8500 ناخب اقسمو للتصويت لقائمه

الكاتب : as310 | المشاهدات : 1,984 | الردود : 31 | ‏8 مايو 2008
حالة الموضوع:
مغلق
  1. as310

    as310 بـترولـي نشيط

    51
    0
    0
    --------------------------------------------------------------------------------

    اليوم الخميس 8 - 5 - 2008

    وصل اجمالى من اقسمو للتصويت لتحالف ( سهمك )

    8500 صوت

    الجدير بالذكر ان تحالف سهمك يضم كل من ( المطران + بنى هاجر وقحطان + الكنادره + السهول والسبعان )

    بالتوفيق للجميع

    المصدر :- جريده الوطن لنفس اليوم



    -------------------------------------------------------------------------------

    ياخوان اتقوو الله في انفسكم مايجوز تحلف حرااااااااااااااااااااام


    تحلف انك تعطي انسان ماتعرفه شلوون ياخوان والله حرام

    كلنا نعرف بعض وبعضهم مايستاهلون الصوووت

    اول شي هلا الرجل يخاف الله

    اسئل عن صلاته هل هو راعي مشروب هلا هلا هلا لخ

    يا اخوان اتقووا الله في انفسكم

    انا واحد مارح احلف لو يصير مايصير فيه احسن
     
  2. العابر

    العابر بـترولـي خـاص

    ياخي والله والوحد يالله إنه يشيل ذنوبه هالمره يحلّف خلق الله وياخذ ذنوبهم الله يرحم الحال
    الناس قامت تجري ورا الدنيا الله يكافينا الشر
     
  3. عباس بن فرناس

    عباس بن فرناس بـترولـي نشيط جدا

    350
    0
    0
    تعتقد يا أخ as310 فى هذا الوقت أحد يهتم للى ذكرته ياعمى محد ايهمه الا قبيلته والا مذهبه والا ولد عمه والا صاحبه وصدقنى ياكثر التعيسين الى راح ينجحون عسى الله يرحمنه برحمته .
     
  4. seal-oil

    seal-oil بـترولـي نشيط جدا

    161
    2
    0
    السلام عليكم ورحمة اللة وبركاتة

    الحلف والقسم صاير ذالأيام موضة كلن من عندة يحلف
    ولا ويقولون نبي مخرجات طيبة هذا الفساد بعينة
     
  5. BURGAN

    BURGAN بـترولـي نشيط جدا

    181
    0
    0
    اخوي بعض الناس للأسف عندهم القسم أسهل من شربة الماي هذا اولا ثانيا لا تصدق كل شي تقوله الصحافه وخصوصا هالجريدة اللي انقلبت 180 درجة بعد خروج محمد عبدالقادر الجاسم منها
     
  6. نمر بن عدوان

    نمر بن عدوان بـترولـي نشيط جدا

    268
    0
    0
    شلون تسأل عن صلاته وهل هو راعي مشروب.........


    شالقصة البايخة هذي


    عمرك سألت احد المرشحين اللي عطيتهم عن المشروب

    ارجو اجابتي وشكرا


    لا زال بعض الناس فاهم الدنيا غلط..................
     
  7. as310

    as310 بـترولـي نشيط

    51
    0
    0

    عيل شنو اسئل عنه اذا انسان مايصلى ولا يخااف الله شلون امن منه اخي العزيز


    شلون عمرك سالت كلنا اهل اقريااا وكل يعرف اخيه اخووي والكل يعرف بارك الله فيك



    والله يهديهم وبارك فيهم ويصلاحهم ان شاله
     
  8. LorD

    LorD بـترولـي جـديـد

    44
    0
    0
    عسى الله يوفقهم


    تحالف قوي وأرعب الباقين :)


    والظاهر الشباب اللي مو عاجبهم هالحلف تبع حزب الخمه :)
     
  9. العابر

    العابر بـترولـي خـاص

    الله يجزاك خير حنا والله نتكلم بعين العقل والمنطق
    ماقصرت اخي عالظن السليم والاسلوب الأجمل
     
  10. جابر

    جابر قــلــم بــتــرولــي أعضاء الشرف

    كل على همه سرا .. ;)
    هالسالفه صارت أيام إنتخابات 2003 (الرقه وهديه) ..وتحالف الكندرى وعكاش وإستخدم نفس الإسلوب ..(اليمين)
    طبعا القبيله المتضرره (اللى نازله ضد عكاش والكندرى) ..سألوا المشايخ الى أن طاحوا على حديث :
    مو يحرم الحلف ..لكن (يبيح النكوث فى اليمين فى حالة وجود -مرشح أفضل) وحطوا لوحه غطت الدوار كله أمام المدرسه اللى فيها الإنتخابات ...ويقولون تزهلوا بالكفاره :D..بس مانجحت الخطه ..ونجح عكاش والكندرى ..
    نفس الشى قاعدين يتبعونه المتضررين حاليا ..لا وأخذوها زياده شوى ..بدو حتى يحرموون اليمين .
     
  11. وسيع البنايد

    وسيع البنايد بـترولـي جـديـد

    25
    0
    0
    يااخوان الحلف ضمان للتحالف وبعيد عن كلام قيل وقال
    انا اايد الحلف اذا انت شخص مع الحلف وربعك من ضمنه ليش ماتحلف
    الحلف اقوى وسيله للشائعات
    وانا اشوف هالتحالف اقوى تحالف وانشالله فالهم الاربع مناصب في مجلس الامه
    والوعد قدام
     
  12. seal-oil

    seal-oil بـترولـي نشيط جدا

    161
    2
    0

    حتى الفتوى صارت دارجة ذالايام ياأخوي مايجوز هذا الكلام
     
  13. جابر

    جابر قــلــم بــتــرولــي أعضاء الشرف

    إذا القصد بالتحريم الإلتزام
    شنو الفرق بين الإلتزام بين الرياجيل والحلف باليمين على الإلتزام ..
    الرجال ..ماراح يغير كلمته ...واليمين تطمن الشخص الأخر ..

    إذا القصد بالتحريم القسم نفسه :
    كلمة المسلم عهد وكانت تغنيه عن القسم
    اليوم القسم ضرورى لتبيان النيه ..

    والناس اللى طلعوا الفتوى ، نفسهم ، يقولون حنا مو حزب دينى ، حنا حزب سياسى .
    وفك التحالفات ..عن طريق إثارة الشبهات يكسبها الشى الكثير و الإلتزام بالتحالفات يخسرها .

    كل على همه سرى ..والتراشق بالأيات والأحاديث والفتاوى أصبح سلاح للعابثين فى سبيل كرسى مجلس الأمه

    مهى فتوى لأن الفتاوى ماتؤخذ بهالطريقه لكن رأى شخصى قريب من الصواب
     
  14. jdeea12

    jdeea12 بـترولـي جـديـد

    12
    0
    0
    ياجماعة الدين يسر وليس بعسر وبعدين كل الذين نازلين الانتخابات مسلمين وكما تعلمون المسلم القوي خير من الضعيف ونحن امة وسط وبالنسبه للقسم هل يعطى الصوت لمرشح كافر وهل التزكيه تكون على مظهر المرشح العام وماهو الفرق بين المجلس المنتخب وتشكيل الحكومة وهل كل من يجلس على الكرسي يستحقة
     
  15. as310

    as310 بـترولـي نشيط

    51
    0
    0


    بااارك الله فيك اخي العزيز


    العهد للى بيني وبينك الصلاه فمن تركهاا فقد كفر

    اذا مايصلى شلووون اعطيه صووت

    واذا راعي خرابيك اعطيه صووت

    اذا بعطيه صووت وينجح بكره في المجلس راح يبيع كل شي ولا يهمه المواطن


    لا طالع فلان وفلان طالع ربك اخي العزيز بكره راح يحاسبك ربك وللى مايخاف من الله سبحانه خف منه اخي بارك الله فيك
     
  16. الوايلي

    الوايلي بـترولـي نشيط

    58
    0
    0
    على الفكره
    الخبر وصلني يوم الجمعه من مرشح
    والله على ما اقوله شهيد
    يقول ان اكثر الي قسموا ادفعووا كفاره
    وهذا يدل على ان التحالف مفكك
    وترا كل التحالفات شكليه بس
    والله يوفق الاصلح انشالله سوءا بدوي ولا حضري ولا سني ولا شيعي
     
  17. almared

    almared بـترولـي نشيط

    70
    0
    0
    اللي أعرفه ومتأكد منه ...

    أنك اذا حضرت للقسم ممكن تقسم عن نفسك وعن زوجتك وعن أخوك وأختك ووالدك ووالدتك وأبناءك !!

    فهل تعتقدون هذا القسم سيكون ملزم لكل من أقسم عنهم :)
     
  18. وسيع البنايد

    وسيع البنايد بـترولـي جـديـد

    25
    0
    0
    اولا على فكره في القسم تحلف انك ماتدفع كفاره
    ثانيا التحالف قوي وراح تثبت لك نتايج 17/5 وراح تنصدم من النتيجه
     
  19. وسيع البنايد

    وسيع البنايد بـترولـي جـديـد

    25
    0
    0


    نعم يكون ملزم الرجل يقسم عن زوجته وامه ويكون عندها خبر بهالقسم

    من كان له حيلتن فليحتال وانا اقول مهما تكلمتو الايام القليله راح تبين لكم مدى قوت هالتحالف
     
  20. العابر

    العابر بـترولـي خـاص

    أعتقد ياجماعه ولي حرية الرأي وإعتبروها مجرد وجهة نظر
    تحالف سهمك بيجيه وعد أغبر


    أتمنى محد ياخذها بحساسيه

    شاكر لكم
     
جاري تحميل الصفحة...
حالة الموضوع:
مغلق

مشاركة هذه الصفحة