السابقه يا جماعه هذا والله ما يجوز شوفو حقوقنا الضايعه عند الشركه نفط الخليج وانا مسميها شركة ( الحــــــــــــــســــــــد ) شوفو اشلون تعامل الكويتيين فيها ولا الاجانب ماخذين حقوقهم احسن منا كـــــــــــــــــــــفايه يا جماعه كـــــــــــــــــــــفايه نبيكم تصفون القلوب.
     
  2. جابر

    جابر قــلــم بــتــرولــي أعضاء الشرف

    هلا jemi وحياك الله بين إخوانك ، إنت خفجاوى ولا وفراوى ولا أحمداوى :D

    بالنسبة للى تشوفه ( النقاشات الحاده)، هذى ضريبة الإتصال ..لكن تظل فوائده أكثر بكثير من مضاره.
    وجود مثل هالمنتدى فتح فرصه كبيره للإتصال ، والمشاركات منها الكثيره فيه فايده عمليه.

    اما بالنسبه لحقوقنا الضايعه عند الشركه فهذى موكل ومؤتمن عليها النقابه الحاليه ..يعنى بعلم الغيب

    وضعنا الحالى ...ماكو معلومات ..ومانعرف نقابتنا الحاليه شقاعده تسوى ..ورافضين يبلغونا بأى شى ..
    وهذا اللى يغذى هالنوعيه من النقاشات ..


    لكن على العموم مايضيع حق وراه مطالب
     
  3. RADAR2

    RADAR2 بـترولـي نشيط جدا

    179
    0
    0
    ياجابر ،، الله ،،، ما الراجل ألك كفاية ،، بترجع ورا ليه ؟؟؟
     
  4. جابر

    جابر قــلــم بــتــرولــي أعضاء الشرف

    كلامى مافيه غلط :mad:

    الشخص اللى يبى يتقدم ...لازم يكون عارف هو وين واقف ..;)
    تحديد موقعك ..عمره ماكان رجوع للخلف ..بالعكس هذى أول خطوات العاقل اللى هدفه التقدم:)

    أما اللى يبى يظل ثابت ..بدون حركه ..ويبى يكسب وقت ..يمكن يجيب الله مطر ..فهذا شى ثانى ;)

    ..بس حلوه إختيارك لهالمشاركه علشان ترد :rolleyes:
    وين باقى العلوم يارادار...شفت شى بعينك بجدور الشباب.....والا مغير ما ...:D
     
  5. RADAR2

    RADAR2 بـترولـي نشيط جدا

    179
    0
    0
    أنا أشهد أن القدور ملايا ،، والعلوم خبايا ، والحظوظ عطايا ، وعجلة القوم منايا ،،

    والصبر هدايه ،، والمكاسب العمالية غاية ،، لكن من يجدف مع البحاره !!
     
  6. حاطب ليل

    حاطب ليل بـترولـي نشيط جدا

    213
    0
    0
    إذا جادين
    النوخذة والبحارة
    كلنا نجدف بيد ما تتعب
    بس يقول وين رايح
    لكن نجدف ونروح للي بننحاش عنه
    ما احد يرضى
     
  7. RADAR2

    RADAR2 بـترولـي نشيط جدا

    179
    0
    0

    وش اللي بننحاش منه !!! اعتقد ياحاطب ليل خانك التعبير !! تقصد بننحاش إليه
     
  8. حاطب ليل

    حاطب ليل بـترولـي نشيط جدا

    213
    0
    0
    يا أخوي يا رادار2
    اللي بننحاش عنه اللي ما نبيه يصير
    مثل
    تضييع حقوقنا
    عدم متابعة اللي المفروض نتابعه كنقابه
    هذا اللي ما نبي نجدف ويا نوخذة
    ما عنده ديرة ( يعني بوصلة بالعامية الكويتية)
    ما نبي نوخذة
    المفروض يودينا
    كراتشي
    و الأخ يهد حيلنا بالتجدف
    وبدال ما نروح كراتشي
    يودينا بو شهر
    ولا وصلنا بو شهر
    هاه شالسالفة يا نوخذانا
    يحك راسه ويقول
    ما دريت
    ليش ما احد تكلم
    هذا اللي قصدته
    وسلامة فهمك
     
  9. جابر

    جابر قــلــم بــتــرولــي أعضاء الشرف

    ردينا إلى طير ياللى .. مهى سوالف
    بس عزالله إنك جبت نصها ...العلوم خبايا ، والحظوظ عطايا ..مامن شطاره تجيبها ...إن ماجابها حظ

    أما القدور اللى تشهد عليها ...ما أظنها نفس القدور اللى نتكلم عنها :rolleyes:

    لأنه القدور اللى تطبخ صارله 45 يوم ...ومحد شاف فيها شى .. ولا شم ريحه ..ولا شاف أحد (يحترف ) عليها ...يمكن حتى ما مافيها ..

    لكن ..حنا نسولف ..ولازلنا ننطر..

    وبعدين ليش تدور بحاره ...وأنت بديت تكلم عن القدور ..شنو تدور خضره بالهند ...:D
     
  10. نقابي 7*

    نقابي 7* بـترولـي نشيط جدا

    227
    0
    0
    بوقتاده والشوعي

    وعند مايك مبلتع الخبر اليقين
    صرح مايك مبلتع بان تم مشاهدة الكادر في مساء هذا اليوم الموافق الثالث من جمادي الاول مقابل مجلس الامة على شارع الخليج العربي وسوف تكون مدة استقامته 4 دقائق ، وفي هذه الاثناء تم الاتصال على النقابة ليتم تبشيرهم ولكن لم يكن هناك احد من الاخوة الزملاء.
    وهناك رواية اخرى تقول بان الكادر سوف يصل على البوم الشوعي بقيادة النوخذة البحرى بوقتاده في وقت متأخر من عام 20000080ا لان النوخذه صاحبنا مو عارف وين يبندر خصوصا انه اول مره يسوق شوعي ولم يستعن بامين سر الشوعي وذلك لانشغال الاخير بقضايا اخرى
    يا اخوان حسب المعلومات الي حصلنا عليها بان النقابة بانتظار الكادر وان الكادر عند الشويب للتوقيع من 12 يوم تقريبا بس لان المؤسسة عرفت بان الاخوان في النقابة يحبون المفأجأة قالوا نفاجأهم بالكادر وهم نيام ويقومون من النوم ويصرحون بالانجاز مثل الرسالة الي جاتنا بخصوص المشاركة بالنجاح وتستمر الانجازات يا بابا اي انجازات اي بطيخ خلوها على الله ونعم بالله
    انا عندي لكم راي خلونا نستفيد من خبرة الاخوان في السودان والمعروف عنهم بانهم شعلة من النشاط ههههههه
    يعنى نبتعث بعض الاخوة من النقابة الى السودان نعمل بطولة الكسل بين النقابة والفريق من السودانيين وان شاء الله راح يتفوق فريق النقابة
     
  11. RADAR2

    RADAR2 بـترولـي نشيط جدا

    179
    0
    0

    الحظ والصيت والسمعة والقبول كلها عطايا من الله ،،،،،

    وبعدين شنو ناطر ،، المشاركة في النجاح جات ،، ةالكادر في الطريق ،، وفرق العملة بتاتي !!

    فخليك بالبيت ياجابر ،، أو جدف مع البحاره ،،، والتجديف معناه أنك تكف وتلف !!
     
  12. جابر

    جابر قــلــم بــتــرولــي أعضاء الشرف

    خل البحر لأهله ...هم أدرى وش فيه
    ومشاركة النجاح ...تبى تعدها من منجزات النقابه ...والله عجيبه :D
    وفرق العملة ....هم تبى تعده من منجزات النقابه ....
    هذا وأنت تدرى..متى رفعت القضيه ومتى ربحت ..الله يعين لو إنك ماتدرى وشتبى تقول ...:D
    اما الكادر ، جزا الله خير كل من سعى فيه ، وجزاه الله خير اللى بلغنا إنه عند الشويّب صار له 12 يوم ..ربك يجيبه..

    أما سالفة شنو ناطر ...مانى طاق بابك ياخوى...أطلبك إعانه ..والا أشحذك ..عطيه..

    هذى حقوق لنا ...تنجاب لنا ...وإن ماجت نغير ربعك بناس أحسن منهم ..

    أما البيوت ...نعرف متى نقعد فيها ..ومتى نخلي النوم فيها علشان حقوقنا...
    والتجديف بليا سنع ولابوصله ...حصيلتة تعب وقلة رجاء ...
    واللى يصعد المركب و يجدف وعيونه مغمضه ...هذا مهبول ..يكرمون الرجال .
     
  13. jemi

    jemi بـترولـي نشيط جدا

    239
    0
    0
    السلام عليكم

    والله يا جماعه انا كتبت هذا الموضوع لوقف هذى التصرفات التى لا تنفع ولا من ورائها اى فائده غير العداوات والكره فى النفوس لكن الظاهر الجماعه حزبين حزب النقابه القديمه واخص بالذكر الاخ جابر وحزب النقابه الجديده الاخ الرادار .... يا اخوان ليش ما تعطون النقابه الجديده فرصه وهى لم تكمل حتى 50 يوم من استلامها..!!
    وارجو من الاخوان يخفو على بعضهم بعض واذا فيهم نشاط زايد عليهم بادارة الشركه الى مهضومه حقوقنا معاها ( اهل الخفجى )
    وارجو لجميع اخوانى التوفيق.
     
  14. جابر

    جابر قــلــم بــتــرولــي أعضاء الشرف

    حياك الله يا jemi وضعى غير وضع رادار ..جزاك الله خير
    لو أنا بمكان رادار ..ودفاعى عن حق ..كان جبت المعلومات من النقابه بدال السجال ..

    أما النقابه ..نقولها للمره الألف ...نعطى فرصه للإنجازات ...
    لكن ..نقابتنا صم بكم ..50 يوم مثل ماقلت ..ولا قالوا شى ..
    حتى الأحكام اللى جتهم على الجاهز ..
    مافيهم واحد عنده الجرأه يقول راح نتابعها بهالوقت ..

    تقول عطوا النقابه فرصه ...مافيه أحد من النقابه يتجرأ ويقول عطونا فرصه ..
    تدرى ليش..لأن الناس أول ماتشوفه راح تسأله أنتم وين وصلتم وشنو سويتم .....
    وهالسؤال محد قادر يجاوب عليه منهم من 50 يوم ....

    للعلم : على الرغم من بعض المشاركات النشاز ..يظل المنتدى أفضل وسيلة إتصال وجمع المعلومات للعمال

    وسلامتك
     
  15. RADAR2

    RADAR2 بـترولـي نشيط جدا

    179
    0
    0

    على فكره أخ jemi أنا لست مع أحد ضد أحد !!! ولكن في نفس الوقت أنا ضد كل إنسان منبت !!

    والمنبت هو المتعجل الذي لا واديا قطع ولا ظهرا أبقى !!!

    منذ متى كانت تعد إنجازات النقابة بالأيام !!!! خمسين يوم ونبدأ الحساب !!! هذا منطق أعوج ؟؟؟

    نحن لا نحابي أحد ،، ولا نتبع أحد ،، ولكن نحن مع الحق اينما دار !!

    فإذا مضت المدة المعقولة دون أن نرى إنجازا في الأفق أو حلا لقضية ما !! ! ساعتها نقول كلمة الحق

    ما في القدر غير مي !!! وقدر الضغط طلع منسم !!! وحتى ذلك الحين اضم صوتي لصوتك وأقول

    كفاية
     
  16. العوضي

    العوضي بـترولـي خـاص

    1,054
    3
    0
    عطو مجلس النقابة الجديد فرصه لان هم مو مقصرين
     
  17. جابر

    جابر قــلــم بــتــرولــي أعضاء الشرف

    هلا بالعوضى ..مستعدين نعطيهم ..مو فرصه ...الا فرصتين .:D..
    بس خلهم يتكلمون ..بس خلهم يقولون شى ..


    تعتقد الشخص اللى ماعنده جرأه يتكلم ، يستحق تصبر عليه :mad:

    أنت شفتهم سووا شى ..تعرف عن مطالباتنا والأحكام اللى جت ،
    فيه أحد قاعد يتابعها :confused:
    قول يامعود ..

    حنا شبعنا من (اشباه المستأجرين) - تكرم طبعا - اللى يهاجمونا لأننا نطلب بيانات والا معلومات ...
    لاحظ ..نطلب معلومات ...مو إنجازات ...ومو خالصين ..من عوير وزوير.

    لحد يقولك يالعوضى إن اللويه اللى صايره بسبب مطالبة الشباب بالمنتدى بإنجازات ...العالم قاعده تطالب بمعلومات
     
  18. جابر

    جابر قــلــم بــتــرولــي أعضاء الشرف

    نقول للى يأجل كلمة الحق ...إلى أن يناسبه الوضع
    الحق اللى مايقدمه راعيه الا مجبور..يوم الوقت يضايقه ...ينوخذ بلياه..

    ونقول للى يقول .. جدوره طلعت منسمه ومافيها غير (مى)
    والله ماظنينا فيها شى ..ولو (شكينا) مجرد شك إن فيها شى ، ماتكلمنا ..

    ربك يجيب اللى فيه الخير ، ومايموت حق وراه مطالب
     
جاري تحميل الصفحة...

مشاركة هذه الصفحة